茶木‧台式休閒餐廳 (iSQUARE國際廣場)

营业中

休息中

星期日午飯時間來到i-sqaure揾嘢食，見到茶木唔駛排隊，梗係狗衝啦， 事關呢間野其他分店日日大排長龍。 入內，侍應安排坐卡位，餐牌選擇甚多，特別係台式飲品， 不過都係點了最基本的黑糖珍珠奶茶，另外點了滷肉蛋飯，雞扒麵和草莓香草蜜糖磚塊。不夠五分鐘便上菜。滷肉蛋飯。味道中規中矩, 其實滷肉飯係穩陣之選，好難整得唔好食，但又好難整得好突出。溏心蛋蛋黃比較熟。珍珠奶茶唔錯，甜度適中，黑糖乃健康之選。雞扒麵，雞扒新鮮炸起，炸漿夠薄，雞扒仍有肉汁，由於炸漿夠薄，所以啖啖肉。麵亦煮得適中，夠爽口，而且湯底濃味得來唔鹹。最後是這裡最出名的甜品， 不過等候時間亦都夠耐，由於差不多食完主菜才點，所以差不多齋等了25分鐘。不過等得耐也值得， 多士配上蜜糖及士多啤利雪糕真係無得輸，食完想再食， 只是有點熱氣。

雖然我不甚喜歡名牌連鎖店,但無處不在的商場內、倩影永遠都好像留在眼前,這天又是一位人士開餐,孤零零之下,不愛麥記、不要Starbucks,不如乾脆台灣風？「茶木」可算較早比人認識,看過水牌行步朝向六樓推進．．．店子雖然不高檔,但準備功夫已從擺枱整齊度可見一斑、管理人員可算一讚,黒油雞翼麵HK$69.可以算我較為喜歡的一碗手工麵,湯底濃而不腻、不過今會這間分店未免有點偏咸,所以較微扣上少少分,雞翼滷得非常入味、略嫌麵條份量較少,多番兩、三、四、五條較為理想'至於麵質一如以往煙韌富彈性,不錯~一杯暖暖玄米抹茶拿鐵在手溫柔軟綿,玄米感覺上只附作裝飾、攪兩攪味道作用也不大見突出,不過那份軟綿滑滑忌廉確實豐富了我的嘴巴,至少在這孤零零的一餐午飯上、其實連鎖經營猶如7-11般便利,在香港某某商場總會看到其影子,驚喜度早早已消失、不過「穩定」無衰出品應可令食客放定個心。走出店外坐定定等著「蝦子餅」前來,手持單據當然是要他付啦!

星期日7點幾嚟到唔使等👍🏻，叫個炸雞扒肉燥飯和炸豬扒麵，一啖咬落去，皮薄肉質嫩，脆口不在講，肉燥亦相常夠味，麵嘅質地稍欠彈牙，不過以呢個價錢，算交足功課了👍🏻

今次海馬來勢強勁，難得一日放假，晚餐時間就約好友晚餐，沒想到i square好幾間餐廳在三號風球的晚上休息，好友最後決定去茶木食，想起自己好幾個月冇去過就去吓啦！其實我之前只係幫襯過午餐，今次第一次食晚餐，選擇幾ok~~~套餐有飲品和蛋糕加白飯，真係食到飽架好友加錢要特飲，而我因為生理期就乖乖叫熱飲~~~三杯雞主要用雞中翼整，唔算多肉，味道ok~~~酥炸蚵嗲係好大塊，但大部份係酥皮，蚵仔唔多，在元朗幫襯開廿幾蚊塊的煎蠔仔餅仲抵食下圖係食剩的酥皮(￣∇￣)好在個蛋糕感挽回我對茶木的印象，朱古力蛋糕又甜又好食，好友叫的蛋糕雖然唔算甜，但勝在夠特別鄰枱的情侶跟我們點相同的菜式，但只叫一個餐和沙律，看到沙律就覺得叫蛋糕的決定係正確的其實鄰枱的情侶主要想食茶木最出名的甜品，其實喜歡整食物的朋友曾經教過相關製作方法，小學生都可以整麵包塔，有機會我要整返個俾好友試食在收銀見到有鳳梨酥賣，我跟好友買了盒試食，酥皮唔及台灣李儀的甜和鬆軟，價錢不算便宜，在香港買奇華鳳梨酥感覺好食d平時人們留意舖面，而我就留意舖後的圖畫，唔知有幾多人睇過呢？

上網見這個是茶木幾出名的甜品，於是搵日閒日下午去試。石板街朱古力蜜糖金磚，賣相真的十分壯觀，但味道就普通。一如其名，的確如磚頭一樣厚，上頭一點也不吝惜的淋上了很多很多很多的奶油，加上雪糕、棉花糖士多啤梨和藍梅 (剛巧也是我不喜歡的生果)。好聽些就是口味有層次感，但說實話，我人比較單純，喜歡的東西也比較單純。亂七八糟又唔夾的東西混在一起，我只是單純重複吃的動作而已。再說，甜品這東西，就如做人一樣，太甜漏就受不了 。點到即止就好，太多太甜就不好吃。但喜歡甜食的人可以去試，最好搵多個人一起 share, 不然可能會吃不完的。

今日放工去到isquare 的茶木，在門口等了30分鐘才有位（用餐時間限時1.5hrs)叫了兩個套餐：一個古草味三杯雞 / 鳳梨甜酸肉。餐牌上，三杯雞註明是辣的，但食落一D都唔辣鷄翼的份量應該只得四隻中鷄翼（切成八件），套餐加埋成百蚊個，好貴啫鳳梨甜酸肉的炸粉好厚，食落都唔知係緊粉定係肉侍應的服務態度都有待改善。食食吓，仲有D蚊孳飛來飛去，非常擾用！冇樣好，都大排長龍

女孩聚會，吾知食咩好，又吾想咁熱氣。。吾知點解就選左這間今次係我第2次來，食左1）carbonara version 手打面，好似有黑松露😶很喜歡手打面的質感，但我還是喜歡清清地的手打冷面，冷面吃起來比較清爽，熱的carbonara,吃起來負擔較重。。。如果就這樣一碟來吃還可以，配其他菜就有點吃不消2）小牛扒，時間隔得有點久，味道是ok的，但牛扒有點“un"有點難咬開，送飯是一流的汁！3）鹽蘇炸雞，一上木台就覺得好大一碟，明明都說不要吃太熱氣的東東，最後還是吃了，女孩子就是口是心非。。。還不錯的說，但最好吃的炸雞，還算是我家樓下那家韓式的！4）老水拼盤，沒拍照，因為因為。。。真的沒什麼特別。。是有點過份咸！5）2件蛋糕，這是跟餐配的，還好還好，格9色那件有點過硬！想記下吃過的好東東，下次還是好好把名字記下來。。。＊限時吃飯的限制。。。真讓人。。。＊

台灣料理究竟有沒有糖心蛋？誰能告訴我？不過沒關係了，好味就係重點，呢個蛋做的不錯很入味！看到酥炸豬排麵就知道豬排有多脆，麵湯底濃郁，麵質感爽滑，十分台系！呢個好創新拔絲芋圓脆脆，拔絲係用溶化的棉花糖來做的，芋圓好chewy, 脆脆都好crispy，加berries，好味道。唔食黑糖芋圓水果仙草就唔得啦！有十幾種配料，仲有冰塊墊底，朋友都食埋無得淨！

今日到尖沙咀training，實在很久没有吃過茶木的Set Lunch，心癢難耐，即使要排隊拎飛也要去食! 頗為驚喜的是自選套餐，除了跟配經典的肉燥飯，還新加了手作麵的選擇，無論想食飯或想食麵，也能滿足你的胃口。芝麻醬手撕雞手撕雞雖然是冷盤，但跟香噴噴、熱辣辣的紅燒牛肉麵出奇地合襯。很喜歡大量胡麻醬淋滿了雞絲和青瓜絲，充滿了甜甜的花生和芝麻味! 雞肉幼絲、嫰滑，青瓜絲掛滿胡麻醬，再配上墊底的粒粒花生，真的是非常開胃! 不經不覺，就吃完了一整碟了。紅燒牛肉手作麵紅燒牛肉很腍滑，骨膠原位置有嚼勁，湯底充滿牛骨的精華，而且黃油浮面，非常濃郁。手作麵並非浪得虛名，每條粗幼不一，口感彈牙、煙韌，一啖手作麵再呻一口牛味香濃的甜湯，真的是滋味無窮!芝麻醬手撕雞套餐還有超級消暑和解渴的酸梅冰，飲一口後，從心𥚃"吓"一聲的透啖大氣，舒暢莫名! 滷水蛋也蛋香甜滑，就咁食或放在濃湯中熱食，也很美味! 總括而言，我欣賞茶木不定時更新餐牌，讓食客能享受更多不同的新鮮美食，而且食物味道也不錯，有機會再來嘗試。

行完商塲，見到有個廣告牌看到有這食店，上去一試，因是星期六，多人要等位，入内看餐牌後選了地瓜手腩，D地瓜混了腩汁，好味，同時點了鹵味併盤，一般，和選了鴨胸沙律，鴨胸肉夠爽，最後選黑松露雜菌意粉，意粉起彈牙，黑松露汁較得極match還叫了一柸绿茶红豆和雜果红茶，紅茶夠特色，有個透明柸能令慢慢享受。

If you are still a rookie when it comes to taiwanese cuisine definitely check out Tea Wood. For dinner I had their rice platter which included taiwanese traditional sausage, a minced meat sauce, tea egg and perserved vegetables. The first thing I want to say it: if you have never had taiwanese sausage before then immediatley put it on your must try list. It is a bit comparable with the cantonese lap cheung but it is less salty, sweeter and has a more smokey taste to it. Amazing! If you are not o

今日難得同個同事一齊收3 點，諗住上茶木試下我地3 個人，叫左個蚵仔泡飯，紅燒牛肉麵同雞扒肉燥飯，BBQ 魷魚，紅油抄手，鹵水拼盤牛肉麵同個肉燥飯就冇特別泡飯就大件事，又腥，湯又唔好飲，連個飯泡左係裡面都攪到好難食個拼盤就仲大件事，咸到喊總之一句講晒，難食

茶木對我最有印象就是它的三層麵包上面頂著顆大球冰淇淋。熱食方面未有什麼影響似的。好難得星期日跟鼻比睡到2點才出門想去吃的午餐，來到I square 看到茶木突然想試一下（看到最多人在排隊感覺真的好吃的樣子）拿到位子立刻點菜，真的快餓昏了。滷味拼盤是頭盤，滷味很入味，滷豬五花特別有驚喜，脂肪部份很q，口感很好，卻不會覺得油膩。豆腐超滑口，應該是用「百福豆腐」吧辣子雞丁算是我最愛點的熱炒之一。餐廳用切件雞翅作材料，吃的時候肉相對比較少。不要被那一大堆的辣椒嚇到，其實只有微辣而已。我受辣程度只有（譚仔十小辣）也覺得沒問題。不過辣子雞丁比較油膩，熱量不少，在減肥的女生不太適合吃啦綜合水果甜酸肉，甜酸肉跟本常熱炒店吃到的有點不一樣。除了甜味較重之外，所用的肉也不同。餐廳用的是豬柳，口感爽爽的有點像豬頸肉。不像平常吃的排骨，很新鮮。

久違了的茶木，今日無意食佢，但見到無人排隊，又唔知食咩甜品，所以就去啦。可能已經好夜，就快關門，先咁少人。安排左張二人枱，坐低即刻點野食，其實去茶木，一定係食多士。隔左約10分鐘，終於上枱，一如以往，都係大大件，雪糕微溶，面包烤得好香脆，其實好可口，而且個樣望落去好吸引。茶木多士啲面包好多，二個人食真係可以當晚飯咁食，跟餐有杯特飲再叫多杯野飲，其實好抵。野飲其實茶木都做得幾唔錯，好足料的味道，個朱古力特飲有球雪糕，飲完好飽。不過每次都係剩返一塊面包食唔晒，因為啲醬同雪糕唔夠點，如果呢點可以改善，咁就好啦。

為慶祝母親節，囡囡帶我和婆婆及公公到此午膳。地方好舒適，坐下令人好relax. 但食物就一般。溏心蛋，好明顯是流心的，味道似滷水蛋但略帶點甜味，至於蛋的內層雖然是白白的，但非常入味。酥炸蚵嗲即是餅，外層好脆，仔都算大隻，而且集中在核心內圍，但內層麵粉極厚，麻麻地。炸雞滷肉飯，炸雞不太熱，但雞肉好嫩，好滑。滷肉味道不錯，混埋白飯一起吃就頂爪爪。酒槽甘粟雞，內有酒米，粟子，杞子及薑片等做配料，加埋個酒汁，襯托雞翼都不錯。塔香魚湯煮蛤蜊，吃過幾次，每次都不同味，今次最差，好淡，蛤肉亦不算大。香菇水餃麵，麵條好似未熟，咬落有d 硬，失晒分。紫地爪奧利奧沙冰，偏淡，冰又未打碎， 唯一是味道好特別，是蕃薯味。理單四百多，雖然好睇吾好食，但都多謝囡囡一份心意。