茶木‧台式休閒餐廳 (iSQUARE國際廣場)

营业中

休息中

為慶祝母親節，囡囡帶我和婆婆及公公到此午膳。地方好舒適，坐下令人好relax. 但食物就一般。溏心蛋，好明顯是流心的，味道似滷水蛋但略帶點甜味，至於蛋的內層雖然是白白的，但非常入味。酥炸蚵嗲即是餅，外層好脆，仔都算大隻，而且集中在核心內圍，但內層麵粉極厚，麻麻地。炸雞滷肉飯，炸雞不太熱，但雞肉好嫩，好滑。滷肉味道不錯，混埋白飯一起吃就頂爪爪。酒槽甘粟雞，內有酒米，粟子，杞子及薑片等做配料，加埋個酒汁，襯托雞翼都不錯。塔香魚湯煮蛤蜊，吃過幾次，每次都不同味，今次最差，好淡，蛤肉亦不算大。香菇水餃麵，麵條好似未熟，咬落有d 硬，失晒分。紫地爪奧利奧沙冰，偏淡，冰又未打碎， 唯一是味道好特別，是蕃薯味。理單四百多，雖然好睇吾好食，但都多謝囡囡一份心意。

在iSquare等待電影開場期間，最適合找個地方吃點東西歇下腳。幸好茶木分店越開越多，令等候入座時間大大縮短。這間cafe提供多元化台式美食，務求帶給食客最正宗和地道的風味。環境悠閒舒適，但座位之間比較狹窄，繁忙時有點嘈吵。 <Teawood許願樹>紅豆沙冰磨得幼滑，甜度適中，配有綠茶雪糕、威化卷、和Oreo曲奇。雪糕較易溶，茶味不突出。 <炸雞排肉燥飯>以這個定價來說份量大得驚人。鹽酥雞排炸得皮脆肉嫩，調味剛好，不會過鹹。肉燥肥瘦適中，香而不膩，用來拌飯一流。 <香辣牛肉麵>辣度剛好，湯底濃郁惹味。牛肉呈磚塊狀，肉和筋層次分明，肉質軟腍，與蘿蔔同樣入味。麵質是闊身的，煮得有嚼勁。 <古早味三杯雞>以火鍋盅來保持熱度，令醬汁不易凝固。雞翼是斬半的，份量較少，經煎過後雞皮香脆。加上多重醬汁及醃料，味道豐富，屬水準之作。 <芒果香草蜜糖磚塊>茶木的皇牌甜品，賣相超吸引！一球香滑雲呢拿雪糕配上香芒果肉果醬及忌廉，實在有點邪惡。但芒果未及時令季節，偏酸，

未食甜品之前食左個酥炸排骨麪，個湯麪同排骨分別都好香口，可以將排骨浸一浸湯黎食，都唔錯，好推薦。重頭算係個吐司。本身我唔係太中意食吐司，不過甜品有d唔同。個吐司底烘得好脆加埋蜜糖係好食，個人推介既食法係吉住舊吐司蘸d雪糕同忌廉咁樣去食。岩食甜野又唔怕肥，專程一個人黎淨食個吐司都唔錯。

由朝忙到黑，肚餓極了。今天午餐吃台灣牛肉麵。 牛肉麵大大碗有三件牛𦟌，牛𦟌炆得非常軟稔和入味，簡直入口即溶，完全不用花勁去咬；而紅蘿蔔也是大大件的，煮得頗為軟身，甜甜的；而白蘿蔔亦十分入味，味道十分淸甜。牛肉麵的麵條好像手工麵，寬寬而扁身，有少少厚度，所以囗感十足。而且麵的質地十分Q 彈，滿有麵粉香；而湯底亦十分濃郁，有肉味、滷汁八角的味道，非常不錯。柚子蜜：普普通通，柚子量偏少，味道偏淡。 下次真的要試試其他台式特飲。

以往來茶木都是食甜品為主本來時間是應該食甜品的...因為都快9點了但還沒食晚飯，所以打算一次過在這裏食晚飯兼食甜品~~8:50到埗，裏面已經坐滿了客人我們大概都要等20分鐘才能進內桌面已放好餐具才安排客人入座提供紙巾方便客人~~不過桌面面積較細, 放埋這個杯再加上食物則會有點擠有晚餐的餐牌雖然說很肚餓，但兩個女人仔要每人食晒一份飯餐，應該會食唔晒所以決定點一個飯餐 + 一個小吃類 + 甜品因有一杯餐飲，多點一杯單點飲品吧~古早味三杯雞台灣名菜之一~~~三杯雞以瓷碗上，下面再加了一個小暖座徐徐加熱及後會發覺這三杯雞有點像啫啫雞煲的感覺令雞肉帶有一點焦香味，非常惹味!!滷水拼盤其實最初在挑小食時有點三心兩意，但見旁邊那枱也點了這個，見他們食得很滋味，於是便跟着點了果然沒有令我們失望滷水汁味道夠濃，五花肉雖然不算肥瘦相間，但有一定份量的肥位，才令五花肉入口時不會太韌及乾身而滷蛋更是仍有溏心~~~ 光是一個三杯雞飯餐，一碟小食，再加上兩杯飲品已經放滿了一整枱飲品我選了熱的黑糖薑母茶而朋友則在MENU單點了百香果梳打...攪勻前及攪勻後，顏色有大分別呢~甜品是跟餐的香橙百香果慕斯蛋糕外型賣相滿

每次行經茶木的人龍不絕，今曰幸運地不用等，我和友人二話不說的入座。我選的是香芋炆牛腩，魚湯時蔬和古早新竹米粉。 香芋十分軟冧，很粉，不錯；牛腩混雜牛筋，炆得很入味，𣎴太硬，帶八角香味但比較咸。魚湯時蔬：生菜索囇湯汁，清得嚟夠味。新竹米粉：非常非常幼，軟軟的掛上湯汁，很易入口。黑糖薑茶：強烈推介！非常彊！少少辣又帶香甜，是冬曰暖身特飲！

最近台式茶餐廳都好火爆，幸好這家餐廳沒有加拿芬那家人多。比較清靜一些。裝修的很有格調，看起來很適合小女生。臺灣牛肉面很好食，牛腩很入味，面條很勁道，屬於寬面，湯汁味道濃郁，是這裏的招牌菜。金黃鹽酥雞的份量很足，炸的外焦裏嫩，醃製的很入味，是標準的臺式風味的小吃。藍莓香草磚塊蜜糖吐司做的很精緻的小點，冰淇淋配上棉花糖，五彩繽紛的感覺。熱的蜜糖吐司配上涼涼的冰淇淋，雙重的口感，超讚！

嗌咗酥炸排骨麵同一個酥炸蚵嗲dinner set嘢飲要咗柚子冰同沙律酥炸排骨麵有八件排骨 八件裡面有六件都是骨重要炸得非常油膩 雖然肉質係嫩嘅個柚子冰非常甜 加多杯水差唔多個沙律細份又普通 得生菜同煙肉酥炸蚵嗲又油又冇乜味佢有兩個醬 一個好咸 一個普通甜辣醬最嬲嘅係 份嘢九成係炸漿食完啲蚵嗲 剩低咁多炸漿🌚最基本嘅白飯都一舊舊

.............三杯雞套餐$66👍👍👍 (5分滿分).............午市套餐：#三杯雞#花之丸#肉燥飯#黑糖茶三杯雞 ：第一次食 得豉油味咁😂😂雞肉中度鞋 無乜特別 仲以為會好好食花之丸 ：2粒 凍冰冰既😵😭慘過自己煲 同一般既打邊爐無乜分別😣佢有拎過去炸 更加吾太好食肉燥飯 ：最好食的 起碼夠熱😝但肉燥味吾夠濃😢而且好小 飯有點過淋

幾年前食過茶木一次，當時在香港只有一間分店而已，但在這短短的幾年間，分店愈開愈多，單單是旺角一帶已經有3間了。今天再次來食晚餐，看看她的質素有沒有退步。我們未到下午6時已經到達，所以不需等位便可即刻入內。雖然時間尚早，但餐廳內客人都頗多，相信稍後時間會更多！很有趣的匙羹。這裡結帳是要自己到收銀處的，我記得以前不是的，可能是客人太多的原故吧。甜薯炆牛腩：牛腩炆得香稔，甜薯粉嫩，醬汁入味，不會太鹹。紅燒牛肉麵：很台式風味，品嚐時彷彿身處台灣般地道。湯汁牛肉味重而清甜；牛肉又稔又入味；台式麵彈牙，很好食！鹽酥雞：雖然外表炸得很乾身酥脆，但雞肉仍然可以保持嫩滑多汁。不過椒鹽味和雞味都不太足夠，只可讚炸得好。

未正式入席去咗食茶木，呢間唔洗等好耐就入得去=D但撞啱佢地食飯時間，所以上菜有少少慢之外其他都OK!!有機會再嚟試過XP下次要試下抹茶味雪糕其餘鹽酥炸雞OK!!我地一行四人...平均每個人都係74蚊

成日都見到茶木嘅分店勁多人等位，所以一直都好想試下。今次朋友肯早到去等位先，終於可以一償所願！我哋幾個一人叫咗一份晚餐share食，不過味道真係一般，唔明點解真係成日都可以座無虛席⋯⋯諗住可能係佢主食一般，甜品先係主打啦！但結果都係失望。三款蛋糕都毫無特色⋯⋯雖然唔係難食，但食完都唔會記得係咩味。唔通就只有佢成日賣廣告嘅磚塊先好味？奈何今次咁一般嘅經歷，唔會令我想排第二次隊再試。

自選定食午餐60元，一份湯沉蔬菜杞子，生菜可以多d就好啦。芋頭米線看似新奇就試下，原來只係米粉還米粉，芋頭還芋頭，個米粉好滑肉粉絲，淋上辣油陣味似五香肉丁罐頭，湯就係牛肉麵個湯底，重味略鹹，唔好飲太多味精免得水腫口渴。排骨成塊豬排，骨一大塊肥肉多，瘦肉得好小，加上粉厚到如肉排一樣厚，而且都幾油膩沈入沉過一過d油就沉出來，我索性去左炸層去，竟然裝滿了盛菜個細碗，用了鬆肉粉令肉變腍不喜歡。飲品是酸梅冰呀，炸排骨係油膩食物，一杯酸梅水增加胃酸分泌幫助消化。好油膩同重味精呀，食完身軀好沈重，回公司喝杯茶消膩先。加埋一服務費，真係唔抵食，用料好差。

今晚約了友人一齊看戲 , 時間其實有D緊迫 , 早放工的我6:20到了I- SQUAER ,立即看看有什麼好野食 , 係OP的常客的我, 一SEACH ! 原來LI道開了茶木, 真係唔知 , 而家有好多間分店 , 越開越多 !可能時間上早 , 唔算太多人等位 , 等4人枱的我們 , 等了15MIN就有位 !我們叫了兩個餐 , 要另加$30, 有飲品同蛋糕 ,一個係鳳梨排骨 , 賣相非常吸引 , 但包住排骨的炸粉太厚了 , 影響了口感 , 味道都OK !二就嚟個家鄉小菜魚香茄子 , 一上枱魚香味芳香蹼鼻, 味道野味, 用來伴飯一流!另在ORDER了一個紅燒牛肉面 , 牛肉好淋好入味 , 湯底唔會太辣仲有一個鹽燒雞扒肉燥飯 , 味道一般 , 雞扒同樣大塊跟餐蛋糕就冇咩特別 !飲品叫了熱鮮果茶 , 酸酸MEI , 好開胃 !另外 , 叫了一個紅豆綠茶奶茶 , 好濃綠茶味 , 正 !

今日約了漂亮的師姐睇戲，睇完戲，時間尚早，本想周圍逛逛，但星期六的尖沙咀，周圍滿滿的人，實在令我們提不起興趣.... 倒不如去搵個好地方，坐下飲杯茶休息一下還好~逛著逛著，就逛到iSquare 的茶木，反正要等另外兩位師姐，就等等這間人龍熱店吧~~結果一等就是大半小時呢.....因為我們晚上還有飯局，不宜吃太多，就點份鹹點點份甜點分食就好了~天氣太熱，所以小妹點了香蕉朱古力沙冰~ 成品冰涼十足，香蕉味跟朱古力味平衡得很好，頂層的雪糕也不錯，奶味十足的！一籃子的鹽酥雞，炸得香脆可口，雞肉依然是嫩嫩的，加添了九層塔的關係，令鹽酥雞的味道更為立體、更為美味～本想點雪糕厚多士，但又怕晚飯吃不下，所以就點了椰香厚多士，每人一件剛剛好~多士烤烘得香脆的，內裡鬆軟，加了椰子醬，更添美味~茶木實在人多得很，要不是這樣，其實也蠻好坐的~~