茶木‧台式休閒餐廳 (德福廣場1期)

营业中

休息中

老老實實，因為出面實在太多台灣餐廳，覺得食台灣野都唔一定要食連鎖店所以都有一段時間無食茶木，但食完呢餐我想改口，因為感覺同以前好唔同。首先啲裝修唔同哂，以前木枱木凳係傳統啲既感覺，但而家係梳化、又cafe啲，啲位都好寬敞好舒服。我同朋友叫左個二人餐，有一個小食，2個主食，2杯飲品。我地仲跟餐追加左2個小食同甜品。首先個(熱)有機台灣高山茉莉龍珠茶同 (凍) 有機台灣高山巨峰烏龍茶真係好驚喜，特別係凍茶，完全無Expect過佢咁上枱，好似飲酒咁。佢粒波波冰都係用茶整唔係水，所以個茶味從頭到尾都無變淡，而且個茶真係有巨峰提子味~ 至於個(熱)有機台灣高山茉莉龍珠茶，茶味好香，而且佢一直都用個蠟燭熱住，坐左個幾鐘，到最後一滴茶都仲係熱，正!另外想講下個滷味拼盤，其實都好大份，除左眼見既豆腐，雞翼、牛肚、牛𦟌同滷肉，下面仲收埋左啲腎~~香煎沙朗肉燥飯都好好食(即係西冷)，3大塊扒，好滑好juicy~ 但係最好味係個微辣半筋半肉手工拌麵，佢有少少麻同少少辣，好開胃。半筋半肉係分開上，就算唔將啲汁加入個麵，個麵本身已經好夠味。呢個仲要跟埋個鴨血同素鴨，好抵食~~今餐真係好滿足呀!! 

對於茶木我一直停留咗喺中學階段，之後就一直冇食過🤣近期行過德福見到佢哋新裝修完好靚，好文青！嘩變成一間都好relaxing嘅cafe❤️仲有啲叉電位俾人叉電，文青Cafe咁🤩台式滷味拼盤•白飯 $208入面我地加咗$13轉鐵觀音仙草奶茶 同加咗$60 抹茶鮮果流心歐軟🤣👍🏼雖然有啲貴但係真係好正好好味！滷味拼盤入面有3塊牛肚，3塊牛𦟌，半隻流心蛋，2舊好好食嘅豆腐，2舊超正嘅五花腩同花生😍😍所有野都超入味，其中我最鍾意係個豆腐🤩佢絕對唔係普通嘅滷豆腐，唔知點解入面好嫩😚個鐵觀音仙草奶茶就認真麻麻地🤣皆因有大半杯都係冰😮‍💨不過好彩茶底好飲，好香都好飲！！而仙草凍比我想像中硬🤣甜品好啱打卡，係多士盒黎，入面仲有好多綠茶醬，啱哂對烘過嘅麵包😚👍🏼不過最正都係個綠茶雪糕，超濃抹茶味，唔係平時啲cheap cheap野😍紅燒牛肉麵 $147包含我地加嘅$23 脆脆黑糖珍珠奶茶🧋脆脆黑糖珍珠奶茶好高質👍🏼👍🏼珍珠好香黑糖味，有啲阿華田脆脆係杯邊，表面仲有一層奶蓋，每啖都會飲到3個層次！賣相亦都好靚👍🏼上面仲有一串芋圓，一次過滿足哂❤️紅燒牛肉麵就普通啦🤣🤣有幾舊大牛腩，有啲紅蘿蔔同白蘿蔔！湯底味道夠

2022.10.07 lunch自從疫情都未嚟過之餘，連外賣都冇特別揀，因每次行過見到都係覺得太貴就冇買，咁嘅價錢，就覺得外賣變得更唔抵呢😅 最近仲裝修咗，成間店嘅格局好舒服。呢一天行過，又要去附近買嘢，想快一點食完，就把心一橫堂食！試一試！坐低，坐位明顯比以前舒服，但都唔算寬敞⋯⋯都幾多款式，仲有幾款幾特別，但我倆最終都揀咗比較普通嘅餐😂 不過都可以試咗先，每個餐都包飲品，原來係有珍珠㗎，仲要好別緻咁另上，唔想飲咁甜，可以唔落晒啲糖，個餐嘅茶係咁別緻嘅珍珠茶，我哋個餐$98真係唔算貴！食物味道又ok，係會再嚟試其他餐😋好了，我哋兩個普通餐係香煎沙朗肉燥飯，酥炸排骨肉燥飯。女友記錯咗，以為沙朗肉呢個名係漢堡扒樣，點知係普通牛扒樣，味道好普通咋，而我個酥炸排骨都係普普通通，但個肉燥飯同糖心蛋就好好味！又夠份量！😋👍🏼餐茶女友要烏龍，我要鐵觀音，不過我只係影咗我個杯😅

講到食台灣菜，我就最喜歡食茶木餐廳嘅台灣菜，很有台灣嘅風味。今日路過，一於去試一試，找回台灣的回憶。新裝修喎，地方好舒服。烏魚子元貝手作麵好好食，用烏魚子、 元貝、青豆、椰菜、番茄、蘿蔔、蘑菇和鮮菇一起炒，加上手作 麵，十分惹味，值得推介。再來紅蔥醬燒豬軟骨麵，豬軟骨好冧，小朋友都食到，紅燒醬作醬汁真係好好味㗎， 啲麵又好滑、好淋、好味，真係幾好食㗎。墨魚鮮蝦茶香藜麥飯，藜麥加啲茶來煮，茶味帶出海鮮的鮮，恰到好處，健康藜麥，食得健康，食得開心。好耐冇去台灣旅遊呀，這個路邊攤小食好有台灣嘅風味，一定唔好錯過。來茶木朋友一定唔可以錯過的甜品，就係草莓香草蜜糖磚塊， 即叫即做，上碟時，麵包脆脆，蜜糖 ，香甜可口，配上凍冰冰的雪糕，真係好過癮。最後再來一杯台式抹茶拿鐵， 香濃綠茶風味，特別嘅感覺。

好耐無食過茶木，上次本身想食佢個雪糕多士盒，但賣晒無食到，今日終於食到😋🌟Teawood紅燒牛肉麵 $124套餐+$23升級四季青萱鮮果茶，另配小食或甜品，揀左雜梅吉士可頌窩夫牛肉麵有3塊好大塊嘅牛肉，都煮得幾軟腍，仲有埋紅蘿蔔同白蘿蔔，湯底都唔會太咸！🌟酥炸雞排肉燥飯 $118雞排炸到好酥脆，而肉質就好軟腍同juicy，幾惹味🤤肉燥飯味道香濃，伴飯食一流！配埋溏心蛋、青瓜同咸菜，食落夠豐富👍🏻+$20 升級飲品草莓櫻姬，小食揀左溏心蛋，因為唔知個飯配左蛋，小食又係蛋🤪🌟路邊攤小食 $68有台灣腸、鹽酥雞、炸花枝丸，幾鍾意個花枝丸，咬開入面有豬肉餡，都幾特別，台灣腸就甜甜地都唔錯！🌟草莓香草蜜糖磚塊歐軟 $78食茶木一定唔少得呢個甜品🥰多士切到一粒粒好方便👍🏻仲有蜜糖嘅甜味，配埋士多啤梨、士多啤梨果醬、雪糕、棉花糖、Cream，口感非常豐富，食完好滿足☺

今日收工約咗媽咪出街食，佢話想食台灣牛肉麵，甘我就當然要滿足下佢啦！無嚟德福一排，原來茶木換咗新面貌，有全新裝修之餘，餐牌都有更新！原木同水泥色系裝修望落幾舒服，格局更開揚寬敞，而家可以用電話掃QR code落單，方便快捷。晚。嚐×二人餐（$298）唔想諗就叫咗個二人餐，包括一款台風美食、兩款主食同兩杯飲品。台式滷水拼盤⋯｝超豐盛嘅拼盤，有滷牛𦟌、牛肚、五花肉、雞翼、雞腎、豆腐、溏心蛋，個人最鍾意牛𦟌同豆腐，滷到好腍又入味，伴碟嘅花生就好香脆！TeaWood 紅燒牛肉麵⋯｝無令媽媽失望，保持質素！大概有四大件又軟腍又入味嘅牛肉，湯底夠濃厚，麵條好彈牙！微辣半筋半肉手工拌麵⋯｝個人就好鐘意呢種幼得黎又有咬口嘅麵，半筋半肉加上辣湯汁，超惹味！有機台灣高山巨峰烏龍茶（+$12）入口先係茶香，然後有淡淡葡萄同莓甜香，熱嘅會以茶壺配蠟燭加熱茶座，等客人一路嘆都可以一路保持温度，如果係凍嘅會用造型玻璃樽上，配有冰球嘅矮身玻璃杯，打卡必點！脆脆黑糖珍珠奶茶（+$23）又一杯打卡邪惡飲品，黑糖珍珠鮮奶再加上香滑奶蓋，上面放咗一串精緻芋圓丸子🍡，連埋杯邊嘅阿華田脆脆一齊飲，入口嘅甜有豐富層次。另外再加咗

九龍灣德福廣場第一期L1樓嘅茶木係我哋最鍾意食嘢嘅地方。今日係公眾假期，約咗朋友去茶木食最鍾意食㗎台灣麵同埋小食。朋友最鍾意食溏心蛋，他一定要去茶木食，因為蛋黃軟綿綿滑溜溜，配上正宗嘅滷水汁，口感一流。如果要食台灣出名嘅小食，路邊攤小食就最好，有香脆嘅炸雞、正宗嘅台灣腸、爆汁的豬肉丸子。味道都香脆可口。鳳梨鮮果甜酸肉配白飯係大家都鍾意食嘅小菜，肉排炸得香脆，配上甜甜酸酸的汁，十分開胃，不但賣相漂亮，鮮果又多，有荔枝、藍莓、火龍果、草莓和菠蘿，健康又有益。紅蔥醬燒豬軟骨麵大碗抵食，真材實料。有三件大大的豬軟骨，炆得好淋滑，特別配肉製嘅湯同埋芫荽，好有台灣味。草莓香草蜜糖磚塊多士，係茶木經典嘅食物。多士香脆，造型漂亮，多士設計成一個盒咁嘅樣，裏面放返啲方形嘅麵包粒，上邊有一大球嘅士多啤梨雪糕，配以酸甜嘅士多啤梨醬同埋蜜糖，可口極了。好鍾意飲台灣嘅水果特飲，今次要了冰凍的四季青萱鮮果茶，有熱情果菠蘿藍莓，酸酸甜甜，又有烏龍茶嘅清香，十分推薦。另外一杯是金萱檸檬愛玉茶，好清新，不錯呢。今天的午餐吃得很滿意很飽，推薦大家經過都可以來試一試。

9月28日星期3晚經過去德福分店，之前裝修完未試過，就入去試下。一家三口叫了二人餐，鹵水拼盤，鹽酥豬排，帶子手攪麵，每樣都中規中舉，味道合格有餘。不過全晚重點係，樓面operation 極唔掂，一入去未執枱就叫客入去座，帶位見狀叫客出返去門口等，之後發現有幾枱walkin客也是如此。樓面溝通極不足，經理坐視不理。樓面多後生侍應，生手，見佢捧幾杯野差啲倒瀉，險象橫生。舉手叫人攞幾隻碗，又係叫幾次先攞到。（利申：本身非心急，但耐心等了好幾分鐘，該侍應太忘，又或者佢multitasking 唔到😅）電子落單，理應出錯機會少，但送錯嘢俾客，問侍應好似一頭霧水咁。食野後上甜品叫侍應叫起，等了30分鐘追了3次，3個唔同侍應追先起，但件窩夫明明擺晒喺門口玻璃櫃，又唔使加工，食落唔熱又唔脆。夫人食到黑晒面😈唔該收得呢個價，又加一服務費，俾啲好服務客人啦，唔係裝修完求求其就得嘅。

有日做野之前去左德福商場食lunch ，見到商場間間餐廳都好多人排隊，我見好耐無食茶木，就去左排隊，排左差唔多半個鐘先入到去，要急急腳甘食叫左我最愛既酥炸雞排肉燥飯，同埋試左佢既金萱鮮芒果奶蓋冰，兩樣都係my favourite，甘岩撞正佢重新開張，杯芒果冰自動升級，開心午餐時段佢地出餐既速度極快，肉燥飯都係一般水準，芒果冰茶味唔算出，但整體帶得出芒果既甜味，好好飲本來好想試埋佢既草莓•冰淇淋脆皮刈包，見到隔離枱叫左好靚，但實在太飽食唔落，下次同朋友一齊一定要試下

晚餐去左德福茶木食，呢間門面已經擺左唔少台式茶飲設備。剛好見到有二人餐，就同朋友一齊試試佢。分食單一菜式揀左金米香茶脆脆骨。黑色一塊塊嘅唔係紫菜，而係茶葉。排骨嘅肉較乾身，一絲一絲，面頭仲有充足蜜香，係我喜歡嘅類型。蔥椒伴碟凌亂，美感欠奉，金米同本身較乾身嘅肉骨亦不和諧，不過整體味道吸引。主菜方面，我同朋友都揀左茶香三文魚湯漬飯。二人枱根本放唔曬食物，有啲逼🙈講返個湯漬飯，配有櫻花蝦、鰹魚片、脆米，口感同香味都好豐富，三文魚煎得好香，但略為偏咸，茶香未見，湯味濃郁，飯亦唔會太爛太濕，整體黎講真係幾香、味道唔錯。至於杯餐飲嘅茶就真係偏淡，令人有啲失望。

間中都會想去食下茶木，因為個草莓磚塊真係令人難忘。😂😂晚市套餐：懶人系列🍜台式麻辣半筋半牛肉麻辣鴨血(台灣直送)拼素鴨，自家製椒麻拌麵 -$72menu嘅圖片好吸引拌麵：麵質煙韌，似蔥油拌麵，半筋半牛肉：牛筋軟，半牛肉係肥牛，有麻辣味～素鴨：有點硬，似硬豆腐，鴨血：味道普通，都算滑。整體都幾抵食～蚵仔肉碎泡飯-$81鮮味十足，有冬菇，蝦米，魷魚，夏天會越食越熱🤣🤣🤣草莓香草蜜糖磚塊-$68次次食茶木都會食！質素都keep到👍一樣外脆內軟，加上雪糕，一如既往的好味😋

有一陣子沒來德福，原來茶木裝了修，整間店以茶為主題。真心推薦「本店限定」menu，均以茶為基調。朋友店了三文魚茶漬飯，我就點了三文魚茶忌廉手作麵。手作麵超級彈牙。另外見有甜品櫃，雖然沒有吃，但好像不錯。

超驚喜完美餐廳茶木就去過幾百次這間新式茶包餐廳主打清淡飲食 精緻料理fusion 菜有夠驚喜甜品有最愛的抹茶味提拉米蘇意粉有烏魚子圓貝番茄意粉 同行人話攤凍都十分好吃而茶方面 有果香巨峰烏龍茶不但賣相超級似威士忌果香濃郁還可以續杯服務門口有開放式水吧 店員站在沖茶機前面衝茶小小隻杯子 一杯一杯細品真的有在喝酒的hygge 感覺 而主流夜市菜品 掛包 被放在蛋糕櫥窗內 餡料是創新款奶酥 紅豆餡 超級可愛鹽酥雞 夜市小香腸 湯麵維持質素愛台灣的人一定要去試試

耐不耐就會光顧不同地區嘅茶木分店，皆因佢哋係集團式食肆，食物質素尚算穩定今日去咗九龍灣德福商場嘅茶木，叫咗我嘅常餐-《微辣手工拌麵》、《茶木三小碟》同甜品《草莓香草蜜糖磚塊》《微辣手工拌麵》（=自家製椒麻拌麵 + 麻辣半筋半牛肉 + 麻辣鴨血拼素鴨)🍜唔食得辣嘅我都食到Teawood呢個自家製椒麻拌麵，鍾意佢嘅椒麻醬，好香拌麵嘅麵條煙韌，粗幼度適中，麵上面仲有半隻煮得啱啱好嘅微微流心溫泉蛋🥚🐮麻辣半筋半牛肉嘅湯汁比較辣，不過牛筋煮得好腍，肥牛肉片質素不差🐤麻辣鴨血拼素鴨係不錯嘅小食，素鴨唔會好油膩，鴨血亦算滑《茶木三小碟》包括溫泉蛋、秋葵同咕嚕肉粒🥚溫泉蛋係好似椒麻拌麵上嗰半隻咁微微流心🦐秋葵面加咗脆卜卜嘅櫻花蝦同麻醬，多咗份口感同麻香味😵‍💫咕嚕肉粒嘅咕嚕醬味道比較濃，再加埋沙律醬，呢碟餸對我黎講啲味道有啲over 咗《草莓香草蜜糖磚塊》🍓🍬🍞呢個甜品食過不下10次，質素穩定，塗咗蜜糖嘅厚切麵包烤到微微金黃色（脆卜卜），加上冰凍嘅士多啤梨雪糕，一熱一凍🔥❄一脆一軟️😋😋另外，呢嗰甜品好有份量，有4層厚切方包，係一個3-4人前嘅甜品我同朋友兩個人食，食到超級飽咁走🤰🏻🤰🏻總括嚟講，不同茶

今日趕住返屋企，去到德福廣場快快趣搵食，就入咗好一段時間冇幫襯嘅茶木。佢哋最近推出咗暖暖秋冬系列，最適合而家早晚清涼嘅日子享用。　其實見到全場好多人食羊腩煲，好似幾正，不過我哋唔食羊肉，所以就揀咗紅燒牛頰肉麵。佢哋嘅紅燒牛肉麵特別選用牛頰肉，肉質更腍身更滑。牛肉麵仲可以加$15選配特飲，我就揀咗鳳梨藍蝶梳打。將忌廉倒入杯內，混合椰奶味道唔錯。同場佢哋仲新推出咗黑糖薑母燜鴨。原來係全隻鴨，$58真心抵食，平時都係食燒鴨多，呢次以黑糖薑母嘅製法味道又幾特別，鹹中帶點甜，沾點帶有黑糖薑母味道嘅醬油確係唔錯。而我就最鍾意牛油果，呢個輕薄荷酪梨沙冰就啱哂我，佢仲係少甜，加有薄荷就更有清新嘅感覺。