茶木‧台式休閒餐廳 (德福廣場1期)

营业中

休息中

茶木餐廳，大家應該都唔陌生。有一次唔知道想食咩，就見茶木冇人排隊入咗去食。叫咗個炸排骨米粉。個湯底係非常之濃，係配牛肉湯底，但係我反而覺得應該配清淡多少少的湯底會比較好，因為個排骨本身已經係比較濃味嘅口味。排骨方面，就做得普普通通。因為食落好冇乜汁，但係又唔算硬，所以質感方面就普普通通。不過想讚下個米粉，個米粉都幾滑身，幾好咬口，呢個我幾鍾意食。跟住再配搭左一個奶茶仙草，真係麻麻哋。佢個奶茶係唔香，甜味就比較重啲，一啲清香嘅味道都冇。我已經叫咗少甜，諗住想試吓佢本身茶味原有嘅味道，但係都唔太飲得出，所以對呢個比較失望，整體來講就真係普普通通，而且我覺得有啲貴， $90個餐再加一， $99。

難得星期五放假，梗係要約朋友食飯，係九龍灣join朋友，揀左食呢間台灣野😆間餐廳係德福廣場，夠晒就腳，原來餐廳好大間，不過晚餐時間都差唔多坐滿左人，座位都好鬆動，坐得好舒服☺️我同朋友一齊share個麵，仲見到佢個薑母鴨做緊promotion，見到人地食緊，好大碟, 就叫左黎試下😆 紅燒牛頰肉麵: 面頰肉好入味，肉質爽口，鍾意佢啲面條吸晒個湯汁，仲有佢粗身既面條好有咬口 黑糖薑母燜鴨，呢個真係份量十足，鴨肉煮得岩岩好，火喉十足 最後仲叫左兩杯飲品輕薄荷酪梨沙冰同鳳梨藍蝶梳打，兩杯飲品外型都好夢幻，打卡一流

超想念台灣的美食，唯有去茶木一解嘴饞(•‾⌣‾•)y我跟老公分別點了牛三寶拌麵和豬三寶拌麵，滷水汁超濃郁超入味！牛三寶有牛腱、牛肚、牛筋，牛腱煮得很軟嫩，牛肚夠爽，而牛筋的口感也很好！除了牛外，還附送了豬紅、滷豆腐和蛋，配起來吃好有台灣風味呀（=´∇｀=）我點的豬三寶有豬大腸、豬腩和豬耳，都是我愛吃的耶❤️滷水味真的很香濃，咸中帶點點甜味，一口拌麵一口肉真的吃得超爽！豬腩肥瘦均勻，太瘦肉質會很柴；太肥又會膩，這一盤上的腩肉剛剛好！超愛豬耳的爽脆口感，好滋味！！飲品方面我們點了黑糖珍珠鮮奶瀑布和宇治抹茶奶蓋。兩杯的奶蓋都超好喝！黑糖珍珠鮮奶瀑布味道較甜，珍珠煮得剛好，很彈牙。而宇治抺茶奶蓋味道則較清，能喝到宇治抹茶獨有的輕微苦味，超愛宇治抹茶！！！用來中和較濃味的滷水拌麵，真的可以一口接一口極速吃完🤤

點了三樣菜，加上2杯飲品，飲品隨即附上，餐等了20分鐘，直到通知我們要cancel, 才跟我們說再等多三分鐘，可以嗎？然後就馬上送餐過來，並通知刪除另一個餐，別桌已經吃完，我們還在等等等

見到茶木個餐牌有近來好Hit嘅愛文芒，滿懷希望諗住去試吓，結果有點失望。我自己叫咗一杯愛文芒珍珠鮮奶，睇餐牌杯嘢飲有一半係橙色的，諗住都有當年許留山嘅芒果味，但係嚟到發覺橙色嘅部份唔多，有少少覺得飲緊溝稀左嘅鮮奶，得好微嘅芒果味，但係杯飲品價錢唔平㗎🥺另外一杯係檸檬愛玉，可能係個人口味問題，我哋覺得偏酸，要加啲水先至飲到。最後我地叫咗個芒果芋圓仙草豆花share，有3小件芒果，呢個甜品總算唔錯。以上嘅下午茶，就咁樣食咗$150，我諗下次我都唔好冒險叫特飲，都係乖乖地叫返最穩陣嘅水果茶算了🥺

難得收早，就去嘆個一人晚餐，經過見到茶木有位 又想食拌麵，就入咗⋯⋯其實我係想食麻辣牛腩拌麵，點餐時有指住個圖，侍應姐姐就問我加唔加錢轉做餐（當時我都奇怪㗎啦⋯⋯麻辣牛腩拌麵有得跟餐嘅咩？之前食過都唔知🤔），anyway唔跟餐啦⋯⋯嚟到發現⋯⋯呢間分店 另上 咁好嘅⋯無幾耐再發現，牛腩咁嘅咩～我唔食豬紅唔食牛筋嘅呢😞😞😞⋯忽發奇想問佢攞返個Menu嚟睇⋯我發現佢係俾咗第二樣野我（半筋半牛肉）同樣價錢，所以個餐嚟之前我都冇發現～我入嚟嘅時候間餐廳都冇咩人啫⋯⋯而且我都指住咗個圖啦⋯唔聽人講嘢都睇下圖啦⋯⋯呢間分店，無下次，佢哋將會有更多㩒手機時間😊sorry 客人入嚟阻住你哋玩真係唔啱～

都好耐冇食過茶木，今日係附近睇完戲見呢到仲有lunch set就入咗黎食，不過味道比以前差咗同求其咗。台式麻辣半筋半牛肉 • 麻辣鴨血拼素鴨 • 自家製椒麻拌麵 ($75)牛肉係肥牛，食落唔算辣，鴨血同素鴨就普普通通。椒麻拌麵既質地唔錯，食到手工製既煙韌感，不過椒麻味唔夠，食落覺得一啲都唔麻。鹽酥炸雞扒麵 ($78)雞扒炸得香脆，份量好足，而且都juicy，一啲都唔乾。麵方面都幾有咬口，唔錯，不過份量就比較少。紅油抄手 (追加$22)早知就唔加，一上枱就見到皮偏厚而且辣椒油好少，感覺唔係好紅油抄手feel，食落都真係麻麻地。熱柚子蜜茶 (跟餐)正常發揮。宇治抹茶奶蓋 (跟餐加$11)抺茶味香，而且奶蓋好滑好cheesy，好飲。總括黎講，炸雞扒同宇治抹茶奶蓋幾好，其他都一般，以呢個價錢黎食台灣菜一定仲有大把選擇。

lunch time 去多人排隊。服務態度都係趕做下輪咁，仲要兩個飛仔樣既intern定暑期工咁既年青人，長期行黎行去，因為坐走廊角位擁270視角，視覺上避唔開佢地，佢地巡視業務既頻率達致輕量級擾民情度。叫左個紅燒牛肉麵，唔值$84。有塊牛係好chewy~同事個set就中規中舉，冇咩特別。杯烏龍奶蓋自動走甜，仲要個烏龍茶色一d都唔烏龍。好似本身已經撈左d奶蓋入去咁，同我飲開既完全唔同。no next time~

之前去過呢間茶木食外賣晚餐 食物質素都算唔錯 加上外賣有折頭 性價比都幾高 點知今日再去食佢嘅下午茶餐竟然中大伏！！！叫咗個蚵仔煎套餐 Menu同實物有300%嘅分別🤢🤢🤢上菜嗰下直頭唔知碟野係咩嚟 個賣相勁似嘔吐物🤮🤮🤮成個構造就係一塊好似橡筋咁嘅皮+就快霉嘅生菜+唔知咩味嘅反胃醬！！！埋單仲要成$70一個下午茶餐 性價比低到負！！！服務員由帶位個刻到埋單 全程都好厭世 可能都係岩岩因為d野太難食比人投訴完🙄🙄以後絕對唔會再幫襯茶木！

又到週日 tea一tea的時間， 茶木下午茶時段概括一至日，心思思又想食我最愛士多啤梨蜜糖磚，去九龍灣店朝聖一下先。士多啤梨蜜糖多士磚配嘢飲優惠價63蚊仲未完，一份大大啲蜜糖磚，保持一貫水準。今次麵包烤到恰到好處又唔會太多蜜糖又唔會過燶， 一口雪糕加上一口多士，超級好味。鹽酥炸雞排刈包拼阿仔麵線呢款係我的新嘗試。鹽酥炸雞排細細件放在刈包內，雖然上台時還有微熱，但係感覺 油膩。 而阿仔麵線類似碗仔翅加幼麵， 我個人不太喜歡漿糊狀的物體。好彩仲有其他款式可以揀 。

星期六突然好想食台灣菜，所以咁岩搵附近之前試過嘅茶木再食😆咁岩果日有週末set lunch，所以就叫左個set lunch 再加d 小食3個人食溦辣手工拌麵（半筋半牛肉）拌麵唔算辣，食落去有啲麻辣感覺，好食，會停唔到口😋牛肉就一般，同普通肥牛一樣，牛筋有啲太"林"叫左小食鹽酥雞，外皮望落好乾，但食落去啲雞都幾juicy, 不過外觀就差啲套餐仲包一樣熱飲，我就叫左玫瑰茶，唔算話好特別最後叫左個招牌甜品，朱古力蜜糖磚，果然係招牌食落去好好味，熱嘅蜜糖多士配朱古力雪糕，好好味😋下次會再試其他味總括嚟講lunch set 價錢一般，不過後加果個甜品雖然5x 蚊，但都值得再試

好掛住台灣ar，唯有食台灣嘢頂住先， 一向我媽女子喜歡食蜜糖磚塊， 適逢茶木八週年紀念，草莓香草蜜糖磚塊除咗增量25 %外仲有個八週年回味價58蚊， 梗係要同佢一齊去啦。 因為下午茶關係63蚊已包一杯飲品。 三層厚厚吐司， 托著雪糕，有棉花糖點綴，果然份量多過之前， 吐司烤得很脆，經蜜糖烤過後甜甜脆脆，配上少少帶酸的草莓雪糕，真係幾好味， 難怪阿媽百食不厭。跟咗杯紅豆薏米水，唔係太甜紅豆煲得淋淋，都幾好味。 屋企可以跟住試下整。紅燒牛肉麵牛肉連筋炆得非常之淋同入味， 台式麵不過不失，煙煙靭靭， 湯底濃郁。配杯熱的黑糖薑母茶，好暖胃。

相信大家都知道茶木，而我最中意就係佢個微辣手工拌麵系列！真係我食過最好食嘅拌麵，次次去茶木都必叫。小小辣嘅拌麵加上一杯珍珠奶茶，簡直係人間享受！一個拌麵大概係70左右，有埋一啲小食連埋，食食下麵厭左都可以食下小食轉下口味，下次去茶木可以試下。

牛角主打日式燒肉 唔同韓式燒烤會有太大油煙，雖然冇太花巧嘅食法，只係單單咁食就食到牛帶出嚟嘅鮮味同嫩，搭配埋簡單但又夠曬飽啲牛角飯嚟食，流心蛋控一定要加埋雞蛋食咁先夠曬滿足🥰唔鍾意太重口味又想燒下牛嚟食嘅可以試吓，食完都仲可以飲啖日本茶解膩🤣，午市當中有幾個plans揀，可以針對唔同牛嘅部位揀嚟食，每個plan都有味噌湯、主食揀咗嘅牛、牛角飯、一款小食同飲品，食完啱啱好夠飽可以食翻杯雪糕添！Tips:因為都幾多人排隊食，所以食之前最好down 翻個app 遠距離攞位先仲可以行陣街先去食，又唔驚會嘥時間啦！

落單時職員應對態度已十分敷衍，點了菜也沒有一聲回應和覆單，送到時發現才對方落錯單，因不想浪費食物，沒有更換，但落錯單的職員繼續喺你身邊行行企企，目無表情，連走過來一句道一句歉也沒有。用餐時不小心倒瀉湯汁，趕緊先自行清潔，但周圍多名職員走來走去，卻沒有一個主動幫手。第一次來這間，對服務感到非常失望。以後不會再考慮來這間分店。勉強吃了原本不想點的菜感覺已不好，再加上這種服務態度，不了。同商場還有許多不錯的選擇，無謂為了普普通通的食物來買難受。