茶木‧台式休閒餐廳 (東薈城名店倉)

营业中

休息中

今日同屋企去人完旅行，由機場出東涌，肚餓之下就隨便入咗茶木食lunch。2張籌號，等咗近20分鐘，叫咗酥炸豬扒魯肉飯，餐配紅豆薏米水。魯肉飯汁味道偏甜，而飯質偏硬，令人有啲飯煮得唔夠透嘅感覺。至於酥炸豬排，雖然唔厚粉，肉質亦ok，但嗰種粉漿味道麻麻，如果與同類台式餐廳「小O牛肉面」既炸豬扒相比，個人比較喜歡後者。至於紅豆薏米水為凍飲，味道不錯，紅豆薏米亦用料充足，但可惜用細粒嘅冰粒，於是食完飯飲野嗰陣，一路啜紅豆薏米既同時又不斷啜到冰粒，感覺不甚暢快……p.s.:忘記咗相機先食，只有杯盤狼藉一圖。

東涌東薈城唔知幾時開左間茶木，人流唔太多，晚市都唔需要點排隊就可以入場進食。呢晚叫左香腸肉燥飯 +珍珠奶茶 台式香腸好香好好味，出邊食唔到，大家有機會一定要試呀

胚芽奶茶，奶味同茶味都略嫌爭咗少少，不過勝在夠大杯。香辣牛肉麵，初時對呢個牛肉麵都唔敢抱有期望，點知咁就有驚喜喇，牛肉麵嘅湯底都幾有台灣嘅風味，啲牛展更鹵味香濃得嚟口感又好，嗰兩嚿紅蘿蔔都炆得好腍，作為牛展嘅間場唔錯。鹽酥豬扒滷肉飯，呢個就稍為遜色啦，豬扒唔夠入味，啲肉燥又太過少。

要左個豬扒肉燥飯($69)，牛肉肉燥飯(冇相)($69)，熱黑糖珍珠奶茶($33)，雞扒(牛肉湯？)面($69)啲調味太重手，勁咸！好油膩！成舊豬扒都系肥肉！雞扒好啲，，，牛肉幾嫩，比較推界牛！珍奶幾香，不過有啲澀！甜品冇食，不過睇落唔錯！~幾大！面湯好香，面都好彈牙！雖然濃，但系却另有一番滋味！啲態度唔錯，都幾有禮貌！不過上菜嘅速度有啲慢lor。。。幾乾淨，環境幾好，有啲逼！推界嘅話就系牛肉面，珍珠奶茶同小食。。。唔抵lor！唔太推界！

2個人叫4碟野就經330幾蚊 價錢偏貴得黎又唔係好好食 食物完全唔值呢個價 仲加收30蚊服務費 。真係唔知佢服務左我d咩 個個西口西面 唔明點解仲有人排隊入去 真係羊群心理 唔會有下次

同朋友仔約咗去東涌一齊行outlet ,行到好攰就要坐低食飯啦，東涌啲餐廳都偏貴，所以我哋就揀咗食茶木，雖然茶木唔係話算平，但係比起其他附近嘅餐廳算係比較接受到。我就叫咗個牛小排肉燥飯，而朋友就叫咗個麻油雞翼麵。牛小排肉燥飯：牛小排肉質同味道普通啦。肉燥飯上面嘅肉燥都算濃味，但係對於大食嘅我來講成個份量有啲細，唔算好夠飽朋友就話麻油雞麵幾好食，我都食咗佢一啖麻油雞翼，的確幾重麻油味，幾特別。整體來講，呢餐正常不過不失啦。

大失所望，以往去其他分店既服務同食物水準可以，但呢間真係差。首先俾客坐個位疑似係抹過個位但個位仲係濕濕地既，點可以咁樣嫁，比個濕既位客坐，等左野飲奶蓋日月潭紅茶 大概十五分鐘左右，見到服務員拿住疑似我點既野飲轉黎轉去唔同檯，過左幾分鐘左右先到我手，最後等40分鐘都仲未黎個墨汁意粉，話要取消又係度拖我時間話睇下有無其他客要 。講番食物，牛肉麵既牛肉食落普通又唔係特別滑，麵底又少。完全性價比不足以令人要大排長龍。

有人說，女人就是甜品，也有些道理。因為女人都貪靚，出街前在臉上加點色彩，就美麗動人了。一般人喜歡的甜品我看不上眼，價錢貴太好看的我覺得太浮誇，因為我係有內涵的女人，我對甜品的要求，外表不能太誇又不能不好看，色彩不能太豐富又不能太低調，食起來味道不能太濃又不能味淡，所以我很少食甜品。目前為此，這是我吃過最有印象的其中一種。

下午4:30開始等位，一直都有好些人走，但一直都唔入人！門口一大堆人等位。我眼見已有四張空枱，忍唔住問點解咁多位都唔入人？那個帶位的竟然超衰格的樣反問：「你邊隻眼見到有好多枱？」嘩！咩事呀？我嚟受氣㗎？然後他施施然接一個牌出嚟 ，表示員工要晚饍，等侯時間會延長！我即時走人，越諗越火滾！這些公司請倒呢啲咁識趕客的精英真係勁！

黎到東薈城搵食，見到有新開既茶木，就黎試下，一等就等左45分鐘。入坐後即係叫野食: 焦糖芋圓奶茶 - 甜味適中，芋圓好煙軔但茶味淡紅燒牛肉麵 - 味道偏咸，有好多我喜愛既芫茜，蘿白鮮甜，麵亦好彈牙，牛肉肉質鮮嫰酥脆大花枝 - 賣相一流，但只係微暖，味道大打折扣。食食下仲竟然食到一舊豬骨，因為有脆漿包住無為意，以為係軟既花枝，大力咬左落去，此刻牙都想碎，仲好痛添。真係不能願諒既過失，廚房是是但但，認真少少去做，都唔會將啲食物混淆啦。蚵嗲肉碎泡飯 - 一上枱就好香，仲有好多芫茜，知道生芫茜多菌，即係浸熟啲芫茜先食。一入口，啲呵仔有啲臭，好唔新鮮。湯底亦偏咸。食食下一陣刺痛，有野插到牙肉，即係拔出黎，嘩，係一個蟹鉗仔，仲要帶刺!!!! 大概蝦米既size，好尖，插入牙肉就受傷流血，如果卡在喉嚨，後果會有幾嚴重? 食個泡飯，冇諗到會有硬物，仲要咁尖，點解可以咁離譜。本來諗住食完主食再叫甜品，但牙真係好痛，已再冇心情了。未返到屋企已經好口渴，感覺好似食左大量味精。大概十一點就開始肚瀉，瀉足一個晚上。呢間舖，係我遇到最差既食肆!!! 仲話集團經營，啲質量都未控制到。 食餐晚飯食到又牙痛又受傷又肚痛

在香港排隊變成了地道習慣，香港人什麼都要排一餐，茶木絕對係排隊的頭號餐廳吧。這次由59號排至82號，實在太有誠意了。有點失的是，我坐的梳化位太奇怪了，剛剛是兩張梳化中間，叫我如何坐呢，太難堪了。等待了這麼久就是為了這杯黑糖珍珠奶茶，實在太口渴了，先喝幾口。黑糖的甜味超強，珍珠不像車軑，哈哈。（說笑咧）然後等了整整半小時才可以用餐，提醒大家若是肚子超餓的，就不要點洋式意粉，點台式湯麵或小食好了。茄汁味超濃的蝴蝶粉配上雞肉，味道還挺可口的，加上酸酸甜甜的味道更開胃，雞肉也不太老，還不錯。但大家不用擔心份量太少，吃了大半之濟，你會發現很溜，然後慢慢肚子變脹起來了。還是要讚一下這個墨汁花枝手作麵，面條的質感很特別，濃濃的墨汁深透全部麵條，真的很美味呢。而花枝是我的大愛，加分加分。但還是要小心，整個嘴巴成了黑色，烏卒卒的，哈哈。

夜晚一家人喺到食, 叫左好多也。服務一般。一家大細喺出邊企左好耐,半個鍾有多, 先安排到大台比我地, 仲要係我地叫服務員拼細台變大台先入到座試過幾款奶茶都唔錯, 麵條好有彈性, 紅燒牛肉麵的湯底好正,牛肉好嫩滑。蠔仔泡飯好正, 湯底清甜。花枝麻醬撈麵都好食。失望的一點係,明明叫左香辣牛肉麵, 出來比我的係紅燒牛肉麵, 同服務員講左, 佢地挪左入去, 後來比我的麵佢話係香辣, 但係明明就食到係原味紅燒。

今次有讚有彈飲品：玫瑰latte。帶玫瑰味，好飲雞扒麵：雞偏肥但炸得不錯，份量慷慨。味道普通炸花枝：炸粉調味失敗，一陣粉味中帶小許澀，而且炸得太硬。食左兩件放棄。同侍應講難食，佢都有話唔好意思。朱古力toast: Yummy服務不算滿意,有些侍應生見到揮手示意不會理

某天徹夜難眠的車媽媽，起來情緒十分低落，想氹番自己開心，唯有去吃頓一個人的浪漫午餐啦！特登走過去東薈城嘅茶木嘆過下午茶！這間茶木係我去過咁多間比較的式的一間，開業初期排隊排得好厲害，不過我已經避過了午飯嘅人潮，所以去到都唔需要等位就已經可以入座。不原來餐廳係冇下午茶餐供應的 那便散點啦！！飲品選擇了酸甜味適中的{檸檬愛玉}$35，口感極像啫喱嘅愛玉吮入口滑嘟嘟，令我心情即時好起來， 那香而不酸嘅檸檬味，亦都令人精神為之一振。食物方便我點咗_炸雞扒肉燥飯}$66，賣相跟餐牌相符，記得在屯門嘅茶木食過佢哋嘅炸雞扒質素不俗的。白飯份量挺足，肉臊味道亦都十分正宗，加上好吃嘅醃菜同青瓜粒，整體表現都合格！可惜嘅係炸雞扒比較乾硬，吃落“un”口，而且十分之薄身，咬下毫口感可言！！

和朋友一行7人到茶木。因為食完晚飯先黎，所以只是簡單點了2樣甜品。芒果蜜糖磚: 作為招牌菜，和其他分店一樣，磚塊香脆不軟身，加上雪糕一齊入口，既冷且熱，十分美味。百香果慕絲蛋糕: 多層次，口感不錯，味道尚可。事實上7個人佔一張大台卻只是點了2樣甜品，正常被人黑面也是正常。(更不要說茶木繁忙而又高高在上的年輕侍應們大多一副不可一世的臭臉)但這裡的服務態度真的叫我刮目相看。首先這裡的侍應一直保持溫和熱情的笑容，每句說話都是"唔該"前，"唔該"後。而且當她們知道我們是為其中一位朋友慶祝生日時，更主動免費送上了3件蛋糕。真係要講句今時今日咁既服務態度就超晒班啦。在東涌這種美食沙漠的地方，有間能保持水準的食市也十分少見。(就從每晚大排長龍的門外就可以知道)同時在香港不黑面的侍應真的不多，下次就算是衝著他們的服務態度，也絕對值得再來!