茶房別天神

营业中

休息中

行完一輪Aeon，係時候搵間餐廳醫肚。茶房別天神位於Aeon 2樓轉角位。好喜歡這樣不同款式嘅吊燈。餐牌選擇唔多，拉麵共有兩款，加咗$30轉套餐，有多個小食，我同朋友各點一款。仲有日式咖哩同班戟不過無肚，下次要試下先。枱上有各式各樣嘅調味料。試咗辣芽菜，幾好食。小龍蝦蟹子沙律薯仔沙律裏面有卜卜脆蟹子同彈牙嘅小龍蝦，口感好豐富，仲可以包紫菜食，有驚喜！日式餃子餃子外皮微焦，肉菜比例剛好，簡單但好食！蝦味噌豚骨湯麵 主角到！好香蝦嘅鮮味，加上味噌豬骨湯，令湯底好香濃，叉燒肉唔鞋，幼麵嘅軟硬度適中，半熟蛋流心超正！豚骨湯麵湯底一樣香濃，但竟然冇乜油，又唔會太咸，飲多幾啖都唔覺口渴。總括來講，拉麵質素唔錯。要讚一下店員態度幾好，好有禮貌，落單後不久就上菜，有效率！

在這家餐廳吃過兩次外賣的班戟 (很好吃的啊)這次午飯時間到來～則是和同事們一起堂食，不過就不是吃班戟，而是吃拉麵喔！！除了單點的拉麵外，也可選擇別天神套餐 ($105) - 會配一份餐前小吃 (*˘︶˘*) 拉麵還會多了蛋我選了的是 - 小龍蝦蟹子沙律因為加了蟹子的關係，吃落會有脆卜卜的口感。當中還有鮮味彈牙的龍蝦肉～吃落十分滋味。若嫌單吃很單調，還可以用紫菜包著來吃呢同事則選了 - 餃子拉麵是豚骨湯底～看湯的表面好像有點油油的。但吃落則不是這樣的一回事，味道滿濃郁得來不會很油膩，所以吃拉麵的時候連湯飲也不錯這裡還提供了不少的拉麵調味料，即使您是重口味的朋友亦可自己再加以調味。麵條方面，是比較幼身的那種。有點煙煙韌韌的咬感，而且麵量比想像中的多。叉燒很軟稔且入味，不過如果喜歡吃較為肥美的可能會失望～但我來說這樣子剛剛好蛋不是半隻～而是整整的一隻，所以將整個套餐吃完真的好飽！！味道方面，蛋濃味得來有點鹹～但滿喜歡那滑溜的蛋白和濃郁的蛋黃。

太古Aeon裝修後開幕都比以前好逛，而且逢星期三都是會員特惠日，超市都堆人龍掃平貨。放工過黎行下打算買森林家族幼稚園校巴🚌獎勵一下某位細路，點知全線85折剛做完，連想買的校巴亦斷貨-.-近近地落2樓食個拉麵醫肚，點知全店Memu選擇唔多，一眼睇晒~~亦只有兩款拉麵套餐......最後柯打 $115 #期間限定 蝦味噌豚骨湯麵套餐跟4只煎餃.....日本人對拉麵的執著重於湯底，味濃掛湯，但我分唔出蝦味噌同一般豬骨湯既分別🤔拉麵必然格局：糖心蛋、日式叉燒至於麵底就.....個人較喜歡爽口彈牙麵，太軟身既麵質似乎不太適合我🙄雖然唔係屬於主茶部份，但我都想介紹下自助調味架，香辣荀絲😋😋餃子🥟不過不失，皮香脆肉鮮嫩，算ok

今日黎太古康怡睇戲，男朋友話飯餐想食拉麵，於是我地就揀左茶房別天神！豚骨湯麵$75這是原味，湯底濃郁，散發濃濃豚骨香，正！麵質適中，掛湯力高，不錯。🦐蝦味噌豚骨湯麵$85櫻花蝦味道突出，我連湯都飲埋！配料有粟米、叉燒、紫菜等。🥗小龍蝦蟹子沙律$35沙律夠凍，龍蝦肉頗多，清新好吃！🌮餃子六隻$35煎得又香又脆，推介！別天神的拉麵一向有水準，難怪分店愈開愈多，雖然選擇不多，但係做得出色同樣可以打出名堂。未試過嘅朋友絕對值得一試啊！

趁著20號會員感謝日95折， 特意相約同事放工到Aeon Style 逛逛。 6:30pm 進入商場已發現人山人海， 於是我們決定先來個early dinner!來到2/F 發現熟悉的店舖!上月一試難忘的博多拉麵別天神 原來在這裡也有分店! 時間尚早未有人等位, 當然要encore 啦! 店舖環境較銅鑼灣分店不同，此店乃開揚大店更寬敞舒適，有日式cafe味道。細看下才發現原來店名稍有不同，這家是茶房別天神。銅鑼灣側有日本小店風味，兩店有各自的特色。這裡更有咖喱飯及班戟甜品供應。之但係我當然係食一直念念不忘嘅別天神拉麵套餐同蝦味噌拉麵套餐啦!豚骨湯麵配小龍蝦蟹子沙律 $105蝦味噌豚骨湯麵配小食餃子$115配料豐富，拉麵維持一貫水準，濃濃湯底真係無得輸! 同樣有我至愛滿有蛋香的糖心蛋還值得推介是每檯都有的芽菜同薑，很開胃， 我倆差不多全吃光。一開始我們都打算試這裡獨有的即制班戟，display超吸引。 但這麼早的晚餐配上足料拉麵，實在再吃不下了，也替我們找到了下次再來的漂亮藉口

週末同女朋友喺太古買完衫之後咁啱經過呢間，又好耐冇食日本野所以就入咗去試吓啦，入到去枱面都好整潔而且旁邊會好似日本咁放咗一壺凍水啱晒好熱嘅我哋。我哋兩個一人叫咗一個套餐。豚骨拉麵上面有兩隻留心蛋蛋黃熟嘅程度啱啱好，而且配上好多蔥同埋木耳食落口感會清新啲。湯底唔會好似日本拉麵咁油反而係豬骨味比較重，食到唔係落味精個種。個湯唔會太鹹所以可以放心飲好多都唔怕口渴已過面方面硬度篇完少少二份量都夠一個男仔啱啱好食飽整體上唔錯。另一個係蝦味噌拉麵，面頭會見到有好多風乾左嘅蝦仔，而且個湯底係味噌湯，兩個撈埋味道會偏咸小小， 食落每一啖都好有蝦嘅味道，面嘅硬度同上一碗差唔多不過湯就唔好飲咁多因為會有啲咸，鍾意食有少少海鮮味嘅朋友一定唔可以錯過呢碗。而拉麵入面嘅豚肉都切得比較薄，不過都幾軟身，因為都幾夠肥。小食方面餃子都煎得幾香脆，而入面嘅肉汁都幾多，小龍蝦蟹子沙律都食到有蝦肉，口感都得意。店員嘅服務態度唔錯而且上菜速度都幾快所以下次來開買衫都可以食。

是日想食碗拉麵，就來到此處來。拉麵就只有2款，豚骨湯麵及蝦味噌豚肉湯麵，與朋友一起來，不用考慮，各點一款。湯底新鮮濃郁，一Ｄ都吾滯。流心蛋很滑，蛋黃流出來似的很吸引。豚肉瘦底，有少肥肉在邊，正是最佳的肥瘦度，新鮮有質感，選材一流。配菜鋪滿整碗麵，有誠意。碗刻上"别天神"，食完後果然沒有令人失望.小龍蝦蟹籽沙津，是將蝦肉及蟹籽柔合在一起，伴著紫菜食，是一個很好的餡料。跟套餐的餃子很大隻，有4隻，不過不失。

難得有日夜晚比較得閒, 就約個朋友去睇戲,點知時間預得太"炆", 得返半個鐘食飯, 朋友提議係附近食個拉麵, 好味又快手,  自從百貨公司大裝修, 別天神由地下搬左上去就未食過, 今次就睇下新裝修有咩分別新位置又多幾張台, 可以比多D 人坐埋一齊食, 但我始終都係鍾意係吧台果到食, 有風味D雖然新裝修有多幾款野食, 好似咖哩飯之類, 但我始終鍾情於拉麵同朋友一人叫左一個套餐, 一個拉麵配一個小食,  就可以食齊兩款味道O既拉麵, 同埋兩款唔同O既小食落左ORDER 冇幾耐就黎左個小龍蝦蟹子沙律,  雖然睇落普通, 但食落非常有驚喜!, 每一啖都有蝦肉同埋蟹子, 夾埋紫菜一齊食, 口感更加特別鮫子煎得脆卜卜, 幾香口,豚骨湯麵外表吸引, 拉麵口感十足, 而且係幼麵, 吸湯力十足, 最重要係套餐比普通單點多左一隻蛋, 即刻令個拉麵提升左個層次第二款麵同第一款多左D 味噌味, 同多左D 蝦仔, 口感豐富D, 鍾意味噌O既人應該會鍾意最後唔使半個鐘就上哂D 菜, 食埋, 埋單每人110蚊, 下次會ENCORE!

放工後，與媽媽相約在Aeon Style，行街食飯，行到7點幾左右就去左食拉麵，因為唔想食太多野，咁一人一個拉麵就剛剛好唔會太飽看看餐牌有拉麵和飯類選擇，最終我都選擇一人一個拉麵套餐1）豬骨湯麵2）櫻花蝦味噌豬骨湯麵飯類都很吸引，下一次可以再試試！套餐是跟4隻餃子，單點是6隻。餃子夠熱皮薄內餡靚！小籠蝦蟹子沙律好濃郁的龍蝦味道，配上紫菜夾著特別的美味豬骨湯麵湯底很香濃，拉麵既份量剛好，又夠多配料，十分滿足，豬骨湯底不錯，拉麵也很幼細可口櫻花蝦味噌豬骨湯麵這個味道是期間限定，淡淡的蝦味，湯底十分濃郁，特別鮮味既湯底，好開胃口

同朋友喺百貨公司買完嘢，唔經唔覺已經到咗晚飯時間，真係快樂不知時日過，於是就望吓附近有咩食，俾我見到有間拉麵店，雖然已經坐咗好多人，但見到仲有2張枱，即刻加快腳步去攞位。睇完 menu，見到啲套餐好豐富同吸引，於是同朋友都分別叫咗套餐。我叫咗別天神套餐，呢個餐會有豚骨湯麵同味付玉子，跟小龍蝦蟹子沙律。個餐一嚟到，我就即刻試飲個湯底，有濃濃嘅豚骨味，雖然好濃，但又唔會好膩，拉麵用上幼身的，可以更吸收湯味，更難得係煮得剛剛好，食落好彈牙，义燒望落唔肥，但一啲都唔嚡，味付玉子係溏心蛋，仲要滷得好入味，加埋啲爽口嘅木耳絲，正! 小龍蝦沙律好清新，食到小龍蝦肉之餘，啖啖都咬到蟹子，脆卜卜，就咁食已經好好味，再用附上嘅紫菜包住食，又係另一返風味。朋友就叫咗個蝦味噌套餐，小食跟餃子。試咗啖湯底蝦味香濃，但又有豚骨香味，加埋啲櫻花蝦，錦上添花，同我嗰碗完全唔同味道，下次想換口味，會叫佢嗰款。餃子外皮煎得香脆，肉餡份量適中，點埋餃子汁，又係食到唔停口。此店地點方便，拉麵套餐價格合理，下次行開附近都會再 encore!

來到AEON購物過後，肚子餓了，當然要享用晚餐，今次走到位於同商場內的拉麵店用膳。枱面上有各種調味品提供，例如蒜蓉、紅薑絲、芝麻等等。餐牌方面，有飯有麵，另外還有甜品日式班戟。今天的選擇是拉麵，而店裏只有兩款拉麵供選擇，我和朋友就直接order別天神豚骨湯麵套餐 ($105)和蝦味噌豚骨湯麵套餐 ($115)吧。小龍蝦蟹子沙律薯仔沙律弄成一球圓形，可用紫菜包著吃，非常清新爽口，帶有輕微的wasabi味，相當美味，十分有驚喜。餃子餃子皮薄，煎得幾脆，而餡料並不鬆散，就算不沾上餃子醬汁來吃，都已經很可口。蝦味噌豚骨湯麵送上桌的一刻已經有櫻花蝦的香味飄出來，有齊櫻花蝦、蔥、粟米粒、紫菜、豚肉和日本半熟蛋，材料豐富，絕不欺場！嚐一口湯，那蝦味即刻湧出，很香口！麵條很幼身，掛湯力不錯，吃起來甚有嚼勁。值得一讚是那半熟蛋，流心的口感令人無法抗拒，香口又軟滑，正！別天神豚骨湯麵朋友不吃蝦，就點選招牌拉麵。拉麵有大量蔥、木耳絲、紫菜、豚肉和日本半熟蛋，湯底豬骨香味濃郁，但不會過份油膩，會忍不住多喝幾口。雖然還很想吃日式班戟，但因為已經很飽肚了，唯有下次再吃！

在鰂魚涌下班後走到Aeon逛，也決定在這裡晚餐。可是多家餐廳都有很多人，所以看到這家位置比較偏僻的拉麵小店，就決定進去嘗試。拉麵，小食，飯和沙律都各有兩款，貴精不貴多。我和同事都比較想吃拉麵，就點了兩個拉麵套餐，有兩款小食。另外還有甜品，吃完主餐再說吧。拉麵店面積小，座位只有十多個。調味料有多款可選，除了七味粉還有蒜末，辣芽菜和芝麻等。先上是小龍蝦蟹子沙律，配了多片紫菜讓我們包著吃。小龍蝦肉鮮甜爽口，混在一起好creamy，跟香脆的紫菜一起吃口感頗豐富。煎餃子，跟餐有四隻，皮煎得脆又不會太厚，餡料為蔥末和豬肉，點那酸酸的餃子汁吃好醒胃，味道更有層次。豚骨湯麵的乳白色湯內有蔥，木耳絲，溫泉蛋和叉燒舖在麵上，還附上紫菜。先喝口湯，非常鮮甜又creamy，有濃厚的豚骨風味，不是味精的死鹹味。他們的麵煮得剛剛好，煙靭有咬口，夾上木耳和蔥吃更爽。豚肉大片又不肥，流心蛋的效果也做得不錯。桌上有那麼多調味料當然就不斷嘗試吧！最後我決定以七味粉、蒜末、辣芽菜、芝麻和胡椒為最夾的組合，味道為即時更濃更香。另一碗拉麵就是蝦味噌湯，顏色比剛才的深，上面灑了大量櫻花蝦乾，蝦味更香。這湯的味道除了帶鹹的味噌，還

朋友相約去太古城吉之島行街，行街前先醫下肚先，揾到間食日本拉麵店，原來拉麵店還有得食可麗餅和飲花茶。小食~小龍蝦沙律一小球的龍蝦沙律，伴紫菜一起食，有驚喜！還有，一份餃子。蝦味噌豚骨拉麵朋友點呢個拉面，一送到嚟，滿滿的櫻花蝦，多到勁誇張！湯頭好濃郁，豬骨味濃，糖芯蛋，所有材料下得比較爽快。豚骨拉麵我點的拉麵比較喜歡有叉燒，大大片肉，加上木耳絲，湯沒有好濃郁，但食飽後勁爽呀！的面軟硬適中，每食面條都包含湯汁。

難得放假，就同媽咪去太古行街街，休息一下，行到夜晚，開始肚餓，我就提議去食太古百貨公司入面嘅日式餐廳，我哋喺Aeon入面咗呢間主打日本拉麵嘅餐廳，叫茶房別天神。我地先叫一個小龍蝦蟹子沙律，估唔到都幾多小龍蝦肉，再同薯仔粒一齊食，唔錯啊！到主食，我同媽咪一人叫一個拉麵，佢就叫蝦味噌豚骨湯麵，我就要豚骨湯麵。媽咪個蝦湯真係好鮮甜，麵條稔度啱啱好；我個豚骨湯麵都唔輸蝕，好重豚骨味，啱哂鍾意濃味嘅我！我之後再叫多一個餃子六隻，個外皮煎到脆卜卜，好正！原來喺百貨公司入面都有好野食，大家要去試下喇！

收工和朋友來到康怡廣場搵美食，見到別天神出面一排排靚靚茶具就入咗去。呢度主推兩款拉麵，我比較喜歡🦐🦐🦐，選擇了蝦味噌豚骨湯麵，還配了最愛的溏心蛋。等了5分鐘多就上菜，急不及待喝了一口湯，好清甜，本身仲怕太咸，但蝦味鮮，又幾配合豚骨湯底！麵條都幾彈，不會太痴。溏心蛋就正常表現，因為我喜歡熱辣辣的，但我朋友讚不絕口說好甜好好味我覺得一碗最重要就是湯底，只要湯底好飲，就順利成章整碗麵都好食！如果叉燒係肥叉就更好喇，雖然清淡一點也不錯。