茶房別天神

营业中

休息中

今晚同朋友放工係太古行完aeon，見到間拉麵店。見佢裝修乾乾淨淨，都幾光猛同整齊，又有d香味四溢，所以就入咗去食。見佢哋嘅拉麵套餐都幾抵，同幾吸引。一個拉麵有配料也有一隻蛋又有一個小食，都係分別＄105同＄115，所以就每人要左一個拉麵套餐嚟食。啲服務生都幾有禮貌。有啲surprise因為佢嘅味道比佢個樣好好多。隻雞蛋煮得好好食，中間個蛋黃就溶溶地，好似糖心蛋，出面啲蛋白就好滑又有味。我覺得豬骨湯麵嘅豬骨湯底呢都OK，有豬骨濃湯嘅味。兒歌蝦味噌豬骨湯麵嘅湯底呢就有蝦肉味都幾得意。要講講佢個面底，真係幾好食喎。睇佢個樣以為太幼，但係其實佢係又彈口，而且軟硬適中，幾好食。個小食餃子都幾好味，幾香。估唔到佢地個小食小龍蝦蟹子沙律，做得好清甜好爽口，又有啲龍蝦仔味，個味調得剛剛好，用個紫菜包着嚟食真係唔錯。下次去開太古城行街都會再嚟食。

OT完緊係要係附近搵間正野補賞自己啦我地揀左呢間 好似好吸引咁而且位置方便~冷氣充足~坐得都舒服~最重要係唔洗等位!蝦味噌拉面套餐 ($115)唔同一般既普通豬骨拉面~呢個多左份鮮味~幾特別叉燒幾厚~唔會太多肥膏~岩岩好拉極偏軟身~份量適中~雖然係套餐 但唔包飲品~不過都有清水既自己斟既~幾中意個跟餐沙律~連埋塊紫菜咬幾好味除左拉面 都叫左個海鮮日式咖喱飯 ($95)咖喱好入味~送飯一流~一D都唔辣~小朋友都一定食到~Suggest 大家用八達通比錢~因為會平2蚊嫁~

百貨公司既日本拉麵角假日行百貨公司是日常的事，通常在地下那層會是食店的樓層，今天既食店很特別在時裝樓層的一角，有一間日本拉麵。豚骨湯面湯底很濃，拉麵是幼身的面條，是我喜歡的，因為幼身的面條可以沾上更多的豚骨湯，更加惹味！一提是叉燒的厚度比較厚，非常嫩口和有口感，加上時間剛剛好的溏心蛋，正！蝦味噌豚骨湯麵和豚骨湯麵分別是湯底加入了蝦味噌和配料方面用了櫻花蝦乾，湯底比前者更濃，充斥著蝦膏既濃郁味，而櫻花蝦乾增加了整體的口感，令整個湯面有另一種鮮味，喜歡蝦味重的朋友要一試！小龍蝦蟹子沙律以薯仔蓉作底，當中混入薯仔粒，有口感之餘又滑，在內更有龍蝦肉和蟹子，非常鮮甜，內裡更加入了一點點芥辣，令鮮味更出！日式煎餃餃子的皮非常薄，一面煎得金黃色脆脆的，作為套餐小食份量也很足夠。

最近幾個星期六都要到太古城加操空手道，所以康怡、太古城一帶我已變得非常熟落，今日趁上堂前便到 AEON STYLE 內的食肆醫肚，看見這間《茶房別天神》專食日式拉麵便2話不說入內試下。😁店內佈置簡單，座位不多，更可隔着玻璃見師傅在厨房煮麵，尤如置身日本拉麵店，非常日式，不錯。👍餐廳門口還擺放着不同款式的茶具，非常精美別緻，食客點花茶$35杯可使用。還有各式各樣的班戟模型，未食已食指大動。看過餐牌，拉麵的口味只得兩款可選，分別是豚骨湯麵和期間限定的蝦味噌豚骨湯麵。更可把湯麵轉為套餐，配餃子4隻（$105）或小龍蝦蟹子沙律（$115）。而且，更有多款班戟作飯後甜品，記得要预留15分鐘給師傅用心制作。每檯客更有調味架给食客自行添加口味，分別有辣芽菜、薑絲、拉麵汁、芝麻、七味粉、拉麵胡椒和蒜蓉等等，任君即時自用，非常照顧食客要求。各點一碗，豚骨湯麵和蝦味噌豚骨湯麵。材料非常豐富的豚骨湯面,分別有义燒、木耳絲、蔥粒、紫菜和全隻溏心蛋。豬骨湯味濃郁，湯唔鹹而好入喉， 紫菜爽脆，义燒肉厚入味，而拉面軟滑富有彈性，再加上香濃豚骨湯底和清甜木耳、蛋味十足之溏心蛋，美味極佳。蝦味噌豚骨湯麵,味道比豚骨湯麵

前幾天黑色爆雨都要去吉之島買傢俬，就是因為呢個口商場連接地鐵站交通非常方便 所以都決定照去買膠既雜物盒同衣櫃同鞋櫃，閒日來買好過假日來，唔係插針都插唔入。 行完落一層在角位有間食日本拉麵餐廳，睇睇門前大餐牌再入去食 門口都聞到湯底既味道太香噴噴 門口的幾排玻璃櫃，有好多不同花紋款式既花茶杯，做擺設相當吸引 拉麵套餐只有兩款，有豚骨湯麵(HK$75)及期間限定蝦味噌豚骨湯麵(HK$85)。 有單點或點套餐，套餐可配餃子6隻或小龍蝦蟹子沙律。 不只是吃拉麵還有兩款日式咖喱飯可供客人選擇 有海鮮日式咖喱飯(HK$95)同和牛日式咖喱飯(HK$95) 坐底左呢度環境都坐都舒服，而且地方都好乾淨 服務都再可以好一點，可能客人幾個來幾個走，店員都是等有ORDER才出來 好有日本feel ，連枱上放木架子有幾款調味料可以加入拉麵一齊食 有醬油、辣芽菜、芝麻、拉麵胡椒、生蒜蓉、七味粉及紅薑絲供客人客自由配搭。 小龍蝦蟹子沙律旁邊有五片紫菜可以包住食，沙律裡有小龍蝦肉 半熟蛋入面蛋黃則呈流心狀入口滑溜，蛋白都一樣爽彈，日本叉燒也不錯肉質瘦瘦的我喜歡食這個口感，木耳亦好爽口，

收工後 當然要找點好東西食 畢竟工作是辛勞的 慰勞一下是應該的，如是者我走完了一點點 到達了別天神看到了menu 選擇雖然不多 但合心意的，就決定來一個豚骨湯麵套餐！愛了餃子三隻還有另一張甜點menu, 不調就只我一個人，實在食不了這麼多一上來 不過不失，還有一隻蛋 不是半隻蛋，麵身較幼，很爽很彈牙，豚骨湯味道較淡，不過可加的調味料也不少 如七味粉 芝麻餃子煎得不錯，肉汁都不少，不過不失特別一提 這裡是先付款再找位置 有點像foodcourt

逛逛下黎到太古康怡商場，響Aeon行完街，大約2點左右，就響面前有間拉麵鋪，門口大大，門面擺設裝飾較多，唔會睇唔到！決定入去試一試，開放式既餐廳，響裡面都會見到商場來往緊既人。響外面已經見到裡面全店爆滿，只剩下1張2人枱剛剛好(照片之後拍照)坐下枱面有一大壺水供應，方便自己自行斟，唔需要下下勞煩店員又有調味粉架....有蒜蓉、七味粉等常見味料！餐牌只有兩款選擇，但唔知係咪lunch time呢？已經冇左一款，唯有我地試試別天神套餐的豚骨拉麵，小食揀左餃子同小龍蝦蟹子沙律，因為我地叫左2個套餐先有2個小食！本身諗住叫埋甜品蛋糕，但原來已經沒有出售了，只係餐牌未改甜品一欄！拉麵到了，賣相非常吸引，食落麵質較幼身，視乎各人喜好，份量都足夠填飽肚的豚肉都有2-3塊，都叫大塊厚身小食個人較中意小龍蝦蟹子沙律，凍身，周邊鋪上一塊塊脆脆紫菜，'不'一羹凍凍既沙律包住紫菜食又幾特別幾好味餃子不過不失啦，一碟四件，皮都夠薄！一個午餐由入去到離開只需要35分鐘，冇特別快速度，依舊平時速度，上餐快，想速食衣度冇得輸呀！返工lunch time食完仲有時間行下街埋單只需$105/1位飽飽....

我真係好中意行太古康怡，特別多公仔同文具買，啱哂我啲日本迷。今次係r.o.u行行下覺餓就入左隔離間麵店食。嗌左小龍蝦沙律，好食偏鹹，小龍蝦份量好足，包紫菜食啱啱好。即刻嗌果汁飲🤤蘋果汁唔算甜。再嗌左餃子，大細適中，煎得啱啱好。嗌左豚骨同蝦味噌拉麵，一個清淡一個濃郁，細麵唔會太林，加埋芽菜就夠多層次。係咁就腳既地方最好就係食個午餐繼續購物😋

同事相約午餐時間順便行下AEON 行到2樓，給一排長櫃裏的茶杯吸引。裝修前西餐位置已轉左日式拉麵店，就試下新先。午餐選擇不多，主食是兩款拉麵、兩款咖喱飯。和同事點左兩個拉麵套餐。蝦味噌湯麵櫻花蝦份量不少，叉燒偏瘦，怕肥既同事喜歡，湯底香濃。豚骨湯麵湯底稍微清淡，有我喜歡的木耳絲、糖心蛋有流心的效果，兩個麵質都是稍硬、口感不錯！跟餐餃子皮薄，煎到金黃，保留肉汁。小龍蝦蟹子沙律沙律中的蟹子增加了口感，用紫菜包住食更添風味！相約同事下次再試試咖喱飯。

又同老公黎到港島東，主要因為想行下太古城，佢又心血來潮想食拉面，咁就黎到別天神。本身我食過銅鑼灣個間，但老公就未食過。星期日兩點黎到，唔駛等位。座位比銅鑼灣分店好坐 ，我地叫左蝦味噌套餐（$115）同別天神套餐（$105），一個配餃子，一個配小龍蝦蟹子沙律，咁就可以試哂佢既小食 。再叫多兩個果汁。小食同果汁好快送上，餃子都算皮薄，一客仲有六隻，都算幾多。另外我比較喜歡小龍蝦蟹子沙律，配上紫菜既食法幾特別。兩碗拉麵隨後亦到送上了，一送上已被味噌蝦吸引住 ，橙色既蝦味噌湯上面有好多櫻花蝦，好吸睛，可惜老公被老公搶左，始終純豬骨湯拉面比較普遍，所以我地都想食蝦味噌湯。蝦味噌湯比豬骨湯濃，但兩個湯都好勁，油份甚少，市面少見 ！個人比較喜歡蝦湯面則偏淋身，啱哂老公口味。胃食總結：喜歡蝦既朋友，絕對要試蝦味噌湯

與太座到鰂魚涌看過家品，要在百貨公司內用膳，原因是太座喜歡這裡在雪櫃陳列的蛋糕，一個理由便足夠。幸好午市已近尾聲，不需花時間排隊等吃。點了蝦味噌套餐， 包括有蝦味噌豚骨湯麵，有餃子或小龍蝦蟹籽沙律，太座想吃餃子，而我想吃蟹籽沙律，惟有加錢點齊兩樣。小龍蝦蟹籽沙律，以薯仔沙律作基本，拌了小龍蝦和蟹籽，附上幾片紫菜，我用紫菜包些沙律吃，也很有趣，值得一試。太座的餃子有六隻，餃皮也煎得香，餡料有菜和肉碎，很可口。蝦味噌豚骨湯麵，湯底是加有蝦去熬煮的味噌豬骨湯，味道比一般豬骨湯多了些蝦味，湯底黏稠很喜歡，材料有味付玉子，即日本半熟蛋，做到流心的狀態，好正！還有粟米，叉燒和櫻花蝦，麵質稍腍，但叉燒好味，追加了一碟，夠油脂香。和牛日式咖哩飯相當喜歡，咖哩汁辣但程度是我們接受到，辣得很過癮，和牛做的漢堡扒很腍滑，牛味濃，配咖哩汁很不錯，當然空口淨吃會太辣，配白飯則正好，我喜歡這個飯多過麵。太座喜歡的紅茶芝士蛋糕和北海道芝士蛋糕，兩款都點齊，芝士味幾出，我較喜歡紅茶芝士蛋糕的味道，陣陣茶香，配一壺博士茶，以靚靚的有田燒茶杯飲用，這個午餐很愜意。

自從住處附近的康怡廣場南座翻新變成 AEON STYLE 之後，場內的確進駐了不少有質素的食肆。上星期去了位於三樓、走健康路綫的《Cow Bean by Pokka Café》吃午飯，這個星期就決定再下一城，試試樓下一層、以拉麵和花茶掛帥的《茶房別天神》。踏進店，地方雖然說不上寬敞，但其實已比我早前到訪過的灣仔《博多拉麵別天神》分店闊落得多，而且椅桌擺放得整齊企理，配上門外一系列用作裝飾的有田燒茶杯，氣氛悠閒舒服。翻出餐牌細看，一如其它分店，拉麵的口味很簡單，只得兩款，分別是豚骨湯麵和期間限定的蝦味噌豚骨湯麵。另外客人亦可以把湯麵轉為套餐，配餃子六隻或小龍蝦蟹子沙律。如果唔想食拉麵嘅話，店裡亦備有兩款沙律和兩款日式咖喱飯，可供客人選擇。由於之前在《別天神》分店已經嘗過豚骨湯麵，所以今次就決定揀客蝦味噌套餐配小龍蝦蟹子沙律 ($115) 試試。拉麵上桌後，趁熱馬上舀起呈淡橙色的湯頭呷一口，味道比早前吃過的豚骨湯濃稠，而且入口更夾雜著陣陣蝦香，加上油份不高，味道濃而不膩，很不錯。再挾起拉麵試試，以日本麵粉製成的麵條，質地幼細，充滿麵粉香，而且軟硬度掌握得很好，煙韌有咬口，掛湯力不弱。另外客

我是康怡吉之島常客，最近康怡吉之島完成局部內部裝修，店舖和間格大執位加大換血，連多年屹立不倒的麥當奴亦靜俏俏地消失得無影無蹤。今天就試試吉之島內的隱世拉面店茶房別天神。因過了午飯時間，食客不多。店內佈置簡潔，拉面款式不多，還有日式咖哩飯、沙律、少量小吃、日本花茶和日本蛋糕選擇。坐下叫了的別天神套餐($105) ，有豚骨湯面，包燒餃子4隻或小龍虾蟹子沙律一客。另亦可付款追加面底、义燒、半熟蛋、蔥、木耳、紫菜和粟米。豚骨湯面材料豐富，有义燒、木耳、蔥、紫菜和半熟蛋。紫菜入口爽脆，义燒肉厚多汁，拉面軟滑兼有彈性，再加上香濃豚骨湯底和木耳、溏心蛋，十分開胃。桌上亦有一大盤各式調味料任君配搭，於是再加入辣芽菜和芝麻，來個錦上添花。至於燒餃子，餃子外皮一邊燒得微焦香口，一邊餃皮香軟，賣相不錯，餡肉嫩滑，味道不錯。飯後甜品就叫了瀨戶內大長檸檬芝士蛋糕，蛋糕鬆軟香滑，芝士檸檬味道交錯，配搭不錯。

一間永遠都吾會幫襯既舖頭，入到店冇招呼，冇人帶位，自助。餐牌小得可憐得10個餐內，落單更要行岀去落，完成不知所措既餐廳。野食更吾需要講，發生咩事？難食到一個地步，成80幾蚊個餐，衰過m記！

最初發現是銅鑼灣店 位置很少有日本師傅～ 今天發現原來太古也有 而且食品多了甜品蛋糕及沙律。 叫了個套餐 有麵及小吃 約1xx 湯底不會食完口渴 麵也不錯 枱上有辣芽菜 我覺得加進麵 很好。八達通付款減二元。 食物整體ok 。BTW 見到個名原來跟銅鑼灣那店有點不同。 但食物主流差不多雖然地方比銅鑼灣大 不過～