茶寮 京都仁王門

营业中

休息中

路過呢間餐廳多次，一直想幫襯，今次終於在端午節假期中午試吓餐廳主打而家好流行而我又好鍾意嘅蛋包飯、疏乎厘pancake，而位置在電梯對面亦好易搵，所以吸引到好多人😄食物方面都算中規中矩，可惜其中一個主打嘅疏乎厘pancake真係用慘不忍賭去形容，扣晒分😌服務亦有待改善，估計係店長嘅人物真係應該好好檢討自己嘅服務態度，反而新上班店員值得一讚👍🏻咖哩唐揚炸雞蛋包定食（$88）蛋包飯炸雞做得幾好，炸得乾身又唔會太油，可惜咖哩比較似超市買嗰啲盒裝😅抹茶黒密豆乳（跟餐半價後$18）北海道芝士年糕（$36）呢個要讚👍🏻同樣炸得均勻，外脆內軟，芝士流心，非常好食😋味醂魚乾（$36）炸得略為乾，味道偏甜😅原味班戟（$88）可以講食過之中最失望嘅一間🥺我個人最鍾意食原味，原因主要係可以食到蛋香，空氣感的滑溜感覺，可惜完全唔係呢回事，完全冇蛋香，又實又粗😔嘥晒

梳乎厘不過失唔夠空氣感 但有少少咬口咁我叫左期間限時花生醬花生醬味極濃 但完全無cream而我比較鐘意配上cream 果種柔滑感🤣🤣算唔錯 都好食 但仲可以進迚步👍🏻

黎到海之戀商場shopping， 累了坐低嘆個下午茶，呢間「茶寮」打正旗號係日本🇯🇵野就去試下。明太子忌廉烏冬： 明太子味突出，吾會死咸，烏冬吾係便宜貨，起碼食得出係彈性無酸味，每一條烏冬都蘸滿了忌廉，毫不吝嗇的海苔粉，整體十分Creamy，不錯。炒豚肉辛辣湯烏冬：夠曬辣，最少有三小辣，但咁先過癮，不豚肉似就咁淥熟肥牛咁，不過誠意可加，有紫菜加持。明太子雞翼：烤得幾好吾多油，唯沒有明太子味，仲帶點焦脆，不錯。芝士年糕：新鮮熱辣炸起，仲做到拉絲效果，估佢吾到。期間限定梳乎厘，焦糖鳳梨🍍味，炙燒香甜鳳梨，唯梳乎厘質感比較實淨，不是空氣感，蛋味夠香濃，但內裡似味熟蛋漿咁，比較濕潤，整體靠鳳梨汁提升層次。總結：一分錢一分貨抵食下午茶 🫖 梳乎厘味道還好

我們於7/6（三）約下午四點十五分到達餐廳。叫了2個梳乎厘班戟，店員有和我們說要等30分鐘，而我們真的在30分鐘後才吃到🤣🤣不過之後見到有客人等了10分鐘就有得吃了，可能是有弄多了的班戟🙃迷你芝士奶蓋梳乎厘班戟（$58）：芝士奶蓋不是十分咸，有一些芝士脆脆配vanilla ice cream迷你焙茶梳乎厘班戟（$68）：焙茶味重，也有很多焙茶cream，配上黑芝麻ice cream，有很濃的黑芝麻味，極之好吃👍🏻也有厥餅2款也有茶配搭，埋單加一以迷你梳乎厘班戟來說，價錢合理

生薑燒定食 $68+28set好普通 吉野家味道 不過不失2碟小前菜味道麻麻吉列豬排咖哩蛋包飯 $118豬排炸得幾好食 咖哩都唔錯 整體都算好食抹茶疏乎厘 $118賣相唔錯 其他所有野都係大災難班戟0蛋香味 口感冇特別 唔算特別棉 仲見到啲蛋白未完全混合 抹茶口味原來只係原味班戟加啲抹茶粉 好失望餐廳係寵物友善 當日有張檯有2隻狗 用餐時間60分鐘左右 佢地就叫足全程 食客們都開始出現不滿 唯主人仍然無動於衷另外由於當日係公眾假期 好多一家大細餐廳景況係小朋友有佢地叫 狗狗有佢地吠總括用餐體驗極差

餐廳出名賣pancake所以想黎試下，$100幾蚊一個，同個午餐一樣價錢，但個pancake真係完全唔掂，得個樣好睇，個口感太實，味道亦唔吸引，寧願比$300上一層食6碗譚仔其餘主食食左蛋包飯，同埋豚肉嘅定食，每個餐都差唔多$100，唔包野飲，味道一般，同樣價錢可以有更好選擇，食物等候時間偏耐餐廳內座位算多，但座位之間比較窄，好多細路好嘈，可以帶寵物內進，如果左右都有狗有細路就祝你好運員工態度還好，有落漏單情況

平時都好少想寫食評 但呢個真係難食到忍唔住要花時間寫下有幾難食嗌咗個原味疏乎厘pancake ($88)上菜嗰下聞唔到蛋香味 淨係聞到油抑味同埋一浸唔好聞既麵粉味 就已經覺得應該出咗事🤯食咗一啖 冇蛋香味 淨係得浸油抑味充斥着成個口 飲幾多啖茶都洗唔走浸味😅😅本身想放棄佢 但又覺得好浪費 就試埋加cream食多啖個cream係ok嘅 但係都係遮唔到浸油抑味😅真係頂唔順 浪費都要算啦不可一不可再 真係唔好去試呀！！！

係荃灣海之戀行街，經過見到午市定食，賣相幾吸引，個饅魚飯最吸引我，定食都幾多配菜，有麵豉湯，前菜，有茶，有甜品，仲有生果，饅魚質素都算唔錯，因為佢冇骨所以我比較滿意！下次可以試下疏乎厘😋

這間餐廳推動我一直以來不寫食評的習慣。昨天星期五中午12:00到這間餐廳正好剛剛開門，冇人帶位，叫我哋隨意任坐，我哋2個人，心想一陣都飯市，唔好坐4人枱了。跟住見1個人入嚟果啲客都自行坐一張4人枱，如是這2人又是這樣。到了12:30左右開始lunch time就逐漸多人在外面等位。形成間舖好似幾有水準而要等位，其實是員工所做成。員工像是坐喺一條沉船此的餐廳，冇動力冇招待的情況下經營。至於食物質素大多是現成交來自行加工的食物，我點了一個生薑豚肉定食，豬肉食落好重血腥味，即是肉未溶好晒雪就處理（啲血水索番晒舊肉到），而個飯細到有點好似飯團仔的size，這個lunch一般人是不會飽的，收得$66（再加一）都冇飽飯人食，真是涼薄。我們在不包餐飲之下叫了2杯齋啡，咖啡飲了兩口已經不想再飲，因為太酸，他們選用的咖啡豆唔靚，加上咖啡機唔靚以至水唔夠熱的配合下，一杯難飲的咖啡就此形成。埋單這個set 要$108，好似食咗陣風咁，唔會再來。

【荃灣區】【茶寮 京都仁王門】我都知我好耐冇同大家一齊探討荃灣區嘅餐廳，只怪我開咗太多頭出嚟，又呢樣系列，嗰樣系列。最後都係做得唔好，無疾而終，可以話係虎頭蛇尾界 KOL。而前日試行一日兩個 post 玩法，但係導致 like 數嚴重失衡。有時想某類讀者睇 post 之餘 like 埋都難，自己都明嘅，我自己 private account 都好少去 like 嘢，因為我都幾怕啲 sales 或者鹹濕廣告成日 send 啲 follow request 嚟，又要花時間撳走佢，所以我係明白同體諒嘅。不過要多啲人睇到而 like 又唔係完全冇辦法，只要啲食物個樣夠吸引，排版排到靚一靚咁，一樣會有個好少少嘅效果。就好似我嚟到海之戀商場嘅呢間日式餐廳，走文青風咁，就算我直屬上司唔睇，女同事都有機會路過睇吓。我餓，整個「28辛京都咖喱蛋包定食」系列嘅「辛京都風咖喱極上漢堡扒蛋包定食」啦，$118，正常水準，好食過唔少女僕 cafe，但用餐廳水準就只屬 okay。蛋都算滑，咖喱都可以，係啲飯同舊肉最一般，甚至有少少失望。跟餐附送嘅「麵豉湯」同凍「日本茶」發揮到正常水準，冇甩漏陀衰家咁。食完想補個甜

茶寮 京都仁王門💚炒豚肉辛辣湯烏冬 $58北海道芝士年糕(2粒) +$20黑松露蛋白什菌忌廉烏冬 $58日式章魚燒(半份) +$12朱古力豆乳 +$10焙茶黑蜜豆乳(熱) +$10迷你蜜瓜梳乎厘班戟 $68另收+1服務費人均消費: $130 (2人) -👩🏽：炒豚肉辛辣湯烏冬🌶️🍜份量有啲少🥺佢個辣味唔係好夠辣如果有得提供大 中小辣揀 就會好啲😝個豚肉 口感比較硬得滯🐷約有6-7片如果淋啲嘅話 就會好味啲個烏冬係幾好食 個質感夠晒煙煙韌🤤·北海道芝士年糕(2粒)🧀偏向淋身 個口感冇咁煙靭 冇咁有咬口🤭如果有返啲年糕煙韌嘅口感 會更加好佢一咬都有好多芝士🧀但唔係好feel到個年糕嘅感覺🥺·黑松露蛋白什菌忌廉烏冬🍄🍜烏冬份量比較少🥺佢係屬於扁烏冬 好有彈性咬口嘅烏冬😋不過比起彈性 佢再淋少少配料有蛋白 黑松露醬 洋蔥 菇 啲洋蔥都係普通一片片🧅煮到唔會話太淋 亦都唔太生嘅感覺 反而有啲爽口 黑松露醬 超香 撈埋落去 幾好味🤤成個烏冬都充滿住啲醬汁 都幾creamy 啲蛋白幾正🥚令到成個烏冬入邊增加咗啲味道同埋比較軟綿綿 增加咗個口感😚·日式章魚燒(半份)🐙做到外脆內軟嘅感覺食到入邊好多粉漿同

新年期間見佢冇乜人就入去快食個午餐坐低之後一個侍應先記得同我哋講冇pancake食，因為師傅唔返我哋原本就係諗住入去食pancake不過都見坐咗低就算啦但呢d 基本野應該一早要同客講明囉一群女待應，淨係掛住圍埋喺度傾偈其中一個女待應，戴住口罩都見到神情態度甚差基本上個餐同野飲都係掟落台咁滯全程橋埋對手喎我仲以為佢喺呢度老細，個款串到呢呢度係賣緊差唔多$100一碟嘢但係啲服務仲衰過茶餐廳唔想返咪辭工囉係咪？食物方面炸雞淋，麵質又係好淋根本唔值呢個價冇下次

今日心血來潮想食蛋包飯🙈近近地係海之戀搵到呢間！🛎 $88 咖哩吉列魚柳蛋包定食🛎 $108 咖哩極上漢堡扒蛋包定食咖喱就係正宗日式嗰種甜甜地嘅咖喱每碟都會有兩嚿薯仔同紅蘿蔔🥕蛋好滑，撈飯一流雖然房底係播放，但應該係用珍珠米，所以飯粒都好飽滿🍚漢堡扒厚肉，多汁！魚柳鮮炸，脆口！會配上一杯日本茶及一碗麵豉湯麵豉湯幾好飲🤩🛎 $108 朱古力班戟疏乎厘班戟夠濕潤同埋空氣感伴碟有香蕉同朱古力雪糕面頭灑上好多朱古力🍫整體上蛋味同朱古力味都好充足👍🏻🛎 $36 薯條配黑松露沾醬薯條份量正常黑松露醬多啲會好啲🤣🌐 環境/服務環境唔錯，坐得都幾舒服晚上7:30去到，要等位，但好快有位不過明明未到last order，又冇人排隊，店員會好心急想收碟😓有少少趕客feel

一家大細，企左十幾分鐘，見住有幾張4人枱都只會放一兩個人入去坐4人枱。見到佢咁做野即刻走人唔怪得永遠都門口企滿人。請到呢d 員工真係喊三聲見到其他食評，慶幸無幫襯佢地

呢間日式定食店主力sell食pancake 我呢啲社畜，有得出去食晏都好開心Pancake 就等放假先chill下😊放lunch 都係食返定食吉列豬扒定食可以揀跟烏冬或飯團😊份量不錯，女仔份量剛好有湯有生果有甜品仲有杯茶味道黎講，叫做正正常常Lunch黎講，叫做幾好！😊仲可以加錢要小食👍🏻朋友叫左咖哩蛋包飯我就痴佢食左明太子雞翼同芝士年糕都係standard 野黎開呢到搵食可以一試！👍🏻❤️