茶寮 京都仁王門

营业中

休息中

經過見到啲圖好似靚靚地，點知食完極之失望🍟黑松露沾醬薯條炸完之後十分油淋淋既薯條唔夠乾身，所以唔係話好脆個醬都無咩特別，沙律醬味比較重😂🐟特盛鰻重即係鰻魚飯套餐，配有2款時令配菜，麵豉湯，時令水果，日本茶個鰻魚就幾厚肉，味道正常，但明顯好似係啲急凍鰻魚加熱之後就咁出菜，飯粒都煮得麻麻地，口感淋淋地咁😶飯量唔係好多，女仔食薄薄地都夠既個配菜係頹頹沙律菜同海帶沙律水果就普通蜜瓜，提子同藍莓日本茶味道普通🥞宇治抹茶班戟 此餐最差食品，首先個樣已經怪怪地，果幾粒疑似蕨餅既物體同圖片不一（雖然人地無話係蕨餅），食落都唔係蕨餅軟糯既口感，無抹茶味，似食緊一粒好甜既糕，班戟唔係想像中既空氣口感（雖然人地都無話係空氣口感），比較實在既口感，但個班戟有陣怪怪既味道（膠味？），加左抹茶粉都無抹茶味，連個雪糕都無咩抹茶味😵‍💫 都唔知用左咩抹茶粉黎整，成份班戟都無茶香😂仲要賣到咁貴啲紅豆就甜上加甜，唔知點解佢啲紅豆食落同呢份pancake可以咁唔夾🫖蘋果薑果粒茶甜甜地既果粒薑茶，無特別話好好飲😂總之體驗就十分差，見隔離枱食果個蛋包飯都勁頹，食物品相，味道同口感都令人極之失望，無下次😤

之前經過左無數次嘅一間餐廳，男友生日終於試咗😈肥佬太中意食蛋包飯，唯有陪佢試吓啦🤪·🍛28辛京都風咖哩蛋包飯定食唐揚炸雞ʜᴋ$88 · 吉列大蝦ʜᴋ$10828辛京都風咖哩，顧名思義係用左28種香料製作而成既京都風咖哩，搭配唔同嘅炸物、加埋滑蛋整成嘅蛋包飯。價錢都唔算貴，唔係太驚喜不過味道都唔錯，起碼唔係海港城嗰間排隊又貴但又唔算超好味🙈呢款咖哩唔會好辣，夾埋個蛋包飯都唔錯，炸雞整得幾好、不過好似肥咗少少🫢吉列大蝦就中規中矩啦。·焦糖鳳梨班戟ʜᴋ$118本身係想食蜜瓜班戟，不過嗰日冇貨，轉左焦糖鳳梨。賣相好靚，好彩都唔錯，焦糖鳳梨好甜好好味，班戟都幾鬆軟，兩個人share食啱啱好☺️·焙茶黑芝麻奶昔·雜莓沙冰兩杯飲品都夠哂足料，而且都調配得宜，忍唔住清哂成杯😆飲完勁飽！

📍食咗咩？- 28辛京都風咖喱 吉列豬扒定食 $88- 28辛京都風咖喱 吉列廣島蠔定食 $88先講跟餐有咩啦。定食會有一杯冷茶同埋味增湯。裡面加咗兩片蘿白，但個湯咸到腎虧，飲咗1/3就無飲，跟餐嘅茶都幾唔好飲，口渴嘅話建議都係應該加錢飲特飲。黎到主角28辛咖喱：無咩特別。聲稱用咗28種香料烹調嘅咖喱——完全食唔出個種層次係印象中個種日式咖哩，開粉，唔辣唔辛有咸有甜，兼有紅蘿蔔。蛋包飯：係蛋蓋白飯。蛋本身炒得ok，非常滑身，不過蛋本身無咩調味（可能預你撈味增湯食😂），白飯嫌過濕，食唔到粒粒嘅口感。朋友仔係食吉列廣島蠔，個蠔好食過吉列豬扒，起碼有蠔味。個吉列豬扒完全無豬味，個炸漿同肉係分開兩層，口感麻麻地。總結：坐得算舒服，可能甜品會比較吸引，但想食咖哩吉豬嘅話，分分鐘茶餐廳整得仲好味，唔會特別再幫襯。

鋪頭係荃灣西地鐵站出口行幾步就見到，見到門面主力推緊班戟同甜品，不過因為未食午餐，最後都係選擇左定食，下次有機會要試下佢啲甜品。🔴辛京都風咖哩唐揚炸雞定食 $78🍛定食附送一碗麵鼓湯同凍日本茶。麵鼓湯清清地，加上白蘿蔔令碗麵鼓湯更清甜。咖哩味唔太辣，偏向日式咖哩口味，啲咖哩就有小小稀，配料偏少，一碟得兩三舊薯仔。炸雞炸得唔夠脆，味道普通。整體感覺一般。🔴抹茶煉乳奶昔 $26🍵定食加配豆乳特飲可享半價。可能真係做開和菓子，成杯飲品偏甜。杯野一上檯真係忍唔住哇一聲，個樣好靚，睇落好豐富。抹茶蕨餅夠咬口，連埋飲品一齊飲幾夾。🏠 茶寮 京都仁王門 📍 荃灣大河道100號海之戀商場地下G22-G23

臨近重陽節，掃墓完，熱到爆炸，好想來一杯甜，路過餐牌好靚，食物好多款式，好繽紛吸引。可能尚早，見到有位即時入座。我地點左一杯飲品同一個梳乎理pancake 。賣相同餐牌一樣，真係好似去左日本。叫左一杯芒果沙冰，有點失望，實在太甜，重要喺死甜果種，當日可能我實在太口渴，職員好殷勤地幫我加左幾次水，過一刻覺得杯清水好飲過沙冰。梳乎理方面，不過不失對得住個價錢。一試無妨。總括嚟講，同朋友坐喺度飲下野傾下計都唔錯。

今日去食下午茶梳乎厘，食物幾好，好食，環境都幾好，客人唔多，諗住可以放鬆一下食個下午茶，點知，班員工不停大聲傾偈、打罵，嘈到死，最離譜係係水吧位置有員工除口罩偷食野，而水吧放咗沖定既茶同清水，然後偷食緊野個員工仲大聲同其他員工傾偈，口水環飛，真係好污糟，希望老細見到會改善一下😪

Packcake 完全無蛋味 口感似浸左水嘅海綿蛋糕 生果勁酸小食都完全唔得 餃子係炸餃子 同唱k任食果啲一樣 章魚小丸子完全無章魚只有一堆粉團味Really not recommend

第一次黎海之戀呢個商場，本來都有目標要食邊間餐廳，但礙於間餐廳冇得拎飛要排隊既緣故，惟有食其他，咁就揀左茶寮呢間拎左飛先，跟著我再去望下其他餐廳。當佢叫到我個號碼，我已經即刻係隔離間餐廳行過黎，點知佢已經叫下一個號碼😅咁我馬上遞飛俾個staff啦，點知佢啤我🙄其實真係差果幾秒既時間，食飯時間人多，大家都想儘快食到飯，但都唔洗咁既態度掛😅我又唔咪delay5分鐘遞番張飛俾佢😅到食物啦~做人真係唔好俾外表呃左，餐廳張相同實物真係可以差好遠🤦🏻‍♀️再望下實物既顏色啲咖哩真係差好遠，食落去係好水，但個蠔係炸得好既！但價錢真係偏貴左啲。呢個梳乎厘唔咪好梳乎，食得呢個甜品緊係食佢嘅，空氣感，食完好似冇食之餘但又會好飽好滯架嘛！但呢個梳乎厘係實既🥲燒菠蘿係OK，但當然唔可以同出面燒物果種燒菠蘿比較。呢杯係玫瑰拿鐵，第一下飲落去既感覺似飲緊有酒既咖啡，但原來係玫瑰味黎既，咁應該係我味覺有問題嘅🤨不過杯咖啡又唔咪話好差好難飲，係OK既！上野食偏慢，服務態度差，嘢食貴得黎又唔咪特別好食，呢間我唔會再食。

晚市叫左鰻魚飯同 照燒雞排跟餐+$28跟餐 有小食,湯,飯團/烏冬(可添1次)當中既"飯團"，只係將白飯壓成3角形，加少少紫菜粉，並無其他涵/調味鰻魚飯除左偏咸，都無咩問題重點係雞排份量好少好薄(付圖)，如果唔計餐要$68蚊感覺好唔值，而且伴碟既椰菜絲有陣膠味，唔知係咪存放問題雖然食物方面真係無下次，但環境的確光鮮唔錯，似日式cafe，而且聽講佢地甜品比較好，只係我食完主食已經無信心再叫其他

1️⃣ 揚物 - 吉列大蝦🍤 $108另加$28 加配季節前菜兩款、飯團🍙/稻庭烏冬、麵豉湯、時令水果及日本茶*飯團🍙/稻庭烏冬、麵豉湯、椰菜絲均可免費加添一次 😋2️⃣汁燒雞排 $68另加$28 加配季節前菜兩款、飯團🍙/稻庭烏冬、麵豉湯、時令水果及日本茶*飯團🍙/稻庭烏冬、麵豉湯、椰菜絲均可免費加添一次 😋3️⃣ 枝豆 $264️⃣ 28辛京都風咖哩吉列豬排蛋包飯定食 $985️⃣ 雜果梳乎厘班戟 $118😋

每次經過呢間茶寮 京都仁王門 都有好多人排隊！聽聞佢嘅Pancake 甜品好出名！夜晚食完晚飯之後經過見到唔洗排隊，立即衝入去食甜品！我見網上食評大讚焙茶味好好食，所以我就揀咗呢個。好靚，樣貌一流！打卡一流🤣 Pancake 唔夠空氣感，有少少實，可以再進步。個焙茶醬汁，味道偏淡，而且過於濃稠，好難倒出嚟，如果能夠調校稀返少少🤏🏻味道再濃d 效果更佳！不得不提，芝麻雪糕非常之好味，香濃幼滑👍🏻先生叫咗一個夏日限定，菠蘿味🍍Pancake 都係同樣問題，菠蘿醬汁都尚可，感覺清新，可以一試。至於環境，佈局比較擠迫，如果可以拉返開少少，就可以配合返餐廳本身行嘅路線，而家d枱櫈仲逼過茶餐廳

食完晚餐過黎海之戀商場食甜品🍮揀咗芒果梳乎厘Pancake🥞其實仲有好多唔同口味不過不失咁反而去到睇餐牌先知除咗梳乎厘仲有其他好多主食有咖喱蛋包飯 定食 炸物等等見到隔離枱叫咗都幾吸引可惜今次已經食飽 唯有下次再試～

茶寮 京都 仁王門這個名字很長，聽落或多或少有點京都感。一入去坐低環境都算不錯，木既裝修同黃黃的燈光就好似去左正宗日式風格餐廳，好快我選定了一個午餐今日我就試左個$78蚊既28辛京都咖哩牛肉定食，加一杯特濃豆乳。好快一set套餐放到我面前，除了咖哩飯外，有一小碟沙律菜味道都很新鮮，有一碟前菜係八爪魚仔呢個味道又出奇好味，有一碗麵豉湯呢個就好一般，咖哩飯雖然見到係28辛，我估應該是說有28種香料，味道很濃香而且偏甜基本上食唔到有辣味，牛肉就係牛肉粒都好淋，飯就係用一個飯團形式所以中食量既朋友可能不夠，時令生果有幾粒都好甜，最後加埋個特濃豆乳，呢個係值得去飲豆乳口感好厚帶少許豆既香甜，埋單100蚊左右可以再食。

🍵焙茶pancake一共有兩塊，上面撒左焙茶粉，另外會跟一罐焙茶醬💁🏼‍♀️茶味唔算好出，但都食到蛋香🍳最令人驚喜係佢伴碟既芝麻雪糕同蕨餅😂雪糕好濃好濃既芝麻味，超級香🤤蕨餅質地係偏煙韌，為成個甜品增加左唔同既口感😋其實我最唔明係點解要係pancake上面放粒黑豆，完全唔美觀😅雖然佢唔係好空氣感既果種pancake，但係都未去到死實實，食完會有飽肚感😂😂😂

京都🎎🎏老店京榮堂嘅新線✈坐落荃灣海之戀，咁近我😽梗係要去試下啦!以Pancake為主打嘅🎐日式茶寮，木系餐桌椅予人柔和感😌，晚餐時間都要排一陣子先有位。·🍍焦糖鳳梨梳乎厘班戟 HKD$118期間限定😻必點梳乎厘班戟之一，鳳梨🍍的確別具🏖夏日氣息。新鮮鳳梨🍍甜酸交雜好開胃，夏天就係需要哩種感覺🤩!鳳梨表面🔥燒上一層焦糖，加上鳳梨啫喱及鳳梨醬，成件事好豐富🤤。梳乎厘班戟空氣感十足，禁不住輕輕搖晃下佢，動L勁過癮😄!·🐖28辛京都風咖喱吉列豬排蛋包定食 HKD$9828辛🌶意思即是用咗28種京都💥唐辛子香料製成嘅京都風咖哩🍛，所以味道夠哂香，同時又唔會好辣，好啱香港人口味👍🏻。吉列豬扒🐖幾香脆，炸粉唔會好厚，新鮮炸起咬開索索聲😚! 蛋包飯嘅🍳蛋皮好滑，6、7分熟剛剛好，帶點半生熟蛋汁好juicy!·🍤揚物 – 吉列大蝦 HKD$108凡惠顧任何揚物、燒物或人氣料理(除特盛鰻重)，均可以$28加配季節前菜x2、飯團🍙/稻庭烏冬、麵豉湯🥣、時令水果🍊🍎、及日本茶🍵(冷)。飯團、麵豉湯及椰菜絲更可免費添加1次！加咗$28成個定食頓時變得好豐富😍，大蝦🍤炸至脆卜卜，外型肥嘟嘟😙，一口咬落去軟