茶匠 (匯景商場)

营业中

休息中

今日去藍田攞速遞，見到呢間茶飲店好似好吸引，menu選擇都OK，而且飲品可以自由配搭，夠晒個人化，同埋平時都好似好多人排隊買嚟飲，於是買咗杯試吓😆茉香珍珠奶綠 (L) ($22)- 叫咗微糖(20%)，對於唔太好甜嘅我就啱啱好，- 茶底好香濃，茶味都幾突出，啱晒鍾意茶味濃嘅人- 珍珠好正好Q彈，咬落煙煙韌韌，軟硬適中$22嚟講一杯嘢飲幾高質，配料同味道都好到位，非常唔錯😋下次再經藍田匯景商場，一定會再encore😆

住藍田附近 見到茶匠開左好開心 事關附近好少好飲嘅黃店 試過芋香奶茶 白桃烏龍 都係廿零十幾蚊 大大杯 好抵飲 但係啱啱開嘅時候有啲多人 要等好耐 建議大家可以等平日唔係收工嘅時候去買好啲

我要重申一次，呢杯鮮奶芋頭真係超級好飲！作為一個煙韌控同芋泥控，茶匠呢杯野完全滿足到我🙈🙈🙈我試咗無糖都好夠味，因為本身芋泥都甜甜地，又可以趁機唔使飲咁甜呃下自己唔係食緊甜野😂😂其實成杯野都好足料！成半杯都係芋泥同埋芋圓。雖然佢話自己叫鮮奶芋頭，但係其實一舊芋頭都冇，全部都係芋泥。芋圓係我自己加嘅，要加$4雖然飲落都好飽肚，但藍田冇咩甜品店，我覺得呢杯野直頭可以叫黎當甜品食！！p.s. 唔建議食飽之後即刻飲因為太飽

藍田就唔多珍珠奶茶店嘅，除咗歇腳亭同埋匯景商場入面嘅幾間，就新開左呢一間店。開張嘅時候呢大排長龍啊，呢個情況維持左差唔多一個月，終於經過嘅時候發現唔多人，就一於試吓佢啦。叫咗一個珍珠奶茶，咁$22來講佢都算幾大杯，都好多珍珠，其實飲珍珠奶茶都係想係游水之前頂下個肚，呢杯珍珠奶茶就啱晒啦。佢珍珠都幾煙韌。但係真係叫咗微糖泥講呢，成杯野係太甜嘅，似係半糖啲。下次可以叫最低嘅甜度。佢哋係用m e i j i奶，奶味都OK。茶香呢都有嘅，但係就係茶味呢就未夠突出。分量來講呢，微冰之後呢，佢嘅份量呢冇少度。呢個做得好。從杯嘅外型來講呢，隻狗仔就夠晒可愛啦。又叫杯嘢飲到拎到杯嘢飲，都只係3分鐘嘅過程。多得店內三位店員嘅速度都夠快。

初頭見佢新開都好多人等，依家稍為小返d人，放工接近11點去買就吾洗等了終於試到佢嘅招牌珍珠奶茶，好欣賞佢嘅茶底好濃烈而且珍珠好有咬口，吾會太硬太冧$22就可以有一杯大大杯珍奶

藍田越開越多高質黃店。呢間店剛剛開張時，大排長龍。飲品款式繁多，任君選擇。新店開張仲有－＄2優惠，我飲咗仙草冬瓜茶，好大杯，可以兩個人share，但係飲品偏甜，微糖對我嚟講都係太甜。不過價錢相對其他嘢飲店係平少少。同埋一出地鐵站就係，好方便。