茶匠 (匯景商場) (已結業)

今日特登搭車去買杯芋頭鮮奶加芋圓，買完之後又話無芋頭，好啦叫我轉，咁轉烏龍珍珠奶茶，轉個頭又話冇珍珠，咁我就話算啦咁我唔要啦。個店員又叫我芋頭轉其他嘢，我心諗可以轉乜。之後我都話唔洗啦。擁抱大地，有條西到世界盡頭嘅員工退錢俾我，$38全部都係散紙，全部都係4個$5 其他全部都係$2同$1，做乜飛機？我得罪你呀？以後唔會再幫襯 垃圾。真係＂下＂咗出嚟。係你哋乜都無又唔一早出聲，之後又咁既態度😊祝你哋遲早長期休息

之前幾次去呢間手搖飲盆栽奶茶啲料都算足，以為會keep住個質素。今日去買排咗5分鐘以為未有員工，點知原先係坐低左係度玩手機。叫咗杯所謂嘅匠人盆栽奶茶飲，到手嘅時候發現oreo碎得啲好少嘅粉，oreo碎都唔算，問完先叫做見到有整碎oreo加翻少少。到飲嘅時候先誇張，奶茶變奶綠，50％糖變走糖。完全唔推薦，唔會再會幫襯。

飲品冇特別，但員工好似唔想撈咁，尤其企收銀嗰個，最基本望住人講嘢都唔識，黑口黑面，雖然唔使你當我貴賓，但最起碼做人都有基本嘅態度。阿媽應該有教。去幫襯好似我令到佢工作量增加咁。執左去咪唔使做囉，但係到時唔好話香港人唔幫襯, 係你自己趕客。

大年初一開開心心，諗住去買杯烏龍奶茶，我哋嗌咗一杯「嘆烏龍奶茶」，結果等咗15分鐘，出到嚟係一杯白雪雪嘅奶茶。飲落去完全冇茶味，淨係好甜同埋得啲奶味。真係非常失望，冇諗過奶茶都可以整到咁辣飲。當日仲要好多人排隊…….其實平時都成日喺唔同餐廳度飲奶茶，都冇諗過少甜少冰，都會剩係得奶味，見到佢哋舖頭都有其他咖啡同埋奶茶飲品，好彩淨係買咗一杯，都冇咁心痛，但話晒大年初一佢呢杯嘢飲都要加$3。$27飲呢杯嘢，飲咗一啖就掉咗，唔會再幫襯。

落單講明係要熱嘅芋頭芝士奶走甜，店員聽完即刻擰轉頭問另一個職員，聽到對方答佢嗰道咪有杯。落完單見到張單寫鮮奶芋頭$32，覺得唔對路即刻出聲話要芝士奶，店員叫我補多$12，即32+12=44。我問杯野唔係$40咩? 跟住先話補$8。最尾拎到手杯野完全唔熱，係室溫。17:52落嘅單，但杯野16:52已經做起左。完全冇提過，唔知咩原因啦，芝士奶竟然已經放左1粒鐘，貼張新貼紙上去，就賣俾第2個客，食安做得好差，行為非常唔老實。0166貼紙撕開，發現係上手客落嘅單0139上面新貼紙17:52落單下面本身張貼紙16:52做起體驗相當差，劣評!!!#茶匠

叫外賣水果茶，已寫明30%微糖，但最後有200%甜，從未飲過咁難飲嘅水果菜。我平時唔多寫食評，不過忍唔住，成杯飲品要送入垃圾筒，好心無心做生意就唔好做，免得消費者受害😓😓😓

你哋同X play去合作，但係你哋職員竟然一無所知一啲都幫唔到個客，淨係識一味話自己係part-time頂更打工，既然合作得嘅，唔係應該有詳細嘅員工培訓同指引嘅咩？如果係乜都唔知嘅咁你點解要同第三方合作，竟然係用唔到嘅咁倒不如唔好搞，成班職員就喺度玩手機。十問唔知十問九唔應。成個體感真係好差。

明明剩番一張單，堅持掛住傾計唔做，已經唔係第一次，麻煩餐廳老闆睇到都監察下員工紀律問題。上次又係幾張單整成20分鐘都可以、如果公司認為呢個係接受到、就繼續。此留言主要係提醒其他會使用OpenRice既用戶有關餐廳既待客行為及其員工品質問題。往後如果真係好想試此公司的飲品，可考慮提早半小時以上落單就唔洗等了。飲品各樣味道見人見智，但比起員工質素，飲品質素比其他附近店鋪較佳，只係等待時間出現非常嚴重問題。

放工太攰，需要d甜野叉叉電🔋叫左我最鍾意飲嘅黑糖珍珠岩鹽鮮奶，上面喺滿滿嘅岩鹽cream,鹹鹹甜甜，口感豐富，cream夠厚實，唔會淨系得啲空氣咁！每粒珍珠包裹住黑糖，但唔會太甜，硬度適中，口感煙靭。整體都非常好飲🩷

早前提過發現茶匠都有咖啡☕️，而且價錢幾平，想搵次試下！依次再畀小編遇到分店，機會嚟啦！😚 ☕️ 美式咖啡 (熱) 😋😋😋😋😋咖啡係由人手操作咖啡機製作而成，並唔係電子咖啡機整出嚟～ 咖啡香好充足，唔酸唔苦，味道好濃郁！👏🏻下午茶 💵 約港幣$20/人 💁🏻‍♀️ 細杯裝凍/熱Americano $20有找，小編真心覺得抵飲！好啱想飲少少咖啡提神而又想買杯價錢優惠嘅朋友仔去試試！😉🙆🏻‍♀️ 最後，喜歡嘅話，歡迎follow @foodirectory.hk！

走咗先發現無俾到芋圓 想點？ 其實杯嘢都唔叫平 諗住辛苦咗成日飲返杯嘢獎勵下自己跟住就中伏 重要杯嘢有芋圓係貴啲 建議啲員工返工唔好發夢 比啲心機 上心少少？我真係好少會寫負皮

口渴想買嘢飲，見到地鐵站出口呢間茶店好多人排隊，我心諗應該唔差啦，好！就買杯試吓。我order 咗杯熱嘅”香芋鮮奶”$30等咗10分鐘左右，店員俾咗支粗飲管我，叫我插住飲，咁我就跟着做啦⋯⋯點知，一飲🥵🥵😳熱到焫親個嘴巴同條脷😖😖杯嘢熱到根本就不能夠即時飲用😓最後，到杯嘢變返溫和可以飲用嘅時候，又有另外一個失望點，就係入邊都冇香芋蓉嘅🫣🫣成杯嘢唔知飲緊啲咩，淨係覺得好甜，但係我已經叫咗微糖…..只能講—->>失望😩

Order左飲品奶蓋白桃烏龍茶+芋圓比晒錢張單都就岩 飲品上既label都岩 但係最後杯飲品都係出錯特登order奶蓋最後都係純茶….先唔理味道 我諗最起碼要整岩飲品吧？

我今晚嚐試了一款雞翼獅子頭香腸便當，裡面包含了台灣腸、獅子頭、雞翼、榨菜和飯等食材。但是，當我打開盒子後，看到的顏色和湯汁都讓我感到失望。食用時，由於過度翻熱，整個便當變得太過軟爛了。台灣腸和雞翼的肉質都變得鬆散，甚至榨菜也變得腍軟，獅子頭也非常鹹。米飯也失去了原本的口感和質地，令人難以下嚥。這或許是我吃過最令人失望的台灣便當。此外，當中送的一杯蜂蜜綠茶，甜度不能調控，喝落似糖水，也讓我感到失望。除了食物質素，店員的服務態度也值得改進。店員的態度不夠友善。

今晚我試咗呢個花椒雞翼香腸便當，入面有台灣腸、雞翼、榨菜同飯等等，一開蓋見到個色水都已經個心涼咗一涼…🙄🙄🙄食落就…應該係因為翻熱嘅關係，全部嘢都煮到軟爛啦，台灣腸腍、雞翼肉腍到甩骨，腍榨菜我都係第一次試到，飯就當然係軟爛啦😓完全無咗原有嘅口感同質感！！應該係我食過最難食嘅台灣便當🤮見佢良心小店先去幫襯，希望可以重視下食物嘅質素，一係不如專心賣返嘢飲，唔好搞咁多嘢，如果唔係真係會令到啲客好失望😓😓