茶匠 (匯景商場)

营业中

休息中

茶匠💛Oreo雪沙 $35黑糖珍珠鮮奶加抹茶(少冰) $35學生優惠: 出示學生證 -$5/杯人均消費: $20 (3人)-Oreo雪沙🍪🍧好夠Oreo味🤤真係整到沙冰嘅感覺同Oreo碎 好融合埋一齊😝好大杯 去到個蓋嗰度都有👻·黑糖珍珠鮮奶抹茶🍵好夠黑糖味😋一定要撈勻先好飲珍珠彈牙有口感😚抹茶佢有啲茶粉嘅口感都有啲重奶味🥛·整體嚟講兩杯份量都好多佢都俾到好滿🤣兩杯都好好味😋·以上評價 同🐖一齊寫所以帶返頭盔先👷🏽‍♀️-18/7/2022 drank 我哋幾個靚妹仔喺個menu前擾攘咗好耐啲店員都喺度笑我哋🤣(正確啲嚟講 應該笑我個friend🐖嘅傻)-好味程度：🌕🌕🌕🌕🌑抵食程度：🌕🌕🌕🌑🌑環境靚靚：🌕🌕🌕🌑🌑服務態度：🌕🌕🌕🌕🌑會回頭率：🌕🌕🌕🌑🌑·希望疫情快啲完結啦💛大家都要身體健康💛

是日經過見到好似幾好所以想試下，就買左杯蜂蜜白桃烏龍茶➕仙草$24，感覺會好好味，點知…首先店員態度極差，買完要個膠袋裝，因為現在疫情無辦法一路行一路飲，所以要袋走，店員木口木面話「膠袋要一蚊窩」，我即刻答無問題，立即比咗一蚊響檯面，店員無理我，轉身隔離落單，我講咗句，可以比咗個袋我先嗎？繼續無理我，然後落完單，就收咗一蚊先，都係未比袋我，我再講比咗個袋我先啦，先至響櫃桶拎出來，我真係想問句個袋好貴架？跟住講番杯飲品，無桃味，有淡淡葛茶味，飲唔出是否烏龍茶，但肯定無蜂蜜，杯嘢唔算貴，但係唔係好特別，加上店員態度奇差，真係可一不可再😮‍💨

只係經過口渴所以求其買，叫咗杯草莓芝士奶，但係完全好似剩飲鮮奶咁攪勻晒之後草莓味都係勁少，而且又冇果肉，得啲草莓糖漿，勁失望唯一讚嘅係芝士奶蓋味都還好，但都係唔會再買！

兩杯飲品都可以錯，叫咗杯炭焙烏龍奶茶之後俾咗白桃烏龍奶茶，白桃味道完全飲得岀香精味。另一杯芝士奶蓋芒果雪沙，貼紙都可以貼錯，味道方面奶蓋完全冇芝士味，唔知係本身配方問題定係調製飲品既方法不正確。另一方面，收銀同事完全冇招呼，落單完全冇聽客人要啲咩，俾錢佢好似唔想收咁，拎住啲錢等咗半分鐘佢先非常猶豫咁去收，全程都黑口黑面，連最簡單既多謝都唔識講，貴公司應該要加強一下員工既培訓，畢竟都唔係得一間分店。

💛人氣連鎖茶飲店 — 茶匠▫️呢間茶飲店喺好多地區都有分店，今次飲嘅係藍田分店，之前都買過幾次，無論係普通茶飲定係沙冰嗰啲，每一次都係都係偏甜🙊▫️芋頭芝士奶($38)芝士奶蓋鹹香味足夠，而且入口夠滑溜！幾啱我口味！見到底層芋泥份量都幾多，可以飲到芋頭粒粒，不過芋泥味道都係偏甜，即使撈埋啲奶一齊飲都甜左啲🥹▫️地址：藍田匯景商場3樓A16號鋪。荔枝角青山道608號榮吉工業大廈地下202號舖。尖沙咀廣東道80號Cantonyama 1/F, 117-119號鋪。將軍澳南唐俊街23號 Monterey G樓 G18C 號鋪。西灣河太安樓24A號鋪。新蒲崗大有街29號宏基中心地下5B鋪。元朗教育路31號地下5B鋪。

夜晚經過買杯$26鮮奶芋圓，少甜少冰，但都係好甜🥴而且比例上錯曬，佢比左超多芋圓但我冇要求多芋圓，咁大杯野只係食到芋圓完全飲唔到奶，所以飲到一半就勁飽，但完全唔enjoy。

［芋頭鮮奶加芋圓 / 常溫 / 不加糖］芋泥不太甜，但芋圓係甜嘅，選「不加糖」甜度就剛剛好。.飲得出係鮮奶，加分。小芋圓係珍珠形狀，口感幾得意。.美中不足，叫左常溫，但芋泥係凍嘅，感覺店家製作唔夠用心，出到餐就算。同樣價錢，花斑茶社質素更好。

一開始飲嘅時候都覺得幾好飲，之後飲飲下質素變得好差，完全係扣水出黎嘅感覺，又希又淡，啲珍珠都好似交膠咁，真係黃店都幫襯唔落。👎👎👎👎👎👎👎👎👎👎

話說！嚟到匯景、都好鍾意揸住杯茶匠一路行一路飲呢間同路人嘅飲品店！呢間老實講真係好飲過其他分店嘅！平時都係飲開純茶！唔會加上任任何嘅嘢！雖然就好清淡，但係勝在茶底靚！都有茶香味嘅！我個人都好鍾意飲濃茶！去茶樓都係飲普洱嗰隻！雖然今次我叫既茶並唔係普洱，但係我都好鍾意！今次仲加上有檸檬汁！佢仲附送左檸檬俾我添！隨即變咗杯檸檬茶！佢哋嘅檸檬茶真係好飲過茶餐廳嘅！又夠甜！亦唔會甜得太過分！份量又十足，亦有茶香、加入檸檬後又唔會話太苦澀！值得欣賞！希望下次可以再試下其他嘢

茶匠都開張咗好一段日子，之前因為番學時間太早舖頭仲未開，無乜機會試佢嘅咖啡，通常都係放工放學買杯奶茶。呢排試左幾次佢地嘅凍Latte，天氣轉涼，今日就試下熱Latte。首先服務員態度一如既往的好，咁啱兩點幾唔會話太多客要排長龍，Latte大概等左8分鐘就拎得，算幾快！二嚟，大杯熱Latte係用翻茶匠其它台飲嘅紙杯嘅，對咖啡Customer嚟講個包裝好調皮，雖然冇咁Highclass但幾搞笑，事關我唔係OL所以我覺得Ok而咖啡呢，烘焙味幾香，唔苦唔酸熱咖啡來講有少少稀，總而言之不過不失，幾啱一般香港人口味，唔可以話係超好飲，但喺藍田地鐵站唔想行上啟田商場咁遠嘅話就得翻麥咖啡同茶匠。喺地理位置優越同價格相宜服務良好嘅情況下我會keep住幫襯佢。

茶匠📍藍田💛諗咗段時間post唔post，不過最終都係決定post😵‍💫希望而家衛生清況有改善啦🤧🧋香芋奶茶加珍珠 $26叫咗半糖，甜度適中，但係芋頭味偏化學，好明顯係溝出嚟(不過我阿妹話鍾意呢隻味)😵‍💫最值得一提嘅係一路行，一路發現杯身有啲蟻黐住。。。。。。😶

柑桔小球+蜂蜜檸檬🍋$28（50%糖）好大杯好解渴💁‍♀️叫咗半糖，所以柑桔嘅酸味顯得份外突出🤓但係酸得嚟唔澀，而且有果香😋另外亦有啲柑桔果皮嘅after-taste😍層次豐富。 芋圓鮮奶$24+胚芽$4🌾估唔到啲胚芽都比得幾多😋平時好鍾意食早餐穀物但又懶得咬😋鮮奶加胚芽嘅味就好似早餐穀物溝奶咁，既有麥香又有乳脂香🥛同埋唔使咬，啱晒我呢啲懶人。另外，芋圓都有唔少，Size同平時爆珠差唔多，晶瑩煙韌。

每次放工，其實都會睇吓呢間舖頭多唔多人，因為我覺得好好飲. 所以唔算太多人排隊嘅時候，我都會叫杯返屋企. 基本上每星期都會飲1次，但喺一直未有時間俾個好評佢哋. 今日，我叫咗2杯最中意嘅黑糖岩鹽珍珠鮮奶. 佢上面嘅cream除咗有焦糖嘅味道，亦帶有咸咸地，呢個喺我覺得最好味. 珍珠都好彈牙，鮮奶同黑糖味道好配合. 環境方面，佢有個企牌喺收銀機前面，俾大家揀不同嘅飲品. 我最中意佢嘅霓虹燈，寫住「我哋真喺好L鍾意香港」好型，同埋好有香港精神. 所以，我非常推介大家.

首先講講員工方面，我企响旁邊看看有咩飲，員工不會主動問你，亦不會推薦，所以服務一般。第二，飲品質素烏龍白桃奶茶（半糖）沒有白桃味亦沒有茶味，只有小許甜味及奶味很差！！$20炭焙烏龍奶茶+珍珠（半糖）都是一D茶味都無！！！差！！$242杯不同飲品，但味道是99%一樣？？通常一般飲品會有一個沒糖既茶底，再按客人需求再加番糖水來控制甜度好明顯這間並沒有咁樣做，如老闆睇到評語真的要了解清楚員工怎樣制作飲品。飲品已經成本不大，但質素這樣差，不知怎樣再幫襯。

#我真係好L鐘意香港 🇭🇰又大杯又抵飲嘅良心茶店💛我今次叫咗佢哋嘅招牌黑糖珍珠鮮奶加抹茶($33)同埋朱古力奶茶 ($22)🍫出街行到熱辣辣飲佢哋就啱晒啦✨