茜廊餐廳 (已結業)

所謂「自由式下午茶」就是有5種不同的食法, 只叫A行的其中一款食品, 只需$26 A+B行的其中一款食品就$34 A+C行的其中一款食品就$31 B+C就$29 A+B+C就$41上次用餐經驗不理想, 今次只是無聊的望望放在門口的menu, 「自由式下午茶」 貌似吸引, 那麼入內試試。侍應生引領我們坐在一旁, 舉頭一望, 原來有塊banner寫着如果選擇坐在室外, 可免費任喝沙冰, 任食雪糕我們決定各選A+B+C來大家食Ａ行:炸雞脾香噴噴, 雞皮脆皮, 雞肉多汁嫩滑, 無雪味只有醃調味吉列魚柳肉滑溜, 炸到香脆啖啖厚 B行:野菌奄列裏蛋汁和菇汁都多, 奄列煎得不會乾, 頗為欠缺蛋香。焗豬扒飯裏的豬扒已切件, 件件帶肥豬扒腍, 茄醬調得剛剛好, 飯粒軟硬好適中C行:公司三文治唔正宗, 無雞肉無芝士無煙肉, 這份味道算普通。西多士未嗦夠蛋漿, 切開內裏不鬆化, 幸好有Anchor牛油, 鮮奶油口味能提昇食慾食物一下子不斷上‧上‧上, 何其壯觀

五種選擇自由配搭。1. A+B $34 - 乾炒三絲河+意式蜆肉意粉，炒河很乾爽，意粉是扁意粉，好味。2. A+C $31 - 炸雞髀+公司三文治，不過得兩件。再加$38食鐵板美國牛扒，抵食又好味。

今日難得放假,所以約葵芳同事一齊食午餐。自從去了灣仔返工後因為價錢太貴關係已經很少午餐鋸扒,所以今日就決定去茜廊懷念一下。我叫了羅宋湯+西冷牛扒配薯菜黑椒汁。羅宋湯及蒜蓉包水準跟之前差不多味道不太差,而牛扒不知是否物價高漲關係份量比之前少了,但味道仍然不錯而黑椒汁做得仍然很香黑椒很濃。以HK$65價錢食到自己想食的,與自己想見的朋友這樣傾傾講講的一餐午餐真的很開心,一小時很快便過去。

去到一個不熟悉的地方找吃，最容易的方法（除了即上Openrice），就是從等位的人數看起。這天下午茶時間到了新都會廣場，有很多食店都沒有太多人，反而這家要等位，反正不太餓，就等一會。從外看進去，人來人往，待應有待應走來走去，結賬的有結賬的排隊。等位的速度算很快，不用五分鐘便等到了。這裡的下午茶餐牌分A, B, C三類，又可以A+B, A+C 和A+B+C 作配搭。二人叫了A：炸雞肶 B：鮮茄焗豬扒飯和C：公司三文治，才$41。不過份量不是心目中的那樣，除了炸雞肶，其他的份量都是平常的一半，但足夠二人有餘了。三樣之中，最好吃的是公司三文治－麵包烘得恰當，時有遇到過了火位的，麵包都過乾。炸雞肶的皮夠脆，有肉汁，不過不失。至於焗豬扒飯就比較差了，雖然不期望是炒飯底，但也沒想過飯是軟得很「水漾」，而豬扒是已切開的幾片。不過，四十餘元連餐飲，可以接受的。

見到佢負評咁多,唔忍心,試左兩次,真係冇之前網友講得咁慘。忍唔住上黎平反一下。我試左兩次都係下午茶,真心覺得下午茶絕對冇問題,但其他時段,我未試過,唔知,唔評論。抵食下午茶,最少"雙拚",最平由$24起,仲包你一杯野飲。雜菜沙律,菜同蕃茄夠新鮮,沙律醬都唔錯,如果落醋會健康D。自家製天使牛角包呢個包大到冇朋友,第一次食,有嚇親,驚自己食唔晒,佢唔似細SIZE既香脆,但佢係鬆化,"軟屬"。第二次黎已經賣晒冇得食。炸雞脾,上到黎仲熱辣辣架...好味,夠大隻。唔洗點醬都夠味呀!個"浸"咬落去仲係脆卜卜架...公司三文治得半份,但料算豐富,但嫌汁唔夠多。但對比係同系"C"款既雜菜沙律,咁公治係比較抵食既一款。焗肉醬意粉,份內唔算多,一碗既份量,汁算多,但係扁意粉,如果係長意粉就有十分!芝士都夠香濃。吉列魚柳,食左一啖先知影相。我仲以為得一件,依...一出黎有兩件,又唔覺得佢太小氣。都好鬼大塊。魔鬼厚多士,唔知魔鬼D咩...多士係夠大件,就算點左蜜糖,都仲覺得好乾...真係唔多得...下次唔好揀。焗豬扒飯。份量同意粉一樣一碗。份豬扒一定唔夠一件,得兩三舊,汁唔算多,食到落底,會因為唔夠汁而食唔晒

想看的電影只剩下 <<葵芳百老匯>> 上映，於是匆匆來到新都會廣場，並來個速食午餐。印象中九龍灣的 Sidewalk 質素不錯，於是來這裡一試。然而，剛剛坐下的感覺便不太好。蚊子在到處飛，檯面也有小污漬。在 iphone 明明白白 search 到 sidewalk 的 wi-fi，但經理說 wi-fi 不對外開放，只供寫字樓同事用，實在百思不得其解。蒜蓉包非常香脆，蒜蓉味濃，我們還想再添吃呢。羅宋湯較酸，但雜菜配料夠多，口感挺豐富的。西班牙焗龍脷柳飯（不知道為何跟西班牙有關 ）龍脷柳太稔身，把醬汁拌勻後，把龍脷柳變得碎濕濕了。男朋友很喜歡的「咖哩牛脷飯」，咖哩確是香濃，牛脷的份量也出奇地多，薯仔入味且帶甜，美中不足的是冰冷的白飯。假日午餐約 ~$70，偶爾一次還算不錯，惟建議店子加強衛生情況。

一入到未坐低見到張枱布已經無晒胃口,一撻撻好似十年無洗過,張凳同地下又有飯,衛生奇差.叫午餐個侍應竟然唔明紅湯係咩,問要羅宋定忌廉湯,今次叫左雞扒同蟹柳闊條麵,雞扒算滑,但個闊條麵d汁好杰,一pat pat咁

成日都會去葵芳行街食飯，老實講，從不考慮到這裡用膳，一來見到食評太差，二來有朋友都試過，覺得吾係好掂。不過今日係約左個朋友，朋友一早到左及攞左位，唯有入去試下。見佢下午茶餐選擇都很多，分A款，B款，C款，每款都有十多種選擇，而每款都可以互相配搭，三個人叫左：牛角包 (全名忘記了) : 從未見過成個頭咁大的牛角包，來到時仲熱辣辣，很美味一個一定食吾晒羅宋湯餐肉通粉：很失望，湯味吾濃，餐肉得兩三粒，不是一片片，而是1吋X1吋的一粒，通粉也不夠味，配全吾到個湯磨菇火腿闊條麵：賣相可以，但不夠熱，而且麵身很硬蕃茄沙律：菜不夠新鮮，而且很散飲品：兩杯凍檸茶，一杯熱咖啡，凍檸茶，不夠茶味，只覺得加左檸檬的一杯飲品，而且冰太多，咖啡是朋友ORDER的，他沒有說什麽，我估都是一般吧。至於服務，可能是星期日，很多客人，好明顯是人手不足，要揮手很耐才有人來招呼，所以都係覺得一般吧。不過總叫試過，比想像中還可以。

又是每天上班日最期待的午餐時間.今天突然想吃牛扒,結果去了專食焗飯和扒的茜廊. 不用等位坐下便點了午市套餐西冷牛扒五成熟配黑椒汁+牛尾湯 (另可選忌廉湯和羅宋湯)+餐飲熱朱古力. 很開心朱古力不用加錢每個餐都會送上兩片蒜蓉包,很香脆,但如果多些蒜味會更好. 牛尾湯內有雞豆和牛尾肉絲,但我不太喜歡太"潔"的牛尾湯...滿心期待的西冷終於奉上. 淋上熱辣辣的黑椒汁,發出"sa sa"的聲音...買相還算不錯,但是吃下去就覺得不夠"林",最令我失望的就是一點牛味也沒有! 我只嘗到那些普通黑椒汁味,真的沒意思! 早知道去茶餐廳吃個中式牛柳還好! 薯菜也沒甚驚喜...那杯熱朱古力是可以的,由其當吃完辣的食物時. 今天真的浪費了我的quota...大大影響了下午工作的心情...

今天客人多，而我剛有位^^店裡已裝飾halloween的東西落單後8分鐘...蒜茸包 - 烘得金黃色的，外皮鬆脆，內裡熱情如火散發陣陣的蒜茸味。羅宋湯 - 顏色鮮艷，鮮紅色的。湯裡，可見到有許多油浮在表面內裡有少許紅蘿蔔和椰菜&數小顆牛肉。飲一口，便感覺到其辣味在我喉嚨中徘徊2分鐘後...1分鐘後...2分鐘後...意式鮮茹蜆肉天使麵 - 外表漂亮，不錯的裝飾。這道菜有洋蔥、乾蔥、三色椒、茹粒和蜆肉。蔬菜類爽口，鮮甜，帶出獨有的香味鮮茹，有口感，沒有怪味。蜆肉，沒有腥味，反而有鮮甜味。天使麵，硬度剛好，有少許鹹香，份量也頗多。2分鐘後...p.s餐牌資料

當晚約了朋友6點9到葵芳食飯,他介紹到新都會茜廊剧扒,到了餐廳不用等位,因為我哋2條友,首先講入面唔算多人,員工都好精神叫歡迎光臨,坐低後很快落單,因為要去買嘢,我點了個西冷牛扒,我朋友點了安格斯肉眼扒,因員工介紹話安格斯好嘢好食,原來2個都係套餐有餐湯又有野飲,抵...正......整體員工服務算好,因他們有介紹你食這個那個又不停加水,食物可以接受,下次都會去.

尋日(31-10-2011 Mon)男友同同事調放,佢話趁萬聖節出o黎睇戲食吓飯,但我唔想睇戲,於是只食飯,而佢又o係o度搵到間唔貴o既o野,於是我放工後會合佢一齊試.由於時間尚早,所以都唔多人,我o地決定食應節套餐,有$91.00o既黑松露香草南瓜蝸牛蝦球鴛鴦麵同$79.00鐵板地中海烤法國春雞.兩個餐飯都係要加$3.00o既柑桔蜜各一杯,湯就要酥皮焗蜆肉忌廉湯同牛尾湯.等o左一陣,先o黎個蒜蓉多士同牛尾湯,蒜蓉多士係由一件方包分成兩件做成,男友先食多士,佢大讚好味,唔通佢冇食lunch?我先飲牛尾湯,牛尾湯唔大碗,內裡有白色類似薏米的o野,湯o既顏色好深,飲到濃濃o既牛肉味,不過唔知估咪真係用牛尾煲,男友都係有咁o既問題,而內裡有好多牛肉碎.味道: 4分之後到我食蒜蓉多士,係香脆o既,冇問題.味道: 3.3分然後鐵板地中海烤法國春雞到o黎,熱辣辣亦好靚,現料有黑橄欖粒,青紅燈籠椒同洋蔥,影好相,酥皮焗蜆肉忌廉湯到o黎,我就先飲湯,男友先食春雞.其實呢個同牛尾湯o既份量一樣,只係多o左個酥皮,酥皮好脆,忌廉湯唔夠杰同淡o左少少,可能廚師預我o地將酥皮浸落啲湯o度一齊飲o掛,而蜆肉呢,

當日心血來潮...我好耐無鋸扒 能否告訴我葵芳附近有那間餐廳可以鋸扒? 朋友Bee就提議嚟這間CAFE RESTAURANT。去到店鋪門口是十二時廾多分左右, 見到有特價午餐$33起而且供應時間是由11AM到12:30PM, 咁重唔立刻跟職員入去拿位並順便叫餐, 幫我們took orders是一位黑西裝經理, 當我們向他講完需要後, 他才施施然的告訴我們要1PM前買單離座才有這優惠, 吓 現在至1PM只剩下不多於半小時, 我諗製作需時, 應該趕不到吧, 那麽我們便取消剛才的orders再細心選過別的午餐。因為想鋸扒, 所以我們分別選了兩份廚師西冷牛扒配薯菜$65下單沒多久便有餐湯及蒜蓉包送來, 手腳真快暖烘烘的蒜蓉包, 幾ok！忌廉湯是稀得來有一嚿嚿麵糊團羅宋湯ok職員非常賣力, 因為她把Bee留給我試飲的半碗湯收掉了, 我只喝了一口, 擺低, 想拿塊蒜蓉包去點湯的一剎那, 碗湯消失於眼前 算把啦~ 認不到是誰人收掉了西冷牛扒送到, 在我們正準備拿餐巾擋面的時候...職員已經倒汁ing 乜唔係要通知聲咩 倒完汁後職員立即走咗(好似好忙), 不過應該係好忙, 因為出面已經企滿

上次食個陣，我覺得野食都唔錯既，所以再黎光顧....但係....好失望.同止次都係一樣，裡面好少人，又唔洗排隊，但係有一樣野唔同左....D waiter唔夠熱情，而且冇時間幫我落order環境又好黑，自然食左咩都唔知啦蒜茸包 - 由之前既圓形(法包,切片)，變成現家既方形，好似係方包切出黎咁仲有少少焦黑左....d麵包好脆，但係唔夠蒜茸味羅宋湯 - 都係咁hot，d配料有甘筍、椰菜 同 番茄，個湯都幾油下....過多7分鐘之後，其他主菜都黎晒啦....黑松露什菌天使麵 - 今次d黑松露好多，但係天使麵既份量就好少，配料就有三色椒、鮮冬茹、雞脾茹同杏鮑茹，總括黎講，唔夠味囉= =

今日在新都會廣場行街，周圍食肆都大排長龍，見到呢間茜廊餐廳環境不錯，裝修典雅，看似一間高級餐廳。我們見不用排隊，就入去晚膳。一坐下，一直舉手也沒有侍應理會，看見一個個服務員走來走去，這麼大的餐廳，得三四個侍應。十分鐘後成功落單，餐湯到了，但我們還未有餐具，叫了三個侍應，大家都充耳不聞，結果要自己拿餐具。晚餐點了鐵板牛柳及芒果大蝦沙律，鐵板牛柳味道不錯，黑椒汁也很美味，芒果沙律的芒果亦新鮮，見認真製作，食物算ok。講到餐飲，我們要追幾次，足足等了半小時才到，身旁的顧客全部都跟我情況一樣，他們都很不耐煩。簡單來說，這間餐廳的服務連大家樂都不如。