茜廊餐廳 (天盛商場)

今日午餐来了天盛商场这间茜廊餐厅！没想到下午时间人头涌涌，幸好餐厅座位很多，所以很快都安排入座了！看过餐牌食物选择种类很多，有午市套餐、意粉、饭、儿童套餐、铁板餐、小食等等应有尽有！看到午餐都能吃到铁板餐，而且铁板餐的选择也有很多款，有不同种类的肉选择！太美味了！我点选了香煎羊扒配鱼扒铁板餐！铁板餐热辣辣送上，淋上了香喷喷的洋葱汁！色香味俱全！羊扒超巨大，羊肉吃起来啖啖肉，味道非常不错！煎得的熟度恰到好处，肉质不会太韧，而且还能保持肉汁！除此之外，还有一件鱼扒，鱼柳啖啖肉非常嫩滑！整个配搭相当不错！仲有薯仔粒、萝卜粒等等的配菜，这个铁板餐又美味又丰富，而且非常饱肚！另外一客点选了午市套餐，龙虾汁海虾烩饭，烩饭做得相当出色，而且龙虾汁及海虾都充满鲜甜香气！所以每一啖饭都有满满的汤汁，鲜甜无比，极之惹味！仲有爽口弹牙大虾，同埋弹牙菇菌！每个套餐都会免费配上罗宋汤或忌廉汤的，忌廉汤相当足料，入边仲有满满的菇菌粒，相当有咬口！以及会配上又香又脆卜卜的蒜蓉包！正饮品方面，加配了一杯特饮，火龙果芒果特饮！相当足料，有满满的粒粒芒果果肉！配上了火龙果做成的果汁，非常清新清甜！啱晒炎炎夏日！另一杯是柠檬茶！正正常常的，非常解渴！…查看更多

头抽嗌嘅铁板扒，配埋忌廉焗薯，黑椒汁香到成张枱都闻到，扒嘅熟度啱啱好，嫩到唔使咬都散开，忌廉薯绵到入口即溶，呢个组合真系癫咗！跟住个手指鱼柳，外层脆卜卜，入面juicy到漏油，咬落仲有淡淡香茅味，清新到连食几条都唔腻～杂果宾治甜甜地，配埋法国鹅肝多士，鹅肝滑捋捋，多士脆到「卡嚓」声，油脂香同面包香夹埋一齐，真系幸福到飘起🤤 最后饮返杯冻柠茶，少冰少甜啱晒港人口味，解腻又清爽！间店环境坐得舒服，出品又够稳，一个人食都可以叹到丰富到癫，天水围街坊真系有口福！下次一定要拉埋朋友嚟扫多几款～…查看更多

茜廊餐厅 Sidewalk Cafe Restaurant 📍天水围天靖街3号天盛商场1楼L128号舖十月底除咗系万圣节，亦系老爸生日月，今年约好老爸三日，分别同唔同parties庆祝生日。其中一餐系我同老爸撑枱脚，去天水围茜廊食嘅晚餐，撞正月尾有万圣节套餐，决定每样都叫啲同大家分享。住大西北咁多年，茜廊就存在咁多年，每次去完会所玩之后，谂唔到食咩就总系会走咗去茜廊食，都算系童年回忆。店舖阔落、上菜快、餐点有共同回忆等，都系茜廊嘅特色，令喜欢传统旧式西餐嘅老爸好满意！[价钱 Price] 💰$48手指鱼柳配薯条 🍟呢个价钱其实几抵食，手指鱼柳炸得超级香脆，而且唔油，咬落外层松脆，内里嘅鱼肉仍然保持嫩滑，唔干。粗薯条都炸得唔错，热辣辣、外脆内软，再配少少茄汁或者他他酱，经已好满足。[价钱 Price] 💰$98精灵放大镜 🔍万圣节特别套餐其中一款系田螺南瓜薄饼，以鹌鹑蛋做眼睛、南瓜片做嘴巴、沙律做蜘蛛网，卖相颇有创意。Pizza系薄底款，边位脆口，茄酱同芝士相辅相成，搭配咸香嘅田螺，味道出奇地夹，经典中带点创新，应节食都几特别。套餐亦包埋「吸血鬼魔法」红菜头忌廉汤，睇落红当当，好有气氛。忌廉汤甜中带微微菜香，即使我唔钟意食红菜头都能接受。饮品方面就有「古怪精灵朱古力特饮」，即系朱古力饮品，除咗有块Oreo 点缀之外，仲有一大球朱古力雪糕，非常惊喜！佢哋仲特意用棉花糖同硬糖扮成眼球，够晒古怪精灵。[价钱 Price] 💰$68香浓茄汁焗猪扒饭 🥫我哋亦叫咗个港式经典茄汁焗猪，饭面舖满芝士同茄汁，夹杂蘑菇、西芹、红萝卜等杂菜，焗到香喷喷，一啲都唔hea。猪扒厚身，肉质唔柴，茄汁酸甜度调得啱啱好，炒饭亦有镬气，大大份，CP值好高！[价钱 Price] 💰$108香煎羊髀扒 🐑铁板上嘅羊髀扒煎得好靓，表面焦香，切开入面仲有少少粉红色，肉质嫩滑，无咩膻味。相比羊架，羊髀无咁多骨，啖啖肉，食起上嚟更方便，配埋少少汁同杂菜，味道平衡。以一百蚊松啲嘅价位嚟讲，绝对值回票价。[价钱 Price] 💰$29蜂蜜合桃蛋糕 🍰甜品时间，为老爸呈上第一件生日蛋糕！呢个蜂蜜合桃蛋糕出乎意料地好食。蛋糕松软唔干，合桃粒香口，蜂蜜味香而不腻，如果配埋杯热茶就perfect啦！…查看更多

以前去得最多茜廊系德福总店，搬去大西北就系天水围店，餐厅最近庆祝44周年，推出全新餐牌<童年回忆>，有多款怀旧菜式，戴安娜牛柳、华都夫沙律及法式焗蜗牛，香蕉船等经典滋味。🥩戴安娜牛柳配忌廉焗薯（$178）牛柳用烟肉🥓包住，外焦内嫩，容易切开，忌廉焗薯都唔错。🐌 法式焗蜗牛（半打 $68）每一只蜗牛都被渗入香草蒜蓉牛油，味道香浓，底部薯蓉吸收晒酱汁都唔好错过。🐟香煎羊髀扒拼鱼扒（$108）鱼+羊=鲜，羊髀扒较为薄身，但肉质几嫩。鱼扒炸过都好滑，海陆新「鲜」组合。铁板餐真系童年回忆，热辣辣上枱，最钟意佢倒汁𠮶阵时铁板发出吱吱声，拎起餐巾遮住块面😆…查看更多

好友约我去位于天水围天靖街3号天盛商场1楼L128号舖的<茜廊餐厅>食午餐，环境舒适，装修简洁，好有复古风情。🥳期间限定🥢枝竹黑草羊腩配白饭+冻柠檬茶 $76：秋风起才有的怀旧菜式，一定要食；羊腩炆得软腍入味， 蘸腐乳酱辟羊骚味，送饭一流。🥳撑留港消费🍴铁板特级肉眼扒套餐 $98 配蒜蓉汁+白饭+ 粟米忌廉汤+蒜蓉包+ 冻柠檬茶，追加迷你蛋糕 $12：五成熟肉眼扒煎得皮脆肉嫩，牛味香浓，蘸蒜蓉汁系另一风味，唔错。🥳童年回忆🔅华都夫沙律 $88：沙律菜新鲜，配料丰富，好健康的菜式。🔅香蕉船 $48：经典怀旧的甜品，小小的油纸伞令人回忆儿时的点滴。…查看更多