茜廊餐廳 (天盛商場)

营业中

休息中

今日和阿女返大陸玩2日,返去玩之前先在樓下商場餐廳吃午餐，阿女推介新開茜廊,我反正未去過,而且在樓下好方便，自從商場裝修1年之後，而家裝修完之後餐廳選擇多過以前，我同阿 女行到去餐廳時先禁飛拎位，有店員走出來帶我們入座,我們点咗1個套餐2份食，阿女叫了流心蛋卡邦尼意粉(74元),個餐好抵食呀,已經有包/湯/飲品/意粉,十分夠食,亦都避免浪費情況，我同阿女不是大食的人,1個午餐夠2個人食，這裡的環境好好 ,店員服務亦都OK,至於食品好好味,羅宋湯整得好好飲，酸辣味十分平衡，卡邦尼意粉又是十分好味,意粉整得好入味,味道不會太咸，奶茶都好飲,價錢亦可以接受

天水圍，對我黎講都真係幾遠！不過要去探個朋友，禁先入去，一年一次禁大把！入到去天水圍，朋友話要醫肚先，經過見到間餐廳係門口派野食，我估應該係新開做promote啦！超多人！睇下個餐廳名，原來係我之前係九龍灣食過個間，完全睇唔出！因為D裝修好唔同！好，就試下！入左餐廳，原來都幾大，差唔多坐滿！睇下個午餐餐牌，好似又太heavy，全部都係焗飯、焗意粉個d！睇黎睇去都唔知食咩好之際，俾我睇到有個ALL DAY BREAKFAST ($68)，都OK啦價錢！即叫！跟手叫多左個Caser Salad ($68) share！D 野食黎到，個ALL DAY BREAKFAST味道都OK，講真禁既價錢，出面應該食唔到！不過呢，如果個蕃茄大隻D就好啦！Caesar Salad D 菜都幾新鮮，唔錯！有個朋友就order 左卡邦尼流心蛋意粉 ($75)套餐，其實計落佢個個抵食D！不過係星期日食個 ALL DAY BREAKFAST，個人開心晒！

平時去開KLN BAY果間,見屋企附近開左,就去試下。入面嘅環境唔錯，卡位夠大又寬敞，很快就有服務員來招待我地，我叫咗2個晚餐，BB豬同野菜意粉，羅宋湯，凍檸茶，BB豬皮脆有肉汁好新鲜like唔太咸味道啱啱好wow，野菜意粉呢個配搭幾FRESH，羅宋湯夠熱味道濃郁，正!仲有件蒜茸包脆卜卜都唔錯。最衰今次試唔到個特飲,下次一定再來試!!!

屋企附近最近有商場翻新後重開，見到有間茜廊餐廳裝修唔錯，附近亦無類似的餐廳，所以入去試下，雖然要排隊等位但我覺得如果D食物好食等一陣又何妨呢?一家四口入去坐低覺得面嘅環境唔錯，卡位夠大又寬敞，很快就有服務員來招待我們，我叫咗2個晚餐，BB豬同西冷牛排，羅宋湯，凍檸茶，BB豬皮脆有肉汁好新鲜唔太咸味道啱啱好，西冷叫咗5成熟，夠腍又不會太生唔錯，羅宋湯夠熱味道濃郁，正!仲有件蒜茸包脆卜卜都唔錯，最好係凍飲自己落糖水，隨自己口味落糖幾好，跟住講下D服務員，個個都有禮貌，好笑容，對小朋友又有愛心，好似返咗屋企食飯咁，總括來講我一定再來

是咁的，見到新開去試試，係門口攞左飛，坐係門口到等人帶位，點知有人可以飛都唔攞就叫佢入去坐低，咁我做咩要攞飛先，部機放出黎做咩？算，我企係身望住佢地一陣，知道有人等就叫我地入坐，入到去點知冇人講邊張枱坐低，我問又冇人理，所以就坐落一張空枱到，點餐點左個日本薄餅同芝士吞拿魚焗住意粉，飲凍央同凍檸茶，我再同佢講要多兩隻碟，用黎同我家姐share啦，邊知黎到隻碟邊係崩嘅，算，叫侍應換個隻，點知第二隻有污穢野痴左係碟到，都放上枱，開始有火，唯有抹一抹用啦，上野飲時放低左我杯凍央，咁佢係要自己落糖水既，我落完糖水攪均緊既途中個呀姐突然攞返起杯野話唔好意思搞錯左，杯野係隔離枱嘅，點知我望佢放左隔離枱個男人話我唔係飲呢樣野嘅，跟住又諗左陣又放左杯野落野，再係隔離場冇啦啦攞多杯檸檬茶過黎，我家姐就話想換過杯新嘅，咁大佬呀，冇啦啦係人場枱攞杯野過黎，點知有冇飲過，換杯新嘅好正常姐，個侍應話下要換個杯呀，但係冇飲過傢喎，但係佢連枱號都未背熟囉，最後我都係堅決叫佢換過杯，結果飲落兩杯都好水，冇咩味，野食就一般般，冇咩問題，最後食完觀察左陣發覺原來佢地新人要掛新手牌係心口，但係上野飲個個姐姐係冇，姐係佢係舊人

今日和屋企人行完街之後順便行下樓下商場，樓下商場自從2年前翻身裝修，到了今年先開番 ，商場内全面大執位,發現有一間西餐廳，我就來了這裡吃晚餐，我叫咗芝土火腿寬意粉(40元),飲品要凍咖啡，另外，又幫屋企人叫外賣，我講番自己的套餐，芝士火腿寬意粉味道幾好，芝士味好重呀,意粉份量適中，女生都夠食，凍咖啡要自己加奶加糖，可以因應自己的須要而加. 凍咖啡都OK,環境亦幾好,地方夠大而且座位亦坐得舒適，服務就一般 ，可能是新開，有不少服務要改善味道芝土火腿寬意粉,芝士味好夠，意粉煮得好好味,份量亦適中凍咖啡，我覺得咖啡都OK,有些小咖啡苦澀味,可以接受服務:可能是新開 ,叫一份外賣要等15分鐘，另外，埋單都要等10分鐘，堂食反而不用等太耐. 店員的反應好似慢咗些小環境:的確幾好 ，地方亦夠大,座位亦坐得舒適價錢:今時今日屋邨不會有平野 40元來講. 的確貴咗些小，亦可以接受到