茜廊餐廳 (德福廣場1期)

营业中

休息中

是日與皇太后及弟弟一行四人來到九龍灣聚餐 - 茜廊皇太后最愛這餐廳，原因是它的價格抵食！雖然味道一般，坐位也算舒適，沒有時限，沒有客人站在您身後等位…而價格與快餐店差不多的！星期六下午茶之時段為下午2:30至6:00三層麵包烤過；餡料豐富有番茄丶薄片肉丶蛋丶芝士丶火腿丶生菜及沙律醬！十足分量！味道一般！配上飲品：熱紅莓茶皇太后話：偏甜！上枱時，漂來一陣淡淡椰香味；套餐配飲品J先生選了凍奶茶！J先生話：都幾好我試了一啖咖哩帶濃而辣！弟弟選了買A送B抵食孖寶餐餐湯：羅宋湯配蒜蓉包！薄牛扒丶雞扒丶煙火腿丶香腸丶煎蛋，原來是鐵板上碟燒汁另上！飲品選了凍檸茶！皇太后烤雞肉較實；薯條被J先生弄到碟另一邊擦中即賞 消費滿$100（連加一服務費，並以單一發票計算），即可獲贈擦卡一張，如此類推，每張發票最多可獲三張擦卡。注意：只可擦一格茜廊 總結：還可一試！

約左朋友係mcl睇7:30場 時間無多 是旦搵d野食啦 廢事去咁遠 係平台見到呢間頹西餐又好似好多人幫襯wo 應該都唔太伏嘅 臨近halloween整左個特別menu 不過都唔太吸引 見到個個係附近渣渣聲食鐵板燒 原來係個牛扒做緊優惠wo $139 一於試試佢 餐湯餐包真係零期望ga la 個包都唔係用多士整 將個豬仔包開半 勁乾身 牛扒我叫左7成熟 嚟到都生生地 不過我用鐵板嘅熱力煎番熟少少 都幾厚切好大塊 薯菜就頹左d另外朋友叫左個羊架risotto 偏咸左少少 不過都可以接受叫杯餐飲反而等左3個字都未嚟 好慢 不過食完慢慢行過去戲院時間剛剛好

同朋友食飯吹水，都好鍾意黎呢間餐廳食飯，皆因佢有早午下午茶晚餐都有餐食，想幾時食都可以去食，岩晒唔想煩食咩既我。呢次係食晚餐，剛好有位唔洗等。因為唔太餓，就點左個煙三文魚沙津，朋友就食卡邦尼意粉。我鍾意食呢間既蒜蓉包，脆脆地之餘，仲要成塊包都搽滿蒜蓉，大滿足而湯方面不過不失，紅湯帶點微辣，份量夠白湯香濃，配料都夠牛柳煙三文魚沙津，菜都新鮮爽口，肉比想像中大片，兩款肉加埋啲菜，岩岩好，係個沙津醬怪怪地，同煙三文魚同牛肉唔太夾，應該用沙津醋會好啲。卡邦尼扁意粉，朋友略覺得份量唔夠，但味道係幾好，汁都香濃，意粉硬度適中，配菜都夠。當晚食飯都滿座，侍應主動加水頻率都高，唔洗係咁叫人加水咁麻煩，所以去呢間餐廳食飯吹水係唔錯既選擇

原來茜廊已經重新裝修過，記得之前食物同服務都好差所以好耐好耐都無食過啦。估吾到今次有驚喜喎！就係俾呢個tea買一送一吸引左，又真係幾抵食既。。。雜朳餐：都幾抵食喎，大大份！上枱夠熱辣辣，淋上汁有滋滋聲咖！食物雖然係普通，個質素都幾高既，仲有湯飲品同餐包。。燒春雞沙律🥗有驚喜喔，春雞都幾嫩滑咖。份量吾係好大，但都岩岩好。作為下午茶份量幾好✌🏻✌🏻不過加錢先會跟餐湯飲品同包，但可以接受啦！服務真係有改善，好過之前好多。。。

朝頭早呢度好多人排隊食早餐，算係德福入面食早餐其中最好嘅一間，佢嘅早餐餐牌有好多好多嘅選擇。平時鍾意食開羅宋湯雞肉煙斗粉配多士炒蛋，今次等我試吓佢嘅吉列魚柳炒蛋先。佢嘅吉列魚柳呢係比普通嘅集團餐廳大塊，通常啲集團餐廳嘅魚柳份量只係會係佢嘅一半，仲要好多時候都係好多粉，食到好多魚皮多過肉，呢度嘅吉列魚柳切開都見到有層好厚嘅肉，就知道冇偷工減料。佢哋嘅炒蛋都好滑份量都好大。如果呢個餐可以好似普通集團餐廳咁可以加幾蚊加碗通粉就好啦。

Boyfriend and I were in Kowloon Bay where I  complained I was hungry as he still hadn't decided where we were to eat lunch. Every single option I showed him was a shake of a head. Finally out of my frustration, he decided we just eat Sidewalk Cafe as we were standing next to it.It was quite busy on this day and pretty much every time we've walked by here. Afternoon tea time, they had a tea time menu. All include a drink. I noticed they offered a raspberry tea! How interestingly different! I chos

空間大，環境舒適。晚餐套餐價錢還可以， 個人幾鍾意佢嘅餐湯白湯好喝，熱哄哄的，不會好cream 的感覺， 蒜蓉包味道唔錯。叫了黑松露寬條面和燒雞，味道還可以。這間餐廳都經營了十年有，在德福留得住的餐廳都不易呀。

路過德福，囡囡又想減肥食light d, 搵間平民西餐食下。晚市既其中一版餐牌我地2個都點左羅宋湯，黎左2塊蒜蓉包。湯既牛味好濃，仲食到啲雜菜同肉，蒜蓉包都好唔錯，個包似burger bun, 有芝麻，好香。依個係女友叫既沙律，三片火腿，四片三文魚，我都試左啲，依隻火腿唔會好鹹(有啲平價火腿後期添加啲鹹味混水摸魚), 煙三文魚既質素都正正常常。但唯獨是個菜太dry，如果加啲virgin olive oil整體會香啲，俾$118依個價錢，我覺得可以做靚少少。依個咖哩汁好野味，辣度合適。佢可以配白飯或意粉或中東包，我今晚揀左中東包，但食得出個包係微波爐叮出黎，上左枱5分鐘就變硬，質感一般。牛腩就唔太淋，即使食最肥個舊都係有啲渣，可能揀其他餸會好啲。

九龍灣返工，一定會食過呢一間餐廳！今日晏晝同同事去食，見到枱面有傳單話1:00之前買單會有折扣嘅優惠，但係問店員嘅時候，發現佢地對餐廳嘅優惠不算太了解！扣分我點左香煎薄牛扒配珍寶腸及薯菜$86，薯仔係甜薯，另外磅牛扒都唔錯，夠香口😋😋但嘢食來講都係幾抵食夾大件，套餐嘅話，一定會附上麵包加湯，麵包係熱辣辣上，比較欣賞呢度嘅紅湯，味道濃，而且都幾足料！我去嘅時候有買四送一優惠，抵！最緊要夠晒飽😛

之前食過幾次，貪佢坐得幾舒服又唔係貴。今次又係黎食set lunch 。嗌左燒春雞配牛柳，有餐湯，沙侓同麵包。沙侓上面配西瓜都幾特別，平時多數都係粟米同蕃茄仔㗎嘛。餐湯都市型唔係Hea做，超多蔬菜係入面酸酸地，好開胃。仲有個蒜蓉多士啊，烘得好脆。食完呢堆之後其實已經飽咗七成。燒春雞都幾大隻，味道都啱啱好。唔會太鹹或者無味。牛柳反而有少少失望，冇乜牛肉嘅香味。不過都算幾淋。下次可以試下其他。大家記住臨走嘅時候會有張優惠券，不過到期日都好快，每次再嚟嘅時候都過咗期。

今晚男朋友黎接收工😆順便過黎睇睇有咩食，好想好想食西餐！！突然腦裡面諗到茜廊😌對上一次食應該一兩年前，食完都覺得ok😂所以今晚就帶男朋友黎幫襯啦😋由於太多人，我地入到去都無人理我地🤷🏻‍♀️終於搵到個職員同佢講兩位，佢示意裡面有位，裡面？邊到裡面？😂😂anyway終於見到有位，侍應都立即拎餐牌同倒水比我地🙈晚餐套餐都會跟湯及餐包，我地要左一紅一白，間間餐廳既羅宋湯都係偏多油😅😅而呢間都係多油得黎裡面好多料😋略嫌胡椒落得重手左😅😅而餐包係烘左既蒜蓉包🥰🥰好香好蒜好味喎☺️👍🏻👍🏻由於太多人，廚房做唔切掛？😅我地等左十幾分鐘先有🍝龍蝦汁燴帶子意粉🦞食，出晒煙熱辣辣，濃濃既龍蝦汁😆幾好食，份量幾多，我地食得勁慢諗住等埋個🧀芝士焗三文魚薯蓉🥔，又等左十令分鐘終於到啦😅😅同我想像有些少出入，但味道最重要😋不過見三文魚肉有啲位食得，有啲位未熟呈現透明色，我地唔夠膽食🙈🙈侍應都有講唔好意思，以為好快搞掂，原來比碟全新既我，呢到又等左唔知幾耐😂😂😂😂不過係有誠意既！有兩三個西蘭花做陪襯，薯蓉好多，芝士好香好香😍😍仲曉拉絲👍🏻讚呀！再多啲就正啦～而主角三文魚就好咸，好口渴食完，唔知係咪用太多味精？雞粉？去醃

今天下午同太太去相約到九龍灣接見新的合作客戶，會議前先到茜廊午餐，順便回味一下從前拍拖常常到訪的茜廊餐廳，餐廳已經裝修過多次，環境衛生，食物味道還可以，但個別服務人員態度極惡劣，事情發生在結帳，我以現金付款並表示須要收據，因為工作關係午餐可以實報實消，但該名結帳人員要求我自己用電話為收據拍照，我再次表示我須要這實體收據，她從我手上搶了收據正本再到收銀處打印另外一張收據㨄在枱上 ，我們對此感到非常失望！

今晚同朋友去左德福廣場食飯，見呢間餐廳夠大，唔洗等位，就入左去食，一開始個羅宋湯同餐包真係好正，超有驚喜，都值5星級數！一去到個追加小食「薯條」度就出事，勁失望，凍既薯條真係點咩醬都食唔落囉！之後到個飯，勁重芝士味，但係我叫既係南瓜汁飯，就算有芝士都唔係得個芝士味掛，嚴重搶曬南瓜汁、蜆肉同雜菌既味道，食咩都係得芝士味，可能係我自己鐘意食偏淡口味啦，總知係失望！鐘意食芝士既人可能啱食！

今早同朋友到茜廊飲咖啡，服務員態度非常差，之前在這裏飲咖啡非常享受,環境不錯，現在請了一班大陸人做侍應態度非常差沒有培訓， 又駡客人，又沒有禮貌，老闆好好再培訓其侍應，真可惜！我以後不會再幫襯，簡直是趕客

今朝天文台預告下午會掛八號風，公司十點幾安排同事放工，屋企冇野食，所以喺公司附近食埋野先返屋企由於只係十點幾，行行下醒起茜廊嘅早餐幾好食，所以就黎左茜廊喇同同事各自叫左個早餐我叫左羅宋湯雞肉煙斗粉，同五穀多士，仲有炒蛋，佢會俾牛油同士多啤梨果醬你搽炒蛋正常質素，我幾鐘意個多士，有d穀類幾好咬口，同埋感覺上會健康d，個羅宋湯煙斗粉好大碗，有大概四午舊雞排，仲有大量菜，我差唔多飲哂d湯餐廳早餐時段可以坐到12點3，個餐咁多野食，仲有凍飲，都係39蚊再加一，有機會我會再幫襯