茜廊餐廳 (德福廣場1期)

营业中

休息中

尋晚放工去左德福行街街, 之後就唸住同FD食飯~咁樣我地2個就去左德福一期個間茜廊餐廳.依間野係德福好多年架啦今次去到D SERVICE唔係咁得LOL..唔知係未多人請假..見到有人問野食遲黎同埋單既~好, 首先餐包先, 以前好食好多..記我以前好暖好軟, 今次D包黎到都唔暖...又唔軟...係未放耐左架???之後就叫左個餐..個名好鬼死長既者..咩走地雞..咩沙律, 總知係90幾蚊個個啦...都唔抵食既, 又唔好味~個沙律一D都唔新鮮...D菜...唔想食啦..仲有舊生菜既物體..成舊上..濕淋淋...想點呀..咁大舊..個芝士走地雞.....好似番熱既..又鞋又唔好味..又無芝士味....係未唔記得左落???吉之島都好食過去LOL一句....下次一定唔去了~失望..SAI錢..去美心食快餐好過

1個字講曬----》亂！好唔掂呀間野，D人好似全部發曬夢甘，係甘揮手都無人落單！好啦！早餐時份就真係好多人既！我忍！跟著竟然1個煎蛋腸仔通粉要等半個鍾！D通粉係爛曬呀！點食！個湯係咸到死我BF個個牛扒漢堡仲離譜！件牛係用刀都切唔開。。。配3條得第1節手指尾甘長既薯菜=。=同場加演--》 隔離個呀伯叫豬扒羅BAK糕，點知2次都黎錯牛扒！！！個waiter仲好正甘講1句“唉呀，張單係ARM架，不過入面煮錯左，我臨你都唔會介意架啦，差唔多JEI”！甘都得？！呢間野真係到此1遊就夠啦

8點幾起身...諗住汁屋..出去食過早餐先sidewalk早餐一直未食過叫左個牛排炒蛋 有多士 我唔喜歡神早食牛油...好彩有jam牛排好好食..好食個椰xx個早餐但係24蚊加埋1...又真係.... 算喇....德福就...

從未食過咁差品質既早餐!叫左兩份餐, 一份燒汁雞扒煎雙蛋, 一份雙蛋腸仔通粉.好! 先嚟左份燒汁雞扒煎雙蛋, 雞扒上面竟然有張落單紙!!!!!!留心!係雞扒上面, 唔係隻碟上面!!!朋友份人一向平易近人, 易收貨, 攞開張紙就算, 但其實個侍應攞到過嚟, 我已經好唔明, 廚房出左, 都應該喺上枱之前攞開張紙啦! 哈!!! 然後等左10分鐘, 碗通粉都仲未到, 朋友又食左一半啦 咪講聲未到囉!轉頭碗通粉即到!哈!上面有兩隻蛋, 1隻蛋白同蛋黃分開,我仲以為個廚特登分開煎添! 點知另1隻就有蛋殼, 仲要兩隻都係燶既!兩條腸既質感應該係未溶雪即放入熱水中烚熟咁! 本來都無打算POST上嚟, 所以雞扒連落單紙呢個經典場面, 我並無影低! 唯有俾大家欣賞吓燶蛋連殼係點既樣!我無諗過呢d咁簡單既野, 一間開左超過廿年既餐廳可以煮成咁!!奇差無比!!

跟兩位九龍東之友飯聚, 地方是她們揀的, 我未來過故無異議。入內但見很大路的港式西餐廳格局, 一坐低侍應拿來餐牌, 決定一人點一個晚餐。餐湯: 羅宋湯 x 3, 友人R 覺有點辣, 我就當然無問題, 只是避開牛肉碎而已 (不過湯底都是牛肉的, 點避? )伴湯吃的餐包幾特別, 是提子麥包加用類似豬仔包 (有芝麻那種) 做的牛油多士, 還有蒜蓉包。這樣的大雜薈真是令我大開眼界, 但不免讓人有「環保包」的感覺 (但焗脆了便不怕喇)。友人 R 吃的是蟹子煙三文魚卡邦拉娜意粉, 沒有試吃, 賣相倒是不錯的。我和友人F 都點了不知什麼羊柳配紅米飯 ($88@)。羊柳外面烤/炸得太勁, 熟得要緊, 好處是不怕吃到生肉, 而筋位有點難切。那不知是燒汁還是黑椒汁的醬汁比較鹹, 唯有努力吃光旁邊的紅米飯。老實說這裡的紅米是作點綴用多於實際增添營養, 不過點點紅色也令賣相較佳。另散叫了一客該是在做特價的焗南瓜蓉法國田螺 (好像是 $26), 南瓜蓉食落竟然似薯蓉, 真奇妙; 田螺就一般啦, 也不會有太大的期望啦對嗎? 餐飲方面, 我見有一款紅莓茶, 心知這是高危的選擇 (似藥水), 仍貪得意點了它; 出來果

入到去佢叫我地坐門口位, 緊係唔係太想啦, 又見到入面有卡位無人坐, 問門口果個小姐可唔可以坐入面, 佢話果d係4個人坐, 咁算啦, 唔願意之下坐左門口第2張, 見到張台好dirty, 仲係上一個客人食剩d野梨, 坐左成個字都冇人黎執台!叫個四眼仔黎又扮睇唔到, 之後叫個四眼婆黎執一執台 佢個樣好似好不滿 抹台好求其, 叫完野食之後見到有卡位係得2人坐囉, 問門口個小姐, 佢話係d人自己衝入黎wo,, 我地即刻O 左咀,, 攪錯呀,咁都得呀, 咁早知我地又衝啦, 但係食物都ok,,服務真係好差囉,下次唔會梨呢間呀!!!!!!!!!!!

星期六約咗人2點九龍灣行街, 一於食左先逛街搵食開始喇, 可能是星期六的關係每間都是要等位最終選擇茜廊為落腳點...但要等上15分鐘剛好到tea set時間啦...叫咗2 set......(白汁煙肉意粉 & 芒果pancake) x 2 凍紅莓茶由於等得太耐都冇餓意都幾好食&環境幾好, 但紅莓茶就太甜及服務員太慢

睇完戲差唔多十點，近近地係 sidewalk 食飯，味道一般，但價錢都幾貴。餐包：款式特別但唔香。餐湯：紅白湯都熱辣香濃好飲。鐵板帶子拚斑塊：帶子肉質很實又唔鮮味；斑塊肉嫩但薄身。咖哩豬扒飯：咖哩唔夠香，味道很一般。食物既質素賣相和店員既服務如一般茶餐廳，好唔值呢個食物價錢！

路過德福,回想起曾經來過茜廊食野,d野都幾好食。就不自覺入左黎,環境都係冇咩點變。叫左個黑椒西冷牛扒鐵板餐,湯就梗係忌廉湯。蒜茸牛油餐包先到,味,又真係幾惹味,不過有少少燶味,可能烤耐左。忌廉湯就一般,同其他的差不多。黑椒西冷鐵板餐,黑椒汁味濃,配合炸薯,都幾好食。食物份量適中,下次會再來

好耐無去過德福既Side Walk, 心血來潮去了一試~ 餐廳內有幾個職員, 其中兩個著西裝既在指指點點應該係經理, 其餘幾個後生仔同阿姐忙到不得了, 我地舉手叫野食應左一句, 再等一陣至番轉頭黎落單, 明白既... 叫左兩份扒餐, 黎個麵包先, 提子包無乜特別, 蒜蓉包OK, 但要趁熱否則"林"左唔好食~ 忌廉湯只得幾粒粟米, 同茶餐廳無乜分別~ 鐵板豬鞍扒併三文魚扒, 豬扒夠瘦, 三文魚扒唔腥, 食完唔會好飽好滯, 女仔食剛剛好~ 黑椒西冷牛扒, 黑椒汁好重手, 落到成塊扒都係, 鍾意食濃味野既必試!餐飲叫左涷檸茶同熱咖啡, 無乜驚喜~ 夜晚七點幾食飯時間, 經理不斷安排在原本既走廊位中騰出空間加枱, 變相坐得逼左~

今晚約朋友喺德福睇戲兼食晚飯，book咗平台嘅茜廊用餐。本來我同帶位小姐講好要夠燈光窗位，點知去到入場就比張好陰嘅梳化位我地坐。個場好旺，呢邊十幾張檯只有2個伙計，聽柯打都做唔切。考慮夠鐘要到戲院睇電影，四個人於是叫四個同樣嘅鐵板牛扒餐。羅宋湯有菜有肉味，收貨。麵包多選擇，有提子包、芝麻包、蒜茸包，但唔夠新鮮。西冷埋檯淋黑椒汁，我嗰件幾靚，肉質同烹功都唔錯，伴碟配菜隨廚子喜好，有西蘭花、茄子、豆角、炸薯、煙肉卷。凍檸茶餐飲不過不失。埋單的時候等了差不多十分鐘先有個經理的離遠呼應，再等多數分鐘才有服務員拿單來結賬...

今日sportday所以黎到九龍灣,lunchtime同學建議黎茜廊食茜廊d set吾算係平,但坐低左就算啦我地3個人坐到個大卡位好舒服,呢間餐廳算幾大,都好多人下同學a叫左個煎羊扒$78,同學b叫左個羊肉意粉$48,我就叫左個大蝦肉醬意粉$49不一會儿餐包,餐湯都黎喇d包用個籃仔裝住,我食左第一啖心諗竟然會甘好味既好香牛油味,又有蒜味,仲烘到好脆,個豬仔包仲好多芝麻..成個match得好到位但個提子包就無人問津...因為驚食太飽一陣跑會胃痛而個湯都好正,我地3個都嗌紅湯個色好靚d菜仲幾味吾會好似其他餐廳甘番煲再番煲...碗湯夠熱,飲完好開胃好滿足都吾知係咪因為我太肚餓咩都覺得好食突然身後傳出巨響-_-'原來個waitress打爛野...我個set係最遲黎...見到既時候有d失望因為得一隻大蝦小家得制囉我覺得...49加一得1隻蝦甘大把,肉醬意粉都係普通野...洗吾洗甘貴-__-''算算算.食埋個意粉先彈佢幾重蕃茄味,汁好夠,份量亦夠d肉醬係碎牛肉黎幾好味...略嫌芝士吾夠意粉烚得剛好..整體都吾錯!突然又有人打爛野- -''1個lunchtime打爛2次野都幾誇下最後杯凍檸茶就失色喇

之前朋友話想試呢間...今日中午經過...見1:30pm 前埋單, around $50 一個set...就入去試下...一入到去...覺得幾dirty...d 枱好像無人抺咁...地方算大...但有少少焗....大家各叫一個set...原來呢度出名係蒜蓉牛油餐包...真係好味...好香...(但有個提子包, 幾怪)忌廉磨菇湯...呢個好出色, 好濃...但我意粉, 珍寶腸雞扒意粉...就麻麻..無咩汁...結果我要撈少少湯, 先有味...但d 意粉, 似係 "烚" 左好耐咁...粗晒...唔好味...朋友食ge 螺絲粉, 賣相還可以....總括..呢間...真係麻麻...如果唔係特價...唔會食lor...

只要比$1,就可以食dinner...所以我唔會抱好大期望..結果一如我所料服務又唔係其他網友講到咁差,不過佢地好似趕住收工咁,上台超快...我地未食完頭盤就上湯,未食完大盤就上dessert!餐湯:白露蘆湯,唔好飲,好重面粉味餐包:豬仔包,跟garlic cheese butter,個butter幾好味沙律:廚師沙律,parma ham沙律,好味主菜:雞肉南瓜汁闊條面,個汁幾creamy,雞肉好鞋,闊條面諗左d..主菜:唔知咩三文魚配綠茶汁,三文魚好smells,個綠茶汁更不知所謂,成碟野好難食甜品:mango pudding,blueberry cheesecake,兩樣都好甜我覺得一次就夠了,如果要我比成百蚊食呢d野我唔會囉...

諗住唔行咁遠, 就來左呢間.間野出邊個牌晚餐都係$40-$60, 點知入到去d套餐係$80-$140, 可能出邊個牌有d細字注明特別時間啦, 不過都算啦.叫左一份西冷牛 & T骨, 開始來餐包&湯, 都唔會好差, 都OK啦....點知, 2份扒就真係勁難食, 又難切， 又"鞋", 又冇味, 好似食緊煲完湯ge豬肉咁...杯涷檸茶有陣爛檸檬味d 人又好似發夢咁, 每次叫佢, 佢都要話等一等.. 埋單$240其實都不算貴, 但真係完全物冇所值, 咁先嬲.本人食野一些也不挑剔, 呢一次真係第一次咁劣評. 差差差!