茜廊餐廳 (德福廣場1期)

营业中

休息中

星期日, 瞓到日上三竿, 梳洗完已經係下午茶時段… 因為家住九龍灣嘅關係, 近近哋就嚟呢度開餐啦! 呢喥嘅下午茶都有好多選擇, 睇咗一輪 menu, 最後決定二人三餐… 因為啱啱瞓醒, 都幾肚餓 ^_-脆皮豬扒包: 外脆內軟嘅包包夾住塊頗大嘅豬扒; 中間夾咗好多炒過嘅洋蔥… 嗯~ 就係啲洋蔥令整體味道大大提升!! Yummy (≧∇≦) 拍得住澳門當地嘅水準~沙嗲串燒: 三雞三牛嘅組合, 下午茶嚟計都算多! 味道唔錯,有燒過嘅口感, 唔係就咁煎吓就算… 沙嗲汁亦值得一讚~ 唔知仲以爲去咗啲星馬餐廳 (≧3≦)咖哩牛腩飯: 呢個就普普通通, 味道合格, 但冇乜特色… 下午茶餐可以加 $10 換甜品~ 我哋點咗 cream burlee & new york cheese cake甜品細細份, 味道中規中矩! 以呢個價錢嚟計, 合格同合理!!最後, 餐飲 +$5 轉咗 Lavazza coffee, 味道香濃順滑 ＼(^o^)／ 個人認為, 比連鎖店 SB or PC 仲好飲!!!

本來對茜廊感覺不錯之前在葵芳分店吃過它的早餐跟下午茶都合乎性價比所以今天不作多想就來了然而九龍灣分店食物質素差太多碗仔翅過咸味精重 裡面的肉絲還有一些不知名東西硬硬的就剩沙拉跟炸雞腿還可以 但也說不上好吃最慘是咖啡難喝死了 雖然還不到超苦但就是苦得不像話喝了幾口只能放棄........之前還覺得廊價錢便宜 但咖啡還不賴這杯咖啡完全有違想法 Orz葵芳分店已結業以後不再光顧茜廊了

到德福睇戲, 入場前嘆下午茶, 途經茜廊見menu都頗多選擇, 決定一試.揀個豬扖蛋便當配碗仔翅.碗仔翅濃杰適中, 都幾多料, 一般的味道, 無特別. 豬扖便當裡的豬扖尚算鬆化, 厚度OK; 不足是那'塊'炒蛋已完全熟透, 若'輕手'一點保留蛋汁撈飯就完美.另點個公司三文治.賣相幾好, 料亦足夠, 並非甚麼特別的味道, 但以'餐廳'來講這個公司三文治合格有餘.食物質素不錯, 以餐廳環境來講價錢合理, 好評一個.

呢間餐廳開咗已經有30年，價錢雖然係比較貴，服務員又唔係態度好好，但食物質素確係唔錯。嚟呢度食野，最鐘意就係新鮮製嘅蒜蓉牛油，加上香脆蒜蓉飽，真係好好味，係我每次必食之選。今日點咗美國安格斯A5雪花西冷牛扒，配黑松露洋蔥汁,賣相唔錯 , 但以午餐嚟講,特價咗都要$182, 係真係都幾貴, 間中對自己好d啦。牛扒心目中係食7成，但永遠出去任何餐廳食都係過熟，所以叫咗6成熟，出嚟當然唔係6成啦，大約7~8成熟，正係我心目中之選，一口咬下，好軟熟，油花與肉比例啱啱好，亦無任何多餘嘅荕，好味！ 另外叫咗餐牌上唔係午餐嘅芥茉籽羊仔架，配黑松露洋蔥汁，羊仔架有3件，仲有薯角,羊架香味唔會好"蘇", 亦唔會有一大舊肥膏, 好味。仲有一客焗鮮茄豬扒意粉, 呢個就較為比下去啦, 意粉過淋, 豬粉亦有d硬。最後午餐+$9可以有甜品, 點咗2客法式奶凍, 香滑又帶奶香, 唔錯, 如果上面唔加彩色糖粒喺度,我會更加喜歡, 因為味道唔係好夾。

茜廊餐廳細細個已經食佢la ..原來開左成32年la 仲大過我ar以前細個覺得好貴... 唔係成日去食ga ~~見佢做緊 32 周年discount..食左一次就送張一送一優惠,朋友食完比左我,一定要返去支持下...今次食既係蒜蓉汁西冷牛扒,我本身唔太食得生..不過怕鐵板會再熟 D, 所以五成熟, 來到中間紅紅地...大件又好食..完全冇over cook!!最緊要飲埋佢個牛尾湯...勁正式!

上次食下午茶都唔錯, 所以有機會又再黎一次.叫了個紐西蘭西冷牛扒餐, 羅宋湯, 紅莓茶.餐包係蒜蓉包, 大片脆脆的不錯. 羅宋湯一般沒有特別, 湯料很少.牛扒很厚幾大份, 肉稍為鞋身味道也不特出吸引, 紅莓茶甜甜涼涼的幾解渴.服務不錯, 價錢稍貴而且質素唔係特別好. 不過坐位之間遠, 坐得幾舒服.

這家餐廳本身食物質素很好，但服務質素惡劣。幫我地落單嘅侍應落單落到錯曬都算，漏左單搞到過左下午茶時段再落返，竟然同我地講因為漏單要再落單，落唔返個下午茶餐！！個經理過到黎仲要講到好次係我地錯，唔應該叫個餐，對唔住都無句，仲黑起塊面對住我地！！真係一肚氣！！最後補落單，個焗飯等咗唔夠3分鐘就到咗，一睇，係淋咗D番茄汁上去，焗咗一分鐘就攞出嚟！！再偷聽隔離個台客人，同一個侍應落單，又係講完又錯單！！敬請大家同某d侍應或經理落單要多加注意！！！

次次尼到徳福想要平靚正都會揀茜廊，佢個紅湯幾好飲，味道夠濃， 而且好多料，仲跟蒜蓉包!獲仔牛柳都算係唔錯，係用鐵板上嘰，我ORDER左7成熟，上到尼鐵板都唔會令到佢熟得滯，仲有肉汁!配汁我揀左日式芥末雜菌汁， 因為響出面未食過， 又真係幾特別， 唔會搶左D牛柳味!跟餐配薯菜雖然少左D，得幾舊瓜同一執薯仔，但有3塊牛柳就感覺抵番晒了!重點係佢地每次都唔洗等好耐位，今日我walk in就有位喇，等都唔洗等超方便！服務就中等啦，百零蚊算唔錯的了！

「Sidewalk」位於德福廣場既一個小角落，由於喺屋村平台而唔係平時商場或者人流較多既通道中間，所以唔係咁容易俾人發覺。雖然係咁，但價錢絕對冇因為咁而平左，set lunch基本上都係普通既價錢，叫做可以接受啦！蒜蓉飽︰非常喜出望外，完全冇expect過跟餐既飽會有咁既質素！少少烘底令到個飽暖暖地、脆脆地，口感鬆脆不特止，上面淡淡既蒜蓉味道剛剛洽到好處，唔會太濃味好似買pizza送果D飽之餘，亦唔會好似茶記索晒水氣腍到一舊野咁既口感！羅宋湯︰一般貨式。都搵到少少菜同埋紅蘿白，不過應該同市面上大部份既湯一樣落左唔少味精，而鹽方面亦都比較重手左少少！特別既係雖然只係平價貨，但都飲得出蕃茄味，收貨啦！另外除左一般紅白湯之外，重可以選擇「牛尾湯」，下次一定要試下！西冷牛扒︰一食就食得出唔係平價貨，但肯定亦都唔係貴野。因為冇落到鬆肉粉既緣故，牛扒既肉質相對較韌，但係咁樣反而食得出肉既質感同埋鮮味，唔會因為「那」爛晒D肉質就返易入口既口感。叫左「五成熟」，而上碟真係做到五成熟，生同熟既比例啱啱好，以平價set lunch黎講能夠做到咁既質素絕對要比個「讚」佢！唯一要少少彈既係D配菜有D求其，只係

茜廊- 時常比我們遺忘的1間食店, 因為不是在商場內, 位置不是那麼容易看到, 星期6, 下班之後想食下午茶, 想起此店的雞脾餐, 好味道, 份量不少的, 有沙津 和碗仔翅~~之前只食過1次, 覺得好味, 所以再來,上次都是食同1個餐 雞脾--大大隻, 香脆, 啖啖肉, 沙津--夠料, 比上次好, 上次只有薯仔, 今次有D生果, 有椰果, 正碗仔翅-- 超足料,充滿肉絲, 蛋花話是下午茶, 但份量都不小, 男仔都夠飽食物有水準, 會再來, 但和上次一樣, 環境好嘈, 不知道平時是否都是一樣

係工業區拜訪完客戶，行番德褔食個Tea。成日見到呢間餐廳，今次就試下啦。都好大間，裝修幾舒服，幾好坐，Menu都好靚喎!十分多的選擇，三文治、飯、湯河、意粉、扒...不太肚餓，就叫個沙嗲串燒配沙律，連熱檸茶啦!!$40: 3串牛3串雞，So far so good，當然不可能是超水準之作，但勝在都有誠意的，一上碟，仲熱辣辣，有煙架! 而食串燒我最重視的汁就差D，得個咸字!PS: 碗碟又幾別緻 -3-

午餐去德福食飯, 同事話呢間野好抵食. 下午茶時段食很少人, 座位也很寬而舒服.本人好窮扒餐太貴, 所以點了下午茶餐, 吉列豬扒餐有埋碗仔翅同埋咖啡, 仲可以加蛋或漢堡肉.咖啡不差不苦而且滑, 碗仔翅很多肉絲很好食, 豬扒飯份量很多扒炸得不錯, 涼拌豆芽酸酸的很爽口開胃.食到好飽都只是四十幾蚊, 很不錯會常來~

第一次試呢間，因為朋友口中得知好麻麻所以一直無試，不過當日想試未食過嘅店舖，而且門口姐姐話是日係男人埋單有折，所以我同友人2人就入咗去了。友人叫咗唔知咩意粉餐，無興趣所以一啖都無食，包個餐湯同嘢飲。餐包值得一讚，半個芝麻包，切面搽咗香草牛油烘過下，周邊有少少脆，比起一啲淨起擺現成一點都唔後期加工嘅餐包好食，不過可以再烘脆啲硬身啲。紅湯一般，無咩特別。我叫咗個唔記得叫咩名嘅餐，有煎三文魚、豬扒同雞扒各一細塊，魚無魚味、豬扒無咩味「un un」地，雞扒無印象，墊底有一堆「林 bad bad」嘅蔬菜。個汁係南瓜蓉咁色，又係無咩味，唔多好食見小食平，三十幾蚊，所以叫咗兩個小食，焗什菌，黎到點知得一種菌（好似係罐頭菇），香草唔夠香同唔夠鹹。焗田螺，又係無咩味出面食肆通常偏鹹，佢反而全部嘢都好似無咩調味，淡而無味，食材又唔見靚。男士埋單有折，唔提侍應係咪有折，佢地唔會主動幫你打折，要你開口問：「唔係話男士埋單有折日咩？」至會幫你打折。無咩值得再去，我覺得大家樂大快活好食過佢。

還記得第一年拍拖，在下與女友經常到九龍灣逛街吃飯，其中一天咱們與女友的朋友在這裡用餐，回想起已經是零六年初的時間了，咱們拍拖已經七年了，最近有聖堂舊朋友問在下，拍拖拍了這麼久，有否七年之癢？當時在下答這個當然會有的，大家都在一起這麼久了。今天回到與女友曾經用餐的地方，當時的片段霎時間在腦海中出現，倘若女友願意的話，也可再到這餐廳回味一下當時的情況。然而今天到來的，只有在下一人，找到位子也不困難。在下於眾多餐牌中尋找一個適合的午餐並不容易，因為侍者奉上了兩個人的餐牌，要在下把它們分開，才能慢慢研究餐牌內容，經過一輪挑選，還是要了一個咖哩豬扒飯，其實在下也想吃雞，但是在下仍然抱恙，不可吃雞。侍者先上了餐湯和蒜茸包。餐湯是羅宋湯(紅湯)，湯色澤是正常，內容豐富而且味道夠辣，是個佳品。蒜茸包色澤無異可是感覺上是差一點，呷一口包已經不脆，只有微脆，蒜茸味也不夠。稍後咖哩豬扒飯也端上，咖哩豬扒與飯分開，實屬正常，薯仔只有兩件，咖哩汁也很正常，開吃的時候，豬扒分開五件，這在下不介意，可是五件豬扒中卻有三件連骨，都沒甚多肉，只有兩件沒有連骨。豬扒有骨在下也不介意，可是卻連續三件的話，那麼很有問題，這並

回公司前與友人一起食埋個TEA先各自回公司來到九龍灣都有幾多選擇, 最後我地入左茜廊, 地方都叫坐得舒服又唔會太嘈, 而且價錢都算適中.此店既下午茶餐都算多選擇, 好多不同既配搭.我點左個法國三色包(煙三文魚, 蟹子碎蛋及燒牛肉)配沙律; 而友人點左個雞脾沙律+碗仔翅雖然份量少, 但每樣食物都算美味, 特別喜歡個法包軟綿綿得來帶點煙韌, 而且用料新鮮, 煙三文魚鮮甜美味; 而碎蛋加上蟹子咬到D蟹子時卜卜脆帶點咸香最差反而係燒牛肉無咩肉味又鞋口而友人既炸雞脾就炸得金黃皮脆內裡雞肉仍然嫩滑多汁, 而碗仔翅亦多料味濃此店每份下午茶平均都係$50左右, 但環境都算舒服食物都唔錯, 下次再有機會都會再來