茜廊餐廳 (德福廣場1期)

营业中

休息中

以前喺九龍灣返工日日經過茜廊麵包，習慣買個芝士潛艇當早餐食，食晏方便又㨂佢，久而久之對嗰度有少少情意結。間餐廳之前裝修咗一段時間，最近完工就同男朋友去幫襯下，懷緬喺九龍灣打工嘅回憶😂回憶首選牛油蒜蓉包，每人一塊，雖然冇之前咁香脆，不過上碟仲有微溫，同以前一樣都係底面沾滿左蒜蓉牛油醬，西湯至佳拍檔。紅白湯各一個，忌廉湯飲落綿滑，不過不失。紅湯夠酸，菜蔬夠多，作為前菜提胃。清酒煮蜆做法幾有趣，湯底唔似用日本清酒反而似花雕酒，上邊配左青同紅椒粒，做法食中式多過日式。主菜㨂咗西班牙龍蝦燴飯，以前冇得點，應該係裝修後既新菜式。材料豐富有龍蝦、魷魚、青口，帶子同墨魚，配埋完隻開邊龍蝦，份量超大，具體形容有4-5碗飯咁大份，兩個人完全食唔哂！龍蝦幾貼心將殼破開，唔駛好盡量咁食，略嫌龍蝦肉上放太多芝士，搶咗少少蝦蝦味。有趣係當人有人慶生，侍應走勻全場唱生日歌，再送上蛋糕，其他食客都一齊歡呼，如果有朋友生日，呢間既生日驚喜都令人幾回味。

剛畢業時曾經在九龍灣區工作，在那些年，Sidewalk Cafe已經存在，但因為人工低，覺得Sidewalk是「高級餐廳」，不敢常常去吃。現在人長大了，收入增加了，再重遊這間「高級餐廳」，不再覺得貴，反而是因為新裝修而令她格調更高尚了。 Sidewalk現在採用了全落地玻璃，加上光亮的吊燈，感覺很warm、很舒適，餐廳亦特別在餐牌上訴說了自己的故事，以及裝修的設計概念。 黑松露醬薯條 ($38) 薯條是我喜歡的粗條型，剛炸起，上桌時熱呼呼的，好新鮮；沙律醬甜甜的，散發出淡淡的松露味，不錯。 經典凱撒沙律 + 燒牛柳 ($98) 凱撒沙律加$30的話，就會加上四片燒牛柳。我很喜歡這牛柳，薄薄的一塊，肉質鮮嫰，還加上了酸瓜粒，很開胃；底下的沙律菜也新鮮，脆卜卜的很好吃。 西班牙炸BB豬 ($178) 喜歡吃西班牙乳豬，這裡也做得不錯，豬皮薄薄的，脆得像薯片；中間是一層薄脂肪，不肥膩；再下面的豬肉亦十分嫰滑，是我最喜歡的部分，吃得滿足！

是日到了九龍灣德福購物，發覺茜廊經過大裝修後，成間餐廳風格大變，非常有某A字頭餐廳一樣的優雅風格，於是和柑太幫襯。我們點了一個葡式BB豬的晚餐，再加了一份意大利龍蝦炒飯。首先上埸的是羅宋湯，湯味很濃，湯內的牛展肉煮得很軟，令湯味有很重的層次，而蒜蓉包用了芝麻包，香味非常強烈，可惜是不夠熱葡式BB豬($188)外皮極之脆口，入口Pop pop聲，而內層的肉燒得非常多汁，而且很嫩滑，醬汁帶點甜甜酸酸，沾上肉後，令肉質的味道更為鮮明，而且更滑更有味道。意大利龍蝦炒飯($338)，初初點菜時，侍應說這個飯的分量如果是胃口小的兩人，應該會剛剛好，但上菜後發覺其實分量之外，正常胃口的人亦不易吃光。飯上的龍蝦非常大，而且蝦內充滿蝦膏，用來撈飯絕對是首選，將龍蝦的蝦膏挑出來，再混和炒飯來吃實在是人間美食，而且飯煮得乾身不油膩，醬汁香而不膩，加上檸檬汁後，大大醒胃提升食欲，帶子雖然細粒但非常鮮甜，而魷魚既香且有咬口，青口和蝦亦非常之新鮮。最後餐飲點了一杯Mocka，入口有香濃的朱古力味，之後咖啡味道隨後充斥口內，雖然頗甜，但不失為一杯出色的飲品。

為好朋友慶祝生日， 梗係要食好啲啦 ，所以任得佢揀餐廳，結果佢話之前食過呢間餐廳唔錯，决定encore ，再來吃生日飯。餐廳位於九龍灣德福花園平台噴水池側，環境唔錯，入內也感覺頗清靜，不會太喧嘩，可以靜靜地談吓心。朋友生日，任得壽星女點菜，結果佢叫咗三個頭盤，兩個套餐，嘩……食唔食得哂㗎頭盤先到，係法式焗田螺、串燒沙嗲和香煎鵝肝蘋果配紅酒汁。焗田螺配上香滑薯蓉，加上少少牛油香，非常滋味。燒得香口的串燒雞肉，沾上香濃沙嗲醬，非常惹味，加上有沙律伴菜，無咁熱氣。鵝肝雖然得小小兩片，但非常甘香，配上蘋果蓉紅酒汁，味道確是一絕，如果小多士可以更香脆一點就更好了。套餐包括餐湯、餐包、主菜、咖啡或茶。羅宋湯做得頗香濃，配烘得香脆的蒜蓉多士，澳洲特級牛柳配大蝦牛柳有兩大件，冧滑有肉味，不愧為特級牛柳。大蝦大隻兼爽口，難得。配菜用蕃薯代替薯仔，葡式燒BB豬BB豬燒得皮脆肉嫩，而且肥肉不多，加上有沙律菜平衡一下，一點也不覺得油膩。呢一個勁豐富晚餐，居然可以食到清哂碟，真係奇蹟。除咗係厨師既功力之外，果兩杯餐後檸檬茶，亦佔有一定功勞嘅！

記得好細個時食過茜廊，今日行完德福，比佢個新裝修吸引左眼球，感覺同以前好唔同，變得煥然一新餐廳主打西式， 因為新開業所以暫時得set dinner，不過款式都好多選擇～我同老公二人叫左一個飯同魚，就咁睇menu已經好期待因為我哋去嘅時間都有啲夜，已經賣晒忌廉湯但我又飲唔到羅宋湯，所以膽粗粗咁問個經理有冇中湯，點知佢好窩心咁係隔離美心幫我order咗個，服務值得一讚 帶子意大利特式飯：帶子煎到8成熟，不過都幾軟滑；而個意大利飯軟硬度都算適中，整個味道屬於偏淡香煎石斑拼紅蝦伴薯菜：一上菜就比紅蝦吸引著，紅蝦真係好大隻；石班魚幾嫩滑又煎到金黃，整體來講都唔錯。甜品令我哋有意外驚喜，雖然望落分量好似好細，但味道好不錯，芝士味濃

今日和太太往九龍灣茜廊餐廳食晚餐, 我們點了葡式烤BB朱餐(包忌廉湯和蒜蓉包), 忌廉汁挪威三文魚菠菜煙斗粉、凍泡沫咖啡、清酒煮蜆和意大利芝士餅。忌廉湯熱辣辣,忌廉好香滑, 煙肉粒好香, 磨菇好彈牙；蒜蓉包咬落好爽脆, 而且包不會烘得太乾太焦, 美味；葡式烤BB朱除了主角BB朱外, 還有炒飯和 沙律菜, 炒飯炒得乾身, 好香炒蛋飯香, 蔥花帶出飯的香味, 火腿粒食落惹味, 最驚喜莫過於炒飯有蝦仁, 蝦仁好大隻食落彈牙惹味；沙律菜食落爽口, 配上千島海鮮醬食落好開胃；主角葡式烤BB朱燒得香脆乾身, 食落卜卜脆,乳朱味濃有油花, 咬落香脆不油膩,配上燒烤醬食, 十分惹味醒胃, 好美味, 好足料, 份量十足的葡式烤BB朱餐；忌廉汁挪威三文魚菠菜煙斗粉煙三文魚味道惹味, 煙斗粉熱辣辣好, 而且煙斗粉吸收了香濃忌廉汁和菠菜, 食落口感十足, 有啖啖忌廉菠菜汁味, 口感豐富；凍泡沫咖啡味道香濃, 泡沫好香好滑；清酒煮蜆上桌時清酒味香醇, 蜆食落尚算鮮甜, 個人建議如果蜆烹煮耐一點會好些, 因部分蜆未開蓋, 這是改善的地方；最後意大利芝士餅芝士味香濃, 而且食落好滑, 餅底好脆, 芝士餅配上士多啤梨

因為8號風球，有開嘅餐廳都大排長龍，為左醫肚求其揀一間食就算，見茜廊無人排隊就諗都無諗就入去星期日下午茶時段款式都幾多，連鋸扒都有得食，價錢唔貴，不過咁早鋸扒有啲怪，就叫左一份焗肉醬意粉等左大約10分鐘就有，下午茶黎講佢嘅份量都算大碟，醬汁嘅味道普通偏油，意粉質地太淋，食左半碟都已經頂唔順另外，我地點左份三文治，賣相看似唔錯，份量都幾大，餡料豐富，味道不過不失，配上沙律菜，一個人食真係有點太多食物味道都ok，不過野飲就真係好差，呢杯凍啡好難飲，無擺過飲第一啖都已經變酸環境偏嘈，枱與枱之間好貼，坐對面都好難傾到計，如果唔係無乜選擇真係唔會食

今晚陪朋友去九龍灣行街, 行到咁上下肚餓要食飯~ 佢話好耐冇食過扒, 於是我地揀左茜廊餐廳食~每人點左一個SET, SET 包蒜蓉包、紅湯/白湯、餐茶~ 我地2個都揀紅湯 - 羅宋湯.小食朋友話要鵝肝多士, 唔好講笑, 鵝肝脂香豐腴, 質感軟滑；而多士就吸收哂其油份，食落好香口!2個MAIN 有香煎羊架配意大利什菜、炭烤特級牛柳拼大蝦. 香煎羊架配意大利什菜 - 平時既羊肉都會有膻味，其實膻味主要來自脂肪!今次個羊架完全冇膻味, 而且份量極多, 朋友話好抵食!炭烤特級牛柳拼大蝦 - 牛柳要左七成熟，肉質稔而不韌，肥瘦均勻，非常滋味!而蝦肉亦非常彈牙, NICE! 最後2個餐飲我地揀左紅莓茶, 酸酸甜甜都幾OK!

今晚同朋友去左德福睇戲, 睇完就去食飯~ 估唔到9點幾都仲咁多人!一開始點左2個餐, 套餐跟一個湯同麵包 ~ 小食叫左個黑松露薯條, 粗薯條配上黑松露醬, 真係好好食, 食完一條又一條~2個主食分別有：萄式烤BB豬 、炭烤美國極黑牛肉眼扒配薯菜~萄式烤BB豬皮極肥, 咬落啖啖肉, 正~而炭烤美國極黑牛肉眼扒7成熟, 牛肉鮮嫩, 黑椒汁又香, 食完好滿足 =]整體服務、環境、味道都唔錯, 係貴左少少~ 不過下次都會再黎, 因為朋友都好中意間餐廳!

<其貎不揚既西餐廳 茜廊>😃喺九龍灣呢間茜廊 其實開左好耐 住喺附近既朋友話其實佢裝修過好多次 不過我今次第一次入去食 感覺好似花園餐廳嗰類甘 簡單既裝修🤔 食物西餐為主 有扒意粉 甜品等等🍝🍴炭烤特級牛柳拼大蝦 228 蚊🐮🦐🔥Dinner set仲配有餐湯同咖啡或茶 羅宋湯都幾入味 同幾多蕃茄🍅 帶有少少辣 加蒜蓉包 都幾香脆🥖牛柳有兩大件十分厚肉 一上鐵板熱辣辣 😋🐂 五成熟口感好嫩滑同juicy牛味幾夠 加上鮮甜既燒大蝦 🦐 夠哂彈牙 👍🏻 一上枱 將自選既松露洋葱汁倒落去發出sasa聲 好正！ 而配菜既蕃薯🍠 同西蘭花等等都夠入味😋 yummy !🍴葡式燒bb豬🐷 配沙律菜🌿 188蚊(配有忌廉湯同咖啡茶)Bb豬原隻上枱切開幾件 外皮同肉都煎得十分香脆🐷🔥 入面保留應有既水份 點埋得啦酸醋仲正 😋 , 而沙律菜點左d芝麻醬 亦十分新鮮 好味 夠哂fresh中和豬既濃味 ! 👍🏻🍴蒜片㰖油鮮蝦天使麵 98 蚊🦐🍜(配有餐湯咖啡茶) 用蒜片 黃椒 雞脾菇 等等炒成既天使麵 天使麵蒜味香濃 上面既蝦肉有4 隻 十分鮮甜彈牙🦐 麵同蒜片比較乾身 但黃椒 同菇夠水

拍拖最好的節目是... 行街？睇戲？唱K? No!❌ No!❌ No!❌ 全部活動都是你有你睇👀﹑你有你買😍﹑你有你唱🎤，都沒有增進感情的談心時間呢！愛玩小編Foster就會選擇帶她去扒房，飲杯酒🍷﹑吃口牛肉🍖﹑談談情﹑說說笑啦！😂今次介紹大家的扒房是九龍灣德福廣場新開張的 「茜廊餐廳」啦！🐄精選推薦🐄💥炭烤美國極黑牛肉眼扒美國牛沒有日本牛肉般好吃！ Sorry, 你見識太少啦！ #美國極黑牛肉 跟 #日本和牛 一樣，有分等級。 茜廊餐廳就選用中級的Black 極黑牛肉，以HK$265 一個人份量，已經算值得啦！ 極黑牛肉有入口即化的柔軟😳，但卻有獨特的香氣與韻味👍！ 值得一試呀！★同場，還有指定酒類 #買一送一餐廳： 茜廊餐廳地址： 九龍灣德福廣場一期P8鋪

九龍東長大的朋友，相信無人唔識茜廊，佢坐落在九龍灣德福廣場平台已經超過10年。最近見到佢大規模翻身，就決定試一試新味道。原來餐廳只係啱啱開業，仲未準備好，所以只有晚市套餐供應。但套餐雖然簡單，都好齊全，有齊餐湯同包包。我點左一客羊架，份量都幾多，有四件。羊肉表皮煎得脆脆地，肉味重。屋企人點左份牛扒，令我哋幾驚喜。首先牛扒係鐵板上，而且份量有成十幾安士。切開見到牛扒係好厚切，亦有唔少肉汁。整體而言，一個套餐一人食非常足夠。而我哋都有啲貪心點左款小食，就係鵝肝多士。鵝肝多士的鵝肝脂油好豐滿，配上多士剛好。最後有小小的甜品作結，兩款芝士餅當中我比較欣賞紐約芝士餅，芝士味好濃郁。

之前都有食過幾次樂富分店，一直覺得唔錯今次黎九龍灣，雖然見到服務評價麻麻，但見到當晚勁多人，唔信邪既我照走左入去入坐後，侍應立即倒水，遞上餐牌其中一本餐牌係晚市套餐，明顯叫套餐抵食d，我地好容易揀到食咩，叫侍應落order時，侍應好快見到&點頭示意好快過黎我地要左一個6號炭烤美國極黑牛肉眼扒配薯菜，一個8號葡式燒bb豬肉眼扒，我要求5成熟，有4款醬汁選揀，我問侍應：個汁係咪另上，當時佢答係！落完order後，餐湯，麵包好快黎紅湯多料，但可以再濃味d會更好白湯，忌廉味濃郁，但反而無咩配料兩個餐湯好似互補不足咁蒜蓉包，焗得好香脆可口當我地仲飲緊個湯，肉眼扒就好快黎到原本見到塊扒煎得好靚，一格格既坑紋，用鐵板上，份量有成10oz，幾吸引但侍應可能習慣左，立即將另上既醬汁淋上鐵板上面，我地真係眼都突埋，究竟咩係叫“另上”不過侍應將醬汁淋上面時，我都未準備好紙巾遮住，好彩鐵板唔係好熱無彈d汁上黎但牛扒味道唔錯，肉質軟腍易切，唔係唔好食，可惜都係因為個醬汁問題另一個餐叫左葡式bb豬，依然無令人失望，豬皮好脆，好似食緊脆肉乾咁，bb 豬亦無乜肥膏， 肉質軟腍， 配埋黑醋汁，食落唔會好油膩，bb豬仲配

有著 30 多年歷史的德福廣場＂茜廊＂，屬於西式茶餐廳類型，於今年９月份經過裝修後重開，簡約、硬朗、現代的西式裝修風格重現，餐廳頂部的射燈射出幽雅柔和的光線，大理石板製的餐桌枱面，配雙色軟包扶手沙發座椅，坐得非常舒服😊。下午茶餐牌內容豐富，價錢由HK$ 39～HK$ 92 不等，食客選擇的空間很大。鐵板餐［香煎龍脷魚柳拼珍寶腸］跟羅宋湯、蒜茸包、凍檸水，HK$ 75 另收加一。這個茶餐的份量可以抵得上一個全餐的量，當然價錢也和正餐不相上下。湯、麵包和飲品中規中矩。鐵板中的兩大塊龍脷魚柳和兩條煎到爆裂的珍寶腸，當淋上自選燒汁的那一刻，吱吱聲不斷，在食客面前演繹了一次食物烹飪的最後一道工序，使魚塊和腸仔即時變得滋味可口，這正是鐵板餐的魅力所在😋。［法式西多士配吉列南瓜餅］跟凍檸茶 HK$ 48 另收加一。抹上牛油淋上糖漿，西多士熱辣辣並且香甜。吉列南瓜餅脆口、鹹香，餡為南瓜蓉和蔥。重開後的店堂內多了一些年輕的侍應來回走動，讓人感覺有了生氣和希望……

哪些年係九龍灣住的時候，偶然家人會帶我黎宜間西餐廳据扒。今日同朋友聚會，舊地重遊，餐廳裝修過，很明亮寬敞呀！先黎小食—法式焗田螺，田螺全部都剝了殻，吃起黎十分方便。田螺加了薯蓉，入口很香牛油味唷！再黎既係新奧爾良雞翼及黑松露醬薯條。雞翼唔算太細隻，味道帶點辣，很喜歡唷！黑松露醬薯條睇見都令人流哂口水。薯條新鮮熱辣打出嚟，非常香脆，配上濃而不膩既黑松露醬，很快就被我們吃清光了。蔬菜主菜order點左炭烤西冷牛扒及pizza套餐，有餐湯及飲送，幾抵食。牛扒有成10安士重，非常大塊。Order五成熟既牛扒肉質滑嫩，而且又冇血水出，不得不欣賞廚師既功架。伴菜有薯仔、西蘭花和黃椒，非常豐富唷！海鮮pizza 有9吋大，分成六件，份量都唔算少唷！pizza批身薄而香脆，面層加上青口、鮮蝦、魷魚、芝士，令pizza 口感豐富又好味！湯有羅宋湯或忌廉湯可供選擇...餐包係用芝麻豬仔包作為蒜蓉包，芝麻加上蒜蓉，更加惹味。麵包食落外脆內軟，蒜蓉牛油味非常濃郁，比起普通既甜餐包更好吃呀！