影片
港铁利东站A2出口, 步行约2分钟
继续阅读
电话号码
25551717
营业时间
今日营业
全日休息
星期一至二
07:00 - 17:30
星期三
全日休息
星期四至日
07:00 - 17:30
*截单时间: 17:15
以上资料只供参考，请与餐厅确认详情
以前细个成日都嚟食㗎个个星期日都去食直情系屋企嘅食堂佢都唔少人㗎㖞之后仲扩张到要埋隔离个舖细个𠮶阵特别专一好专一咁样嗌佢嘅煎蛋肉酱意粉食𠮶阵就笃爆个煎蛋蛋浆就会流落去啲肉酱𠮶度捞埋一齐食就觉得好好食另外一样嘢就系屋企人好钟意嗌嘅餐肉煎蛋饭, 仲要指定要豉油汁个豉油汁听讲系特登再炒过先落嘅所以特别唔同仲有就系咖哩牛腩饭谂起仲好挂住𠮶个味道咖哩牛腩好送饭入面有好多牛筋虽然好大碟饭但系捞埋啲汁又好快食完一大碟食完之后就会同屋企人斗快计数畀钱以前冇八达通㗎用现金畀钱呢间餐厅我嘅充满咗童年回忆
继续阅读
单睇早餐只煎蛋或者炒蛋已经知道间餐厅嘅水平如何 呢间餐厅最钟意入埋D低价蛋碎米粉平价野 感觉唔到有用心制作 油烟好大 通风好差坐得又迫 咁多年完全冇改进过 个后生仔侍应态度好差 佢只眼永远唔会望住人讲野 好无礼貌 但阿姐态度系亲切既 只感觉呢间点不思长进 仲停留食罐头急冻货既年代 佢好好彩遇到呢度D街坊 对食冇乜要求 仲一直支持 我已经唔经常帮衬 费事比佢继续揾笨
继续阅读
都唔知有几多年冇喺茶餐厅度饮过一杯啱心水嘅奶茶。（感动！）我认为奶茶应该要有茶香；叫少奶嘅时候，少奶得嚟要入到口，已唔系少到会饮到人晕眩。呢间嘅奶茶，做到！另外，西多士虽然得一块包（当然冇花生酱之类），好似好少，但可能因为索咗好多油，所以都食滞咗。。。不过，系脆嘅，亦冇油益味。
继续阅读
晨早流流就去左鸭脷洲，早餐都未食，人生路不熟就随便揾左间茶餐厅医肚饿。牛油面包煎双蛋配沙爹牛肉出前一丁 $42普通软面包搽上牛油，正正常常冇话好食唔好食，如果选择转多士要加两蚊。普通煎双蛋，冇㶶边。一间茶餐厅早餐好唔好食，主要就系靠佢嘅沙爹牛肉面决胜负，只要唔太难食都会回头。呢间沙嗲牛面都算唔错，至少牛肉份量都算畀得足，唔会系得零丁两三块，而且啲沙爹味都算浓，唔会太淡。另外冻饮加两蚊，都系而家嘅餐厅一贯做法，咁我就嗌咗杯冻柠茶，正常味道。
继续阅读
今朝早心血来潮晨咁早起身落街食早餐，系鸭脷洲最出名就系苏记由细细个系大排档搬到入铺，系门口可以见到老板好钟意周围去周围影左好多既相👍🏼睇得出相既背后好有意思，而家好似仲可以买佢既相片叫左个沙嗲牛肉通心粉，沙嗲酱味好浓烈，有小小花生酱味，好稠既汁加上通心粉，更加好食，牛肉无筋多士仲系好脆架，唔似其他店舖整好晒放系度变得软左仲有佢个奶茶都好好饮，但系我唔记得影相个奶茶好香既茶味，奶好滑，拉得够焗得够，系成个早餐既灵魂👍🏼精精神神既一日既开始
继续阅读