芳華絕代 (已結業)

之前有朋友黎過呢間餐廳覺得幾好，就介紹比我，用埋個優惠app訂位仲有八折！於是就去試下啦！整體可以再做得好D~幾個人叫左五款菜，但只係岩岩夠飽，份量可以再多少少。生蝦不過不失，肉質都尚算鮮甜，但醬汁就冇咩味，蘸左好多都唔係好帶到蝦嘅鮮味。😋🦐飛天通菜同樣係個醬汁冇咩味，菜身偏硬同乾，對呢款菜反而有少少失望...🙁冬陰公湯係咁多樣菜最好嘅🍲，好香椰奶味，入面有好多足料海鮮，酸酸辣辣夠哂醒胃👍🏻👍🏻👍🏻去骨海南雞飯係呢度嘅招牌菜，海南雞好滑冇咩脂肪，去左骨可以大大啖咁食👍🏻 但油飯就唔係好夠香同軟腍🍚最後係黃咖喱炒軟殼蟹🥘，黃咖喱偏甜，可以用黎送飯，軟殼蟹有少少overcooked，食落好重油份🙈總括黎講食物質素尚可但有好多可以進步嘅空間。餐廳有D 好特色嘅野飲，再去會試試！

做了一下research, 知道這泰式餐廳9:30 後入坐半價，今晚剛好晚了才去晩餐，就抱著吃平野的心態去試下。本以為一定普普通通又一餐，點知出乎所料的好味和大份！是晩點了海鮮冬陰公湯、泰式船河、黃咖喱炒軟殼蟹、青木瓜沙律和椰青。冬陰公湯好香濃足料，裡面的蝦肉吾梅，分到4 小碗左右。個椰青夠凍夠清甜，好耐無飲過咁好味的椰青了，好感動！泰式船河賣相出乎地好，湯底好濃郁，偏甜，麵條是我最喜歡的泰國rice noodle, 伴有牛肉、小牛丸、肥牛，牛肉的質素竟然出乎地好，一d 都吾韌，還加上香脆炸豬油，大贊！最普通的反而是黃咖喱炒軟殼蟹，撈飯幾好，不過炸軟殼蟹浸在咖喱汁裡好快吾脆了！仲有個靑木瓜沙律可以再酸辣一點點，會更惹味！不過啱哂吾太食得辣的人，全部菜式也是比bb辣更不辣。今晚呢餐真的好抵....半價....才$270。不過可能因為已經夜，所以出餐好快，差不多一次過黎哂所點的菜，於是好快就凍凍地咁。9:30 來，廚房10:00 幾就last order 了，大家注意啊～～

之前在網上看到有人介紹此餐廳，餐廳內有不同的霓虹燈打卡位，適合一班朋友前來打卡 。餐廳主打泰國菜菜，本身自己對泰國菜亦情有獨鍾，便一心前來一嚐泰菜滋味，以及在霓虹燈下留下倩影。還未踏進餐廳便見到大大的霓虹燈招牌，吸引我們，我們二話不說便在這打卡拍照除了門外招牌外，餐廳內還有另一招牌，亦是十分有feel的打卡位拍完照後便到重點的主食，我們幾個人叫了三款食物，水準亦很超班。除了食物，更叫了一杯西柚果汁🍹，感覺很清新，令人更開胃以一個字來總結整頓晚餐- “正”下次必定再encore

心目中冇咩野特別想食，行下太子發掘下未食過既食店，就比我見到佢就入去試一試，叫左黃咖喱軟殻蟹（白飯餸咖喱），鳳爪沙律，雞肉串燒，真心覺得幾好食，如果轉返係硬殻既蟹會更加正，有下次

同事知我中意食，所以介紹左個優惠app比我，更推介埋呢間泰式餐廳比我，話食物質素唔錯，性價比高，而且又有board game玩，唔駛擔心坐到悶。聽佢講完之後深感興趣，但Openrice食評唔多，而且各評價都叮噹馬頭；不過朋友同我都想食泰菜，加上優惠後價錢相當吸引，最後仍然決定一試。餐廳有兩層，我地被安排到地下果層就坐；地方算大，餐枱之間夠距離，唔會坐得好迫；光線充足、環境算舒適、樓底夠高，所以唔會好嘈同唔會好有壓迫感；不過張櫈就好硬，唔好咁好坐。由於無去過上面果層，所以唔清楚環境係咪一樣。食物選擇唔少，由沙律、小食、飯、粉、甜品、連酒、Cocktail都有，可謂一應俱全。泰式鳳爪沙律 (原價$78)內含好多蔬菜，芹菜、生洋蔥、甘筍絲等，新鮮又爽脆；鳳爪份量可以接受，一開始食會覺得味道偏酸唔夠辣，但其實越底越辣。係一道好好既開胃前菜。小食拼盤 (原價$88)全部炸物都新鮮炸起，食果陣仲係好辣口。蝦餅太薄身，而且蝦肉唔夠彈牙；墨魚餅比蝦餅彈牙D，仲可以食到粒粒墨魚；春卷正常，不過炸得唔夠色；單骨雞翼最好味，炸到脆卜卜之餘，仲要唔覺得油膩，香芧味又濃，食完仍然覺得意猶未盡。炭燒豬頸肉飯 (原

響太子附近用app搵到呢間餐廳，因為喺網上面見到佢餐廳啲相覺得好靚，都有啲夢幻嘅感覺，最鍾意打卡嘅女朋友就梗係話要嚟呢度食啦。餐廳除咗佈置之外，連隻碟都好有懷舊嘅風情，這種心思係值得一讚。同場加映嘅係玫瑰烏龍茶，就係普通嘅茶包味道。呢間餐廳嘅菜單都好特別，又有上海中式菜，又有西式嘅披薩同鋸扒等等。好聽啲嚟講，就係包羅萬有任君選擇，但衰啲講句，我又唔太相信一間餐廳可以範範都掂，西餐廳食中菜嘅通常都會中伏。所以我都係穩穩陣陣叫西餐，因為佢個格局都係酒吧餐廳嚟嘅。泡菜雞肉pizza。其實呢個配搭都特別嘅，雞肉同芝士都充足，但泡菜味略嫌不足，餅底就比較薄，所以食完都唔係好夠，要再點其他野食。西冷牛扒。呢個就處理得唔係咁好喇，牛扒上碟我諗都有八九成熟。咬落去十分煙韌，肉質太老，對這塊牛排真係有啲失望。總結，系一間好靚嘅餐廳，係一間適合打卡影相嘅餐廳，喺一間可以畀你哋飲嘢嘅地方。但講到食嘢嘅話，或者可以試下佢啲中式菜嘅，披薩雞扒就唔建議喇。

第一次光顧這間食肆，在下午茶時間order了一客去骨海南雞飯，不包飲品，價錢為$88再加一。以88元來說，對味道和質素的要求當然更高。食物來到時，看到份量偏少，雞只有五六件，但當然味道更重要。但雞件和雞件之間切不開，我想只是刀磨得不利，但強行拉開後，發覺有幾件仍未熟透。我吃了熟了的那幾件雞脾，竟然有兩件骨... 說好的去骨海南雞飯呢？更甚的是，雞脾的質素很差，肉質像雞胸般粗糙，燒味店的雞肉高質很多很多。以這個價錢吃這個質素的飯真是難以接受。整個菜能讚的地方只有外觀。

成日想搵間就腳少少食吓飯，飲杯嘢傾到偈，又可以食埋shisha嘅地方，終於比我搵到！終於唔洗去到尖沙咀嗰頭啦，就近太子地鐵站，門面一大盞霓虹燈，經已好吸晴。個名咁古色古香點知原來係食泰菜嘅。小食、飯嗰啲都有齊。仲有Cocktail飲，啲譯名都幾過癮！叫朋友一人叫咗一個飯，老實講味道真係麻麻，但勝在有其他嘢加返分！無錯啦，就係因為佢有鏢機同board game玩！真係好啱同朋友喺度落腳㗎。當然唔少得喺一開頭就提及到嘅shisha啦！呢度有隱藏餐單嘅特別口味，同埋staff都會提供意見，什麼調啲特製口味比你㗎！鍾意食shisha嘅唔可以錯過啦！

和友人碰巧經過而入的也許就是沒有期望 才有驚喜叫了碗自選3餸配金邊粉點了炭燒雞肉 雞翼和墨魚丸 一來到份量嚇人面的份量是平時粉面的兩倍女孩子share 一碗是真的也夠飽的✨炭燒雞肉 賣相和口感也像雞扒不是一絲絲的 而是呈件狀十分夠咸味 鮮味就別奢望了 味道還是不錯✨雞翼一心以為是燒雞翼 原來是炸的炸得香脆 不過同時有點乾 正常貨色 普普通通吧✨墨魚丸不是太粉 彈牙也稱不上作為配料也不賴✨湯底味濃 金邊粉上配上了不少炸蒜和洋葱份量十足✨特別一提 凍奶茶十分大杯味道偏甜 茶味十分重筆者喜歡也算是太子區的好選擇

一到門口已經比呢間餐廳吸引，裝修新潮，有兩層，上層仲有board games, 4部飛鏢機比人邊等邊過下手癮，岩晒一群人過黎聚會！供娛樂嘅地方都幾闊落，奈何餐枱太細張啦，坐得好挾迫，如果大張d會好好多！青木瓜沙律條條木瓜絲都入晒味，酸酸咪咪，好開胃泰式蠔蛋餅炸得不夠酥脆，蠔肉吾多同好細粒，食炸粉多，不過佢成件蠔餅都炸得好香口小食拼盤雞翼好軟熟，入口d肉同骨好易分離，好食三角形果粒類似章魚丸，外皮夠鬆脆，餡都幾彈牙春卷冇食，不評論魚餅，正正常常，口感比一般泰式魚餅彈牙，冇香茅黃咖哩炒軟殼蟹黃咖哩濃稠度剛好，撈白飯食一流！軟殼蟹夠厚肉，口感保持到，吾會煮到一pat野霉晒咁香酥餅熱辣辣，有小小煙韌，襯黃咖哩又係另一絕配！串燒吾會燒得太柴，冇乜特別驚喜豬肉碎包菜生菜夠新鮮，肉碎酸酸辣辣又夠濕潤，好味！呢味菜至驚食到臭腳味，呢度冇呢個問題生菜比多幾塊會更好

睇相環境唔錯 有個螢虹燈打卡 可惜去到發現只有地面個層有 而我地係坐上層😅但上層都有飛鏢機俾大家玩下《生蝦刺身》$68 共6隻 不算太肥美 連埋上面既蒜頭同辣椒一齊食 多重味覺衝擊 不錯《蒜蓉炒時令蔬菜》$68 加左蒜蓉既通菜好惹味 連平時唔食通菜 覺得佢有怪味既朋友 經蒜蓉洗禮後 變得好中意食 《泰式鮮蝦金邊粉》$78 4隻大大隻鮮甜蝦碌 再加上爽口既金邊粉 味道已經足夠 如果中意食辣既朋友 撈埋啲泰式調味粉 更惹味更好食《三色串燒》牛雞豬各兩串 大大串 香味十足 點埋沙嗲醬 味道更佳泰國菜既醬料真係無得輸 令人胃口大開 唔夠食 最後叫多碟金邊粉填肚😂

之前見這店舖轉手再開業的時一直想去試一下，之後又見電視劇“給我愛過的人們”來此取景，就更想看看這新店舖，今日剛巧經過就試了。甫入去已見採用工業風，沒有過多的裝潢，牆身畫了幅風月的中國風美女圖，簡單中別具風味，食物是越南風味。我們叫了清湯牛腩雞扒蝦河粉，菠蘿炒飯，加配素菜卷，墨魚餅，熱朱古力咖啡，凍泰式奶茶，還送了香芋西米糕，餐具用了公雞牌，好特別。這餐飯超抵食，賣單254，吃到好飽。食物好食之餘，服務都好好，誠意推薦大家去試試。

潮式三寶船面太太太太咸！海南雞飯，雞肉得好少，冇乜醬汁可以比人點，好淡無味，唔值個價都唔好食！野飲七十幾八十蚊杯，但係好細杯，味道都好一般。食野飲野都對唔得住個價錢成間野比我感覺只係食裝修

見間野裝修都幾靚，就同朋友嚟try try。哇，真系唔好見個樣OK就狗衝ah香港人。地方細，同朋友坐得好唔舒服。個陣時覺得算，食完就走la。na重點嚟la，串燒勁難食，又燶，成舊炭咁，喂大佬話曬俾咗錢嚟食，你整到咁過意得去？OK，可能我太高要求la。主食好dd la應該？Sorry，泰菜最出名ge菠蘿炒飯，原來系得兩粒菠蘿。貓屎咁，你好意思叫自己做泰式餐廳？嘢食又鹹又細份，嘢飲細杯又難飲，唔會encore byebye。

芳華絕代 個名好有梅姐哥哥年代的經典感覺見到啲打卡相好多霓虹燈好有feel一於book枱同班friend黎試下影下相🤞🏻用左Eatigo的半價優惠 勁抵食 埋單人均$120黎到揭開menu先知係食泰國野🇹🇭有半價梗係瘋狂叫 前菜係生蝦 炭燒雞扒同豬肉生菜包生蝦剌身($68) 唔算大隻 但肉質都彈牙 不過不失啦雞扒($78) 份量比想像中大好多 厚肉得黎嫩滑生菜包($88) 份量多 叫左少辣 微辣惹味主菜叫左鮮蝦金邊粉($78)同滷水豬脾飯($88)兩碟都偏大 金邊粉唔會太乾身 炒得好味豬脾飯係邪惡的表表者 肥到爆 但勁入味香口 一啖接一啖最後叫多個飛天通菜($68) 香辣惹火整體係好啱傾下計慢慢食的新派餐廳 食物有質素 不錯😌