芳華絕代 (已結業)

芳華絕代，原本是一個形容老上海與舊香港的形容詞，不過這一家樓高兩層，由五十年歷史的「酒店36」改建而成的Cafe，主打泰國菜，有趣兼有勁度的鷄尾酒和手工啤酒。因為想試多幾款唔同種類嘅酒精，令到唔係好識得飲嘅我，增添咗幾分醉意...哈哈Cheers....貴妃 （Vodka，荔枝酒，橙/菠蘿/蔓越莓汁）18禁利檳納（威士忌，青檸，紅酒）臥壼藏龍（烏龍茶，蜜糖，青檸，Gin酒）收埋啲卡（Rum，青檸/薑汁，薑啤，Basil，Chili）

青咖喱雞，雞是没有味道，菜是烚完之後才放入咖喱內，歺㕔冷氣滴水，不夠冷氣，坐我隔鄰枱客人都投訴，午餐份量少，一份靑咖喱內只有五小片雞肉，真心中伏，裝修也不是有那麽特别🤧🤧🤧

成日喺旺角唔知食乜好,行行吓發現左呢間餐廳好適合打卡之餘，環境仲要幾大😌openrice見吾錯就入左去值得一讚佢哋嗰杯泰式奶茶❤️切合返香港人口味，唔會太過甜而甜到喉嚨唔舒服😌甜度剛好！而且質地順滑，吾錯😂炒金邊粉確系幾出色，金邊粉煙軔有口感，酸酸辣辣口感好醒胃😄不過要留意返吾系好食得辣嘅朋友記住叫小辣，因為食食下都幾辣嫁😚值得一試泰式去骨海南雞配香油飯就比較普通啦，無將雞轉做雞髀，而雞嘅份量亦唔算係好多🧐雞件都吾算好’鞋‘口，雖然係油飯，不過飯粒缺乏雞油香😕

同朋友2人來晚餐，7pm左右，唔洗等位。Order:話梅梳打 $40泰式奶茶 $35青木瓜沙律 $78去骨海南雞飯 $88豬肉碎生菜包 $88+1 服務費 $33————————————總數$362，平均每人$181先講飲品：（左）泰式奶茶：- 茶同奶比例平均- 甜味適中 好飲（右）話梅梳打：- 重話梅味- 有一塊檸檬乾 飲落味似鹹柑桔 開胃再來食物：以上嘅青木瓜沙律：- 有蝦米吊味- 口感清爽微酸- 個汁好似食百雲鳳爪嘅味- 整體不錯亦開胃以上嘅去骨海南雞飯：- 飯帶少許雞油香味 好食- 無骨嘅海好啱懶人食 啖啖肉- 醬汁微酸 為雞肉味道增多一個層次- 推介！以上嘅豬肉碎生菜包：- 豬肉碎無辣味 老少咸宜- 肉碎鹹度剛好 可以就咁即食 包生菜亦好好食- 碗豬肉碎嘅乾濕度適中 用手包生菜食嘅時候 唔會漏汁滴到周圍都係 又唔會太乾身食到喉痛- 好食原本以為呢間鋪係以霓虹燈裝飾做招徠，啱港女影相打卡，嘢食可能麻麻地，唔會出色得去邊。但可能因為我嘅期望值唔高，所以啲嘢食出到來出奇地好食。環境靚、服務正常、食物好食，推薦大家黎一試！我都可能會同其他朋友再來幫襯ya

呢間可以食泰國菜 飲嘢同shisha嘅地方 啱晒一班朋友嚟啊 樓高兩層 位置都算方便喺太子嘢食方面我覺得都OK啦 普普通通 set dinner好抵食啦 有小食有主菜再加嘢飲 我哋當晚五個人就叫咗三個set dinner 再叫咗啲小菜 覺得燒豬頸肉可以改善下 唔係咁香口 嗰晚朋友生日我哋就另外準備咗生日蛋糕 係要收切餅費$100嘅 咁大家要留意下啦 整體來講對呢度嘅環境幾滿意 有啲霓虹燈裝飾 食完野之後唔使再轉場就可以飲吓嘢加shisha

今日同個藝術朋友tea！佢話有間野比較少人同靜好岩佢創作～原來就係門口有好大盞霓虹燈「芳華絕代」嘅餐廳入到去見到真係好少人好清幽😌開住部電腦慢慢工作好舒服不過估唔到原來係食泰式野(我認我黎前無做research)最後我叫左個冬陰公河粉同椰青個冬陰公河粉令我好surprise！因為佢d河粉唔係車仔麵果種河粉，而係大大片半透明嘅！似係佢人手打嘅粉，好煙韌好有咬口！而且佢俾我配3種菜(魚片頭/豬頸肉/墨丸) 都好豐富好飽肚，同埋湯底微辣好香口椰青唔知點解d肉好易整出黎食，所以好難得成個清哂！係清哂！好好味好消暑周圍留意下佢d碗碗碟碟係用雞冠頭架好有特色好靚！睇得出呢間餐廳都花左唔少心思去decorate....偷得浮生半日閒～都係一個唔錯嘅選擇

第一次寫食評，因為真係唔好食。因為有7折同埋見裝修幾靚先黎試下。點知就伏左。叫左5樣餸，幾分鐘已經上左4樣餸，好似全部現成就咁裝出黎咁。我杯野飲都未上呀野食就已經上齊曬。1. 飛天通菜，普通屋企炒菜咁，完全食唔到有其他味。2. 冬蔭功，唔夠酸唔夠辣。3. 小食拼盤，樣樣差，淋之之既。4. 木瓜沙津，咸到爆炸！完全食唔到5. 船麵，普通，啲牛腩硬到吞唔到自認食野唔奄尖，但呢餐真係唔掂。折左埋單2個人都要$401, 講真寧願唔要你個折去食返正常泰菜都係差唔多價錢，可通仲平啲！

今年揾左呢間泰國餐廳食生日飯，一人叫一個套餐，有小食拼盤，主食，特飲，甜品，$140有找，價錢合理小食拼盤既炸物係新鮮炸起，外皮脆卜卜，最愛蝦餅主食叫左青咖哩雞、海南雞、泰式豬脾、菠蘿炒飯、豬頸肉冬蔭公金邊粉，味道不過不失最難忘應該係青咖哩，味道甜甜的，非常重椰香味，配飯一流餐廳不限用膳時間，仲有board game玩，成班朋友食飽飽，就玩下games 餐廳服務好好，當朋友拎蛋糕出黎，餐廳用即影即有相機幫我地留念

地鐵站行過去都有段距離~~餐廳有兩層，門口有個招牌燈牌好搶眼😎 入到去人唔多，安排咗我地坐地下個層；最入面嗰位係正冷氣機下面，吹到正一正、出面嗰位又對住門口，重點係佢無門的，熱風係咁吹過嚟，好似開到凍一凍都無咩用😕 明白呢個可能係餐廳特點，不過夏天嗰陣，坐係度食辣嘢真係會好熱同出哂汗😅 希望餐廳可以改善吓呢個問題啦🤨🤨🤨——————————————————🌶🐷沙嗲豬肉串 $68有四串而且肉都比我想像中多😀 肉質唔會"鞋拾拾"，豐富質感，加埋沙嗲醬食亦唔會過咸😉-🥢🍜泰式船麵 $78本身expect 船麵係泰國嗰種透明幼身又好彈牙嘅粉，點知佢係上金邊粉☹️ 仲無得揀唔辣，不過好在可以俾少辣姐🤪 湯就接受啦，雖然都有啲油🤣 特別一提係個豬油渣，炸得好香口，但食多舊就覺得好油😂 唔知心理作用定點 呢啲嘢雖然係少啲地方有 不過都係少食多滋味喇🤣-🌶🐽冬蔭公豬頸肉金邊粉 $78呢個冬蔭公真係有料到haha 椰奶味唔重，相反都幾重香茅味同酸 我諗好啱鍾意食偏酸嘅朋友仔😗 好耐無食豬頸肉，好爽口喎，同埋好大塊👍🏻 btw 食得十小辣嘅我都邊食邊流汗👹 真係唔食得辣嘅朋友要認真考慮要唔要挑戰喇😎-🔥🥬飛

好耐冇見班姊妹，又係時候敍一敍～諗左好耐都決定唔到食咩，見到e間上網book位有7折，就梗係黎試下啦美祿恐龍雖然要成50蚊杯，但落左好多美祿落去，好濃😍等d冰溶左可以溝返d，就好似再飲多杯咁👻👻之後就有3個小食;雞串，薄餅同蝦餅雞串就冇咩特別啦，不過薄餅冇醬唔太開心，於是就點雞串個醬，如果冇嘅話都幾乾下🙈蝦餅係推介嘅🤓眨下眼就冇曬，有邊個唔鐘意熱騰騰脆口嘅嘢食🤪再黎就係炒金邊粉同咖哩豬頸肉飯首先建議，如果大家唔太食得辣嘅，就唔好叫金邊粉喇。我本身係唔太食得辣，就辣到要噴火了，可能嗰日個廚師重手左啦😭咖喱豬頸肉飯都還好嘅，豬頸肉嘅質感唔錯，而且係唔辣👹總括而言，可能嗰日係平日夜晚，所以都唔係太多人，係適合傾計嘅地方繼續有折扣嘅話，我會再嚟食㗎

我同同事一齊放飯去搵食，今次行遠啲去到界限街，見到一間裝修幾得意的餐廳，睇個樣似係食新式的菜式。原來佢係一間酒吧，同時係一間餐廳，日頭時都有午飯食的。今次我們兩個女子食左一個小食拼盆（$88）同泰式鮮蝦金邊粉($78)做午餐。小食拼盆份量好足，樣樣都有，有蝦餅﹑墨魚角﹑雞翼同素春卷。每樣食物都炸都有鬆脆，蝦餅同墨魚角都夠哂彈牙同新鮮。如果有杯啤酒飲就好啦！不過唔得啦要開工。放工過來飲番杯就正的，見佢呢度都好多手工啤同各種cocktail~泰式鮮蝦金邊粉都有幾多蝦，炒得唔算油，夠哂味，而且啲配料放埋哂一邊，怕辣的朋友可以唔落辣椒片，幾好～略嫌價錢以食午餐來講，有點點貴，其他都滿意的～

用app book 有折，所以就揀咗呢間食泰國菜，睇相睇食評見到ok 既，所以都有啲期望。去到佢話某幾樣野係冇折嘅，都ok 啦，有位朋友想叫個happy hour 買一送一嘅嘢，問個waitress 有無，佢竟然答，應該有🙈🙈有就有無就無，點解係應該咁搞笑，顯示餐廳train 人有啲奇怪，其實呢啲位唔係應該話幫我地問下咩🙈🙈食物嚟講，除咗個冬蔭公比較ok 之外，其他都屬ok 以下水準，唔係難食，但好多樣嘢都爭啲。個蝦唔夠新鮮，個通菜唔夠入味，個海南雞飯又係無咩味，仲要個雞好多骨，同下欄位，個飯唔夠椰香又係fail. 個咖喱都ok, 但又係唔夠惹味，個冬蔭算係成餐廳夠水準但都只屬正常唔特別突岀。Feel 到成間餐廳啲嘢食都唔夠味，成餐飯到喉唔到肺，係有啲失望，環境係幾靚但都未必再嚟。

本身想食嗰間餐廳大排長龍，偶然經過呢度，見到門面都幾光鮮！同埋女朋友同我都想食泰國嘢！喺門口等左一陣就好快有位！女朋友嗌咗個船麵我就嗌咗個泰式鮮蝦炒金邊粉但唔知點解張相唔見左-__-兩個都好食呀！真係好有驚喜！街角嘅小店，好彩有經過！下次都會嚟呢間食啊，仲可以試吓佢啲啤酒添！

今晚又夜了才去晚膳，本想去芳華絕代再吃他們那碗超正的泰式船河，怎知道現在晚上九時後轉了新餐牌，沒有了船河.....有點失望。於是我和友人點了酸辣鳳爪、炭燒豬頸肉飯、泰式金邊粉和冰凍椰青。酸辣鳳爪味道不錯，酸度適中，口感新鮮爽囗，不過骨可以再軟一點。炭燒豬頸肉飯做得非常好，豬頸肉真的做到有炭燒的香味，燒得邊脆肉嫩，很juicy, 配上正宗的的豬頸肉汁，十分惹味，給滿分。泰式金邊粉，賣相顏色均很吸引，味道做得很正宗，也好有鑊氣。用料方面，足足有5 隻蝦，肉質也不錯！

難得同同事食飯就一齊試食野 雖然剛剛去完泰國 但都我對泰菜熱情都係不減的4個人叫左好幾樣食物 上網一早訂仲可以有7折 不過7折就唔包海車雞同飲品見個個都叫椰青 我都叫返個黎飲 普普通通啦 好彩都有啲肉食 第一個到就係生蝦 蝦就普通 正常 無咩話好好食冬陰公湯 4個人黎講有啲細 味道都好普通 唔係好正宗 跟住就上左海南雞飯 油飯唔夠濃味 雞就不過不失呢個係咖喱軟殻蟹同蒜蓉包 又係好麻麻 最好食係個包加左啲咖喱最後就上埋個飛天通菜 又係好咁普通咁總括而言 可以唔洗再黎食 好普通 係個室內設計幾靚 好適合打卡 呢度應該有得shisha 樓上有間房係有幾個煙壺而且keep住有shisha味 不過我就唔太sure啦～