影片
好味👍面好味丶珍宝套餐超值，招呼好，地方干净，牛丸好食，墨鱼丸好食，汤底好味，肥牛都好味，牛拍叶是黑色的，但好味，店主是基督徒，很友善，火腿都好味，豆卜都好味！
继续阅读
每次OT都唔太多选择拣食咩，想要食个快又暖啲嘅都会拣芳姨车仔面食。虽然佢叫车仔面，但我从来无食过车仔面，反而系食米线。间野有好多唔同嘅𩠌拣，好似车仔面个种咁！象拔邦系好味嘅，不过一份得好少，所以通常都叫两份！黑柏叶都系好食嘅！同事会中意叫埋墨鱼头！除左啲𩠌，个鸡亦都唔错，香草鸡亦系有炸ge感觉，不过通常要等耐啲！起码10几分钟！佢个麻辣都okay，但都真心辣，通常我都叫佢20小辣，不过menu写最多10小辣。
继续阅读
本身冇乜期待，但食完觉得几好味！拣咗麻辣汤底，小辣就已经顶唔顺，比出面辣好多！最惊喜系有醉鸡翼，几好味，但可惜只有一只，萝卜又甜又淋，好好味！楼面靓姐态度好好，下次会再帮衬！
继续阅读
点解街坊食堂，隐世美食呢啲字眼会令人趋之若鹜？因为喺呢个就嚟周街只剩低连锁店嘅都市，有啲人对质朴，有个性嘅味道，仍然系有所渴求嘅。废噏一大堆，开得饭未？得得得，行入「芳姨车仔面」食个便饭吧。芳姨系边个唔重要，正如大家姐，四姐同华姐系边个，大部份入嚟食嘢嘅人都未必在意。食物质素如何？车仔面可以㨂嘅𩠌种类好多，X仔、乜哥米线有得拣嘅呢度基本上都有，就连无嘅，好似象拔蚌呢啲，都有！至于汤底，亦有得拣唔同辣度嘅麻辣或酸辣。有几「梗」？可以讲嘅系三小辣已经令人感觉相当刺激。最正嘅系，个汤底无论系麻定酸，滋味得嚟感觉好清新，唔会觉得好似食咗好多味精，口渴到爆（所以系无呃你嗌嘢饮架！）。至于面底，亦有多种选择，当中嘅江西米粉，即系大家日常食嘅米线，滑溜溜唔哽胃，完全唔需要嗌「米林」。除咗车仔面，呢度仲有汤饭，碟头饭任君选择，小食亦有好多，净系鸡翼，都已经有四川烤、香草烤、卤水、同花雕可以拣，舖仔细细，咁多选择，真系唔讲得笑。呢度最正（又或者最唔正，睇你点睇）系人手唔多够，楼面嘅靓姐，招呼完你坐低，转个头又入咗厨房帮手，整一阵上完菜，又赶住清枱收钱，忙过Diner Dash个靓女。不过就算系咁，佢都勤快、亲切，好礼貌。唔明点解啲人会话遇到态度唔好，因为基本上去咁多次，都系见到呢位靓姐睇住个场，或者其他食友时运低啦！讲嚟讲去，去得街坊食堂，感觉就好似去咗人哋屋企作客咁，就系食𠮶份舒服、亲切、自然味道，并唔系勿演，实小喇𠮶种速食可以媲美的。但当然，甲之蜜糖，乙之砒霜。所以，各自开自己嘅饭吧。
继续阅读
我钟意食麻辣米线，平时都会食谭仔云南米线，但唔系间间水准都一样，好彩认识咗芳姨车仔面佢哋嘅麻辣汤底绝对系我另一食米线嘅选择！记得拣佢哋嘅江西米粉（米线）好幼滑，份量比较少，而汤底则要加$1，我叫5小辣都已经有D感觉！最正系食完完全唔会觉得口渴。麻辣鸡翼即叫即制，虽然冇谭仔嘅咁麻辣，但也很惹味，一人食晒三只完全冇问题。曾经试过一碟有四只，因为阿姨话鸡翼细只俾多只。厨房同楼面嘅阿姨都好好人又nice...出街食野除了好味之外最重要系开心！大家一齐来支持小店啦！
继续阅读