芳姨車仔麵 (已結業)

好味👍麵好味丶珍寶套餐超值，招呼好，地方乾淨，牛丸好食，墨魚丸好食，湯底好味，肥牛都好味，牛拍葉是黑色的，但好味，店主是基督徒，很友善，火腿都好味，豆卜都好味！

每次OT都唔太多選擇揀食咩，想要食個快又暖啲嘅都會揀芳姨車仔面食。雖然佢叫車仔面，但我從來無食過車仔面，反而係食米線。間野有好多唔同嘅餸揀，好似車仔面個種咁！象拔邦係好味嘅，不過一份得好少，所以通常都叫兩份！黑柏葉都係好食嘅！同事會中意叫埋墨魚頭！除左啲餸，個雞亦都唔錯，香草雞亦係有炸ge感覺，不過通常要等耐啲！起碼10幾分鐘！佢個麻辣都okay，但都真心辣，通常我都叫佢20小辣，不過menu寫最多10小辣。

本身冇乜期待，但食完覺得幾好味！揀咗麻辣湯底，小辣就已經頂唔順，比出面辣好多！最驚喜係有醉雞翼，幾好味，但可惜只有一隻，蘿蔔又甜又淋，好好味！樓面靚姐態度好好，下次會再幫襯！

點解街坊食堂，隱世美食呢啲字眼會令人趨之若鶩？因為喺呢個就嚟周街只剩低連鎖店嘅都市，有啲人對質樸，有個性嘅味道，仍然係有所渴求嘅。廢噏一大堆，開得飯未？得得得，行入「芳姨車仔麵」食個便飯吧。芳姨係邊個唔重要，正如大家姐，四姐同華姐係邊個，大部份入嚟食嘢嘅人都未必在意。食物質素如何？車仔麵可以㨂嘅餸種類好多，X仔、乜哥米線有得揀嘅呢度基本上都有，就連無嘅，好似象拔蚌呢啲，都有！至於湯底，亦有得揀唔同辣度嘅麻辣或酸辣。有幾「梗」？可以講嘅係三小辣已經令人感覺相當刺激。最正嘅係，個湯底無論係麻定酸，滋味得嚟感覺好清新，唔會覺得好似食咗好多味精，口渴到爆（所以係無呃你嗌嘢飲架！）。至於麵底，亦有多種選擇，當中嘅江西米粉，即係大家日常食嘅米線，滑溜溜唔哽胃，完全唔需要嗌「米林」。除咗車仔麵，呢度仲有湯飯，碟頭飯任君選擇，小食亦有好多，淨係雞翼，都已經有四川烤、香草烤、鹵水、同花雕可以揀，舖仔細細，咁多選擇，真係唔講得笑。呢度最正（又或者最唔正，睇你點睇）係人手唔多夠，樓面嘅靚姐，招呼完你坐低，轉個頭又入咗廚房幫手，整一陣上完菜，又趕住清枱收錢，忙過Diner Dash個靚女。不過就算係咁，佢都勤

我鐘意食麻辣米線，平時都會食譚仔雲南米線，但唔係間間水準都一樣，好彩認識咗芳姨車仔麵佢哋嘅麻辣湯底絕對係我另一食米線嘅選擇！記得揀佢哋嘅江西米粉（米線）好幼滑，份量比較少，而湯底則要加$1，我叫5小辣都已經有D感覺！最正係食完完全唔會覺得口渴。麻辣雞翼即叫即製，雖然冇譚仔嘅咁麻辣，但也很惹味，一人食晒三隻完全冇問題。曾經試過一碟有四隻，因為阿姨話雞翼細隻俾多隻。廚房同樓面嘅阿姨都好好人又nice...出街食野除了好味之外最重要係開心！大家一齊來支持小店啦！

D米線得d碎，用塊指係夾吾起....剛開張過時係吾錯，但越來越差了。d湯好多味精，又咸，價錢同譚仔差吾多，不如行遠少少去健威間譚仔食好過啦。上菜慢。吾信可以去試食一下。

今日去北角present，响食物沙莫穩到一間米線舖 係一件可喜，之事，終是內進一試，點知一試難忘，我諗我訓着食咗都嚇醒😂😂😂店舖唔大，仲要擺咗五，六張圓枱，顯得好擠迫，仲要貼哂墻，唔明點解唔放四方枱，攪到四個人，座三份二張枱😂😂碗麵仲更加不輪不類，又貴又唔好食😅下圖係我食乘嘅嘢食，同一碗無食過嘅無乜分別首先d湯係師傅湯，同我食公仔麵無分別，d米線就淋到無牙嘅老人家都食到，d餸就老過我啊婆🙈🙈🙈而且份量好小，7蚊一隻雞翅，6蚊幾粒豬腸😵😵出面收7蚊都有两隻嗱😅😅明明同佢講❌芽菜，點知照比😂😂😂總言之食個包都包過佢最後嗰杯咸檸7雖然佢畀咗四分一個檸檬，但鹹到飲都飲唔到😅😅

其實幫襯過好多次因為附近米線舖唔多最近都要行到健威坊先有唔想行就會喺度食但係有時真係覺得質素好普通米線間唔中會斷哂而且職員既效率低叫佢黎落單已經有排等慢得黎態度語氣有點趕客上菜速度一多人就好慢食哂個麵，可能杯飲品仲未有不過其實個湯底係ok的麻辣得黎又唔會有重味精既感覺食完唔會話口渴亦都大大碗食得飽配菜都多選擇幾鐘意叫雞肉希望其他方面可以改善下有時真係覺得好麻麻門口見到多人既話就唔會想入去因為即使有位都實有排等先等到有野食

車仔麵很好味隨着生活水平改善和衛生要求提高，加上政府加強對流動小販的管制，街頭熟食小販漸漸消失。車仔麵逐漸改為在芳姨定點經營。車仔麵容許食客自由選擇麵條、湯汁及配料的模式，也被引入到和食堂，成為芳姨上的菜色，甚至有走向「高端」路線的。車仔麵的配料也愈來愈豐富，麵條和湯汁亦有多種選擇。