花花小食館 粉麵小食 (已結業)

毎逢四月，都會到鑽石山掃墓，但就從來未有行過上去附近的慈雲山尋找美食。去到巴士總站後面條街，原來這裏不下有十間食店，而且全部都是小店，沒有大型連鎖食物店。行了一圈，便決定試試這間花花，吃車仔麵。三餸麪（$29）價錢方面，$29已包括三餸加麫底，真是很抵，誠意推介這裏的豬紅，很幼滑，豬耳爽脆，豬皮入味。炸魚蛋（$9）小食炸魚蛋單叫$10，但叫兩樣就$18/2 款，魚蛋炸得外皮煙靱，內面的肉則軟滑，點埋沙爹汁更好味。炸燒賣（$9）新鮮炸好的燒賣，外皮酥脆，啱哂喜歡吃香口食物的朋友。這個辣菜脯跟車仔麵一起吃最夾。檸七（$11）

我至愛食自家制韮菜餃，煎餃都好多汁。自家制辣菜莆❤豬頸肉好入味又唔會趕你走，好好禮貌既夫妻檔價錢相對便宜，好有人情味既一間食店有空便會幫襯，絕對滿足咁飽肚走人。正

今次已經係第二次寫此店食評 上一次距今已經都有接近7個月 中間都有食過好多次了 因為見此店越見進步 同埋優點都有KEEP 到 所以都忍唔住寫返個好評俾佢 針對上一之既待改善點再作評論1.豬頸肉--- 好味 煎得好香 厚切 量多左 2. 菜--- 如圖 佢D菜量多左好多 3.整體份量--- 多左好多 例如紅腸有3大片 菜量多 廚師腸有兩條(大家都知廚師腸唔平啦) 午餐肉厚切兩大片等等另外, 有幾點想讚下店家1. 用心製造--- 有別於好多車仔面, 此店有好多食物會即叫即整 例如 廚師腸 紅腸 午餐肉 雞翼 等等 會即叫即煎 煎得好香 食個時又香又熱2.湯底正--- 佢個湯底真係正 好味 又夠熱 而且飲完佢D湯係唔會感到喉嚨乾(多數飲完味精湯都會喉嚨乾) 問過店家 佢話會日日早上煲3. 好有禮貌整體而言 此店真係好味 用心 不過由於佢好多都係即叫即整 而且好多時候都係得一個廚師  會整得慢點 所以可以做到招待既人數未必好多 對於食客黎講就當然冇問題啦 即叫即整好味D 但對於店家黎講 令佢賺到既有限 令我都有點擔憂唔知佢支持唔支持到個成本 畢竟係難食車仔面林立既慈雲山 此店真係一道清泉 P.

上次食附近另一間較出名嘅車仔面但啲牛肚係臭臭地嘅，蘿蔔勁有渣，仲好熱。今次試呢間外賣，感覺唔錯。沙嗲汁有花生碎，都幾香唔算辣。用北海道蟹柳! 有兩條。蘿蔔甜，夠林，冇渣。金錢肚入味，林，唔臭!咖哩魚旦略嫌太多粉。米粉好滑竟然。有下次。

寫呢篇食評係真心希望店家有改善 慈雲山本身冇乜車仔面 終於近呢幾個月等到有間兩三碗出現 奈何湯底太咸 豬手冬茹等醃得唔好味再等到呢間花花小食館出現 有所期盼 即刻去食第一次食望住個MENU 竟然冇基本餸「冬茹」 失望左揀左三個餸 其中一個係豬頸肉 印象極深 因為我「撈」左幾下 先發現D 好似肉碎肉絲既野... 我知豬頸肉唔平 出去其他車仔面食都係得3,4小片 有D仲會額外收多$2 但係人地係完整既肉片 食得出睇得出係豬頸肉呀 你唔好俾D 碎肉絲我... 我都唔覺我自己食過豬頸肉朋友食既有韭菜餃 呢個有驚喜 新鮮 味道亦唔錯 再加上個大地魚清湯 好鮮甜 食完唔會口乾 感覺冇咪精第二次食3餸29 ; 4餸35 朋友點左4個餸其中包括生菜 豬手我見到3片生菜仔 每片既闊度好似兩隻手指拼埋既大細加一個餸要6蚊 合理 唔貴 但係俾三小片生菜好唔合理 真係好小家 ... 我出去旺角D 貴租店食都唔只咁... 反而個豬手有兩件 好「淋」 但味道麻麻地真係唔明個分量控制係點...總結暫時唔會再食第三次其實感覺佢地係幾有心做 好有禮貌 但係佢地應該認識下其他既車仔面係分量方面要嚴重調整下 味道就有D

没有包裝，前身是紅篇慈雲山的老店，區內有2間車仔麵之一，試了另一間雜誌介紹的，中伏，還是在試平实小店好了，店內乾诤非常，與—般車仔面大不同，加分加分，奌了咖喱魚旦，煎鷄扒，羅白，三餸才29蚊，咖喱汁超正，魚旦是舊式不发脹的，my style,鷄扒香囗，羅白入味，另还外賣試了他們自制的水餃子，放了三十分鐘，水需少了，但神奇地餃子皮没變，味道很有家的感覺，還是小店好，又一平靚正發現

中午本想去這裡附近的粥店買生滾粥及炸兩, 偶然下看到前身"小食館"的店子開了新店, 而名字又有"小食館"三字及以車仔麵為主. 想起以前"小食館"的"老柴", "炸蛋", 沙嗲汁等, 便走入去試試新的小店. 價格上與前身的小食館相去不遠, 沒有了小食館的油炸小食不難預期, 畢竟前身小食館有炸煱長開作準備. 一碟鹵水雞翼尖數起來有10隻以上, 平均一隻雞翼尖不用$1.5, 超級抵食. 鹵水的時間夠長, 雞翼尖軟至連骨頭也有少許淋的感覺. 可惜鹵水汁不夠香, 味道略為輸蝕. 第一眼的感覺, 湯較多, 嗲汁感覺有點稀. 但蔥放在湯羹上的感覺很細心, 方便需要走蔥的食客. 牛筋, 蘿白, 河粉水準均合格, 但沙嗲汁比較淡味, 跟以前的辣汁相去甚遠. 但加$6可以有一杯凍檬茶是相當抵食. 綜合來說, 味道平平, 但店員服務有禮, 勤快. 價格則廉宜抵食, 未來相信有進步空間. 希望小店努力加油.

慈雲山美食如云，一間一間既食店都開係毓華里，今日比我發現新開左間車仔麵店，除左車仔麵之外，仲有小食賣，岩哂鄰近既學生哥學生妹，又多個食飯聚腳點。叫左個三餸麵，另加$6多杯凍咖啡，小食叫左一份腸粉(4條)，上菜就慢左少少，但今日悠閒既我等一下都無所謂豬頸肉: 香煎豬頸肉，肉質有少許韌，要用力少少咬先咬得碎，味道普通蘿蔔: 炆得適中，本人鍾意既冧身D，一咬就碎，味道可以黑椒牛丸: 丸既顔色似鮻魚球，唔同平時深啡色個種丸，輕微黑椒味，味道普通腸粉: 蒸得唔錯，配埋甜醬麻醬，都幾好食車仔餸份量有D少，每樣得兩件，沙嗲湯底可以再濃味點，我另要落辣油同菜蒲再調味，如果多少少餸就好啦

都幾好味，呢間車仔面。個味好正。😎豬腸👍🏻👍🏻正。係有d搞笑，d葱有d係大粒d。但好有家的感覺。係遠d，我都5係住呢頭，不過下次經過都會食👻👻👻👻👻👻👻🍜🍜勁平😂

住慈雲山，周不時都會落毓華街食野，依間粉面舖新開張，不過我已經幫襯左幾次，湯底同餸都好正今次影返幾張相推介下，叫左兩碗面，餸方面有幾款好值得推介： 水餃（之前幾次都無食，今次第一次食，味道清甜，皮薄，好食）； 午餐肉同煙鴨胸都煎得好香，豬軟骨，牛筋好淋好入味（好出色，次次都必食）另外都叫左三款小食，咖哩魚蛋同八爪魚串（味道吾錯，魚蛋咖哩味好香），韮菜豬紅（豬紅好滑，個湯吾錯）

超好味，今日吃左午餐和晚餐，🐷大腸唔肥又入味，蘿蔔鮮甜多汁，三餸麵先29蚊＋6蚊就有可樂仲買左拍青瓜＋🐱耳朵俾吉豆，一大盒滿滿的，20大元重點係老闆好有禮貌

放工經過，見開左間新既餐廳，就行入去試下，估吾到真系好好好食呀，我開頭叫左兩餸麵（$24），轉出前一丁， 配秘製沙嗲汁，老細問我試吾試下撈麵食（走湯） 未試過車仔麵走湯，一試就愛上，真系好好食呀，忍吾住講多兩句😂豬扒好入味又香，咖哩魚蛋超好食（好食既魚蛋真系吾系度度都搵到），跟住老細話就收舖，比左兩塊豬皮我試下，又系超好食，最正系個咖哩汁👍🏻👍🏻👍🏻試埋佢推介的涼拌木耳青瓜（$10），啱曬我口味，最鍾意酸酸甜甜的涼拌，開胃又好味，👍🏻 臨走，老細話今次食左撈麵，下次再黎試下佢個大地魚清湯，好，就下次試下😎成個晚餐都好滿意，埋單都系$34