花火和食 (已結業)

這裏環境清靜，佈置簡潔得嚟好優雅😊 同朋友都想食拉麵，所以我哋叫咗雞扒拉麵同魚餅拉麵！😍京都風炭燒雞扒拉麵 $68日式芝士魚餅(兩件)拉麵 $68拉麵賣相吸引，色彩繽紛！ 豬骨湯底好濃好好味，拉麵質感煙韌，冬菇香甜， 有半隻流心蛋， 日式風味好濃， 分量精緻！  還配有木耳，粟米，及魚片😋😋😋兩件大魚餅中間有一層流心芝士很香滑可口，很有驚喜！🥰雞扒都非常入味，煎得很香口😋午市套餐還配有飲品可以選擇可樂/忌廉/雪碧/抹茶/熱玄米茶！咁凍嘅天氣當然要選擇熱辣辣的玄米茶啦 🔥😍 服務態度友善，員工都工作熱情主動，值得一讚😊

呢間喺土瓜灣環海東岸商場內嘅餐廳，和風裝潢，簡單清新，座位多而且寬敞。 有午市套餐，有和風丼飯、和風滑蛋、料理長味自慢及和風拉麵/烏冬，仲有小食揀😍京都風蒲燒鰻魚（$88）鰻魚肥美多汁， 鰻魚肉有彈性。 蒲燒煮得剛好，味道甜美，非常好下飯。 另外仲有兩件炸蠔，外脆內鮮，好有驚喜！日式豚肉叉燒手打烏冬（$62）有6個湯底選擇，我揀咗蕃茄，鍾意佢酸酸甜甜，十分醒胃。 豚肉叉燒好大塊，肉質好軟腍，肥瘦均勻。 手打烏冬軟滑Q彈，配合流心蛋、粟米、木耳、昆布、日本板魚蛋等，更好味😋日本可樂餅（$28/2件）有5種口味，即叫即炸！ 揀咗紫薯甘栗及芝士餅，外面炸得酥脆， 紫薯甘栗嫩滑香甜。 一咬落去，芝士餅嘅芝士流哂出嚟🤤，鹹香滿滿。

係屋企附件食得多，有少少悶悶地，所以今日去遠啲嘅地方食下新嘅餐廳。環海東岸呢個商場應該都開咗一段時間，估唔到都仲有好多吉舖，靜靜地坐得更加舒服。午餐食物選擇都多，價錢由平至貴都有（$52-$168），反而小食比較特別，可樂餅有五種味道可供選擇，平時你食去都係大路嘅芝士味，所以今日試吓牛肉味。滑蛋牛肉丼，牛肉鋪滿飯面，整體份量適中，飯吸收了牛肉肉汁及滑蛋後，撈勻嚟食更好味。特級牛肩胛地獄辛辣拉麵，雖然話係地獄辛辣，實際上可能未到地獄級數，如果在辣多少少更加好。牛肉可樂餅炸得脆口，份量幾多，有水準。海膽蟹蓋黃金燒，香味飄逸，吸引，食到海鮮的味道。

醬汁慢煮豬軟骨配日本拉麵🍜$72有六款湯底可以揀☺️結果揀咗地獄辛辣🤣唔係講笑，真係幾辣下🌶個豬軟骨就真係好正😋夠軟腍腍，勁入味👍配料都幾多下，有冬菇、昆布、木耳😇仲有半隻糖心蛋添🤓和風滑蛋牛肉🐮$68表面已經見到唔少牛肉😏不過就瘦咗啲啲😆如果係半肥瘦就更加好😋滑蛋都唔錯，只係熟咗少少🤏跟餐會配送味噌湯😉日本可樂餅😎$28/2件一共有五款口味😉結果揀咗牛肉同芝士😌牛肉味道都幾好🤓芝士就真係好濃郁🧀不停見佢湧出嚟😆脆炸魷魚軟骨🦑$32食落好香口，新鮮即炸，鬆脆可口😁花火和食 (紅磡)紅磡崇安街23號環海東岸商場1樓17號舖

今日去左附近搵朋友, 朋友話有間日式小店幾抵食於是就帶左小妹去試下😊! 雖然過左食飯時間但都仲係好多人, 餐廳環境都算幾大, 座位闊落, 坐得幾舒服☺️! 餐廳提供多款便當🍱, 滑蛋飯🍳🍚, 湯麵🍜, 丼飯同小食🍤, 小妹同朋友一人叫左一個lunch set再加個小食一齊share🤗!鹽燒鯖魚便當🐟🍱鯖魚焦香味鮮, 不過骨比較多, 所以要小心食💁🏻‍♀️! 便當入面仲有炸餃子🥟同日式前菜, 份量幾足, 整體味道唔錯!滑蛋吉列黑豚豬扒丼🐖🍚丼飯份量多, 吉列豬扒外皮炸得幾香脆, 雞蛋口感滑溜, 有微微蛋汁溢出, 蛋入面仲有幾種菇類🍄, 食落層次感更豐富!牛肉可樂餅🐂🥔牛肉碎幾多, 炸得香口唔油膩!紫芋甘栗可樂餅🍠紫芋味道香甜, 入面仲有一粒粒嘅粟子, 口感唔錯!

新開冇幾耐既和食，見佢都幾多選擇，有拉麵/烏冬，丼，定食，仲有好多小食。 可能位置比較偏，喺屋苑樓下商場既2樓，去到唔太多食客。味噌湯味道夠，亦好夠熱，我好怕出面成日飲到d淡又暖偏凍既味噌湯，屋企沖都好飲過佢。d野食賣相幾靚仔，亦都係新鮮整出黎熱辣辣既。 鰻魚好大條，另外有一碟前菜+小食。芝士漢堡扒好好食，面頭脆脆地，入面芝士係流心既，不過得一塊略嫌唔係好夠送飯，好在仲有dd前菜同炸蟹鉗。整體黎講性價比幾高，係鰻魚比較貴少少，一般$50-70一個餐，抵食！

最近天氣涼涼地，下午就去咗「Soda Mall」買啲火鍋料，預備今晚去朋友家打邊爐 「花火和食」位於崇安街，環海東岸商場一樓，即由百貨商店「Soda Mall」行上一層，商場可能新開關係，一樓全層暫時只兩間舖，兩間都係餐廳 日本芝士魚餅烏冬配地獄辛辣湯底湯面唔會有好多紅辣油，但聞到陣陣香辣味，湯入口唔會嗆喉，配有兩件好軟腍、味美的日本流心芝士魚餅，脆口黑木耳絲、海帶，半隻咸味流心蛋，配軟彈烏冬，整體配搭簡單，但又非常香辣惹味 紫芋甘粟日式可樂餅粉漿薄薄，炸至金黃酥脆，咬下去綿密滑順、甘甜的紫芋、甘粟，口感外酥內軟，非常可口 脆炸魷魚軟骨外面炸至金黃香脆，魷魚軟骨入口脆彈

去朋友新婚居，好少好少去土瓜灣依邊。佢帶我去樓下食lunch先上去。好彩有人帶路，都唔識依邊既路。餐牌lunch timeslot都幾長，由1130到1700！東京風炭燒雞扒拉麵/手打烏冬 $68湯底六選一，豚骨、醬油、地獄辛辣、鰹魚、麵豉、蕃茄， 豚骨chose！糖心蛋、小冬菇、日式魚蛋、海帶、粟米配料齊全！ 糖心蛋流蛋汁配烏冬好喔！手打烏冬扁樣一點，麵粉口感為主彈！和風滑蛋吉列黑豚豬扒丼送味噌湯 $98滑蛋有冬菇同金菇，金菇幾大件，蛋量比例好足料！飯量女仔食太多了！吉列黑豚豬扒軟口，個吉列唔係脆口個款，係軟而不林個隻！黑豚豬扒大大件，食完d肉，已經好飽！味噌湯海底份量幾多，仲有小豆腐粒！熱湯暖胃準備lunch！另加左個可樂餅trytry，味道有南瓜、紫芋金粟、牛肉、洋蔥、芝士。其實秋天應該揀係粟子食，不過無，哈！日本牛肉可樂餅 $16脆口，薯仔做base，牛肉夾在其中添肉香！可樂餅配烏冬好食d，點下湯汁！熱玄米茶 x2

見新開了一間日式餐廳而且好多認識的朋友都有提起這小店所以和朋友去試試他們的午餐可樂餅 $16/件這次分別點了紫芋甘栗餅及芝士可樂餅紫芋甘栗味道甜甜的，適合喜歡吃甜的朋友而我最欣賞芝士可樂餅裡面的芝士是流心的咬一口，那些芝士醬都順著流下來了邪惡!但我喜歡!和風滑蛋蝦肉丼 $68除了蝦肉和滑蛋外，當中還有磨菇、洋蔥、青蔥、紫菜等配料蝦的部分爽口，不過蝦味不太夠如果味道再稍濃一點更好整個丼飯份量十足，吃得撐撐的

花火和食位於紅磡，但實際位置其實近土瓜灣著名飲食街附近。餐廳就在商場二樓，爬上電梯走到最角落就是餐廳。餐廳用木作為主調，帶點和風設計。今晚我地就想試下個銀雪魚便當，再食下小食，簡單一餐和風晚餐應該幾不錯。我地點的柚子沙律最快上菜，味道酸酸地，主要材料有青瓜同番茄同埋沙律菜。蟹蓋上面有好多芝士，中間有少少蝦蓉餡料。雞皮餃子最特別，炸得幾脆。雞翼都炸得脆，味道甜甜地。主菜銀雪魚便當包冷盤，同一碗飯。銀雪魚煎香左個面，淋左醬油，食落會甜甜地。

今日同家姐去土瓜灣睇樓，走個時有d肚餓，去隔離商場行下睇下有咩食，新商場裡，只有有一間連鎖食肆，而另一間係花火食堂，於是就試一試新野。豚骨湯和風野菜雜菌烏冬 - 家姐話下午茶，所以食得比較清淡d，材料有椰菜，海帶，木耳絲，鮮冬菇，半隻糖心蛋等；而烏冬好煙韌彈牙，配以豚骨湯底味濃厚，估唔到家姐食哂，湯都清埋👍鰹魚湯美國特級牛肩胛拉麵 - 我就當呢餐係晚餐咁食😅以牛肩胛做主，薄片上，份量算多，煮得剛好熟，口感淋，富牛味；拉麵新鮮煙韌彈牙，鰹魚湯清，我至 like名古屋雞翼 - 名古屋醬汁，似係甜甜地豉油醬，而雞翼係新鮮炸起，都幾好食，可以加d芝麻，會更加好。花火食堂主打快捷的日式便當，麵食為主，非常適合對面幾間小學，中學的學生作午餐。

最後一日晚市堂食，喺紅磡附近行完街搵嘢食，想食間未食過嘅日本野，所以就求其搵咗間，都唔錯！食物來得好快，叫咗唔夠5分鐘就有得食👍🏻- 《慢煮豬軟骨拉麵🍜》$72 揀咗鰹魚做湯底，比較清淡，啱晒唔鍾意濃湯底嘅人，至於拉麵都好爽口😋-《滑蛋牛肉丼》$68 呢個滑蛋牛肉丼啲蛋好滑，牛肉好香牛肉味，牛肉一啲都唔肥，唔會好似一般牛丼咁鹹，啱晒鍾意健康清淡嘅人👍🏻 -《日本芝士魚餅》$48 （2件）全餐最鍾意就係呢一個小食！超好味有原塊芝士係入面😋😋😋

餐廳位於土瓜灣同紅磡嘅交界soda mall，比較偏僻,近內街。距離地鐵站約13分鐘嘅路程。餐廳位於一樓當眼處一上扶手電梯就找到。而且餐廳名字相當搶眼。店舖內可能這個時段並非十分繁忙，但是現在疫症時期人少還好。看了餐牌價錢亦都平民不算貴。小食一般也就18至30多元。便當一般也是100多元左右沒有附加服務費。所以就揀了這個餐廳。選了幾個小食同埋兩個便當已經放到滿檯都是。感覺很豐盛。但是每碟小食的量不多，但是貴精不貴多。首先是可樂餅，選了芝士和南瓜口味。可樂餅外層香脆，是剛剛出爐的。餅裏面有芝士和南瓜的夾心層，外脆內軟，相當可口。食過返尋味。再來是魷魚軟骨。食過墨魚咀但從來未食過魷魚軟骨，所以就下單點這個小食。剛剛炸好的魷魚軟骨香味撲鼻，裏面散發的熱力和炸魷魚軟骨上面鋪排香蔥炸蒜，互相融合，味道更豐富，簡直色香味俱全。還有一道渴望已久的海膽蟹蓋黃金燒。並非一個大大隻的蟹蓋但是裏面的材料十足。海膽和蟹蓋烘焗過之後香味濃郁。兩隻的份量實在太少，但少食多滋味，還是需要留肚食其他東西。主菜主要是要了碳燒雞扒和蒲燒鰻魚定食，升級定食需要加$28，升級的定食有麵豉湯，前菜和日本飯。白飯上面加了飯素，令

今次去佐紅磡環海‧東岸商場o既花火和食, 呢間主要食日本野(拉麵/烏冬/和風飯/日式小食等等)。第一次來呢個商場, 之所以來呢到,都係因為朋友食完, 覺得佢個鰻魚箱飯可以一試。商場唔算太就腳, 但都可以接受, 何文田站要行大約十幾分鐘。餐廳o既裝修都幾有特色, 融合佐港日風格, 防疫措施亦做得好好, 有圍版同埋隔得好開。我地點佐朋友重點推介o既京都風蒲燒鰻魚箱飯, 然後再加佐碗和風滑蛋雞肉井,同埋日本可樂餅。餐廳會隨餐送麵鼓湯, 等你暖下個胃。鰻魚飯份量超足,超抵食!!睇番張相可以見到, 鰻魚蒲滿佐大半個箱, 再加埋蛋絲同紫菜, 絕對足料。大啖咬落去, 好肥又多汁, 去唔到本可以來呢到試下。個和風滑蛋雞肉井就正常日本餐廳水準, 冇鰻魚咁有驚喜, 不過雞肉份量都算多, $58一碗都算幾抵食。比較特別o既係可樂餅, 即點即炸, 有好多種口味, 我地呢次揀佐芝士, 上碟之後發覺係流心的, 一咬落去就係個口到流出來, 滋味唔錯。P.S. 依家經Openrice訂座, 長期有折, 埋單都算幾抵架

今日喺紅磡覓食，路過呢個小型商場，行入去打個轉，見到呢間日式小店幾吸引，咁就入去坐低試吓😁叫咗$88嘅午餐定食「蒲燒鰻魚丼」，再加$8要咗是日沙律。沙律係椰菜芝麻醬沙律，椰菜好新鮮，呢個沙律簡單好味😋。鰻魚丼有一塊鰻魚，配蒲燒汁、雞蛋絲同白飯一齊食幾美味😋；仲有一個燒蟹蓋都幾好食😋另外仲加咗日式小食；$38嘅「海膽蟹蓋黃金燒」同$32嘅「魷魚軟骨」。蟹蓋燒裏邊有啲薯蓉，上邊有海膽醬；魷魚軟骨炸得好香口，沾上檸檬汁更加開胃😋$12嘅「波子汽水」係Melon Lemonade味，非常清新好飲😋。呢間仲係有良心嘅小店，值得支持😁