花火和食 (已結業)

和風滑蛋鰻魚 $72飯用了珍珠米，滑蛋配有洋蔥，金菇及冬菇，比較香口！鰻魚有三分一條， 上面還有紫菜！ 味道鹹甜適中！ 😍 但這鰻魚比想像中多很多細骨，所以要小心！鰻魚飯還配有味噌湯！  十分抵食！ 🥰

今天與好友去紅墈辦事，路過昵間餐廳決定試一下。餐廳布置簡約整潔，溫馨舒適，突顯日式風格。餐牌上有各種日本便當、拉面、烏冬、和風小食、沙律等，還可以85折外賣！和風滑蛋鰻魚飯，鰻魚肉質肥厚，味道鮮美，與滑蛋、洋蔥和鰻魚汁完美融合在一起，口感非常不錯！京都風蒲燒鰻魚便當，甜甜的特制鰻魚汁澆在皮韌肉嫩的鰻魚上，不僅色彩鮮艷而且入口香甜，與煎炸魚餅、香料米飯等搭配在一起，可口又美味。另外還要了兩個小食，名古屋雞翼和和風炸雞。炸至金黃的雞翼灑上一層特別的醬汁，真的是別有一番風味；炸雞則色澤金黃，皮脆肉嫩，入口鮮滑，回味有余。兩人埋單不到HKD200，性價比極高，滿足！

今日過開嚟紅磡，順便同朋友食個飯，見到對面有間新新地嘅商場，一邊又冇乜人，就入嚟睇吓啦。呢一間日本餐廳感覺上都幾平民，好有親切咁，見佢價錢都唔貴就黎試吓啦朋友叫咗地獄辛辣嘅美國牛肩肉烏冬，我自己唔食得辣就冇食，但係佢話都幾唔錯，所以我自己就叫咗一個和風嘅鰻魚定食，都幾好食㗎😆佢真係好日本便當咁樣一個盒仔載着嗰個飯，入邊係一大條鰻魚肉正😆唔係間間都笑得好食但係我覺得呢間認真唔錯嘅呢個價錢來講另外佢都有跟餐嘢飲我同朋友都叫咗玄米茶，因為出邊涼少少叫呀嘛，我見佢都有可樂餅啊等等小食，但係因為今日唔太肚餓所以就冇嗌啦，下次經過再試吓先🤗🤗

發現環海東岸商場開了，就去走走！⛩看見新餐廳～ 花火和食，幾日本🇯🇵feel! 今日一於吃東灜美食！ 🥢🍘先來個可樂餅開開胃！我揀了牛肉味，喜歡濃濃的🧈牛油香！熱辣辣、脆脆的；加上溶溶滑滑的薯蓉，🥔真好味！餐廳有好多Set Dor 選擇🤤。天氣咁凍，我選了肥美的～京都風蒲燒鰻魚便當🍱！好喜歡京都式的燒鰻魚，🍶掃上甜甜的日本醬油的燒鰻魚。當然係焦香肥美，🍚配上日本米真係絕配！仲有吉列黑豚豬扒🐖丼～半熟蛋沾上大大塊黑豚豬扒🐷；黑豚肉果然係比較嫩滑鬆化！於是大大碗飯都輕鬆KO! 又飽又滿足！🎏

今天來咗土瓜灣見朋友，佢帶我來到一個新地方食嘢，新地方係位於紅磡同土瓜灣之間嘅環海東岸商場，而佢哋地址no.係我嘅lucky number 23，好似好迷信咁两個人唔係好大食，嗌咗個set lunch ，两個snacks，餐就跟埋湯，飲品，但两個人喎，就諗住叫多個飲品～玄米茶，先至知原來玄米茶可以免費提供，真係好。Set lunch係『赤魚煮大根弁當』，赤魚两件，一人一件啱啱好，飯亦很多，上面加有飯素好好味，意外哋仲有两件蟹鉗，够豐富。小食就有我喜歡嘅『紫芋可樂餅』，微甜，趁熱食正好 ; 而『海膽蟹蓋黄金燒』外表靚内裡亦有蟹肉，蝦肉幾好味。

朋友搬咗去紅磡 新居入伙之時我參觀過係時候再探訪 返轉頭幫襯呢間抵食嘅隱蔽和食店-🥠#可樂餅 $28呢款日式鴛鴦薯餅 其中一件用紫薯蓉代替薯仔蓉🥔混合免治牛肉碎 有肉味得來口感粉香之中帶些少甜 幾得意-🍱#豬軟骨弁當 $72豬軟骨其實係排骨肋條兩側嘅部位軟腍入味嘅豬軟骨 炆到起哂膠嘅 超好配飯用豬軟骨做便當定食比較少有 顏色同味道都深邃 炸釀蟹蓋外表金黃-🍜#炭燒雞扒拉麵 $68雞扒炭燒完再搽上照燒汁 食入口唔嚡亦唔會太乾身麵比較細條 所以冇乜口感有啲腍身湯底帶啲麵豉湯味道 清清地-🦑#魷魚軟骨 $32呢個小食有爽口魷魚肉 亦有食到嗦嗦聲嘅軟骨部位 配啤酒🍻當小食 睇波睇戲煲劇都啱-📍#花火和食紅磡崇安街23號環海東岸商場一樓17號舖

「花火和食」位於紅磡崇安街23號環海東岸商場1樓17號舖，雖然有d難搵，但值得去。嗌左兩個「午市和風小食」：「一口蕃薯仔」和「海膽蟹蓋黃金燒」。✴️一口蕃薯仔軟糯香甜，重有8粒咁多✴️海膽蟹蓋黃金燒外層係海膽沙律醬食落酸酸甜甜餡料好豐富，有薯蓉同洋蔥粒，拌蟹肉食更添口感，燒過特別香口～另外同朋友各自嗌左一碗「和風烏冬」。✴️和風大餃子蕃茄湯烏冬好大碗，食完好飽～🙈餃子真係好大件啊！皮薄餡靚～🥟蕃茄湯用上新鮮蕃茄🍅整，又酸又甜，好開胃呀！🤤烏冬煙韌滑溜✴️餐飲揀左熱玄米茶。茶夠熱🍵，玄米好香，香味滲入心扉，飲完好舒服～🥰✴️東京風炭燒雞扒鰹魚湯烏冬炭燒雞扒肉夠滑，冇雪藏味，食落甜甜地。鰹魚湯味道類似麵豉湯，但比麵豉湯甜。依家六點後冇得堂食，食多左下午茶。原來依度有個「下午茶小食餐」幾抵食，$38由8種小食裏面揀2款，重送罐裝汽水或麵豉湯，正呀！但好可惜我食嘅時候睇唔到呢個餐牌，飲恨！😭下次一定要再食過！💪🏻

土瓜灣人隱世性價比極高日本料理！可能好多人對土瓜灣都好陌生，但隨着日後鐵路發展，應該會越來越多人到訪。講起土瓜灣，唔少識食嘅人都知道，呢一區大把好嘢食，今次嚟到環海東岸食午餐！呢一棟私人樓樓下只有一個超級市場同埋兩間餐廳，裏面設計簡約高雅，餐廳座位非常寬敞，我同女朋友叫咗一個手打烏冬同一個鯖魚定食！沖繩風鹽燒鯖魚定食（轉貓飯）：🐥🐥🐥🐥🥚非常有誠意，真係即叫即做，因為上枱嘅時候鯖魚表面嘅油仲係熱辣辣，出煙的，鯖魚味道剛剛好，配合兩個炸魚腐，一些酸蘿蔔，以及味增湯，非常好食開胃。日式豚肉叉燒配手打烏冬轉地獄新辣湯底：🐥🐥🐥🐣🥚湯底非常有驚喜，雖然不是專做拉麵舖，但湯底仍然非常濃厚，辛辣味非常特別，鍾意食辣嘅朋友可以一試，烏冬非常爽口彈牙。但略嫌叉燒太厚，食落非常鞋口，如果叉燒切薄一點會好些。脆炸魷魚軟骨：🐥🐥🐥🐥🥚即叫即做，炸得外層吹口，配合新鮮檸檬汁，中和油膩感覺，非常有口感。芝士日本可樂餅：🐥🐥🐥🐥🥚又是即叫即做，識落外層鬆軟，裡面芝士香濃，非常好吃。總結，這是一間性價比很高的日本料理，而且即叫即做，相信吸引很多食客。

新開嘅環海東岸商場一角有間和風餐廳。午市價錢非常親民，只係$48起。另外有學生餐，$50以內有交易！蒲燒鰻魚箱（$118），定食包麵鼓湯同飲品。加$12就有波子汽水🥤😍 鰻魚好肥美，壽司飯有好多蛋絲🥚加小小飯素應該就會更加好味嗱😛海膽蟹蓋黃金燒（$38/2） 啖啖蟹肉，都有小小海膽。 不過有點太多沙律醬。另外名古屋雞翼 （$48/2）新鮮炸起脆卜卜😋午市套餐去到5點鐘。如果早少少到，可以優惠價堂食埋晚餐/外賣返屋企食。

京都風蒲燒鰻魚便當呢個便當有個驚喜位，升級左個飯而多左木魚碎同啲飯有撈埋牛油，即刻吸引左原本唔鐘意食飯嘅人去食飯，因為佢嘅香氣比普通加上飯素嘅飯豐富得多。另外，鰻魚唔會煮得韌同埋唔腥，加上鰻魚汁就幾可口，不過要小心有少量嘅骨。便當入邊有一格放左炸物，食落就發現佢係芝士魚餅，彈牙得黎又有芝士味，好食過一般係街買到嘅魚餅😛。美國特級牛肩胛烏冬呢個餸可以俾你揀湯底同埋可以揀個麵底係烏冬定拉麵。我地揀左鰹魚湯同烏冬，個湯有鰹魚味道，味道適中，而烏冬就非常之滑，好好食😛個餸塊牛煮得啱啱好，爽口得黎唔算難咬，同埋不得不提隻溏心蛋醃得好入味，正！脆炸魷魚骨炸魷魚骨炸得幾香脆，面頭灑上炸蒜粒，而魷魚骨本身嘅鹹香味，拎黎送酒都唔錯。

花火和食身處於一個烏蠅飛過都聽到嘅住宅新商場 1 樓，人跡罕至，我相信佢哋午市嘅生意主要來自附近學校嘅學生，晚市就靠附近嘅街坊幫襯，可想而知，而家學校停課，晚市又禁堂食，對佢哋嘅影響會有幾大😥。我幫襯嗰日就食咗個沖繩風鹽燒鯖魚便當，鯖魚魚皮煎得香脆，魚肉頗軟滑，有油香😋，不過美中不足係魚骨都幾多，食嘅時候要份外小心。便當入面嘅日替炸物係洋蔥可樂餅，聽講係小店嘅名物，咬一啖，果然名不虛傳：外面炸得香脆，入面嘅洋蔥同薯蓉仍然保持軟腍，甚至有少少流心嘅感覺，非常正👍。食物有質素，地方乾淨，員工有禮貌嘅良心食店，真係希望佢哋可以撐得住💪。

在紅磡一間新開的商場環海東岸有間日式餐廳＜花火和食＞環境簡約 舒適😘食物選擇多👏🏻有便當 有拉麵 烏冬 小吃慢煮豬軟骨烏冬 $72大大塊豬軟骨經過慢煮烹調做到骨軟肉腍👅👅有些食店只會提供小小的一塊軟骨今次真是大滿足💋在六種湯底中選了鰹魚湯底 味道鮮甜手打烏冬煙韌 加上昆布 木耳等各種配料令 味道更豐富😁和風滑蛋吉黑豚豬扒丼 $98豬扒是厚切，炸得剛剛好，有肉汁，也不油膩。滑蛋飯調味很好，蛋跟洋蔥也不會過熟。用上較少食店採用的紫洋蔥更香甜食物更吸引。小小不足是蛋汁不夠多。蟹蓋海膽金黃燒 $38鮮甜的蟹肉上鋪上滿滿濃郁的海膽醬整體來說 性價比十分高冇加一，而家都比較少有～～

見近日有不少花火的廣告，說是良心老闆要保員工飯碗的，那就特別來支持一下啦。來到環海東岸商場，估唔到附近真係咩都無，連商場都未有舖頭開咁濟，先來花火食個下午茶再決定去邊啦。點了兩個午餐set同兩個小食，餐廳不用加一，落完單就乖乖等食。跟餐的玄米茶，日本抹茶同味噌湯，玄米茶包好香，飲完後店員仲主動加滾水可以添飲，呵呵。味噌湯正常，鹹鹹鮮鮮咁啦。朋友要了日本抹茶，原來係罐裝上，仲係凍飲黎喎。食物好快就到了，朋友點的特級牛肩甲地獄辛辣拉麵，賣相還不錯。湯底係幾辣喎，刺激性十足。拉麵掛湯，牛肉嫩湯，仲有隻綿綿的溏心蛋，整體不錯。自己點了芝士漢堡扒弁當，望落幾豐富呀。漢堡扒入面係爆漿芝士，漢堡肉彈牙，芝士香口，再加上甜甜的照燒汁又幾好味。呢兩粒係芝士魚腐黎，炸得香脆，同樣有爆漿嘅芝士效果，正呀。加左小食牛肉可樂餅同芝士可樂餅，即炸的很香脆，又係芝士呀，呵呵，好正。最後仲有脆炸魷魚軟骨，酥脆香口嘅小食，喔喔脆口感不錯。即使假日店內還是較冷清，大概真的同地點有關。食物不錯，價錢合理，多多支持小店吧。

放假嚟到紅磡行下，原來近土瓜環呢頭都有d新野食！今日就去左個商場度嘅花火洋食啦👏🏻 lunch 先50幾到70幾，好抵食！.叫左個滑蛋鰻魚飯💗 鰻魚幾肥美，配上甜甜嘅汁同滑蛋食好夾🥳 .另一個叫左番茄湯雞扒拉麵🍜 番茄湯偏甜，入面有d粟米、木耳絲同冬菇，配料都幾多👏🏻 另外雞扒燒幾好，份量都成只手咁大件⭐️.叫埋小食試下！芝士魚餅真係有芝士流心架😍另外炸雞一啖一粒，都幾脆呀😚#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西#香港美食

很久沒有去紅磡，今日去朋友家交收，順便在她家附近的「花火和食」來一個快lunch 😙「花火和食」在soda mall 一樓，雖然在商場內，但環境清靜，簡潔舒服！京都風蒲燒鰻魚便當，跟一個前菜，日提炸物，珍珠飯，味噌湯和汽水等！還有可以另$8 有一個日式和風沙律！鰻魚肉質肥美，可以看到清晰的魚紋🤤🤤配上甜度適中的醬汁，和用以蛋絲托底，拌飯一流。 而米飯分量剛剛好，不多不少，亦有有飯香味！配有幾片酸瓜剛好用來解膩。味噌湯夠濃😋日提炸物魚蛋夠爽口！再另加日本可樂餅，有5種味道選擇（南瓜，紫芋甘粟，牛肉，芝士，洋蔥）今日試芝士和牛肉味，芝士濃郁而且是流心，外層夠脆，粉漿適中！