芭堤雅泰國餐館

营业中

休息中

蠔仔煎蛋🍳雖然話就話係蠔仔，但係其實好大粒好飽滿，而且數量仲好多可以分佈晒成個蠔餅，非常足料，煎蛋嘅邊好脆，底下有啲芽菜仔，加埋一齊感覺清新啲！炭燒豬頸肉🐖豬頸肉嘅邊邊燒到少少脆，但係整體唔會覺得好乾好，好啱配埋個酸辣汁🥢碎肉生菜包🥬個肉碎炒得唔錯，乾濕適中，一開始未必feel到好辣，但係佢嘅辣係有後勁咁慢慢滲返出嚟，越食越上癮，生菜都好挺身夠fresh👍馬拉盞通菜保持到翠綠，微辣🌶另外值得一提嘅係，侍應上菜時會簡單講下有咩特別嘅醬或者配料，例如豬頸肉上面有泰國芫茜、蠔仔煎蛋配是拉差辣醬，雖然係簡單一句介紹，但係會令人覺得比其他餐廳用心～

✨之前去Yoho行過見到新開已經有啲想去😙，睇裝修一直都以為係cafe點知原來係餐廳嚟😮，今次帶埋老竇一齊試吓🤓。~ 炭燒豬頸肉($88)🐷食泰國嘢必叫嘅豬頸肉😜，份量都真係幾多下有2層，小食都已經食飽咗少少😂。~ 泰式秘製黃咖喱牛腩($98)🥘如果平時我自己食多數就會食青咖喱🤓，黃咖喱我覺得相對上濃稠少少🤔。牛腩整得好入味同埋汶到好淋👍🏻，而且有唔少牛筋位，加埋一齊食口感層次十足呀😋。~ 特製蒜蓉包($38)🥯第一次見呢款用漢堡包做嘅蒜蓉包😙，賣相幾特別同幾靚。除咗食到有蒜蓉牛油香外仲食到淡淡嘅香草味☘️，配埋咖喱食一流呀😝。~招牌芭提雅炒飯($128)🍚嚟到我同我老竇已經笑咗🤣，因為個飯有好多蝦仁🍤。跟住越食越驚喜，原來唔止表面中間都有超多蝦仁😮，如果唔係仲有好多其他配料🥓，真係以為自己叫咗蝦仁炒飯🤣。同埋個炒飯好乾爽幾好食，仲有個魚露可以加落去提升個鮮味添😌。~ 阿華田泡沫火山($38)🍫原先諗住唔飲嘢，點知最後望到人飲都係忍唔住🥹。杯嘢飲落去同我想像中都差唔多🤔，完全冇失望，不往我食完都要特登叫黎飲😎。btw唔知大家會唔會都同我一樣好鍾意食上面d阿華田d粉呢😂。~ 象啤($28)

近元朗西鐵站有間新番新既泰國菜餐廳，文青風格既裝修，坐得幾舒服，平日都好多人食，建議預早訂枱。炭燒豬頸肉 $88炭燒味香濃，建議趁熱食，熱食時豬頸肉油脂感滿滿，外面有少少脆，加埋泰式惹味酸辣汁，食到停吾到口。椰香青咖哩雞 $88青綠色咖哩貌相不錯，食落有少少椰香味，咖哩亦都吾辣，雞件帶骨。蒜蓉包 $38見每一台都有叫既蒜蓉包，我地又叫一份，配青咖哩一流！蒜蓉包外面有少少脆，入面好軟熟，中間仲有一粒蒜頭，所以幾香蒜蓉味。明爐鮮青檸蒸烏頭 $168烏頭幾大條，肉質都算嫩，個人推介每啖魚肉都配湯一齊食，湯加左蕃茄，飲落帶蕃茄既酸甜味，再加左辣椒，整體有哂甜、酸、辣味，好過癮！

都有一段時間無幫襯過芭堤雅。今日放半日，坐車返元朗途中就已經用外賣平台落定order自取。到達後喺正門問職員，門口的姨姨叫我行過去後門嗰邊度，感覺唔係咁好。反而入到去另一位後生的就好好多，挽回唔少分數。泰國船河配海南雞雞的份量都幾多，個湯亦唔算太咸，河粉OK，烹調得啱啱好。泰式乾炒肉片河粉打開的時候，仲以為份量好似唔夠，食落都啱啱好。河粉的口感唔錯，肉片厚度適中。馬拉盞炒通菜OK整體食物美味，份量亦算滿意。

【翻兜無數次😋元朗必食泰國菜🌴芭堤雅泰國餐館】-🌴芭堤雅泰國餐館🌴係小編心目中No. ①嘅泰國餐廳🥇無論係環境、食物定係服務質素都令人相當滿意😝己經翻兜無數次😋去開元朗記得去食啊！-餐廳係元朗站行幾分鐘就到🚶🏻‍♀️非常方便🚉雖然餐廳有兩層，位置闊落😝不過實在太好生意😳經常大排長龍，所以想食嘅朋友記得提早book位哦~順帶一提，餐廳嘅special menu會不定期更新🤤絕對唔會食厭！-😋招牌芭堤雅炒飯🍚 $128+1炒飯勁大碟好有鑊氣🫢份量多到兩個人都未必食得曬！蝦仁落得夠豪爽🍤好彈牙，餐廳仲好細心咁去曬蝦腸🤩讚👍🏻炒飯仲落咗脆炸五花腩片，每啖炒飯都充滿油香🤩仲可以落埋佢嘅香辣豉油，咁就更加惹味😋好味指數：🌕🌕🌕🌕🌗-😋泰式秘製黃咖喱牛腩🥘 $98+1呢個咖喱小編大推😝因為佢中曬我嘅口味！微辣加上滿滿嘅椰奶嘅香味🥰有佢我可以食到三碗飯🍚🍚🍚佢哋牛筋驚艷到我😳點解可以炆到咗腍🤤仲好食過人地牛腩麵嘅牛腩🤩一定要試吓！好味指數： 🌕🌕🌕🌕🌖-😋特製蒜蓉包🧄 $38+1有別於傳統泰國餐廳用嘅黃金磚🍞芭堤雅用咗全新配方炮製蒜蓉包😜小圓包搽滿牛油同埋蒜蓉加埋迷迭香🤩即叫即焗😝香噴噴、熱辣辣🔥點咖喱

碎肉生菜包，88蚊份💰香濃惹味肉碎，加上各式香料調味，配上生菜口感豐富又香辣，感受到脆爽生菜同滋味十足碎肉，層次豐富口感，非常開胃惹味嘅頭盤😁蠔仔煎蛋，98蚊份💰蠔仔煎蛋做好似台式柯仔煎，外層會煎至金黃酥脆，煎熟後蠔仔口感鮮嫩多汁，濃郁蠔味，配搭埋泰式辣醬食更惹味😋乾炒大蝦金邊粉，108蚊碟💰炒金邊粉賣相非常有心思，配上花生碎，辣椒粉，芽菜，蛋絲等配料，金邊粉勁有鑊氣，金邊粉味道酸酸甜甜，撈埋花生碎同辣椒粉，鳳尾蝦大隻鮮甜，口感柔軟，令口感更有層次感🌶JJmarket椰子雪糕杯，58蚊杯💰椰子雪糕杯，用咗椰子載住雪糕，雪榚表灑上粟米粒，花生等，椰子雪糕的口感非常柔滑，質地細膩順滑，濃郁椰子奶香味，仲有埋椰肉纖維質地使得口感更爽🥥阿華田泡沫火山，38蚊杯💰好多阿華田粉係面，內有泡沫更香滑，小朋友最愛飲品😍珍多冰，38蚊杯💰比起平時飲開的珍多冰較稠杰，椰子味都好濃郁，夠哂冰涼🧊

🐽成日經過呢間泰菜見個門面都幾靚，又經常好多人等位咁😆原來呢間店都開左有10年，係最近裝修左個環境感覺舒服好多😎。👅特製蒜蓉包（$38）方磚形既蒜蓉包就見得多，成個包形既蒜蓉包之前係cafe食過😝呢個蒜蓉包焗到好香! 包肉幾軟熟，入面fill左唔少蒜蓉醬🧄陣咸香味岩岩好!。👅紅咖喱五花腩（$98）食得蒜蓉包就想點下咖喱食開心啲🤓店員話黃咖喱既咖喱味會濃啲，推介我地試下呢個帶甜味既紅咖喱😬紅咖喱好有驚喜，我同朋友仔都好中意☺️食到菠蘿既酸甜味好突出，帶微微香辣感味道幾豐富😋五花腩半肥瘦完全唔韌，索咖哩食夠哂惹味🤤。👅沙嗲雞肉串燒（$98/半打）雞肉啖啖肉，唔會好乾好嚡👌🏻個沙嗲醬如果再濃稠啲會更加正😗。👅安格斯燒牛肉咖喱黃金炒飯（$128）個炒飯夠味得黎唔會過咸，炒得夠乾身👍🏻食到咖喱香味！加少少紅咖喱汁撈飯食不得了😛燒牛肉都幾大件，份量比想像中多！牛肉燒到幾有肉香而且肉質鬆軟😌

身為新界西居民，元朗芭提雅泰國菜館都略有歷史，初初搬入元朗曾經幫襯過。裝修過後，今次再來，已經煥然一新🫶🏻環境清新充滿時尚泰國風情，難得食物無大幅加價，食物擺盤好適合打卡，而且味道keep 到水準。🔸正宗泰式冬陰功湯$108(細）湯頭濃郁，口感濃密，有兩隻新鮮爽口大頭蝦，非常足料，酸味剛好又順喉👍🏻🔸特色黃咖哩牛腩$98質感不會太稀，牛腩炆得軟身但保持肉質纖維，配蒜蓉包一流😆🔸蒜蓉包 (6pc)$38有別於用方包做嘅蒜蓉包，用上Rosemary調味，滲出淡淡香草。🔸泰式燒豬頸肉生菜包$98豬頸肉香口爽脆，調味惹味，用生菜包起食，好fresh😌🔸椰子雪糕杯$58🤩華麗又吸引嘅外形，將椰子雪糕包裝好精緻。原個椰子起肉，成為雪糕盛器。配以粟米及花生，增加口感。

重新裝修後既芭提雅泰國餐廳真係好靚呀, 好適合打卡, 次次經過都好多人食再加門口好多人等位, 今次過黎食亦唔意外, 好彩等佐差唔多十分鐘就有位啦. 上次食完烏頭覺得好正, 所以今次又再 encore, 嗌佐一份明爐青檸蒸烏頭, 一份泰式火車頭蟹肉炒飯, 一份蒜蓉包, 一杯百香果梳打, 一個泰國椰青.蒜蓉包: 見到每張枱都有嗌蒜蓉包, 我地都一定要試下, 店員上菜時提醒要襯熱食, 我地緊係聽話即刻食佐先講, 見到裡面真係有蒜蓉粒, 襯熱食果然好好食 泰式火車頭蟹肉炒飯: 見到蟹肉炒飯就諗都唔諗落佐單, 炒飯粒粒分別炒得乾身, 蟹肉份量都唔少, 配埋新鮮青檸好開胃,  大大份炒飯三五下就食晒明爐青檸蒸烏頭: 終於到期待好耐既烏頭魚啦, 第二次食仍然好感慨份量驚人, 好大條完完整整既魚出現眼前, 仲要用爐保持個溫度, 由頭食到尾都仲係熱辣辣, 呢樣好重要. 魚上面有豐富既配料, 魚湯都好多, 魚肉結實少骨, 一啖魚湯一啖魚肉, 份量多到食極都食唔晒, 真係超級滿足.百香果梳打: 嗌佐少冰, 一端上枱都覺得杯野飲好靚呀, 百香果味道好出, 飲落好清新, 喜歡. 泰國椰青: 飲得出真係即開, 好

呢間泰國餐廳係元朗都開左好耐，裝修完門面變左文青Cafe嘅感覺，超～吸引😍等左5~10分鐘左右就可以入去，原來餐廳有兩層高，我地被安排坐二樓，環境細細地但都坐得好舒適，比一樓靜少少👍🏻不過冷氣就有少少凍🤏🏻坐二樓都唔洗驚會比職員無視，因為佢地都常上上落落，同埋牆壁上會有個鐘仔可以呼喚職員🤣十分方便~===炭燒豬頸肉 $88 🥩份量比想像中多，食落去爽口彈牙之餘，味道香口又惹味😋聽講用炭燒去煮豬頸肉仲可以減少三分二脂肪😍唔怪得食極都唔覺得油膩🤣下次要試埋五花腩串燒先得!!馬拉盞通菜 $78 🥬食泰菜緊係要食馬拉盞炒嘅菜🤩我地就揀左通菜，通菜食落去爽脆香口，十分之新鮮~ 份量都唔少👍🏻再配埋香辣惹味嘅馬拉盞真係送飯一流，鹹鹹地好滋味😋椰香青咖喱雞 $88 🍛一聞落去已經聞到香濃既椰香味，味道辛辣之餘又好清新，唔怕太辣會食唔到。另外雞有勁多舊！！應該起碼都有6-7舊，仲要舊舊都大大舊啖啖肉😋食落去又滑又嫩，雞肉入味又香濃😋又係送飯之選，所以我地都叫左一碗白飯🤣特製蒜蓉包 $38 🍞見到個蒜蓉包成個蛋糕咁令到我地忍唔住叫🤣一上菜仲熱辣辣，食落去外皮酥脆口感超好，就咁食都好好食，配埋青咖喱簡直係

行街經過見到呢間芭堤雅重新裝修之後變到成間文青Cafe咁🤩 睇得出有花心機佈置餐廳都擺滿左唔少綠色🇹🇭嘅擺設 成間舖頭一共有兩層，可以容納都唔少人😛 我見晚飯時間都好熱鬧 見佢哋Menu都有好多唔同泰國菜選擇 價錢都唔算好貴 鮮菠蘿海鮮炒飯🍍$118菠蘿炒飯賣相💯滿滿嘅炒飯以菠蘿🍍盛載住炒飯有驚喜配料豐富雞蛋、蝦仁、魷魚、青口、提子乾、菠蘿粒、青豆一齊炒食落炒飯粒粒分明，面頭仲鋪滿肉鬆淡淡鹹香味最欣賞係佢哋有原塊燒菠蘿，食落香甜多汁 又開胃🥰泰式串燒五花腩 $108一碟有六串 一上枱已經聞到好香嘅串燒味每串五花腩肉都好juicy🤤 燒到好焦脆 一啖咬落充滿油香 推介!!👯‍♂️旁邊仲有得加啲青檸醬汁解膩😍冬陰功明爐烏頭 $168原條烏頭以明爐烘烤住上 加埋足料熱辣辣嘅冬陰功湯 🍲魚肉腍身肉質厚實唔腥，魚肉索哂冬陰功湯好入味，味道酸酸甜甜微辣 加埋啲掛湯入味嘅雞髀菇🍽️ 推薦！🐽泰式🇹🇭椰汁冰 $35香滑嘅椰奶同奶泡🥥加埋啖啖清甜嘅椰子肉 咬落粒粒爽口彈牙飲得出係 真材實料用🥥椰子打出嚟而唔係人做香料😋總括而言呢間靚裝修嘅元朗泰式芭堤雅餐館 值得一試 裝修靚食物質素又高😍 賣相同味道都好有誠

今日同屋企人黎到呢間泰國菜餐廳食dinner，叫左唔少野食。比較出色既有雞肉及牛肉串燒，肉味濃郁之餘燒得幾開。另外蒜蓉包亦係推介之作。檸檬烏冬酸酸甜甜，略嫌魚肉較為實淨，滑少少可能更好。其他既海南雞、生菜肉碎包、通菜就正正常常。

打完風，好想食泰國菜，元朗其實都有好多間，但係真正覺得好食又好似冇乜見到呢間裝修幾靚，評價都好似要錯，就膽粗粗試吓。。打完風6點多坐低，都已經見到有幾枱客人我好有針對性，因為好想食酸味味嘅炒金邊粉，同埋酸味味嘅椰汁雞湯🤣1️⃣ 大蝦炒金邊粉 (4/5🌟)份量正常，係我想要酸味味嗰種感覺~ 一食完就覺得可以encore2️⃣ 椰汁雞湯 (3.5/5🌟)個湯係好飲，唔會太稀，不過係有少少辣。本身係可以比到4分，但係因為佢啲雞唔好食，但係單純講湯嘅話係可以達到總括而言，我會再去嘅一間泰國餐廳，環境好靚，坐得幾舒服，雖然間舖頭就細咗少少，不過都唔錯

點了串燒，沙律，甜品。串燒真係好味，焦香，有肉汁，唔乾。柚子沙律中規中矩。椰子雪糕甜品，好味，打咭一流。順帶一提，份量好足。見隔離枱點嘅菜，明爐魚，炒飯，都好大份。

去到晚飯時間都唔太肚餓，想搵啲餐廳可以食得啲餐廳可以食得light啲，於是就決定食泰菜😉成日經過都會俾佢個白色小屋鋪面吸引，好有度假嘅感覺🌴～～～～～～～～～～～～～～～～～～～～～～～～《炭燒頂級牛肉沙律 $138》平時食泰菜唔想食澱粉，都鍾意叫呢碟菜式。今次啲牛肉好有牛味，唔知俾鬆肉粉醃到肉質都散晒。再加埋個酸酸地嘅沙律汁，食落好開胃🤤《泰式綠奶茶 $35》見到有一杯咁特別嘅嘢飲，即刻叫一杯嚟試吓！上面有一層芝士奶蓋，飲落有啲斑蘭味，整體比起泰式奶茶清新！嚟到絕對值得一試🍹《泰式奶茶雪糕》奶茶控嘅我見到即刻想試吓！店員一拎過嚟已經好吸睛，成個甜品賣相好靚🤩個奶茶雪糕入面有少少曲奇碎，同埋個奶茶味都好香，好難忘😍