芝麻綠豆甜品屋

营业中

休息中

這間糖水店是我光顧次數最多的，應該都超過二十次，每次來到都喜歡吃燉奶，所以真的是百吃不厭。之前曾經有電視節目介紹過，而且有很多明星來過，牆上也有好多相片。有多款糖水及冰冰選擇，我們叫了 紅荳冰+西瓜 和 蛋白燉鮮奶。紅荳冰 + 西瓜大大粒紅荳煲得夠淋，加上西瓜的清甜，口感清爽，香甜美味。蛋白燉鮮奶香濃鮮奶味，幼滑細膩，很美味。

以前一路有幫襯開，貪佢真材實料，但黃埔地鐵開左後唔知係咪租貴，開始溝多左水同埋落多糖黎交貨。再係咁落去就會退步到變成糖加嘅糖水舖...都幾可惜. 希望黎緊會有改善啦

食完飯去咗紅磡嘅芝麻綠豆糖水舖，佢最出名嘅就係芝麻燉奶，枱上面好細心咁寫住方法嚟食，先食完白色的燉奶，再等黑色嘅芝麻麻流出嚟，最後撈埋嚟食，就可以好有層次咁品嚐到甜品的極致

晚餐係蘭芳園難食到想嘔，所以真係需要食番個甜品，等個胃舒服d!係朋友屋企附近食芝麻綠豆糖水，有不錯的驚喜。點左芝麻綠豆沙同芒果西米露。芝麻綠豆沙的芝麻好香，食得到係真係自家磨同炒煮的👍👍 夠誠意。係綠豆的品質麻麻，但可以接受😋芒果西米露（走左冰）👍👍 西米份量夠，芒果甜，幾滿意。只係衛生麻麻...

同事食完晚餐，再介紹我去呢度食埋甜品，去到門口嚇一跳，好多人等緊，好在門面幾大，座位多，所以返枱幾快，好快入座，小木桌椅，唔會太迫，樓底高，所以爆場都唔會太嘈！甜品款式中西都有，我哋好快落單，店員又好快上菜！大家都係叫同一款！芝麻蛋白燉鮮奶（$24）白瓷碗上雪白燉奶，中央一點黑芝麻，好靚，根據枱面嘅指示，先食一匙淨燉奶，好滑好嫩，味道偏甜，食咗面頭嘅燉奶，黑芝麻好滑，好香濃嘅芝麻味，再兩溝食，自己就喜歡兩溝食，黑芝麻嘅濃味平衡咗燉奶嘅甜！好味！味道幾好，所以叫多個外賣比肥髀！店員好爽，大家知人多都唔會等太耐，食完門口比錢！都係喜歡中式甜品，正氣又好味

天氣涼涼地最岩食中式甜品潤一潤第一次試呢間芝麻綠豆。貪佢中式得黎又有啲西。仲有佢入面啲座位都幾寬敞。唔似好多甜品店為求做多幾枱生意就將啲枱逼埋晒一齊。焗促到坐多陣都唔想第一次黎當然要試下人地啲招牌甜品見佢咁得意特登整番芝麻呢點係個面。決定撩下佢睇下變成點結果係咁。。。個人覺得撈埋晒咁食其實唔好食。。可能我唔係芝麻糊fan屎。啲味道撈埋晒好似什麼都不是咁都係一羮羮咁保留番大部分係燉奶。小部分係芝麻糊個味會出啲另外仲叫左個馬蹄露講真我就唔係好覺有雪耳。可能係咁岩我果碗冇?? 不過味道係唔錯!食馬蹄露最正梗係要有馬蹄口感啦佢真係有好多馬蹄架仲要個size好岩。唔會大到好over.但又唔會細到咬唔到好似茸咁。所以推呢個！

芝麻綠豆 ge 甜品好好味每逢 o係紅磡食完 o野必定過 o黎食番個糖水同行朋友們都好養生，點 o左熱 ge 黑芝麻蛋白燉鮮奶我試 o左少少覺得都幾好食～ 燉鮮奶好滑呀～ 加埋芝麻一齊又好香濃難得覺得熱 ge 甜品好食我呢個好似係叫櫻桃小丸子係士多啤梨雪皅，酸酸甜甜幾好食仲有好多材料添呀～

週日一行三人紅磡半日遊，排隊買一間新開的煎餅廚房試食煎餅，卻需等候兩個鐘先可取外賣，於是先幫襯牛肉拉麵，再來到芝麻綠豆品傳說中料足正宗又有創意的糖水。話說間舖係香港只得紅磡一間總店，卻係北京開左兩間分店，且號稱全部都係直營店而非加盟，與別不同！看來和香港店租人工太貴既競爭激勵不無關係，我估係店家有巧思呢個生意思路：糖水係香港有品牌/知名度先可以證明到食品質素，就算租貴人貴都可以當係marketing，然之後到北京開分店，就可能做到差異化（北京正宗糖水舖自然不多）、價錢不降、租金人工大大節省。週日下午時間，非常靜，得兩三檯客。一份本人最愛必點腐竹糖水、一份黑芝麻糊、一份？？梨糖水。用料足，味道正，簡簡單單十幾20蚊的食品，也需要精心準備，定位準確，先做得起品牌！👍

自從地鐵通車後，黃埔方便左好多，人都多左⋯ 行到攰攰地，搵問糖水店坐低休息，呢間芝麻綠豆好多朋友都推薦過，就入去食下。叫左個熱燉奶試下，有少少失望，唔夠滑，無乜奶香味。不過價錢倘算合理，可以接受

很怕寫甜品食評，在女士面前，是班門弄斧。我喜歡古老糖水和燉品，不是老套，是有食療需要，滋潤喉嚨。翠苑太傳統，松記太新潮，我鍾情於此，港鐵通車日即來。芝芝系列當然最愛芝麻蛋白燉鮮奶，有芝麻糊，燉奶，和二合一三種滋味。其次是白芝麻雪耳杏仁露。其實芝麻糊(20元)亦很濃稠，比翠苑更潤滑。豆豆系列最特別是綠豆茸，大菜糕……撈底。以上是呼應店舖名稱的兩大系列甜品。我今次推薦的是芒果黑珍珠紫米露(25元)，黑糯米不黏牙，不硬身，甜味適度，令人涼快。冬天食亦適合。

下午6:30左右，食客無幾。媽級我二人坐下，不用撘枱，不像平時飯後擠滿了人。看到店主一家在吃飯，不過也有一兩個員工不在吃飯。我們坐了差不多5分鐘，鑽研了整個餐牌，但沒有人問我們要點甚麼，也沒有告訴我們再等等。結果我們氣沖沖離開。站在門邊的員工看了我們一眼，也聽到我媽説「坐咗咁耐都唔嚟落單，依家一個客都冇，都唔係做生意」，卻只做了個不屑的表情。本來這裡的食品不差，但這樣的服務態度，要我們再光顧也很難。

聽不慣「往黃埔列車即將到達」，但港鐵延線啟用後，總算方便了區內的居民、區外的「遊客」。黃埔一向都不是不毛之地，盡是巴士和小巴路線，但鐵路的穩定性有其可取之處。平日放工後我應該沒到過黃埔，但正正因為港鐵的便利，下班後來走一趟，預訂附近的體能訓練班。友人是理大舊生，跟我娓娓道來他大學時期、不分晝夜的打機生活，當中食家之鍊成，包括覓盡理大宿舍附近的食店。我試圖緩解他上體能訓練的辛酸，以這「芝麻綠豆」作利誘。成功熬過了痛苦的一小時，我們雙腳痠軟乏力的趴到這糖水店。對於區外人如我，對這店的好感沒有什麼回憶成分，好評或許是因為路線夠平實，抵食之餘用料足。不聽不知原來好幾年都沒有加價，無論是傳統糖水、燉品、「撈野」都是徘徊廿餘元的價位。平日的晚上九時，店內三十餘個座位維持8-9成滿。不算嘈吵，坐得舒適。職員友善，耐心的解釋餐牌中一些特別的名字，不煩不燥。友人失望至極，那回憶中的「首創櫻桃小丸子」沒了，因為機器剛巧失靈。細問之下原來是士多啤梨味、綿密濃稠類的刨冰，根本沒有「櫻桃」，卻取了個饒有趣味的名字。店名為「芝麻綠豆」，查看後得知原來「芝麻」和「綠豆」的甜品都是這家的名物，奈何胃裡沒空間去容得下濃

今日8號風球打左全日係屋企實在太悶夜晚決定落下街好多鋪頭好多餐廳都無開不過糖水鋪勁多人我地就走入去坐低食自選撈A有生果類B有芝麻爽，綠豆茸，紅豆冰，凉粉一A一B 就$23兩A一B/ 一A兩B $25兩A兩B 重量版$54當然揀最抵食既2+1搭啦可惜今晚係無芝麻爽其實而家食糖水好少有$25就走得味道仲係ok如果啲刨冰無咁快溶就perfect

食物ok服務差，有位都唔比人坐，要六個人迫坐一枱都唔比人坐得舒服D。完全唔知為乜，我地三人只有同其他三人迫埋一枱食，眼白白看住周圍都係吉枱，只係想快D食完走人。

以為正面食評多應該係好野，結果都係失望。芝麻糊出名(HKD 18)。但係唔好食。確實好滑，沒有任何粿粒，亦唔似係其他食既稀稀。不過，敗筆係唔夠熱，而家每食一啖都有過份滑潺潺既感覺。食到兩三啖已經好難再入口。再望碗邊，其實很多芝麻糊黏著，對抗地心吸力。想像食道都係一樣，成條都係芝麻糊黏著，當然食唔落。總之，即沖反而仲好食，用夠熱既水沖就冇粿粒。楊枝甘露(HKD 26)。酸，太少西米，唔凍，化學味芒果汁過量。失敗。唯一入到口就係芒果，仲算食得落。食物差，服務更差。有咁多空枱，夾硬要客搭枱，真係好失禮。炒芝麻係正門口炒，搞到D煙味衝入黎，食都食得唔舒服。