芝加哥串燒酒場 (太和中心)

营业中

休息中

特登黎到大埔試呢間黃酒吧，果然無令我失望。店舖都算大，職員又夠多，舖入面有大電視播足球比賽，氣氛好岩傾計食野，叫左個葱燒廣島蠔，新鮮好味！大頭蝦真係好大😂大到食果陣係咁滴汁有啲狼狽，不過好多肉同新鮮。反而有個黑松露蝦串就好細隻同埋燒到好燶，呢個可以唔叫都得燒羊架唔記得講幾成熟😂不過燒得幾好，大概7成左右，好香羊味，肉質嫩。整體黎講，啲食物燒得比較燶，水牛雞翼味道一般，菠蘿都係酸酸地，可以唔叫。羊同蠔就十分推薦！

最近朋友搵左半年工終於搵到，我都覺得值得慶祝一下。我決定同朋友黎呢間食開既酒吧食餐飯開心一下。估唔到我朋友咁飲得日頭就點左呢杯cocktailPeach Mojito $88賣相都幾吸引我就乖乖地叫左生啤飲呢度既串燒會一齊上，我地叫左唔同款既一款一件食。生蠔就叫兩隻一人一隻。都幾大份個燒帆立貝幾香朋友鍾意食秋葵，我第一次食，感覺唔錯個雞串個人都幾鍾意，雞肉軟身又好食。朋友就話個燒魷魚夠香同入味仲有燒菠蘿都幾甜夠水份、燒生蠔就好有風味，我地食得好開心。個大啡菇同煙肉都幾唔錯。燒生蠔打卡好岩

For a night go watching Super Cup haa, the winner surely in no doubt, the bar-alike restaurant offering different dishes and cocktails.We picked lamb, pork, and eggplant as our main dishes, I like the texture of lamb which is really soft and with good seasoning.For the Beef is a bit oily and Pork is a bit dry too, eggplant having good flavorFried Eel rice is pretty good with large portion, with two pieces of eels, the taste is niceeThe plates servicing with cheese, alcoholic sausages and chicken

新界區少有的高質串燒酒吧疫情終於少左，好耐無出黎食野啦。好想食串燒又飛唔到去泰國食，見到呢間人氣串燒，就黎試一試。餐牌上好多選擇，難得餐廳可以一串串咁叫，可以比我地咩都叫D，試多啲唔同種類既食物。因為太肚餓關係我仲叫埋個飯食, 估唔到都好好味。重點推薦：燒黑松露帶子珍珠飯 HK$98 十分足料，珍寶帶子燒得岩岩好，黑松露醬更突顯帶子鮮味.招牌茄子燒 HK$32茄子燒得岩岩，唔乾身，配埋特製醬汁十分開胃燒紫菜年糕串 HK$25本身想叫芝士年糕但賣曬😭 仲唔到紫菜味燒出黎都好好味，外脆內軟。

今日潛完水夜晚就返咗大埔搵嘢食，記得之前食過有一間酒吧嘅串燒幾好食，於是帶男朋友嚟試吓。佢呢度個環境都幾好，唔會好嘈，有音樂聽之餘亦都有大電視俾各位男士睇吓波。首先打頭陣嘅係呢個燒蟶子皇，雖然睇落好似乾咗少少，但係佢啲蒜蓉都好香，整體來講都唔錯。然後我哋嗌咗好多唔同嘅串燒，其中我覺得呢個燒雞扒肉好正，皮脆肉滑，啲雞肉好Juicy。然後仲有佢個燒羊肉串，一啲都唔會騷，啲肉質都好嫩。而佢個燒多春魚亦都燒到好乾身，啲春夠晒香。男朋友好鍾意食玉子燒，見到呢度竟然有得食就叫嚟試吓，佢又真係好厚，甜甜地，都唔錯嘅。另外令我有驚喜嘅係佢個羊架，揀咗七成熟，啲肉質啱啱好，夠嫩又夠林，最重要嘅係一啲騷味都冇。最後仲有佢個燒黑豚肉同埋燒菠蘿，佢個黑豚肉好似有少少燶，但係佢唔會燒到塊扒乾晒，都算唔錯。而佢個菠蘿亦都好Juicy好甜，只係略嫌燒得唔夠乾身。嚟到酒吧當然唔少得嗌返杯手工啤啦，呢一杯IPA不負所望地好香花香味，啱晒攞嚟送串燒。而我自己就試咗一支桃汁酒，只係少少酒精，啱晒我聽日仲要返工嘅人士，可以chill下之餘又唔會飲到醉。

同女朋友行過勁內無落話bar 邊飲酒食串燒想食😍😍😍😍😍呢間環境同氣氛好似都唔錯😙所以入左去芝加哥我地叫左半打🇫🇷法國蘇菲亞生蠔 $148🦪勁大隻🙈食落口幾新鮮🥳估唔到喺大埔都食到咁嘅質素嘅生蠔😍🤩絕對可以encore🍡風味燒雞軟骨串、🌽粟米、🐷豬頸肉、🐔雞腎、👅牛舌、一口牛 🐮都燒得好有火喉好正🤩、食落好有口感、好香，而且好入味邊食住串燒邊嘆🍑🍶🍢小食同🍸酒都好多選擇🥳總有一款啱你心水❤️

今晚同老公黎食串燒，飲下啤酒。環境一啲都唔會嘈，播住音樂，好岩傾計談心。 有部大電視，最啱就係睇波。首先一嚟，我哋就叫咗兩杯手工啤酒。一杯好香既果味，另一杯係重啤酒花啲，所以味道較重啲 。 等緊串燒上枱，叫咗黑松露薯條食住等，黑松露好多，喺晒中間，配埋茄汁， 熱辣辣。正！我哋叫咗水牛城雞翼，鵪鶉蛋，雞翅包飯，玉子燒，牛排。師傅燒串燒功架好好，火候掌握得非常好。牛扒保留着肉汁，亦都唔會太生。水牛城雞翼辣辣地好好食。雞翅包飯，非常有台灣嘅味道。最後為咗更加飽肚，叫咗個雞扒燒汁飯。雖然佢係一間全消酒吧餐廳，但佢嘅飯一啲都唔差。雞扒燒到脆卜卜，配埋燒汁加珍珠米，可以媲美日本餐廳。雖然兩公婆結咗婚，但有時一齊去酒吧放鬆下，都唔錯。

早幾個月食過呢度嘅串燒，一直念念不忘，可惜疫情關係早排連晚市都沒有，所以一直都未有再返嚟食。終於晚市開返啦，約埋老公嚟食，質素依然非常高，而且兩個人食到好飽都只係五百零蚊，真係好抵食，性價比好高。串燒係即點即燒，所以都要等10分鐘左右。首先上枱嘅係飲品，老公嗌嘅手工啤(Little Creatures IPA)有淡淡花香味我點嘅Magners Original Apple Cider係果汁酒甜甜地非常易入口，推介比唔鍾意苦味嘅女生。不過唔好睇小佢甜甜地，飲完一杯我面都紅晒。之後就係燒物啦，推介蒜蓉香蔥帆立貝，帆立貝燒得剛剛好，唔會太熟太韌，表面加上少少孜然粉，配合蒜蓉，非常惹味而且好juicy。上次食過燒茄子，今次一樣高水準，燒得好香口。原條王立倉$88成條魚好抵食，而且笑得剛剛好，唔會太燶，點上少少檸檬汁，好鮮甜。主菜我哋點左蜜糖黑豚扒珍珠飯同埋安格斯牛樓見珍珠飯，兩款主菜都熱辣辣，而且兩個扒都煎得剛剛好，絕對唔會韌。餐廳環境好適合摸吓酒杯底傾吓計，又可以食得飽，而且慢慢傾偈仲唔會俾人趕，好適合同知己朋友嚟飲杯酒食下野，最緊要係嘢食好食又抵食嘛。

今日跟同事來大埔酒吧輕鬆。1664 白啤酒，果香、清新，5% 酒精濃度。菠蘿梳打 香甜清新好肚餓，先點兩個飯蒲燒原條鰻魚飯 鰻魚唔篡好厚身，但肉嫩，有燒嘅香味；燒宮崎雞腿扒珍珠飯 雞腿扒肉多又嫩。佐酒點少得串燒，全部有孜然粉調味，夠惹味，燒茄子必食，大件又夠調味，蒜蓉、孜然粉和辣粉，勁惹味；燒韮菜又係好惹味，爽甜多汁。人氣雞骨軟骨棒 啖啖肉又有口感；羊架肉嫩又有肉味；車厘茄雞脾肉 燒得香，一齊食減油膩；芝士年糕好多芝士，勁正。芝士蟹棒 半溶芝士，配蟹棒幾夾；燒薯片比較厚身，炸得好香脆。

終於忙完，weekend 有時間去飲杯嘢，唔想去太遠，去左大埔，順便食午餐。這間酒吧有不少串燒供應，先點一杯SAN Mig Light生力清啤，5% 酒精，清清地飲唔錯。主角黎啦～串燒所有串燒可選擇辣味或者不辣，中辣對於我已經非常辣，出身汗好刺激，雞泡魚乾 香甜有咬口，送飯一流；紫菜年糕，燒得外脆內軟，軟糯，配醬汁更惹味；雞軟骨孜然味調味，加上辣粉好脆口惹味；燒大蔥好香，成口大葱爽甜味；磯燒牛扒 肉質嫩滑，牛肉味濃，非常入味，辣；羊架唔會膻，香嫩；仲有最愛燒茄子，辣得過癮。我仲好鍾意呢樽桃味酒，3% 酒精唔會醉，桃🍑味香甜，好易入口。

話說今日同朋友行完梧桐寨， 打算擦翻餐勁嘅補償自己，因為唔熟大埔，係網上搵到呢間都幾多正評既吧。 試過一次，真係名不虛傳， 串燒即叫即燒， 廿幾蚊就有一串，仲要好好味👅👅 絕對會番尼食啊！ 七點入座,vibe都唔錯，有大電視睇波， 隔板措施齊哂，都非常乾淨企理。 ⭐️ 推介菜式⭐️ 香蒜蔥花廣島蠔（$26/ $128@4）呢個真係超級好味，火侯時間控制得岩岩好， 仲有海水既鮮甜味道，配上香蒜汁味道，簡直一流！如果喜歡吃蠔嘅你， 建議你叫半打：即使同朋友本身唔係好食蠔，但係呢個蠔真係食過返尋味😝我哋好後悔淨係叫咗兩隻🥺燒茄子（$32）茄子配一隻生蛋， 記住趁熱嘅時候將彈到入茄子度然後喺上面撈勻再食會感受得到茄子又嫩又滑嘅質感。 同埋加左孜然，調味剛剛好，好香，正啊😻😻😻辣多少少就更加惹味！店舖既cocktails都係另一推介：同朋友每人叫了一款 分別係Mojito($72) Gin Fizz ($76）特別在杯嘢飲唔會好似其他吧咁由bar tender控制甜度，反而佢會將糖漿另外分開上。 係嘅嘢飲到加上舖頭提供嘅桂花糖漿充滿花香味， 好似飲緊花香嘅酒精， 非常特別。仲有仲有， 蜜汁雞翼，我鐘

《台南生活Day972》今天去了一間特色的清吧吃串燒串燒款式超豐富看到每一款都很吸引很想吃放是每類都點了些滿足自己的慾望燒烤怎少得鳳梨燒呢鳳梨經過燒烤會變得多汁舌頭不會刺刺的所以成為吃燒烤必吃選項很少串燒店會有烤鮑魚我們點了三隻價錢不貴才$68而且鮑魚新鮮香蒜味超濃但不會蓋過鮑魚的鮮味烤蠔也是我的至愛香蒜葱花廣島號蠔（轉芝士）$26/隻非常化算芝士控的我是必須轉芝士的厚厚的芝士使烤得juicy的蠔口感有另外一個層次肥美的烤蠔加上淡淡的海水咸香完全沒有腥味反而有鮮甜的感覺烤芝士年糕也是做得很出色年糕軟軟的配上軟心芝士餡咬下去滿滿的芝士流心隨即流出來芝士控必吃肉類方面烤牛排也是必點之一雖然牛排有點薄但火喉剛好不柴之外竟然可以保持嫩口肉質鮮嫩還能保持粉紅肉質喜歡吃牛的不可錯過吃串燒怎麼可以不點啤酒呢一看他們的手工啤就馬上點雖然只有四款但款款都很有特色我們點了兩杯分別是Little creatures pale ale（$46）和Little creature ipa($46)第一杯入口香甜自帶一陣果香喝下去有回甘的感覺怕苦的女生可以試試另外一杯因為啤酒花的量比較多所以口感比第一杯苦但是喝下去

大埔之友都十分熟悉又喜歡的一間串燒酒吧， 用心燒出每一份的食物，我每次到大埔都掛念的「 芝加哥串燒酒場」，食物以燒烤為主，款式何其多選擇！食物其中我讚讚有：-白鱔串、原條鰻魚、香蔥燒半殼扇貝、炸芝士條、芝士黑松露大啡菇、燒大虎蝦、燒茄子🍆燒帶子....太多了。食得出用心燒，給食客大飽口福！飲品方面配著啤酒都不錯吧！💛💛💛💛💛💛📍地址：芝加哥串燒酒場 (大埔)大埔太和路24號太和中心地下37號舖☎️電話：5723 3338 #chicago #大埔美食 #芝加哥串燒酒場 #串燒 #燒烤 #hkfoodie #hkmicroinfluencer @dragonbbqbar 芝加哥串燒酒場

同住大埔朋友不嬲成日過嚟呢度飲酒，今晚又心癢癢咁想食串燒同飲酒，又再幫襯啦，已經唔知係第幾次，哈哈。返工咁大壓力，有時飲下酒真係好減到壓，推介呢個桃酒，有少少酸酸地嘅感覺，幾好飲好易入口，女仔最啱就係呢啲啦。不過本來其實係想試吓香蕉梅酒，點知咁岩冇貨，希望下次有啦。飲酒唔係唔食炸嘢呀嗎？叫咗個炸髀，外觀都幾靚仔，但係內裏有些少未炸得透，如果再炸耐多少少應該會好啲，配泰式辣醬正呀另外仲有炸芝士條，朋友叫嘅，佢話幾好食。跟住就到重頭戲串燒啦！必須要推介嘅係紫菜年糕燒，同埋日本番薯仔，呢兩個雖然唔係貴野，但係我超鍾意食。如果第一次嚟，我覺得必點嘅係宮崎無骨雞腿，呢個係燒到最趣卜卜，仲要雞皮嘅脂肪唔多，咬落去有少少似燒肉咁香口，點埋個汁調一調味，簡直係完美～～～睇返啲相又覺得餓了環境方面，呢一度都幾熱鬧，好有酒吧嗰種感覺，所以唔少大埔人都鍾意呢度，包括我同我個friend真心推介俾區內嘅朋友！

疫情下好耐冇出街食飯喇~~~忍得好辛苦呀!!!!!!忍到終於忍唔住要出下街食返餐....就去近近地既大埔酒吧飲返杯食下串燒呢間酒吧坐得都幾舒服, 空間夠大, 座位又唔會迫同朋友傾下計飲下酒食下野一流喔~~~仲有波睇添~~食物款式都幾豐富~好多款串燒丫!!!巨峰提子酒 $49呢支酒真心好好味~~尤其鍾意巨峰既朋友一定鍾意3%既酒精濃度比較少, 飲完都唔會醉喔!!!巨峰味超出, 估唔到巨峰既酒可以咁好飲廚師發板因為中午唔想飲太高濃度既酒, 所以bartender溝左杯果味較重既酒俾朋友~~桃酒, 味道唔錯喔, 好fruity香蒜芝士黑松露燒扇貝(2隻) $42扇貝鮮味十足, 軟硬度適中~燒完都係咁juicy燒芝士年糕 (2件) $28外脆內軟, 芝士好creamy鹽燒多春魚 $26燒得乾身又脆口一口和牛串 $29和牛肉質軟腍~~~鹽燒雞翼 $21唔會燒到好乾, 保持到JUICY既肉汁!!芝士黑松露玉子燒 $58呢個配塔好match喎~~ 口感非常豐富!!蜜糖黑豚扒珍珠飯 $78呢個黑豚扒超超超好味!!!個燒汁好味不在話下, 黑豚扒既肉質完全係冇得頂!!好少食到咁好味咁鬆軟爽脆既豬扒燒大啡菇