首先乜都唔講，企收銀位個男仔好好人好親切
我第一次去珍珠奶茶舖係見到有STAFF係好笑容同有耐心比建議你，唔係叫你企埋一二便下個先或者黑住面等你睇完個MENU
好多杯都想試架，不過第一次當然係要試左招牌，近排大熱嘅黑糖珍珠奶先啦
等左五分鐘就有啦，以三十幾蚊而言如果可以大杯D就仲開心；因為倒水咁大雨所以冇手即刻幫佢開光有D可惜。番到公司之後發現原來杯有四分一係泡即係又再飲少左
不過平心而言，黑糖好香，食得出係炒過，我仲忍唔住舔埋個杯蓋..不過可能因為放耐左，珍珠過左最新鮮出爐最正嘅時候...對唔住呀！！
下次要試埋佢個宇治抹茶珍珠呀
