船渦

营业中

休息中

🌸長長海鮮船，好豐富，海鮮種類都好多，包括有白蜆、蝦、鮮魚片🐟、大蜆、扁蟶子、鮑魚等等……每款海鮮都好新鮮，蒸海鮮真正原汁原味，勁有鮮味！白蜆同埋大蜆都鮮味可口，扁蟶子肉質肥美鮮甜但我最鍾意係食鮮魚片，好濃郁魚嘅甜鮮味，口感柔軟而又有彈力，勁有驚喜！🌸青瓜蟹柳蟹籽沙律好fresh章魚燒🍡 熱辣辣外層脆，內餡軟嫩👍🏻 🌸我揀左美國肥牛同埋豚肉片，老公揀左美國肥牛同埋雞肉，肥牛同埋豚肉片油花都好豐富，蒸完之後質感軟稔，勁多肉汁 🌸三寶丸，我最後揀左蒸嘅煮法，都幾好味😋三款丸類都好彈牙，我最鍾意食濃汁牛丸，因為一咬入口就爆汁！仲有一款薑汁皮蛋貢丸，好特別 🌸時蔬拼盤雖然唔多但份量啱啱好，有齊金菇、菜、南瓜、冬菇、粟米同埋翠肉瓜，可以選擇蒸或者放落湯煮 🌸魚湯拉麵，魚湯烏冬，兩者都好彈牙，食到好飽肚🌸甜品雪米糍餐廳舒適寬敞，座位設計好特別，每個座位都掛左捲簾，可以靈活運用座位又夠哂私隱度！餐廳店員服務態度好友善，環境好適合同朋友傾偈chill下，好滿足

我和朋友喜愛食海鮮蒸氣鍋，今次打算到銅鑼灣一帶覓食，享受美食佳餚的情趣，上網看見「船渦」食材新鮮，受顧客喜愛，一個談天說地的好地方。餐廳主打一人一鍋海鮮套餐，木簾間隔每一枱客人，座位闊落，氣氛幾好。九品芝麻套餐先送上前菜是沙律同章魚燒，青瓜蟹柳沙律十分開胃，章魚燒外脆內軟，配搭美味。海鮮拼盤海鮮拼盤有蝦，鮮魚片，鮑魚，白蜆，大蜆及貴妃蚌，利用蒸氣鍋烹煮，海鮮非常新鮮，鮑魚肉質彈牙，蜆肉及貴妃蚌食落爽口又鮮味。三寶丸 ＆ 肉類拼盤丸類口感彈牙，肉類拼盤放進蒸氣鍋烹一會兒巳可以食，肉質嫰滑，味蕾上的歡慰。時蔬拼盤時蔬拼盤有生菜，娃娃菜，南瓜，金針菇，冬菇及粟米，十分爽口，解膩幾好。南瓜芋頭粥南瓜芋頭粥把冷飯加入粥底拌混，湯底清甜，仲有南瓜及芋頭，二者融合好夾。船渦（銅鑼灣）地址：銅鑼灣謝斐道500號維安商業大廈3樓

今日嚟到銅鑼灣，銅鑼灣最多美食，今日嚟到試呢間蒸氣海鮮火鍋套餐，餐廳環境佈置日系，而且位置寬敞闊落坐得舒服🥳呢間店有一個好貼心嘅位置就係貼有一張label寫明每樣食物蒸嘅時間係幾耐，大家唔使驚蒸過龍或者唔夠熟，佢亦都有個計時器俾埋你㗎！無論鍋底定係魚湯烏冬，均配有前菜籃，分別有肥牛，魚丸，章魚丸和豬肉丸，以及開胃沙律🥗，每個套餐仲會配送章魚丸或者新鮮炸蠔！好鮮味㗎！九品芝麻套餐$267 入邊有新鮮活鮑魚，鮮魚片，沙白和大蜆肉，蟶子以及大蝦🍤，粥底我選擇了南瓜粥😍，將海鮮放入蒸爐蒸，海鮮原汁原味地呈現出嚟，到最後職員會加入南瓜粥，南瓜粥清甜可口，軟綿綿😘二百幾蚊食到呢個質素，可謂十分之化算😝內務總管套餐$363這個豐富的套餐，配有大蟹蓋，新鮮元貝，新鮮活鮑魚，鮮魚片，沙白和大蜆肉，蟶子以及大蝦🍤，大蟹蓋裏面的蟹膏好鮮味😋，元貝亦都好大粒和鮮甜美味。這個套餐我加了$28選擇了蟹膏蟹肉粥，蟹肉粥材料很豐富，蟹肉很多成個粥都鋪滿咗蟹嘅精華，鍾意食蟹嘅，你不可以錯過🦀船渦 (銅鑼灣)銅鑼灣謝斐道500號維安商業大廈3樓

有無諗過而家連蒸氣鍋都可以一人一個，食曬所有蒸海鮮之後，所有嘅精華與湯底混合，再加份米線落去煮，鮮味十足😋😋$328一份嘅內務總管套餐，除左海鮮數款、牛雞豬揀兩款，三寶丸，仲有前菜，蔬菜拼盤同甜品，真係飽到攬住個肚走呀，超滿足，勁豐富😍前菜有沙律同兩隻吉烈炸蠔🦪，酥酥脆脆，為一陣嘅海鮮宴打開序幕🤤🤤🤤海鮮有以下咁多樣野，白蜆，蝦🦐，大蜆，鮑魚，元貝，半隻蟹🦀/一隻蟶子皇。蜆肉好鮮甜，比like，蟶子皇同鮑魚嘅口感都無得頂，海鮮控點都要試下🫕食曬海鮮之後，開始有點膩，可以蒸蔬菜🥬同美國肥牛/豚肉片🥩一齊食，肉片嫩滑之餘，仲帶有蔬菜嘅天然甜味🌽當然點少得店家推出嘅三寶丸🍡，入面有齊牛骨濃汁牛丸，招牌墨魚丸，薑汁皮蛋貢丸，味道幾過癮🍢今個weekend一於同朋友chill chill佢啦！

推介‼️朋友介紹左一間海鮮蒸氣火鍋比我，除左環境舒服，仲好有私隱度一個人想打邊爐都冇問題，唔怕老尷🤭✨內部總管套餐（$328）前菜：沙律+吉列炸蠔海鮮：白蜆＋蝦+大蜆＋鮑魚＋元貝+扁蟶子＋半隻蟹+蟶子王肉類：美國肥牛+雞腿肉+三寶丸時蔬拼盤+甜品🍧海鮮樣樣都好食新鮮見餐廳有魚缸養住生猛海鮮，即點即撈～元貝肉非常之厚實，蒸完之後都冇點縮水蟹一定係冇得輸！肉眼可見大量既蟹膏，肥美飽滿，可惜只有半隻而家加$1仲有多隻鮑魚，好抵食～蝦都好鮮甜彈牙😏肉類選左安格斯牛肉、雞腿肉比較推薦雞肉，肉片厚而鮮嫩，蒸完都係咁滑～三寶丸：牛骨濃汁牛丸、薑汁皮蛋貢丸同招牌墨魚丸～牛骨濃汁牛丸最高質👍🏻牛味濃郁，爆汁又彈牙另外，薑汁皮蛋貢丸好特別😅不過我食唔慣蔬菜拼盤有：粟米、翠玉瓜、金菇、娃娃菜、南瓜同冬菇，食咗咁多海鮮同埋肉類，用嚟解下膩都唔錯～最後，黎個南瓜芋頭粥～食到米飯煙韌嘅口感，南瓜味香甜，芋頭夠粉～食到飽飽好滿足😌

放工就梗係搵個地方同朋友happy hour啦，同朋友就揀咗船渦。餐廳主打一人一蒸氣鍋。嗌咗個八府巡按套餐，蝦夠肥美有蝦膏、魚片的魚香味鮮甜口感脆彈。呢度啲海鮮超級新鮮，價錢收費都算合理，真係食到好飽好滿足！

［📍銅鑼灣｜船渦 ］係銅鑼灣做完野，同朋友約左食一人一鍋蒸氣海鮮火鍋，餐廳位置闊落，兩人並排而坐，對面有竹簾隔住，私隱度高。我地叫左九品芝麻套餐，份量足，而且種類多，有前菜，海鮮，肉，丸同蔬菜。前菜係青瓜蟹柳沙律，清甜青瓜配上鮮嫩蟹柳，仲有蟹籽，口感清爽，醬汁酸甜開胃，令人胃口大開！另外仲有章魚燒，外皮香脆，內餡軟糯，醬汁香濃，味道不錯。我地仲加左個吉列炸蠔，外脆內軟，好味！食完前菜可以煮海鮮，海鮮有好多種類，例如：白蜆、大蜆、蝦、鮮魚片同鮑魚，枱面貼左建議時間，鍋亦有定時功能，唔洗驚唔識食，仲可以+1蚊加一隻鮑魚。海鮮都頗為新鮮，蜆無食到有沙，肉質鮮嫩。肉類我地揀左美國肥牛同豚肉片，仲有3粒丸 ，牛丸彈牙爽口，肉汁豐富，好味。食到差唔多，店員就會主動幫手整埋個南瓜芋頭粥，粥底吸收哂啱啱煮海鮮同肉類既精華，充滿鮮味，仲可以煮埋蔬籃作結。最後仲送左每一粒雪糕糯米糍，值得回味！九品芝麻套餐 $258

想食新鮮海鮮，即刻蒸嘅蒸氣火鍋，就最能夠食出鮮味！呢度主打新鮮海鮮！餐廳自己有魚缸養住海鮮！上枱時候海鮮做好生猛😍餐廳環境舒服闊落，用竹簾間住每一個位，自己一個食有私隱度，同朋友食又有一個小空間！可以舒舒服服傾偈，享受美食😍呢度嘅蒸氣一人火鍋，自己蒸即刻食～枱面仲寫住乜嘢食要整幾多分鐘，簡單易用！有唔同嘅set俾大家選擇，豐儉由人～ 🫧九品芝麻套餐 ▪️前菜沙律、章魚燒前菜沙律好開胃，章魚燒整得啱啱好，好食到覺得可以做一個主打！▪️海鮮拼盤拼盤十分豐富，有白蜆、蝦、鮮魚片、大蜆、貴妃蚌、鮑魚。加一蚊仲可以要多一隻鮑魚！海鮮超級新鮮，上枱嘅時候仲郁緊㗎！▪️三寶丸、肉拼盤、時菜拼盤差唔多整晒啲海鮮，食完就會過嚟幫手加湯，可以自己選擇呢啲丸同埋肉用蒸嘅方法，定係放落湯度入面煮～▪️湯底麵底粥底可以揀面底或者粥底，我就揀咗米粉。食晒所有嘢之後再落米粉，吸晒啲味，米粉又夠彈牙唔會好腍！好滿足！

想食海鮮蒸鍋又約唔切班friends ? 不妨試下依間一人蒸鍋😋晚市套餐平均$200到$500都有 😌任君選擇 海鮮非常新鮮🐟種類又多🍥可以根據menu 嘅方法計時蒸海鮮 ⏰仲有蔬菜籃同牛肉豬肉🐷🐷食完成個人暖哂😘😘😋: ⭐️⭐️⭐️💰:⭐️⭐️⭐️船渦 (銅鑼灣)銅鑼灣謝斐道500號維安商業大廈3樓#船渦 #香港美食 #hongkongfood

《豐富海鮮蒸鍋🦞》———————————————-#船渦 ⚓ -呢間蒸氣火鍋我已經多訪，好啱食！😍一人一鍋唔食爭，環境食得舒服😎-套餐本身跟餐已經有白蜆、蝦、鮮魚片、大蜆、扁蟶子、鮑魚，另外有三寶丸包括牛骨濃汁牛丸、薑汁皮蛋貢丸同招牌墨魚丸，加埋自選肉類，可以揀雞腿肉/ 美國肥牛/ 豚肉片其中一樣，十分豐富😝-最抵食係可以加$1就有多隻鮑魚🌊 煮完口感爽彈，非常新鮮😚餐枱上會有餐牌列明每款食材需要蒸嘅時間，非常貼心～即蒸即食，好新鮮😌-蒸完之後仲可以用返個湯底煮麵或者做粥底，海鮮嘅精華湯汁落哂去個粥度，夠哂原汁原味，認真滋味😋-⭐ 參考價錢︰九品芝麻套餐：$258🍌 抵deal 指數：7/10

一個人原來都可以盡興🎤今日要推介呢間一個人都可以去嘅蒸汽火鍋店😍海鮮極鮮甜同新鮮、份量多，而家仲可以$1加多隻鮑魚，唔經唔覺食左2個鐘，托住嗰肚走🤣我試嘅set主要包左蝦、2款蜆、鮑魚、扁蟶子(當日轉左北寄貝)，另外仲有牛/豚/雞肉選擇，三寶丸(有驚喜!)最後仲有粥底/魚湯麵，所有食物質素都好高，又新鮮！九品芝麻Set $258呢個set比較特別嘅係有魚片，呢個魚冇骨又有濃濃魚嘅油脂味，好食！另外小食有章魚燒，正正常常～內務總管 $328呢個set多左元貝，另外可以揀蟹(半隻)或者蟶子皇，同埋小食有炸𤐶。個人推薦呢個set，因為隻蟹都幾大隻厚肉，肉質、蟹膏都鮮甜❤️總括而言，係一個幾好嘅體驗，推介俾大家！

話說「船渦」呢間餐廳已經bookmark咗幾年，終於同朋友夾到時間去試吓！平日晚餐時段去到，都幾乎座無虛席，都坐得7788，店員安排咗我哋坐窗口吧枱位，枱面略高，兩人座位用上竹蓆間開空間，立即私隱度大增！餐廳有幾個唔同價位嘅Menu可以選擇，價錢豐儉由人，我哋就揀咗「九品芝麻套餐」、「內務總管套餐」，套餐價錢唔算貴，已經好多款食物！落完單之後，好快就上咗沙律，同埋即炸嘅炸物、章魚丸，全部熱辣辣送上！😋2個套餐都可以+$1 換購鮑魚，「九品芝麻套餐」包左6款海鮮：白蜆、蝦、鮮魚片、大蜆、扁蟶子、鮑魚，加左$1鮑魚1共有2隻，呢樣海鮮比較突出，彈牙兼新鮮👍「內務總管套餐」除左跟餐海鮮有少少唔同之外，仲可以揀多樣海鮮：蟹（半隻）/蟶子皇（一隻），而且小食會變左熱辣辣嘅吉列炸蠔🦪食到最尾，所有海鮮嘅精華就已經去晒煲底，有得俾你揀最Normal嘅「南瓜芋頭粥」/+$28「蟹膏蟹肉粥」，我哋各點咗一個，我自己就比較鍾意「南瓜芋頭粥」，有南瓜嘅香氣🎃既有綿密既芋頭粒，個粥底職員會問你鐘意稀啲定杰啲，會照返你既喜好調配👍✣ 內務總管套餐 $328 - 換購鮑魚 +$1- 沙律 - 吉列炸蠔（2隻）-

銅鑼灣旺區，專門食一人一蒸氣鍋店！船渦地址: 銅鑼灣謝斐道500號維安商業大廈3樓主打新鮮海鮮蒸氣海鮮套餐，環境佈置好細心，用竹簾間隔座位俾到客人有私隱度用餐；餐廳內有幾個水缸擺出黎都係好新鮮嘅海鮮！重點：每套餐都可以以 $1 換購鮑魚，抵食👍🏻🦐內務總管套餐🦐 $3282️⃣款小食：沙律、吉列炸蠔（2隻）7️⃣款海鮮：白蜆、蝦、大蜆、扁蟶子、鮑魚、元貝、聖子皇（1隻）4️⃣款配料：美國肥牛、豚肉片、三寶丸＋時蔬拼盤鍋底魚湯米線🍜🦀九品芝麻套餐🦀 $2582️⃣款小食：章魚燒、沙律6️⃣款海鮮：白蜆、蝦、鮮魚片、大蜆、扁蟶子、鮑魚4️⃣款配料：美國肥牛、豚肉片、三寶丸、時蔬拼盤最後精華配南鍋底瓜芋頭粥

一行三人訂位到餐廳食晚飯，食物質素不錯，價錢唔算特別平，但可接受。海鮮都係鮮甜。但食到一半，有三隻曱甴響枱上面爬行，一隻手指尾頭一節大小，另外兩隻係BB size。雖然同店員講佢哋即刻用毛巾撳死佢哋，同用酒精消毒。但係失望係佢哋完全一句sorry都冇。雖然食物係幾好食，但係衛生問題真係令人擔憂，所以都係冇下次了。

打邊爐多數都諗起傳統有湯底個隻，今次就試下銅鑼灣呢間蒸氣火鍋，見佢有海鮮又有肉，一於試試佢 🔅九品芝麻套餐 $287呢個餐有前菜沙律或章魚燒揀。海鮮有白蜆、蝦、鮮魚片、大蜆、扁蟶子、鮑魚（加$1再多一隻！）；肉類有美國肥牛或豚肉或雞腿肉，再加三寶丸及時蔬拼盤，揀埋想食粥、烏冬定係麵就得。 海鮮類全部都好新鮮，蜆類仲識開下開下口咁。用蒸氣方式處理海鮮保留到海鮮嘅鮮甜味。每個位都有個獨立計時器，枱面亦有建議烹調時間，跟返個食物嘅種類去揀就得，完成左之後仲會beep beep聲提你，非常方便。 食到咁上下店員仲會幫你加蟹膏蟹肉粥或烏冬湯底，剛才蒸完嘅海鮮精華就會落晒落個粥或麵度，大大提升左個粥嘅鮮味！最後仲會送返雪糕糯米滋俾你做甜品架。 整體都幾值得推薦俾鍾意食海鮮嘅朋友，特別係想食到保留到原汁原味嘅海鮮的話，就更加不能錯過了！