舢舨海鮮酒家

营业中

休息中

聖誕節入Lamma Island一日遊，由於好多人，後街又唔係間間開，最終選擇o左呢度，但完全o賴o野！炸中蝦完全唔掂，又少又貴，蝦又唔新鮮，仲有o的霉，炒蜆個殼勁大又重，好多冇開又或者冇肉o係裡面，激死！聖子超迷你，得4隻叫例牌，我又唔係叫聖子王！服務態度惡劣，有個waiter擺明未食完就係咁收o野，好趕收工咁，碟炒蜆未食就想收走，收錯o左sorry都冇講聲，唔掂！好後悔冇睇openrice！

今次同左一大班朋友諗住去南丫島食下海鮮啦，點知...就中招喇...我地分別點左六碟野、、、、、。 先講個：我地叫左個中既。一上台= =哇..D蜆小到啊，又鹽，又D唔開，又有沙、壞既！根住就 呢個就反而ok，過得去。之後呢個D大腸唔可以講話係腸...應該話係皮= =薄到同食鴨皮無分別！ 其次就係、<--呢個D蝦唔熟既！、呢D同街邊既餐廳無咩分別... 到食既過程中，個夥計黑口黑面咁將D野放係枱上面、態度極差。 因為我地座大枱既關係要轉張枱黎夾野食、正當我地夾野食既時候個伙記居然當我地無到，轉張枱攞茶= =(無奈)之後我地個個都食到無晒咩心機，因為佢地D所為既服務態度實在大差，所以我地埋單走人 到埋單..食左約HKD$8xx，真係覺得俾人搵笨、令願去茶餐廳食個麵好過！ (其實我都有過失，無上黎做定資料搜集搞成今次咁)

唉~~我以前細細個果陣都係住南丫島既哩間野又貴又呃錢就不嬲都知架啦~估唔到上到黎見到d人留言~~間野差都咁~真係唔該執左佢啦~~我都有去過一次~d野就真係好唔掂囉~d人服務又差!!比我一定唔會再去囉~~

Our family of three went to Lamma Island yesterday. The walk from Sok Kwu Wan to Yung Shu Wan was wonderful - nice weather and easy, even for my daughter of 6 years old. We ended our journey at this restaurant at Yung Shu Wan. The outdoor seating by the sea was comfortable.We ordered steamed green garoupa (17 taels @$18), 瀨尿蝦(11 teals @$16), 砵酒焗oysters ($120), squid w/ vegetable and fried clams. One bottle of beer and one can of soft drink was also ordered. The worst dish is fried clams beca

上個月我都同朋去過南丫食海鮮．椒鹽鮮魷，值得一讚！蒸扁貝都唔錯呀．．．不過佢\\\Ｄ炒蜆就真係麻麻，我見到Ｄ肉好似橙橙地色，就問佢\\\地係唔係未熟，個侍應走左去問另一個同事之後，就答我係似”北寄貝”之類＝．＝”最後我情願食埋其他野，都唔敢食炒蜆中的北寄貝．．．

同朋友行完山到此酒家夜飯....點了以下菜式及有以下感受豉埱炒蜆- D豉埱醬係透明同埋一pet..無味...蜆都唔知咩蜆...肉就食頭指咁大..個殼就三隻手指咁大....最離奇係...食到10粒肉...但有16.5個殼...蜆殼色比食開的深色同有紋又厚喎...(其實我都無留意, 傳菜放低時講多一句"O岩數吧, 裏面有料吧"..佢唔講都唔理..夾夾後就知唔對路雜菜時蔬- 每款菜得一兩件..共有六七款...呢D 都正常...不過無味...唔咸蝦- 衰都爆...壞蝦....一MEET 殼連肉一齊meet 出來...食落口吐都來不及..有冇搞錯...什麼海鮮酒家....成20蚊一兩..雖然幾大隻...係大陸食25/斤...最後同經理講...佢扣2兩比我地...個經理仲話"可能係個池死無發現到, 一大池看到不" 嘩唔係化...呢D "梅"蝦似死O左幾日喎..死O左都唔知...都照比客人食..真奇妙..靠海鮮搵食都比死蝦人食....搞錯蝦醬炒鮮魷- 鮮魷煮熟, 加蝦醬. OK.不過咸O左D..其他環境同服務都唔想講啦..總之唔食好過食

上星期六與媽媽興起到南丫島走走,舒展一下鬱悶又疲累的身心,入到去已經兩點幾,本來自己就想去南島書蟲,但見媽咪嗌晒肚餓,就近近地來這裏吃個海鮮午飯.之前沒看過這間餐廳的食評,可能我好彩,我這次的經驗又無大家講得咁差,雖然侍應係忙亂左少少,但食物方面我地兩個叫左辣酒花螺、椒鹽鮮魷和金銀蛋莧菜, 除左個花螺實在少左o的之外,其他兩味都都幾好,特別係個鮮魷好新鮮又唔會好厚粉,碟頭仲幾大添. 本來都想食瀨尿蝦,但成百五蚊一隻又真係過份左,呢個價就唔駛响度食啦老實講整體唔算係差既,至於會唔會有下次...都係隨緣啦

同朋友係南丫島玩完半日, 大家離開前即興去食海鮮當lunch, 由於無「做定功課」, 俾人搵笨兼上當.十個人食海鮮, 叫樓面寫張單黎望望, 由八小菜兩粉麵改成八小菜加大連白飯, 小菜輪住上, 問題開始不斷湧現.辣汁炒蜆, 但跟本唔係蜆, 朋友話佢俾既只係比蜆更平既一種貝類海產, 可惜名稱唔記得, 樓面之後既解釋係當日無蜆, 重話食佢俾既重好喎.蒜蓉蒸開邊蝦, 一般大細, 蝦肉唔算爽, 不過都幾鮮甜, 算唔錯.蒜蓉粉絲蒸扇貝, 扇貝算係大隻, 不過蒸過火, 蒜蓉粉絲變成主角.酥炸鮮魷, 唔彈牙不特止, 重係淋既, 非常唔掂.碎蒸魚, 明明菜單無話碎蒸, 上黎就變左碎蒸, 食蒸魚食左廿年, 從未食過碎蒸, 真係前所未見, 樓面之後既解釋係碎蒸入味D; Sorry, 又唔係炆魚, 得十幾分鐘又點會入味D呀, 碎蒸頂多咪放便控制火喉; 走魚頭走尾不特止, 連魚鰭都切埋, 令人好質疑條魚究竟有幾大, 甚至可以懷疑魚肉係咪黎至同一條魚; 魚肉係梅既, 咁唔新鮮都俾客人, 大家對此店既經營操守都心中有數, 由於強烈不滿,碟魚最終退回廚房.椒鹽骨, 味道一般, 非常普通.蝦醬腐乳通菜, 算係ok, 但

叫左聖子、炒反、螺、魚，幾好食，三個人埋單四百幾，假日食差不多啦！

今日同朋友o係度食lunch, 兩個人order o左:白灼大蝦- $12一"兩", 真係幾大隻, 仲好多膏, 好新鮮, 肉質好爽~麻婆豆腐- ok~蒜茸炒油墨菜- ok~兩個白飯- 硬o左d....coke lightWatson's distilled water不過朋友請, 唔知幾錢~ 不過見餐牌o既價錢都ok啦, 遊客區價格囉~waiter幾好禮貌, 英文了得, 不過太少waiter啦, 佢地都無時間serve我地........望住海食飯幾romantic o架, 不過戶外食飯就有個唔好處, 就係有烏蠅~

今日同囝囝老婆心血來潮走左去lamma island食野, 點知傻下傻下,明明之前想去食豆腐花先,跟住返轉頭食B & B既羊扒或者Pizza Milano既意粉, 但點知未開門, 走左去好多人既舢舨(唔記得睇食評, 所以又中招)我叫左三個, 海鮮炒飯, 紫菜海鮮湯同翡翠牛肉-即西蘭花牛肉,我先講服務質數, 得一個皮膚黝黑的男仔比較主動, 其他的閃得就閃, 其中一個叫Terry, 竟然將客人吃完的垃圾倒出海邊, 再將布反轉再用, 叫佢沖茶就閃人, 一味叫人食瀨尿蝦(16蚊一兩), 講返d, 牛肉好咸, 海鮮炒飯d蝦唔熟, 但算足料, 個湯有d喜出望外, 竟然無魚骨(因全用魚頭)埋單205蚊(已加一)有d唔值, 個口好乾, 下次咪攪我~~~~~~~服務3分(其中2分係比黑仔)環境5分(無敵大海景)味道3分(好咸)抵食2分,乾淨3分(d垃圾倒出海邊,所以冇垃圾)

I went to this restaurant for 飲早茶. A bit expensive than expected. Weekday 2 people 4 dishes of 點心= $70.

我地前幾日入camp, 有人話呢間野聽聞好好味....咪幾貴都試一下啦....點知...<br>d 野又貴,又細碟,海鮮又勁唔新鮮,叫佢換過碟,個waiter 又好唔願意,服務態度勁有問題~<br>千其唔好試....

o個次好似第一次去南Y島﹐咁例牌一定食海鮮﹐點知就走左入呢間﹐仲鬼咁多人﹐仲要同人搭抬﹐好逼。我地三個人嗌左一碟金銀蛋莧菜﹐二個帶子﹐（新鮮ga）﹐白灼蝦﹐好似仲有一碟小菜﹐總共四樣o野﹐嘩!!!埋單要成四百幾蚊﹐原來D帶子一個要成五十蚊﹐咁貴﹐o吾怪得啦!試過一次﹐下次都咪攪﹐仲要山長水遠咁坐船入去﹐不果南Y島都有好多其他野食既﹐當去o下旅行lor,不果就去D無咁貴﹐我諗要食海鮮o既話﹐o個度間間都差o吾多。

價錢貴、碟頭細、味道曳、食過都唔開胃。