舢舨海鮮酒家

营业中

休息中

難得入去南丫島，梗係食埋晚飯先走啦!!!!一直係度搵..夠竟去邊間食咩好le??行左好耐..來來回回咁搵….最後見到e間食酒家好似好正!!因為佢係海邊..而且係開方式咁~~對住個海食飯個feel應該幾唔錯..所以就去左e間食一埋位…個waiter就黎換左張台布(d人岩岩走)之後佢拎左d杯,碗個d過黎!!仲拎左碟花生,辣醬過黎…..咁我地就睇menu 啦…睇到最後一頁見到…“花生芥醬每份$10”有少少無奈!!!因為都唔係咁岩食…但就要拎黎收錢!!之後冇理la…睇下有咩岩食!!!我地叫左豉椒炒蜆, 避風塘炒蟹,蟹肉乾燒依麵豉椒炒蜆佢個碟就真係好大!!!!!D蜆都多...但多數都係殼!!!而且好多沙..食食下都可以咬到d沙!!!最後放棄左唔食!!都唔知點入口!!離譜!!!!避風塘炒蟹逐兩同你稱…$12/兩!!聽佢講我地隻蟹有17兩wor!!為左等e隻蟹..等左成大半個鐘!!!等都等到個人冇晒mood..佢送到黎個陣…我地發覺d腳既數目唔齊!!唔通佢俾左d冇咩腳既蟹俾我地!!!= =蟹肉乾燒依麵E個真係唔好提,睇佢個樣好似好正咁!!但….凍既岩岩送到個陣..我就地已經夾黎食...但個陣都已經係

第一次同ＢＢ去離島食飯, 個時我們還沒有開始！但相約係一個ＷＥＥＫＥＮＤ的下午去食個海鮮餐, BB鐘意食魚, 但這一天無叫魚食...還記得當日不是很多人! 野食尚算可以, 服務亦很好! 我地仲一齊去揀左隻CRAB黎食! 仲記得係避風塘式煮法! 這個下午食得很開心, 有避風塘炒CRAB, 海鮮炒飯, 豉椒炒蜆, 粉絲蒸大扇貝! 兩個人食左一個好豐富的海鮮餐! 其實係值得大家去的, 枱布係用紅白魚格仔花紋同又可以望到海景, 幾浪漫幾有氣氛! 我覺得很幸福!

天朗氣清，相約友人去南丫行山。回程時發現大街上的印度餐廳空空如也，原來已經結業。雖然不想吃印度菜，但不竟有點可惜。我們相約每次來都試不同的菜式或餐廳，印度餐廳還在waiting list。看見舢舨人頭湧湧，原來點心還有供應。之前已幫襯過大興，順理成章來這裡試試。開了茶，便去‘檢視’點心櫃，最後拿了鹹魚排骨飯、韭菜餃和燒賣各一。鹹魚不是很靚，但也帶點鹹香；排骨新鮮，肉質嫩滑；白飯蒸得乾爽，軟硬適中，盅頭飯算是不錯。韭菜清，蝦仁鮮，餃皮煙韌，韭菜餃也可口。燒賣做得較爲大路，有蝦有肉，勝在餡料新鮮。回來看食評，頗爲負面，但多是評晚飯海鮮的。說句公道話，就朝早點心來説，食物並不算差（但我們認爲大興更佳）。而酒樓最殺食之處，是其一望無際海景，加上天氣好，像我們那天，蔚藍天空，輕清海風，實在令人精神舒暢、心曠神怡。

環境是不錯 露天的酒家 望著碼頭的黃昏景色，但 如前輩所說的 真的不好吃！食物來到就是可怖的開始，我們點了炒聖子 炒蜆 京都骨 蒜蓉炒什菜 麒麟豆腐 蒸扇貝。炒聖子炒蜆 沒什麼味道 肉又少得可憐，友人吃出那是先水煮熟到起菜時才隨便炒炒，因為蜆殼全都斷掉，肉都沒有味道，而且過熟！京都骨還可以接受，蒜蓉炒什菜 好像是隨便混在一起的味道 不夠鑊氣 菜心沒有煮熟 連咬都有困難。麒麟豆腐嘛 豆腐很粗糙 味道很怪 和其他配料放在一起 味道完全不搭 吃了一口就沒人動過了蒸扇貝 扇貝沒有味道 不像新鮮的。亂把食物隨便煮可是糟蹋了地球資源啊~好貴啊~三人吃 收五百多 而且每個菜還額外收取10元作烹調費！有點生氣！

今日係我這輩子第一次入南丫島,竟然俾我嘗到一輩子最差的食店! 價錢貴又難食! 一碟菜都要六十大元!好食都話吖,仲要唔好食!炒碟菜又咸又難食有冇搞錯呀?!聖子又有怪味,豉埱炒蜆真係搵笨,殼多過肉!真係食到一肚火呀!食完之後唸住求其搵間食個常餐冇咁嬲呀.唔怪得之頭先見到有一南丫島島民都話“如果全南丫島的餐廳都關門才考慮幫襯”! 睇番由二千年起大家的經歷大同小異,咁未嘗過的朋友知點做啦.

真係好難食叫左個炒蜆 勁失望都唔明南丫島可以有gum難食ge野...D肉唔知去曬邊 得個殼 唔熱 唔新鮮 重要未開殼 點食?本來以為SCALLOPS應該OK啦 點知 感覺上D粉絲無味D SCALLOPS又未洗CLEAN 勁多沙同佢D屎屎..=(大家唔好來呀!!! 我後來先知呢間野係gum難食食完之後上來openrice先知 原來個個都話難食但都唔明點解會gum多人.....好彩食完無肚痛!!!!

是日餐單:白灼蝦半斤辣酒煮花螺例牌豉椒炒大蜆例牌椒鹽鮮魷一份蒜蓉白菜仔d 蝦... 好細隻... 半斤...? 5個人分, 每人得兩三隻... d 花螺, 明明叫左少辣... 點知都係辣到x 街... 而且... 竟然冇酒味... d 蜆, 每人得一隻? 仲要自己用竹簽黎開... d 肉好黐牙... 食一隻就夠喇真係... d 青椒仲好食過d 蜆...d 鮮魷... 算係最正常既海鮮, 不過只係取代冇貨既油況墨魚... 但係個碟好大, d 鮮魷好少... 而且佢炸到黐埋一舊上碟...d 白菜仔... ok...!我地其實仲叫左個炸大腸... 不過竟然漏單..... 睇完呢度既食評之後覺得好好彩! 因為下面既朋友話炸大腸唔可以叫腸, 仲簿過鴨皮.... 真係多謝晒! 好彩佢地冇乜人幫襯都可以漏單咋.... Thanks god!!!!!真係奇怪... 間野冇生意... 但竟然叫極都冇反應既d 人?? 初時入去o個陣勁好態度, 入左去喇, 就冇人理.... 咁都得!?!?!?

作為一個南丫島島民,我想告訴你們,這間飯店只有早茶時段的點心可以稱得上勉強合格,想吃海鮮或小菜,遠離此店!!!是真心話!!

年初三和朋友到南丫島遠足，唔知頭唔知路走入這間黑店食午飯，發覺這間食肆好唔：兩隻肉蟹共兩斤多，卻要500多元，分明有呃秤之嫌；價錢其次(因為新年)，但其中一隻唔新鮮。店員推介吃扇貝，我們太無知，信以為真。扇貝每隻30元，又貴又有"壓"味。另外炒了兩個小菜，味道一般，但總比海鮮理想。整體而言，這間食肆用一個「差」字來形容絶不過份。

其實我曾經過呢間野,又真係幾差ge~~ 今日咁啱來到呢版搵野食,先睇到呢間所謂"有名"的海鮮店, 真係一路睇一路笑,睇吓諗吓回憶過又真係幾扼砰,又唔新鮮, 最重要係果次係成十個人食野,唔係叫得多海鮮,仲要唔夠分, 但每人要成百尾埋單,你想check單咩, soory 呀, 你係唔會睇得明佢寫咩囉!!寫完少少野,都覺得自己有d衰, 因係成年前食ga, 但諗起去南丫島搵野食, 我會即講"唔食"呢間野囉!!

昨天女友生日到南丫島行下，諗住食下海鮮，一路上都有三、兩間海鮮酒家，行過見到「山板」門口的賴尿蝦幾大隻(13-14吋長)，又肥美(冚晒羔)，一定係極品，就決定食左佢！哼！點知偷龍轉鳳，來到的賴尿蝦真的很大隻，但一滴羔也沒有！兩隻加埋重15兩，16蚊1兩，價值$240，真係幾貴！其實我在出面揀蝦的時候，都已經覺得奇怪架喇，見到個魚佬幫客人秤完d 賴尿蝦後，叫客人返埋位，然後將d 賴尿蝦倒返落去個缸度，然後換返d 唔郁的賴尿蝦(剛剛死)入個桶度，再拿入廚房…xyz丫，佢連我揀左的賴尿蝦都唔放過！我女友在遠處看到個魚佬將我揀左桶賴尿蝦又倒返落去個缸度，我話唔係下麻！？等佢整左出黎睇下先啦！我地兩個人叫了一碟聖子、兩隻賴尿蝦、加碟蒜蓉炒什菜…先講碟聖子：$68蚊例牌得20隻，平均兩吋長，超咸！超un 帶腥，好明顯係唔新鮮及煮老左！等了很久…食完聖子20分鐘都有喇…仲未有賴尿蝦及菜…再追下佢，得得得…立即同你跟…終於賴尿蝦來了！嘩！賣相唔錯，點知無羔！呵…呵…呵…我仲唔寫爆你…我女友忍唔住同個伙記講：你d 賴尿蝦唔係我地揀果d 黎架喎！伙記：下！唔係呀！？我話：係呀！我揀果d 冚晒羔架喎！伙記：

8月尾同個朋友, 趁住暑假結束, 去南丫島行下, 輕鬆下,晚餐揀左呢間, 坐係最出面, 吹下海風, 聊下天,叫左以下四個餸 : 炒蜆- 好食, 完全無沙, 而且炒得好入味~~辣酒煮花螺- 味道一般, 而且花螺好少, 我諗加埋得十幾隻..... 超少....椒鹽瀨尿蝦- 最好食呢個餸!! 呢個係餐廳招牌菜, 味道鮮甜嬾滑~~~~ 正AR!!! BUT 係貴左少少LOR.... 就係咁, 食下傾下, 我地係個度HEA 左成2個幾鐘, 8點半, 問問侍應幾點有船走LA... 點知要9點半先有船,所以我地又繼續叫左個炒聖子(肥味可口, 加上又無沙, 又入味~~)總括而言, 各款海鮮的味道不錯, 而且好新鮮, 再加上侍應們親切既態度(有個叔叔d態度真係勁得, 超nice, 我地懷疑佢係混血兒, 見佢同外國人溝通得好流利, hehe~~)呢餐,我地食得好滿意耶~~~

在南丫島行完山，大伙兒在這兒晚飯，食海鮮。其實入呢間之前，有睇過附近幾間海鮮店，不過見呢間好似燈火通明ｄ，又多人ｄ，就決定吃這一間。我們叫左以下菜式。豉椒炒蟶子：味道一般，炒得唔夠入味，份量亦較少姜蔥炒羔蟹：感覺隻蟹唔多羔，味道同平時阿媽煮既差唔多，冇驚喜囉脆皮XX雞（即炸子雞）：最好味的一道菜，炸得ｏ岩ｏ岩好，皮脆肉滑，口感很好椒鹽瀨尿蝦：本來大家滿心期待，我地叫左２隻瀨尿蝦，個侍應幫我地揀，隻瀨尿蝦好大隻，２隻夠我地６個人，賣相亦很吸引。不過食落，明顯瀨尿蝦唔夠新鮮，ｄ肉有ｄ霉，唔彈牙，可能佢見我地唔識揀，特登揀唔靚o既比我地。蝦醬炒通菜：d 菜都唔係咁靚....食完後，大家覺得唔係好滿意囉！雖然唔算好貴，但味道真係好一般，比預期差。有ｄ覺得好大排檔食好過．．．或者只係buy個境囉，係對住海，係幾好feel o既~~食物就唔好期望ｄ咩啦．．．．

(19/5/07)一場黎到,要食光顧海邊食肆喎。三點幾,叫炒野食。揚州炒飯,义燒、蝦仁都係新鮮樣,炒得靚靚。肉絲炒麵,也很像樣。蒜蓉菜芯,ok唔算油。整體食物很有鑊氣,偏淡,無味精。服務亦唔錯。

上星期同朋友到此海鮮酒家叫了以下菜:1) 花螺等了很久才到, 都唔知有無搞錯, 七十幾蚊碟得果廿隻都唔夠, 真係少到出奇!!2) 一隻避風塘炒蟹又再等了20-30分鍾, 隻蟹細到暈, 重有唔見左隻蟹蓋, 於是叫了伙記, 問他為何不見了蟹蓋, 他說: 依到咪有law, 我話碎曬呀, 點睇都唔夠一隻蟹蓋啦!! 跟著佢話幫我問問廚房, 態度已經好差了, 佢拿走了碟蟹問完才拿回, 佢話師父話炸蟹時碎炸碎了蟹蓋, 我就講, 炸碎都應該可切回一隻啦, 家下點切都唔夠啦, 佢就好差的態度問我: 你想點呀?? 我梗係唔要啦, 佢就拿走了啦, 跟著同另一伙記指著我地係咁講!3) 蝦球炒麵都尚算可以, 不過又係要再三催促才到, 真係不知所謂!4) 通菜一早叫了通菜, 到最後才通知我地無通菜, 到最後要改生菜!真係食到一肚氣!!!!!