舢舨海鮮酒家

营业中

休息中

很久沒到南丫島, 這次一心去吃海鮮。由於這間店最接近碼頭(榕樹灣), 而且雖然我們到達時已是下午二時多, 其他食店都沒客人, 但這間仍幾乎滿座, 心想質素大概不差, 於是決定一試。我們一行二人, 吃得不多, 只點了上湯龍蝦(每兩30元)加伊麵底(60元), 還有炒蜆及翡翠(即西芹)炒牛肉。龍蝦共一斤多, 肉多, 而且很美味, 吃得很滿足。炒蜆也很惹味, 但「空殼」似乎不少....炒牛肉是一道普通的菜, 味道難有什麼突破, 總算不過不失。侍應服務態度不算很殷勤, 但有禮貌。環境很舒適, 邊吃飯邊看海, 還有陣陣涼風。

我日日上openrice.都會去錯食店....死末.......我好少俾劣評食店,呢間要超級劣評....第三十二個圖中見的食物.價錢356元...好食.都無計啦.最衰唔好食...我煮肯定好食的.店主.請問你的良心去左邊?我一路食一路罵自己早知行去索罟灣魚.店員話海魚.....值158元.煮出來的肉梅.扇貝二隻....粉絲硬到無煮咁..而個扇貝唔新鮮加上無味...至衰加魚汁都無味魚汁只有好鹹的感覺....楊州炒飯...恐怖....十分濕同好傑.的蝦好似放左十日咁.好硬.勁似蝦乾.呢間店整到的海鮮得三種味.鹹...同硬....濕.好叻如果我係店主見到自己的店有32個喊面.我一定要開會改善或者執左佢大家千祈唔好去呢間店

雖然哩間野已經有三十個喊瞼, 但我都要加多一個琴晚去食真係超級唔得第一，貴又唔抵, 兩隻唔大的瀨尿蝦要二百幾蚊第二, 唔新鮮, 炒蜆的蜆好唔新鮮, 有臭味再叫多一個湯同一個菜, 加埋要$500!!!!!可惡~~~

週末一家大細去南丫島海灘游水，玩得幾開心去南丫島當然是食海鮮喇，可以我哋入錯店。。。。四個瀨尿蝦$400幾蚊，一隻蟹$200幾蚊，被佢哋整成避風塘炒蟹，個蟹未洗乾淨，食到苦味喔，其他味道麻麻地啦。。。辣酒花螺，唔好食，$88蚊，唔辣，酒味重。菠蘿咕嚕肉，一般喇，$55，不算太貴。炒蜆還可以，味道ok，$55仲有個酥炸魷魚，$55，個魷魚太韌，冇彈性，差最後食咗我哋1100幾蚊，一個字，貴貴貴貴。。。雖然係睇住個海景食嘢，但係食完之後心情好差，唔會再去第二次。。

難得一家人開開心心到南丫島 玩, 當然希望食海鮮,由於近碼頭, 又有家長想吃好D(俾個門面呃左), 就坐上舢舨海鮮酒家路邊的圓檯, 點知第一round 就出事:- 炒蜆 $120 > 臭油渣味, 跟職員反映, 一句 "我們的蜆 無問題"就溜開- 烚螺 $100 >又係有臭味- 烚蝦一斤 $180 > 算O.K- 油雞半隻 $100 >又老又梅, 像中午賣剩- 龍蝦 $400 >一般過一般- 炒麵$100> 有鑊撈味, 街邊檔好食n 倍- 咸魚雞粒炒飯$140> 得個鹹...字埋單2,000幾蚊, 一句多謝都無成餐飯, 一肚氣.....明劏遊客, 最後回到中環IFC滿記食甜品才安慰了家長們..

抽起條筋入南丫島, 全日不停食, 最尾一餐係呢度! 一心入黎想食海鮮, 但係真係令我太失望喇!近碼頭幾間食海鮮既餐廳, 見到最多人係呢間, 面積又好似數一數二咁大, 應該都幾好啦, 揀左個海邊位, 睇住個黃昏慢慢天黑, 個氣氛幾好架, 可惜d野就...蒜蓉粉絲蒸扇貝: 乾爭爭, d粉絲好似鐵線咁硬, 帶子又唔新鮮椒鹽瀨尿蝦: 貴, 好瘦, 我真係唔信有7兩, 真係無肉架, 又唔彈牙蝦醬炒通菜: 唔夠蝦醬味三碟咁既餸就呃左人3百蚊, 唔值囉!

某個星期日去左南丫島，行完個山食埋串燒再搵下有冇正既海鮮食，因為呢間既企理格局同埋有個矮矮男侍應係咁叫我地入黎食，就決定左食呢間喇。佢比左張近海既二人臺比我地，之後問我地要咩茶，放低左個menu叫我地慢慢睇之後佢就行開左，冇催過我地。我地諗左一陣，朋友叫左侍應過黎問左佢好多野，例如：蟹蝦蟶子呢d點計，邊d新鮮，點煮法先好味，佢都一一解答，仲好有耐性咁答我地。好似朋友問佢蟶子點食法好，佢就話：其實豉椒炒蟶子好味d，因為如果烚既話，蟶子本身冇咩味，會遜色左少少，所以通常都係豉椒炒。　我地都覺得佢服務一流。我地點左三樣野：白灼蝦($64)：每隻蝦都冇黑頭，好新鮮，好鮮甜，佢d豉油唔太咸唔太辣，唔會搶左蝦既鮮甜味！正！豉椒炒蟶子($88)：佢用左蟶子既殼放碟底，d肉同配料都好多，好好味！豆豉味唔太濃，因為唔係放左好多，蟶子都好新鮮，成味菜送飯一流!!蒜蓉粉絲蒸扇貝($120)：我地一聽...$30一隻，即刻打左個突!好彩朋友出左糧，一叫就叫左4隻，一上菜就聞到佢好香既蒜蓉味，賣相一流，味道冇得彈！粉絲唔會乾爭爭，吸晒蒜蓉味同扇貝既精華~wow~~正到爆！o個pat燈色既野同裙邊洗得好乾淨，一d

　豉椒炒聖子（＄８８）　豉椒炒蜆　（＄５５）　酒煮花螺　（＄８８）　蒜蓉炒芥菜胆　（＄４８）　茶位　（＄５）　醬芥　（＄１０）六時許，只有幾張枱，人不多，餸菜上得很快，聖子是中型的，肉不爽有些ｕｎ，蜆沒有沙但肉不是脹卜卜的，細細隻，又唔係梅，但就係不太好味，花螺都細隻多，一般水準，沒有專做海鮮的水準，很不像樣！　最好反是個菜，炒得不錯．我們走埋醬芥（花生粒和辣椒醬），因要收錢和不想食．　沒有叫飯和飲品，兩人埋單連加一，＄３１８．看門面和環境以為不錯，戶外海景坐位，氣氛幾好，價錢適中，侍應有禮，服務良好，只是食物不濟，不會再想光顧，因沒有回味的感覺，沒有海鮮的味道．

沒做功課，選中了這間黑店 ＝ 錯在不適當的時段用膳 ＝ 錯叫了不應該叫的餸 ＝ 錯這不快的一餐，就只好用這三個相乘起來的「錯」來形容。星期一，一個人在島上郊遊，玩到下午接近四點才知要醫肚。事前其實都有上來「開飯喇」瀏覽一下島上食肆的評價，就是沒有任何定案。徘徊大街遊蕩，發覺有不少食店經已「落場」休市，因為太晏了。心中認為附近一帶的海鮮檔都應該有番咁上下「素質」，所以隨便就揀了這間「舢舨」企圖想吃些海鮮，問都唔問便擺放行裝坐下來。選擇這個環境純粹因為： 1. 有海景位，可倚著岸邊而坐； 2. 紅色格仔枱布幾靚 事後才知，我被這誘人的佈景騙倒了…招呼我的伙記是個肥佬，就如其他食家所言般，眼神不很友善，時不時監視住我，但又沒有笑容。肥佬介紹的海鮮，樣樣貴，而他卻猛話好平好平。一個人想吃平價海鮮？未免太過大想頭。我感覺到他內心是這樣說。這時我才知來錯了地方！結果只叫了一碟椒鹽肉排($58)，但這碟小菜都幾大碟，應該是2~4人的份量，賣相都算可以，惟味道就不及水準，吃不出椒鹽鹹味。明知咁熱氣，還要一口氣吃下那麼多塊…早知就不要叫這個餸啦 至於外在環境因素，包括食肆旁正進行鑽路工程十分之嘈，與及陽

今日同家人滿心歡喜咁去南丫島行下山,,享受1下大自然同家庭樂喇,,順便食番海鮮餐喇*早知就應該做定功課,,因為無諗過會差成咁食左1肚氣走人 ,,完全無服務,,無質素可言囉=0=我地又蠢GE,,無問價錢就坐低,,出到去簡海鮮先知LAI野 本來諗住食龍蝦,,一秤,,差唔多600蚊喇已經,嘩左1聲囉真係即刻唔要,,之後問下蝦喇,,我地都係諗住考慮下先,,叫佢HOLD住先,,1陣覆*由於D海鮮太貴,,所以主要叫左小菜食,,TOTAL要左個湯羹,,西蘭花帶子,,豉椒炒硯,,菠蘿咕嚕肉,,金菇肥牛煲,,白飯!! 我地點菜果陣同佢講唔要d蝦喇,,點知佢又話已經開左邊wo 於是理論左1陣喇,,佢就扮好人話幫我地取消,,問題係,,我地根本無comfirm話要..想夾硬屈我地食囉,,上到OR先知佢俾埋D霉蝦好彩我地無要咋 不過都唔知佢地有無響我地D野食加料 -0- 希望無喇而另一個大問題係D服務態度勁差,,未坐低果陣都好好笑容.坐左先知係惡夢GE開始 D WAITER係定定望實我地,,D眼神又唔友善,,眼啤啤,,慌死我地唔食唔死咁,,成日係我地側邊4圍走..大佬,,CCTV咩 D餸都OK GE算係,,

入南丫島影風車，然後諗住咁遠水路入到嚟，冇理由唔食番餐海鮮！於是就見到呢間舢舨咁多人食就諗住冇死啦，點知.......叫咗幾個餸，第一蝶嚟既係白勺蝦！我地叫咗十兩，但係碟蝦似得四兩！都知呢ｄ食市會呃稱，但係估唔到去到咁盡！點知食食下再嚟多碟，嗰碟就似十兩喇....後來先知攪錯咗，個伙計撥返d落嚟我地隻碟度！好，咁都算！但係自從碟蝦嚟咗之後，我地ｄ餸就再冇嚟過！足足等咗半個鐘頭，火都嚟埋！漏晒我地張單，D order又攪錯晒！朋友火滾結果拉排走人！淨係食咗碟蝦，飲咗兩支啤酒，承惠二百大元.......去呢間野食~~真係錯晒.....

想了又想，既然這裡寫的都是自己在餐桌的心情與回憶，也沒有不寫這一餐的理由吧?這趟特別的南丫之旅，甫上船，心中便不期然響起這首理應屬於另一個島的歌，是有甚麼寓意麼？一輪遊玩過後，就在這邊看來最企理的一家酒家，坐在海邊用天邊大大的咸蛋黃送海鮮吧。辣汁花螺一叫就有，而且只是暖暖的，看來也是預製品，份量還要少得有點尷尬，用湯匙抄底來拍照就還可以囉。味道嘛?辣就是了，螺味就不太覺得。花螺是預製可以理解，卻很難理解薑蔥炒花蟹也是冷冷的，是在出菜位等了很久還是甚麼原因的？用上大大的碟來盛載就更顯得有點冷清了。那芡汁也怪怪的，明明是新鮮的蟹但出來的蟹肉也沒有甚麼令人驚喜啊。瀨尿蝦是比較好的一款，比手臂還長還粗的，總算可以用肥大肉厚來形容，羔也有一些，蒜蓉炒得也算沒有蓋過海鮮的味道，當然，是要用二百多元等價交換的。最後由炒通菜包底，如果這個也可以有挑剔的話就太可怕了。這個價錢，明顯是遊客價位了。相信島上必有更好、更合適、更有人情味的選擇。吃著吃著，太陽就下山了，當太陽再升起的時候，世界變得不一樣了。回程的船上，望著船艙外的流水，口中哼起的變成了剛聽到的東京百貨：放下，從來都是我們必要終身學習的功課，但願

哈...今日秋高氣爽，最合郊遊。我哋每年都來南丫島幾次!行程安排同往年有D唔同，今次會在榕樹灣食咗飯先出發。左行右行好似呢間比較多海鮮揀，咪坐底食囉!點知...1. 豉椒炒蜆 - 沒有鑊氣，沒冇豉椒香味 2. 豉油皇海中蝦半斤 - 約6-7隻，$18/兩佢居然比2隻"甩頭"蝦比我 我梗唔肯...同伙記講，伙記最後叫咗經理嚟。我話:呢碟中蝦有2隻"甩頭"蝦喎...$18/兩，唔係例牌呀!經理答:唔係死蝦...可能係用油炸時炸甩咗!我話:點会淨係炸甩2隻?2隻甩頭，其中一隻D肉霉到吞唔落口，要吐番出嚟...你咪當我第一次叫蝦食啦!經理答:噤不如叫廚房整番2隻比你啦!我猶疑了一會...經理答:或者2隻扣番2兩錢$36...本想叫他換碟菜，但他不肯!最後我哋揀扣番$36，因為佢哋煮得唔好食，我唔想虐待條脷。3. 蒜蓉粉絲蒸大扇貝$30/隻 - 扇貝都算厚肉，但D粉絲好硬，又冇落豉油 4. 蒜蓉炒菜芯 - 呢嗰最好味，菜芯又綠又甜，因為呢個時侯菜芯當做 好彩我2個人先叫住3嗰餸...原本佢哋仲介紹我食賴尿蝦...好彩我見人少，食完先再點...最後叫多個菜咪"走頭"啦!其實我早在中學時代已經幫襯

一年一度男友生日入南Y島玩返兩日開心下,晚上行左幾間食海鮮o既,都係發覺這間最多人、最干淨、門口d海鮮幾生猛,仲要有海景喎,於是入去一試..出去擇海鮮,見到d海蝦好生猛,$18/襾,於是點左半斤;蒸扇貝、炒蜆、炸大腸、炒菜..點知碟蝦黎到,好明顯貨不對版囉..$18/襾o既海蝦,變左做普通cheap cheap大頭蝦,叫左個伙記黎,仲話冇錯,係海蝦黎..(馬上影相為證)。蒸扇貝超淡,冇咪o既;炒蜆,d肉細到唔細,仲要有菜超咸..=.="p.s可惡..這餐垃圾,破壞左浪漫的一天!!

來到南Y島, 不吃海鮮好似怪怪的住的渡假屋附近走兩步就見到這裡誤打誤撞的就坐低了, 望下海吹下海風都唔錯叫了酥炸魷魚, 豉椒炒蜆和白灼蝦白灼蝦: 如果蝦新鮮的話, 白灼可算原汁原味; 雖然份量唔多, 不過起碼都爽身酥炸魷魚: 呈黃色的就是炸得未到位, 炸漿好厚, 魷魚彈牙的質感就被破壞了, 食到好漏, 唔多得!豉椒炒蜆: 正名應該係豉椒炒蜆殼! 催左幾次先有, 來到時十隻俾盡都得三四舊肉, 有俾騙的感覺! 叫人換過, 之後個碟再加返d肉啦….味道偏鹹每人差不多七八十蚊, 仲要收茶水花生加一, 唔太值! 回來check OR先知這裡真的係黑店!!!!!!!