興記

营业中

休息中

這間大排檔已幫襯了好幾次，燒鵝實在做得相當不錯， 那天入屯門拜山，大約三時許去光顧 ，但因為時間關係，午市燒鵝售罄， 所以只叫了 一碟椒鹽鮮魷， 砵酒焗龍躉(小) ，魚炸過了還是有腥味， 證明不新鮮， 另外還叫了一碟蒜蓉炒西蘭花， 當然也有自攜了一些海鮮，兩斤花螺(白灼)，兩斤花甲(油鹽水煮)，五隻奄仔蟹(鹽焗)， 埋單時， 驚見帳單竟然要付一千一百元， 細看之下， 原來他們煮海鮮的油料費 竟然收了超過四百六十元 ，他們說是斷斤計，我們攜了六斤半海鮮， 這間大家都知道只是冬菇亭大排檔，並不是什麼高級食肆， 這個收費實在太離譜了，請大家留意，要中伏。

我最鍾意食海鮮🦞今天來到屯門三聖邨食我最愛的海鮮這裡即刻買即刻煮，一定新鮮。之前就經常去廣東名門，今次試興記，聽說手工費不貴而且手工不錯👍🏻佢的手工費是斷斤計的，外來海鮮一斤$75 左右，不同其他餐廳每種海鮮收費唔同價錢，所以抵食好多。我們2人賣了草蝦、蝴蝶蚌、花甲、美國生蠔、 本地肉蟹兩隻。一共六斤白灼草蝦草蝦雖然唔會好大隻但係味道鮮甜口感彈牙，上菜最快的，點上辣椒豉油，好鮮甜呀油鹽水蝴蝶蚌😋😋😋蝴蝶蚌鮮甜到爆😋😋😋肥美爆汁蝴蝶蚌依家食就最啱啦😋😋😋😋時令剩係得兩個月咋😆豆豉辣椒炒花甲這個都好好味，花甲都好肥美。美中不足就是酥炸生蠔就一般薑蔥炒蟹本地肉蟹，蟹一疏疏，好滿足。雖然坐嘅地方好似大排檔，真係冇介紹錯👍🏻👍🏻👍🏻💓師傅手工都幾好。

今晚我和女朋友喺黃金海岸酒店嚟3聖村村。食海鮮我哋買咗好多海鮮食。加埋有8斤海鮮，有兩隻，膏蟹咪肉蟹。另外有白灼蝦，豉椒炒蜆，酥炸生蠔仲有兩支啤酒。呢度加工費係72蚊一斤。比起名門平好多好多。個行路就遠咗一分鐘度啦1兩分鐘啦。坐嘅環境就冇酒樓咁好嘅。但係都係屬於小嘅餐廳咁樣囉。佢起賽都好快最快係嗰啲蝦仔，都唔使一分鐘嗰啲蝦就攞返出嚟。嗰啲煮餸呢，個技巧都都唔太差嘅喔，你都算係okey喔。買咗700文海鮮400文加工。

來興記食個豐富噶早餐先，我就點左個吉列魚做早餐，個早餐系有吉列魚，火腿片同埋厚多士噶，吉列魚炸得好香脆啊，外脆內嫩，而且好入味啊，而火腿片也是煎過的，多士真系好好味，大份夾抵食，脆蔔蔔，幾唔錯噶，仲有個茄汁比你，搭配埋酸酸甜甜，更加醒胃。

琴晚媽咪生日，所以去咗三聖邨買海鮮，朋友都咁興記，話加工價錢抵食，味道都好好總共叫咗六個餸有燒鵝肥左啲冇乜肉炒聖子加米粉底，最鍾意食呢個米粉脆脆地好好味魚蒸嘅時間啱啱好，好滑芝士焗龍蝦伊面

對於飲食 我從來冇留過任何的comment 今次係我第一次留言 因為今次實在太過份興記已經係幫襯左好幾次 之前覺得食物都ok 有時服務態度麻麻去相熟的海鮮檔買左三隻有膏的大瀨尿蝦點知上台變成兩隻冇膏的漱尿蝦仲話海鮮檔放左兩隻落去 要我地打俾海鮮檔確認 冇諗到要影相拍底自己買左d咩海鮮我地六個人 點會淨係買兩隻小瀨尿蝦呢？最後話調亂左 要我地硬食兩隻小的瀨尿蝦加一隻來歷不明 聲稱有膏的瀨尿蝦 質素同價錢 同我地買的瀨尿蝦差太遠同部長理論完 除左對唔住 就係waive 左兩個小菜錢同一斤海鮮的加工費 Waive 左錢都只係gestures 上做下樣子 佢地搞錯左 點都要負責任架但餐飯的氣氛已經完全被破壞了 餐飯係farewell我表哥 覺得對唔住佢 我媽咪嬲到大半餐飯都冇食 全家人都冇心情食落去非常差的處理方法及態度 沒有誠信的餐廳 一定唔會再幫襯如大家會幫襯 可能留意返自己買的海鮮同加工完上台的海鮮有冇出入啦

是晚一行九人來到興記食海鮮晚宴，預先自己買了海鮮入黎加工，買的海鮮大約有8斤半重。上一次和同事黎嘅時候坐戶外，覺得戶外環境麻麻，所以今次死都要坐室內，不過室內d冷氣有點凍，收銀職員很貼心的話太凍就幫我地熄左佢，真係抵讚一入到黎，其他員工已經問d海鮮想點煮點煮，由於未齊人，驚太早煮定會凍哂。點知員工話會問左我地先上菜，最後我地order好哂d海鮮點煮，仲點左個例牌燒鵝同椒鹽鮮魷，都唔錯幾好食丫。感覺真係好食過上一次，今次買了龍蝦同蟹就用薑蔥炒、龍躉就落了陳皮蒸正呀！仲有買了蟶子王就用蒜蓉粉絲蒸，好好食呀人齊後，員工都問我地係咪上得菜先上d餸，我地話係呀先上菜，唔會等到凍哂。反而上次係度食嘅鹽焗蟹就麻麻地，同埋上次點嘅咸蛋黃鮮魷就略嫌heavy左少少，反而正正常常咁整仲好食。上次黎食嘅時候仲買左瀨尿蝦，瀨尿蝦用椒鹽整，員工哥哥見我雞手鴨腳咁拆隻蝦，竟然忍唔住幫我手同教我點拆，真係搞笑不過建議大家如果食瀨尿蝦的話還是避風塘的好食，不過加工費就會貴少少囉。是次加工費埋單大約$1400，比起上次6個人食海鮮嘅加工埋單費$2000便宜，當然上一次買的海鮮就多好多了。不過整體黎講海鮮係整得好食嘅，未

結婚7週年，老公一早訂位食飯，因為老公同仔仔都鍾意食燒鵝所以預留半隻馳名燒鵝（有期望）由藍田轉左三程車去三聖邨買海鮮約$900 ，因星期六關係，提早半小時入座，告知要個半鐘還枱（心諗：大排檔都需要分時段）所有海鮮加工費收四斤重。一坐低唔夠10分鐘啲菜就板板聲上晒，所謂嘅馳名燒鵝一落台見到就唔開胃（又黑又諧又老）第一件準備比仔仔食，就連我5歲既阿B都唔吼！我同我老公都係食咗一兩件，成碟就放咗喺度啦！其他海鮮味道尚算OK，因為自己都係做餐飲業，本身都不作投訴，最多一次以後唔去！但最後都係忍唔住問咗個服務員：你哋嘅燒鵝係會燒到咁㗎 ！服務員答：呢度嘅所有客人從來都未投訴過燒鵝你係第一個。我話：你哋連個燒鵝髀都燒到咁咩叫馳名啊（火都嚟）第二個服務員再走埋嚟答：一個爐10隻燒鵝個個都冇事係得你嗰隻有事，我都唔知點解釋，可能係你隻燒鵝唔好（O嘴）成餐飯海鮮連加工費用大約要$1700埋單（唔值）返到屋企睇埋OpenRice食評10個有8個都彈嘅興記奉勸大家一句：如果想食燒鵝冇必要山長水遠去興記，大家樂大快活都好過佢，連我個仔都話海港好過佢（笑）

一個字:  正! 海鮮燒鵝樣樣掂個個都系出面嘅海鮮檔買海鮮黎加工不得不讚 呢度嘅燒鵝😍😍😍😍鵝皮正 鵝肉嫩 鵝汁鮮 邊有得輸😈😈再黎多一碟 椒鹽賴尿蝦丫唔該😋小編中意食大大隻嘅 整得好好!!!!

聽朋友說興記燒鵝多好多好，終於有機會來瞧瞧；從天后坐地鐵到金鐘換車到美孚，再換車到屯門，還要坐電車505到三聖，這般折騰近一小時才到，真是好遠啊！晚上七點剛到時還沒什麼人，等吃完出門才發現，哇！整個屋內屋外的大桌全滿，算算將近四五十桌，真是驚人！此地以代客烹煮海鮮及自家燒鵝出名，因此友人先訂了一隻燒鵝（港幣540），然後去外面買海鮮，九個人吃下來要港幣3800，以海鮮食材來說算新鮮，但我覺得料理費用以台灣的眼光來看是貴的，平均每人約港幣420，在香港應該算是中中以下的價位吧？先說燒鵝，我吃了覺得尚可，並不會太驚艷；海鮮有大顆的蚌、海瓜子、龍膽石斑、焗大蝦🍤，扇貝、竹蟶、焗蝦姑、還有一個用魚肉海味的煲湯，湯的味道醇厚非常棒，其他的海鮮新鮮又味美，實在是吃撐了！

又到一年一度生日嘅大日子 先同媽媽兩個去食海鮮午餐 我哋就去到海鮮檔 五花八門真係好難揀呀 兩個人食蟹好定係食賴尿蝦好呢 最尾就決定兩樣都食晒 其實我哋係食緊午餐㗎 ja 會唔會有啲過分呢 ... 師傅話奄仔好靚 我同媽媽就一人一隻啦 再加三隻大賴尿蝦 同埋蝴蝶蚌 興記嘅燒鵝真係好出色 本人覺得好食過深井 椒鹽賴尿蝦 又香口又彈牙 油鹽水煮蝴蝶蚌係絶配 煮得超好食 奄仔蟹充滿蛋黃嘅香味 大滿足

在熟悉的海鮮檔買料用了$1270（合理）但在這裏煮$1599 （仲只收現金）不合理！1270+1599 ☠️8個人食Too expensive! 可去洒店舒服的豪食...可必要在大排擋？！？！半隻燒鵝$270...瑤柱蛋白炒飯...砵酒蠔...ok la魚（龍躉腩) 蒸過老蜆...ok （䜴汁）蝦...ok (油鹽水做）蟶子皇 （蒜蓉粉絲蒸）🤨好似少咁幾隻海鮮soup ... ok做了水魚🤑🤑🤑🤑🤑一心想著和家人團聚興生日...咁做生意唔怪得lunch 都咁少人食！❌❌❌❌❌❌❌❌❌❌❌❌❌❌❌❌😡😡😡😡😡😡😡😡😡😡😡😡😡😡😡😡

本來訂了座堂食，但因為媽媽身體不適嚟唔到，所以臨時改了外賣，因為實在非常想試試他們的燒鵝。成日聽朋友講，三聖的大排檔侍應都好惡，所以我都親自去取消堂食，轉外賣。慶幸的是，侍應們都熱情招待而且很有禮貌。本來想打包小菜，但因時間有限，只外賣燒鵝例牌，不消5分鐘就搞掂，快靚正。回到家打開一看，仍然熱辣辣的，細心發現，燒鵝汁是用杯裝另外上，還有大量酸梅醬，媽媽雖然身體唔舒服，但試過燒鵝都話好好食，好有鵝味同肉質豐厚

成日同老公周圍食 住左屯門廿幾年 都未試過係三聖食海鮮 琴日興致勃勃係海天下面買左幾樣海鮮 再叫媽媽收工泥食 有兩個間大排檔 諗住食最出果間 以為出面果間叫興記 賣海鮮既仲好好心幫我地訂位 咁吾打吾撞入左去 咁我地買左有蝦 花甲 瀨尿蝦 奄仔蟹 👈🏻呢個係超多膏好正 第一次寫食評 豉油王蝦 豉椒炒花甲 椒鹽瀨尿蝦 鹽焗奄仔蟹 好食在於海鮮夠新鮮 而唔係整得好食 水準好一般 全部都多油 好咸 另外 叫左通菜同例燒鵝 因為餓得濟 唔記得影相 唯獨燒鵝第一道菜上先 所以影左 兩個字 肥 油 食左兩舊 頂唔順問個員工係咪本身咁肥咁多油 個員工話 「係啊 呢個係下莊 係咁架」我同老公都o哂咀 嬲嬲地一舊都唔食 最後係媽媽唔想浪費一個人食哂 仲話啲酸醬有陣霉味 而我同老公平時食燒鵝既質素唔係咁 唔會有下次 仲話咩燒鵝專門店

如果香港食海鮮，一定會諗到去西貢，鰂魚涌.. 仲有我地今次去既屯門三聖村. . 依到有好多檔鋪買 海鮮.. 我地因爲朋友介紹，去左忠仔記買.. 當然所有海鮮都好生猛.. 任均選擇。個姐姐都好親切😂，我地最後買左龍蝦、鮑魚、賴尿蝦、扇貝、聖子.. 最後姐姐仲嗌住我地送左小小什錦海鮮配料用黎煲海鮮湯，買佐咁多野都係$1400。（聽說後尾有個海濱長廊睇日落影相幾靚，大家可以去行下） . 然後向前行到尾會見到好多冬菇亭，我地既選擇係 興記。週六已經見到座無虛席，好多一家大細都黎食飯，好彩我地前幾日已經打電話留枱同落單預訂左半隻燒鵝. 一坐底，伙計就會問你每樣海鮮點樣烹調，如果麵底/粉絲底既，又要加多$80。 . 第一道上既係燒鵝，外皮一層油光，點甜酸醬配搭，一口咬落去，肉汁流晒出嚟，外皮脆度剛好，不會太硬，鵝既味道又唔會太so，酸酸甜甜.. 不得不試，不過略嫌隻鵝有啲肥😕 . 之後就到 龍蝦， 我們選擇上湯 加伊麵底.. 食薄龍蝦唔會好硬仲啖啖肉，保留佐一定既口感且彈牙，但龍蝦味就好似被上湯蓋過，略遜色，但附有伊面會比較飽肚，因為份量都幾多.但我地覺得上湯味道配搭比較普通，見隔離枱是用椒鹽