興記

营业中

休息中

呢間餐廳非常不老實，一開始買d海鮮去加工，講好左一個餸係$30，我地買左龍蝦、蟶子同扇貝去，整芝士焗龍蝦伊麵、豉椒炒蟶子同埋蒜蓉粉絲蒸扇貝。個女侍應一開始明明講好咗三個餸嘅加工費一共係$240。買單嘅時候無端端收多咗$180，原來伊麵底米粉底要另外再加$80！但係佢一開始完全冇提過，原來加個米粉同伊麵係要另外加多$160….姐係最後淨係加工費如下：龍蝦伊麵$160米粉底豉椒炒蟶子$160蒜蓉粉絲蒸扇貝$80如果麵底要另外加錢嘅點解佢唔一早出聲?! 咁蒜蓉粉絲點解又唔使另外計錢?! 根本就係撳住嚟搶離晒大譜🤬最離譜嘅係收得貴都算, 焗龍蝦焗到啲肉老晒…扇貝蒸到好似變咗瑤柱咁靭…. 西蘭花鮮魷啲魷魚係佢自己舖頭嘅, 啲魷魚又係韌到咬都咬唔落。完全明白點解而家啲香港人全部要上消費😔 喺香港消費真係貼錢買難受！以後真係唔會再留港比錢D咁無良嘅餐廳賺, 大家都係香港人咁樣呃自己人錢, 真係好過分！奉勸大家避雷，食海鮮都係返大陸或者去搵其他性價比更高嘅小店。

在附近海鮮店買了一些海產，拿膠袋就走到了興記，伙記在門外就已經笑笑口示意，表示歡迎一番。今次是第二次到來，同樣是和客戶吃飯，下午時段附近容易泊車，而且這一带的海鮮也有一定級數，帶到這些小菜店製作就對了。總共柯打了四個餸，夥記不建議再多了，兩男一女食量有限。燒味方面是滿意的，我最愛吃的是炒鮑魚，醬汁完全炒到肉裏面，而且韌度也適當。至於聖子炒米粉餅也是相當不錯，如果完全不吃辣的就得注意了，就是相當辣辣滋味。

呢排成日響三聖邨做嘢，試吓唔同嘅舖頭，今日午飯嚟到興記個例湯係正正常常嘅嘢一坐低，侍應就會先比一碗例湯，客客氣氣，即刻問我食唔食蒸魚，午餐有黃花魚，蒸䱽魚，涼瓜炆䱽魚，我今次食黃花魚好耐冇食過黃花魚，非常滑溜，都算新鮮，我鍾意食冬菜，如果多少少更加好正正常常快靚正嘅午餐，唔加嘢飲$54 ，有蒸魚食喎仲想點，好過成日食頹飯啦！

下午六點零經過諗住求其食啲野 等夜晚大餐 一入門口個男侍應都幾好禮貌 坐低後就有個中年老女人侍應「招呼」揸住個menu問佢有咩湯麵揀，因為佢menu根本就無寫有湯麵類，佢就好唔耐煩咁答湯飯可以轉湯麵，咁其實講一句都好嘥左你啖氣既不如唔好做啦，都唔知係咪前世欠左佢咁 最後要左個燒鵝米 $67一碗黎講好細碗下（米粉仲貴過飯，但就比個下午茶size我） 燒鵝味道唔錯 肉就唔多 米粉湯一般粉麵檔水準 。 好喇，食緊果時仲聽到個中年老女人侍應講左幾分鍾咩咩燒鵝米 阿姐 其實你喺我兩米範圍 三枱客得我一個食燒鵝米粉 你覺得我聽唔到定表演白卡？一句講晒 市井侍應，無禮貌文化，100%唔會再幫襯 祝早日關門大吉

三聖邨除咗食海鮮之外，村內嘅冬菇亭有一間好出名食燒鵝嘅燒鵝專門店！餐廳名叫做興記燒鵝海鮮飯店，區內唔少人都會專登入去食佢嘅燒鵝！今日同朋友過嚟食午餐，興記燒鵝海鮮飯店一踏入店門，香氣已經撲鼻而來。我點咗一碗燒鵝瀨粉，賣相相當吸引！餐廳選用肥美鮮嫩嘅鵝肉，燒鵝外皮烤至金黃酥脆，每一口都食到香脆外皮同埋啖啖嫩滑鵝肉，最緊要係竟然油而不膩，食得相當滋味，令人回味無窮。另外，瀨粉方面都做得好出色，質地柔韌滑順，吸盡每一啖燒鵝嘅精華，整體呢碗燒鵝瀨味道都好balance 同有層次，好食好食！對於愛好正宗燒鵝嘅朋友來說，這家小店嘅燒鵝，絕對值得專程一試。

舊有的屋邨裡大多設有熟食亭 是我們俗稱的 ‘’冬菇亭‘’而屯門區的冬菇亭亦有數個 較為人熟悉的莫過於三聖邨•今次就跟大家介紹一間屹立三聖冬菇亭多年的食店 - 興記燒鵝海鮮飯店•興記燒鵝海鮮飯店以馳名燒鵝出名晚市時間 燒鵝幾乎是每枱必點項目今次我們就在中午前來 找回昔日的風味•⭐燒鵝半隻燒鵝皮脆肉嫩 油潤適中 不會給予人們過多的肥膩感 蘸上特製的甜酸醬 風味倍加•⭐叉燒飯 燒鵝瀨叉燒肥瘦適中 肉質帶軟腍燒鵝配上瀨粉當然是最佳•附送的例湯味道發揮正常 裡面亦附有湯渣•而午市任何粉麵飯 都會附送例湯和紙包飲品價格由$46起 飯店環境整潔 整體來說都很合理

之前食過一次，覺得味道還可以，價錢尚算公道，就諗住再去多次。由於人多又有老人家，避免等位，已經提早打電話預訂。餐廳回覆有位，無問題。到左今日晚上，我們分開兩批人，老人們先去餐廳拎位坐低，我就去買海鮮。過左大約半小時，買完海鮮去到餐廳門外，幾個老人竟然還站在門外等候。原因係餐廳話未有人交枱，未安排到，估唔到咁好生意。但係再了解之下，原來有另外10人在我們之後到達，竟然比我們更早安排到座位。分別是他們提著海鮮過來，而我們不是。那訂位的目的是什麼? 既然滿座，我們只好轉去其他餐廳。當我們準備離開時，餐廳侍應見到我們手提的海鮮，便突然說有座位可以安排，游說我們多等一會。我們沒有理會，還是選擇離開。這時，餐廳其中一個女職員突然大叫“佢地發爛渣話要走”。這是什麼態度？我們一直站在門外等候，並沒有佔用餐廳任何空間。即使餐廳表示能安排座位時，我們也並未入內打擾。難道客人在沒有騷擾餐廳的情況下，選擇餐廳的自由也沒有嗎？如此服務態真令人大開眼界，永不錄用。

雖然我係香港人，但係我真係從來未去過三聖食海鮮😂雖然興記個大名早有耳聞，但－直冇機會試到🥲適逢家人生日，我終於有機會可以過去興記試吓😍入興記之前，首先要去海鮮街嗰邊挑選想食既海鮮。今次屋企人揀咗蟶子皇、鮑魚、同埋東升斑。呢個體驗幾得意。買完海鮮之後，就可以拎過去興記加工喇😍我哋將蟶子王加工成豉椒炒蟶子王加米粉底，個豉椒汁用梨撈米粉真係一流，個個食到冇停口，話咁快就清晒碟😍椒鹽鮑魚吵到啱啱好，一啲都唔啱，仲好夠淋身，老人家食都冇問題😍睇嚟呢度加工師傳廚藝甚佳，下次一定要再來

平日食都坐滿，整體味道都不錯，青山灣中不錯的選擇，四個海鮮再加四五個小菜都係2500落樓。鮑魚和燒鵝不能不試😋冰鎮鮑魚豉油王蝦清蒸瀨尿蝦薑蔥生蠔馳名燒鵝小炒王豉油王炒麵

屋企人生日飯上湯龍蝦伊麵（自己買料去加工）味道水準正常椒鹽賴尿蝦（自己買料去加工）好好味，鑊氣好夠咕嚕肉皮跪 唔酸 好味道辣酒煮花螺（自己買料去加工）好惹味 夠辣魚（自己買料去加工）正常水準 蒸既時間岩岩好蠔（自己買料去加工）整得好好味

今次吾係去流浮山，係去咗屯門三聖食海鮮😆首先去咗碼頭附近嘅海鮮檔買海鮮，之後再拎去餐廳加工呢度嘅燒鵝好出名，所以叫咗例牌😚食落口仲熱，味道好👍🏻海鮮加工方面就叫咗芝士龍蝦焗伊麵，椒鹽瀨尿蝦蒸鮑魚我最鍾意芝士龍蝦焗伊麵，芝士味好香同伊麵好好夾，加工費用唔貴，會再來幫襯

之前經常黎食海鮮，估唔到一排冇黎質素下降得咁犀利！不單食物質素差，連食物最基本嘅要求--熟！！都達唔到！好失望，難得齊人一齊黎三聖食海鮮，點知叫5樣嘢食有3樣都有問題！海鮮滾湯條魚唔熟、鹽焗蟹唔熟、砵酒焗蠔燶到苦！不單浪費食物，浪費曬買海鮮嘅錢，仲好掃興！！！同店主反應仲要唔認有問題，一時話係佢地嘅新煮法，一時又話喺我地買嘅海鮮唔靚！講到唔關佢地餐廳事咁！唔講都唔知原來d食物唔熟係同海鮮質素有關！完全冇正視到客人嘅意見🥲🙄食到一肚氣，簡直不知所謂！

今日我哋一行人去咗元朗買海鮮，跟住拎咗嚟三聖興記加工去到侍應推薦我哋食，遠近馳名，所以我哋都嗌咗嚟食燒鵝真係名不虛傳，油脂分布平均，塊皮好脆，未咬入口都睇到佢啲肉汁流出來👍🏻蒜香賴尿蝦冇得輸😂唔太辣，但係夠蒜香豉椒炒蟶子蟶子用豉椒煮十分入味，仲用埋米粉做底，啲米粉索完汁唔會乾爭爭，好食!芝士龍蝦伊麵個汁夠濃味，伊麵都夠我地7個人食，份量好多砵酒蠔我地買D蠔都好大隻，咁多樣菜我最欣賞就係呢個，因為炸到個蠔邊好脆!蒜蓉蒸扇貝正常水準，我地覺得冇特別我地都幾推薦黎興記食海鮮，建議食燒鵝~

興記位於屯門三聖村熟食亭地下2號舖, 若乘輕鐵前往可乘505號至三聖總站,行過對面馬路即到. 興記有不少小菜粉麵飯可供選擇, 而主角當然是燒鵝了. 如一家有約三人,肚餓的話可叫半隻 $250, 不太餓的話例牌 $140已足夠. 剛上碟的燒鵝外面皮脆內裏肉嫩, 點一下醬汁吃令人回味無窮. 無論堂食或外賣均可, 但重點是必需要襯熱食, 涼了便滋味大減了. 吃半隻時最尾三幾塊鵝肉味道的確大不如最初入口的一塊,大概是因為油脂凝固了. 另外最好是拌著瀨粉或白飯吃, 否則餐後肚子裏會覺得油膩.

跟朋友入屯門食海鮮！興記食海鮮同燒鵝都好出名！入到嚟梗係要試吓啦！喺海鮮街嗰度買海鮮入嚟加工，由於朋友有相熟朋友喺度做，所以都好放心交比佢哋煮煮出嚟味味都好好食！有意想不到嘅驚喜！燒鵝，真係好好食！燒出嚟熱辣辣！一咬落去個皮仲係脆既！完全冇諗過😍😍😍😍😍😍😍😍😍😍食左都好幾味餸！食完仲要打包拎走！🥰🥰🥰最可惜係真係比較格攝啲，食完要出番九龍都要一個鐘左右⋯⋯不過週末嘅好去處！