興記

营业中

休息中

13/7晚我哋9大1細，向海鮮市場買咗4種海鮮(共$700)過嚟，加工收費共$266, 都唔係貴吖，而且款款都好味，有：1. 白灼海蝦2. 椒鹽賴尿蝦-- 必食3. 豉椒炒聖子皇-- 必食4. 蒜蓉粉絲蒸扇貝-- 必食另外我哋向度叫咗：5. 燒鵝 -- 招牌菜真係幾正，燒鵝皮很脆，必食6. 椒鹽鮮魷 -- 一般7. 砵酒焗鱔 -- 唔知點解放咗幾片"品客"薯片入去，味道一般，我都係覺得清蒸會好食啲8. 通菜 -- 一般總結：除咗燒鵝，我覺得佢煮海鮮好食啲，其他小菜就一般~

七月四日跟英國回來的大哥及眾親、友共十人到此食海鮮，因友人識熟人買海鮮，所以今次海鮮真係平靚正，可惜煮得差浪費左！東星斑兩味>炒球太乾身且無情情打獻汁！蒸頭腩竟然用十分鹹的生抽而非用蒸魚醬油，蓋晒魚的鮮味！燒鵝賣相十分好，但醃得唔入味，連背骨隙都唔覺鹹，且肉味較淡。海蝦也是走油得太熟太乾，味道則可以。椒鹽賴尿蝦也是太乾太熟，以致肉已黏殼，可惜！大連鮑蒸得太隨便，無晒鮮味，汁也太鹹！炒蜆炒了，但出來時又有汁，明顯是了用水沖淨加汁翻炒！鹽油焗奄仔蟹OK唔錯，能清乾淨鹽更好！砵酒焗蠔好正！兩碟菜不入流，海鮮材料無得頂！重有全程菜饈的味精較重手，海鮮為何味精重手！興記........................海鮮材料誇喇喇，興記煮到小喇叭！唔會再幫襯！

昨晚高人約去青山灣食飯，我提議去興記。因昨晚係星期五同下雨天，興記會好快滿座，所以我早到去霸定位同唔駛去買海鮮比錢，哈哈！坐定後高人好快打電話比我，話到咗誠達海鮮檔，我就點佢叫黄老闆幫妳揀海鮮就得啦！最後高人就買咗一條石班、四隻鮑魚及一隻大花蟹(($320)。隨即叫待應哥哥落單，再加碟例牌燒鵝：1.燒鵝-----新鮮燒嘅，熱辣辣，皮脆肉滑，正！2.清蒸石班-----蒸得剛剛好。3.菓皮蒸鮑魚-----蒸得都好。4.羗葱炒蟹-----羗葱夠多，炒得好味。今次花蟹好多肉。最後四樣餸兩個人都可以清晒，驚人。跑山都唔掂啦！結帳火料錢、啤酒兩支同橙汁一支合共二佰三十多元。

原應美好的一餐飯給這家不理人的食店浪費了.今晚一家4大1細第一次試興記, 點了7個餸, 伙計後來說無炒蜆, 算. 但食了4味餸就停.... 等了很久, 叫伙計幫忙跟吓, 只敷衍我地話厨房很忙, d餸做唔切... 根本懶得幫我地睇吓張單; 再等, 再追, 理也不理我地...佢地當時full house 嫁, 我地都想快趣食完唔好阻住佢張枱... 點知我地呆坐咁耐, 都無人覺得有野... (欠左個有sense 既部長協調...)我地梗係投降要走, 比錢時發現係7個餸既錢, 原來佢地唔會主動幫你更正... 好離譜, 係佢地cancel 咗我d餸... 我地睇唔明手字, 叫佢地說明, 又比面色我地睇. ‘西蘭花班片’有食, 但’清炒西蘭花’無黎, 個收銀亞姐好技巧咁問: ‘西蘭花’有無? ‘班片’ 有無?... 嘩! 我就上左當, 都係亞媽勁, 我響門口向佢報告有5樣餸錢, 佢記得只黎咗4味... 於是折回睇多次亞姐面色, 攞返$35.唉! 大家都唔飽, 還要找面檔食埋下半場! >_<至於味道環境都係咁上下, 一分錢一分貨.

昨晚約了太太去三聖興記食海鮮。所以放工後即到三聖海鮮街找相熟的海鮮店購買，店主幫我選了石班一條(約有兩斤多)，有糕奄仔蟹和中蝦，全數為四佰三十元。隨即同購買的海鮮去興記等太太，並請待應將海鮮寫為四個菜：1. 豉油王蝦----煮得不錯，但是咸了少少。2. 石班炒球----班球很厚，但是剛剛熟透，肉質很爽。3. 炆班頭脯----好味，但是煮得過濕。4. 油鹽焗蟹----夠香，好食。兩口子食得很飽，結果還剩下來一大碟炆班頭脯。故包起來拿回去孝敬老爸了。後來結帳為一佰六十六元(海鮮來料加工費和一罐汽水)。可算是便宜。

週未一行四人到三聖興記吃飯。我們先拿位及跟櫃台預訂燒鵝。(例牌)我怕太多人到時有位食唔到就幣啦!吃了椒鹽墨魚.扇貝,燒鵝,甜酸骨,海棠豆腐,鹽焗蟹,味道不錯。。。見到ｄ待應手忙腳亂都唔好意思叫佢地拎野．＝．＝　可能太多人既關係系啦！如果增添人手就更加好囉^^不過總括呢講都幾好~最緊要系味道好~~服務都OK不過最令我不滿就是：附近廁所維修要去臨時廁所。仲有.... 我推介一個送比大家就系...燒鵝,甜酸骨

三斤幾印尼龍蝦兩味刺身加伊麵：七百幾蚊，炒東星球加蚊骨：兩百幾，蒸鮑魚：一百蚊，炸生蠔：一百蚊！五個人食埋單$1500左右！好食到喊…

正如熱維他在金禦的經歷，其他食客完全無manner，餐廳的人亦沒有控制場面，一有空台0的人就走埋去坐。一行8個人，我們訂了8點，買完海鮮準時到，櫃檯話未有台，叫我地等等。有兩台走，櫃檯話有台系我地既，但服務員遲遲未收拾台，所以我還是站在櫃檯等。誰知道有家人自己走了去坐，我望住櫃檯位中年婦人，拒就話x號台卑拒啦（x號台的客人差不多食完，但還未埋單）。之後案件重演，我們足足等了4張台，至可以入座（那時已沒有其他食客等位了）。最終8點35分入座，真系XYZ#!#@*&$%，訂了台等於沒有訂一樣。那晚暖番D但還是很冷，餐廳的冷氣風口對著我們（太晚了，旁邊的食客都走了），我們叫仕應，關了冷氣，或將冷氣風口推上。那位懶到出汁的先生話無remote control 風口亦不可以改。完全反眼，我們再叫位勤力點的仕應，他即刻幫我們關了冷氣。就算卑貴點去酒樓，也絕對不會再來。

家住屯門，跟家人吃海鮮西貢太遠，又吃厭了流浮山，就來三聖村吃家人先在其他店選好海鮮，買到興記煮環境就係一般大排檔好少少o個種雖然流浮山d「酒家」都係差唔多叫佢煮龍蝦、扇貝、蒸條魚、炒蟹全都煮得好好味，而且唔會太咸無乜味精既感覺叫左幾個小菜，值得一提是椒鹽豆腐幾好味最抵既係唔收加一相比隔離海天亂煮海鮮、隔條馬路容龍又貴得滯呢度真係算唔錯，如果唔嫌坐得唔係太好既話買海鮮就差唔多買左$1000蚊係興記既消費就$300幾only~

二月十六日晚訂左兩圍食海鮮，想食得安心，當然首選興記！兩圍既送都一樣，叫左一隻燒鵝！超大隻！都係二百三十幾蚊左右一隻！豉油皇煎大蝦！好食到想喊！又夠獲氣又夠和味！炒聖子…又係必食！豉鹽瀨尿蝦…又係無得彈！果皮蒸大鮑魚…大扇貝…好食到嘔返再食！鹽焗蟹…好鬼甘香！最後就係果條龍躉兩味…一碟炒球…超夠獲氣，魚又滑唔太熟！另一碟係蒸頭腩…依碟好緊要！睇依碟野就知依間舖頭有無靜雞雞落格…係流浮山好多間都出左名八斤魚得六斤貨仔…多數都係偷走魚腩再當例牌賣俾人！興記食過幾次都見到不少明星幫襯…仲有買海鮮去關財記買，記得話興記介紹，有得平仲有野送！最後連海鮮食左四千五百…嘩…一圍都係二千幾…仲想點！個個讚不絕口！感覺好幸福！！

第次來呢度食飯。早幾次都系買了海鮮來煮，今次費事麻煩0念住響呢度埋。坐低至知道原來呢度無海鮮0既，最多只有墨魚。最差系室內無灑位，做外面的就靠在垃圾房旁，衛生程度。。。。。。叫了最出名的燒鵝，覺得的肉"梅梅"地>_<炸墨魚，一看就知道系千年油炸今次經驗好失望

一家３口特地入屯門試一試，海鮮選了海蝦，聖子和東星班，用了四百元。白灼海蝦，蝦肉夠爽口，但發現有蝦的頭已發黑,即買的時候不是活的。豉汁炒聖子很冶味。清蒸東星十分好,蒸的時間剛剛好,十分鮮嫩。廚師的手藝令人滿意。燒鵝也不錯，鵝皮很脆。只嫌炒豆苗的油太多。

之前無論午餐和晚餐都好好味,但23號再去炸大腸原全唔脆,薑蔥炒蟹唔香,油鹽水花甲淡而無味,保留水準都係生蠔,仲有唔講.........朋友話可能人多,但我個人覺得忙還忙,唔好浪費人專程來欣賞的心!!!

屯門三聖興記之旅今晚我們提早做節去了食評幾好的三聖"興記"地點都比較遠離市中心原因是近海只要在三聖輕鐵站行三分鐘便到在三聖食海鮮千萬別以為是很多海鮮酒家,興記其實只是一個加功飯堂我們先行到海鮮市場購買海鮮...那兒"拍得住"西貢林林總總巨大魚缸我選購了瀨尿蝦足4兩隻,大大隻巨型大肉蟹足兩斤以及聖子(我女朋友喜歡)瀨尿蝦選擇了椒鹽煮法...椒鹽不多但已經好夠味道,皆因瀨尿蝦新鮮,甜美尚在聖子選擇了豉椒..聖子本身爽口...剛剛熟肉蟹選擇了薑蔥..本身自己有煮開薑蔥蟹,今次再食...薑蔥迫出蟹肉鮮甜道...大大隻好味其他小菜燒鵝不吃不可,肉質很嫩,肉汁鮮甜,不用加任何調味料,但比較肥膩,肉小炸大腸一般...可能很快凍...水準以下菜遠鮮魷水準以下鮮魷沒有任何味道始終該食肆沒有自己的海鮮,菜一般薑蔥焗生蠔整個做法也很好爽口...缺點...那裡的邊邊位...未能入口今次只是三個人食...買海鮮買了600多興記結帳400多幾好...可能冬至將近比較貴喔但也值得一年一次過節麻

上個禮拜五晚同同事兩個人入去屯門, 食飯就誤打誤撞入o左o黎呢檔o野, 當時個侍仔話燒鵝好食, 問我o地要唔要, 但係我o地得兩個人, 又叫o左三碟o野, 咪無叫囉.點知個侍仔同隔離檯客話o的燒鵝燒緊, 我o地就二話不說即刻叫碟o黎試.結果, 好食呀!! 鵝肉香, 夠熱夠脆又唔肥, 好味.其他o野都ok啦, 兩個人食咁多o野都係百鬆少少, 仲想點!