興記菜館

营业中

休息中

二人去食，叫了四味餸。1. 蠔餅本人最鍾意食蠔有關嘅食物。見人推介，咁就一定要試吓了！係幾唔錯嘅，煎得幾香，而且熱辣辣。蠔的數量亦適中及平均分佈，唔會話太少。2. 蜆勁香。又係熱辣辣，d豉椒汁勁惹味，夾埋冰凍既青島啤（唔記得影支啤酒，不過無所謂啦，係人都知乜樣)，簡直係享受，完美配搭。3. 啫啫通菜係侍應介紹嘅。果然係唔錯，啫啫煲令d菜更加又熱又香，d菜葉稔兼索咗啲汁嘅味！4. 麻辣雞煲仔飯因為佢自稱麻辣，所以要試，不過完全唔覺得有辣過。不過咁，d飯有水準，飯焦非常香。埋單一人138蚊，飲飽食醉，又有質素，我覺得好抵。

見呢幾日天氣涼咗，希望趕得切介紹煲仔飯俾大家，唔洗淨係打邊爐🤟🏻相信興記嘅煲仔飯大家都一定有試過，受到疫情影響，見到食客比以前少咗好多，基本上都唔使排隊一定有得食。·🍲麻辣雞煲仔飯 (HKD 66)今日嚟到想試吓fusion嘅煲仔飯。提提大家，呢個煲仔飯嘅辣度都真係幾辣㗎，但唔知係咪因為人客少咗冇咁忙，所以質素高咗好多，好多飯焦，雞肉好嫩滑，真係好食左好多👍🏼·🍲臘腸滑雞煲仔飯 (HKD 52)呢款應該都係你哋會成日食嘅配搭🤪加埋豉油焗一陣更正🤟🏻而且雞件數量好多，好滑身！朋友都大讚好食咗好多！·🧆避風塘炒蜆(HKD 70)炒蜆屬於微辣，味道好香好惹味，蜆肉食落就唔算好新鮮，可能蠔餅會比較好食！希望大家多啲支持下本地美食！

#油麻地 #興記 AGAIN 不過新試#鮑片滑雞粥 um，#粥 就好有味，都好棉滑，啲料就…… #鮑片 好靭，又唔係特別鮮味#滑雞 同煲仔飯嘅滑雞一樣，但係同粥好唔夾，啲醃料，醃味一樣雞皮都好厚，搞唔掂#椒絲腐乳通菜 都係咁正必叫味道: 8/10味精: 7/10價錢: 8/10環境: 6/10服務: 7/10#vinainyaumatei #vinafood #hingkee #hongkongfood #hongkongstyle #hongkongrestaurant #taipeidon #大排檔 #hongkongcusinie #congeewithslicedabaloneandchicken #congee #slicedabalone #hongkongstylefriedmorningglory #morningglory #foodporn #foodie #hkfoodie #f4follow #f4f #likesforlike #l4l #l4likes

秋風起，食臘味1/白鱔煲仔飯價錢吾貴，分量小都正常不過煲仔飯點可以冇飯焦?冇飯焦既煲仔飯仲係咪煲仔飯? 吾係....D飯都夠乾身既，白鱔幼身，冇咩肉食煲仔飯豉油吾死鹹2/啫啫滑雞煲我印象中既啫啫滑雞煲係有骨既雞而吾係雞粒所有雞粒都已經係面下面全部係洋蔥配菜3/蠔餅最值得推介係呢樣台台都會叫香脆、多蠔個sauce都好味4/蒜蓉蒸"勝"子"勝"子好少我似食梗勝子蒸蒜蓉多d好多味精....--完--出左名可能真係差D同舊時真係差得遠....冇下次lu!!

位置係油麻地廟街的多間「興記菜館」已經有大約三十多四十年經營的，而廟街老人家都一定知道它的地點和味道， 我自己都幫襯過好多次啦！ 今次一樣食我最鍾意嘅炭燒而成的白膳煲仔飯，豉油加上它再焗焗它， 新鮮熱辣出爐！ 仲有這款至愛新鮮炸起的可選大小的蠔餅， 我呢款是小的都夠大份呢！ 兩個人食剛剛好啊！ 人情味好好加現時環境更加乾淨企理， 食物仍一樣好味， 會繼續支持落去啦！興記菜館油麻地廟街12，14，15，17，19 地鋪

秋風起, 最好食煲仔飯，上次由外國朋友帶我這個本地人來🤣。今次點了蠔餅, 章魚肉餅煲仔飯及牛肉滑雞煲仔飯。三人食剛剛好, 蠔餅真的好好味， 外脆內軟。反而章魚肉餅煲仔飯有點咸。另外餸是比較少。但服務員態度很好! 讚

每年差唔多到咗秋天開始入冬嘅時候就會即刻好想去廟街食個煲仔飯...呢排開始轉涼同朋友講起就決定今晚晚餐係去廟街而我哋每次都會選擇去興記..叫左蒜蓉開邊蝦，細蠔餅同埋排骨滑雞飯..雖然而家煲仔飯越來越多花臣..但係覺得呢度最好食都係排骨滑雞飯焦最好味細蠔餅..不過今次炸得有少少乾..同埋蠔嘅數量好少第一次食呢度嘅海鮮原來佢哋嘅豉油係分開上..你有需要先自己落..都幾好起碼唔會過鹹..蝦肉新鮮彈牙..同埋佢蒜蓉嘅份量超多正！

出餐的時間令人感到費解。 當時點了一個白鱔煲仔飯和牛腩煲仔飯，等了30分鐘仍未上餐，然而比我們遲來的客人同樣是煲仔飯，卻比我們更早上餐，足足延遲了30分鐘以上。 食物方面，白鱔卻少得可憐，只有6塊不足一吋極之細件，僅僅6件迷你白鱔收你76大元。白飯多而無味，飯焦不足，自稱炭燒煲仔飯卻吃不出半點炭香，令人失望。牛腩方面一來份量少，牛腩質量硬又干，上菜時猶如被人斬碎了的肉，完全不值54元。有興趣試伏野的話，建議可以點煲仔純飯，只有30多元。總比雙倍價錢的鱔飯便宜。

到左涼風輕輕吹既季節就特別想食熱辣辣煲仔飯2個人叫左2個煲仔飯一個係臘腸滑雞煲仔飯另一個係臘腸牛肉飯另外再叫多個炒蜆同埋煎蠔餅蠔餅有分大同細因為已經叫咗好多嘢所以就叫咗個細呢間個煎蠔餅冇得輸👍🏼炒蜆好大碟但係濃味d會更加好煲仔飯就不過不失冬天食應該會更加暖笠笠最後～極力推薦煎蠔餅👍🏼🙂🙂

男朋友話想去食煲仔飯，廟街除左四季煲仔飯岀名，其實興記都好食㗎疫情其間可能重係，平時廟街既行人路檔口得返1-2檔，大排檔都基本上唔洗排隊。行到入內街，2邊都有興記，都唔知邊間真假定一樣，平時食開依間就入左依間。我地2個人share食個飯， 臘腸滑雞飯加隻蛋，（如果雞蛋另上要預先同姐姐講）不過不失冇之前咁好食了已經之後叫左蠔餅細份，好食好食推薦唔怕油多，一定要試下，係足粒啦既每啖都有蠔仔。然後叫左個菜 ，臘味炒芥蘭，有潤腸，臘腸，雞髀菇，芥蘭唔會炒得太熟岩岩好。不過鍋氣唔夠冇大排檔既感覺。然後一人一支可樂，爽呀最後附上餐廳環境，俾大家望下，食煲仔飯又多個選擇，2個人total 食左$205，我覺得正常價錢2個人可接受。

油麻地美食其中我最愛就係來到興記這間興記煲仔飯大排檔， 主打一向是招牌的熱呼呼煲仔飯呢！ 我已經來過超過十次了！但今次我冇點煲仔飯， 我點了蠔餅、蒜蓉半邊蝦和豉汁蒸鱔魚，新鮮濃香，蝦肉、鱔肉夠大隻，彈牙又入味，非常有咬口，樣樣都肉嫩多汁，非常惹味！ 現在因抗疫情價外賣仲有九拆，確實吸引我這種本身已經食開的粉絲！興記煲仔飯地址：油麻地廟街15號電話：2384 3647營業時間：星期一至日 18:00 - 01:00

去完油麻地電影中心， 我同十幾個friend一齊去興記廟街食大排檔， 首先嗌咗一碟豉椒炒蜆， 有一半入面都係冇蜆肉淨係得個殼， 基本上食蜆嘅過程就係除殼嘅過程， 係一個揀殼嘅過程， 感覺麻麻地， 雖然啲蜆食落去都ok。 跟住嗌咗個炸蠔餅， 個份量係好大好大， 但質素一般， 有少少老， 同埋粉都太多， 嗌咗碟粟米魚塊， 一般， 皮蛋 好老實講， 譚仔嗰啲好食過好多， 皮蛋個心又硬， 啲皮又太過老， 好似咬極都咬唔開， 同一般好食嘅皮蛋爭一截水準。 另外嗌咗 一碟豆豉鯪魚 油麥菜， 係唔差嘅。 最後大家埋單70蚊， 都係好抵食， 但水準普通。

今日去想點個120蚊嘅膏蟹煲仔飯，老闆娘話而家最平嘅都要140蚊，差20蚊冇所謂啦加錢改糯米底。上到來蟹細冇肉都算啦，d飯面果層竟然未熟嘅！！！即刻埋單走人老闆娘問咩事唔食就走？講明原因後話可以重新做過，不過算啦都冇胃口了。

廟街坐擁多個舖位的興記菜館，長期以來都深受本地客、旅客歡迎👏🏻 主打煲仔飯之餘，亦有海鮮小菜，選擇繁多！臘腸排骨煲仔飯，打開煲蓋即傳來陣陣飯香，加上豉油焗一分鐘，令飯粒乾身且有飯焦，臘腸晶凝通透有油香滿溢🤗另外，蠔餅及椒鹽九肚魚亦屬水準之上，即叫即製；配上自家製的蓆汁解暑，剛好飽滿一頓

廟街出名嘅煲仔飯食店有2間一間係四季 一間係興記因為興記除左煲仔飯仲有炒嘢所以今次我地就揀左興記啦不過搞笑嘅係 講到明係馳名煲仔飯但煲仔飯其實唔好食😂😂😂小菜就反而幾出色唔怪之得叫興記菜館🙈🙈🙈 ..白鱔滑雞煲仔飯 $91白鱔用豆豉醃過 肉質都算滑但係就太鹹 要撈埋啲飯食先中和到重口味人士可能幾鍾意 不過我就麻麻啦然後滑雞好多雞骨 而且啲雞唔係好滑😂唔知係我地唔好彩定平日都係咁呢🙈飯底有飯焦 不過飯唔夠香所以真係好一般.蠔餅（細） $45細蠔餅都有足足2件 份量好多四季嘅蠔餅比較脆口興記嘅蠔餅就比較似煎蛋餅因為唔太好炸嘢 所以我比較鍾意興記嘅蠔餅！同埋不得不讚興記嘅豆瓣醬好好食！黎哩度食蠔餅記得一定要加💕可以話係成個蠔餅嘅精髓！不過蠔餅黎到就要襯熱食啦事關凍左油溢味都幾重☹️ ..椒鹽鴨舌 $75哩個係必食推介！表層炸得香脆 鴨舌軟滑點埋喼汁一齊食 會食到停唔到口！筆者怕熱氣 所以會點好多喼汁 嘻嘻🙈.雜菜粉絲煲 $50哩個係餐牌冇嘅 但我真係好想食所以問姐姐有冇點知真係有haha🙈不過佢就好似鹽水煮雜菜再加粉絲咁😂味道好清淡其他餸咁濃味 個菜清啲都ok嘅不過我唔會再叫 haha😛總括而