舅父仔火鍋專門店

营业中

休息中

邊爐愛好者注意啦!!😌有好嘅火鍋店介紹～琴日去咗深水埗呢間舅父仔火鍋專門店雖然餐廳嘅定價中上 但係食物質素絕對唔馬虎2個人食咗大概$800 (其實二人餐都夠食 但係兩個人眼闊肚窄 額外叫咗配料&甜品結果真係飽到捧住個肚走🤣)先講個湯底 我哋揀咗鴛鴦湯底 另加$50揀咗2款湯底 都非常夠味而且足料👍🏻👍🏻1️⃣藥膳花雕湯鍋 一上枱已經聞到陣陣花雕酒香 同藥材味🤤個湯底滾起之後 啲藥材味更加出 開始食之前 飲咗一啖 感覺好滋補 不過夏天都唔敢飲太多 怕滋補得滯🤣2️⃣揀咗款清清地嘅 芫荽皮蛋豆腐湯勁多芫荽 芫荽愛好者表示心心眼😍配埋皮蛋 簡直係一絕!! 仲有我最鍾意食嘅豆腐 好滑~~講到配料 真係要讚吓啲食材夠晒新鮮🤩🥢香炸魚片頭 金黃色 外邊灑上一啲應該係椒鹽嘅調味粉 雖然唔算好彈牙 但係咬落去嘅口感都唔錯 餐前小食嚟講算係幾好～🥢極品封門柳估唔到二人套餐嘅牛肉都有咁多份量😍份量多到唔使爭食🤣 (店員介紹淥6至8秒食得)封門柳 味道濃郁 口感軟嫩 食完一片又一片😋🥢手打丸雙拼 我哋揀咗鮮蝦丸&鯪魚丸啲丸都好彈牙 好夠味 食得出”真”手打&新鮮🤤唔會好似出面啲丸咁得個樣…特別係鮮蝦丸😍非常推薦大家

天氣凍凍地就去咗呢一間餐廳到打邊爐，餐廳職員好好咁介紹個餐牌有咩好食俾我哋知，介紹我哋可以食精選二人套餐，仲拎左個調味醬料俾我哋混醬，個XO醬係佢哋師傅自己整，真係幾夠辣同惹味。精選二人套餐包左小食3選1: 揀左蟹籽墨魚薄餅有四大塊，口感煙韌，加上有啲蟹籽粒同芝麻粒，增加口感。鍋底4選1: 芫茜皮蛋豆腐湯開心有好多芫茜🥰🥰肉類3選1: 極品封門柳，用左紐西蘭頂級封門柳部份，先唔點任何醬汁就咁食，牛肉味好香濃，好有肉汁，食左呢個牛都覺得呢個套餐好抵食，份量又多。手打鮮蝦丸併墨魚丸，每樣有兩粒，個鮮蝦丸真心推介，見到同食得到有原隻鮮蝦，兩樣都好彈牙同新鮮。自家製餃子雙拼4選2: 揀左鮮蝦水餃同黑松露豬肉餃，黑松露豬肉一咬開就好重的黑松露味，好特別；鮮蝦水餃都係食到大大粒鮮蝦肉，加埋啲木耳絲好爽口彈牙好食。仲包咗一份生菜主食2選1: 揀左稻庭烏冬仲奉送飲品，我哋加左$15要竹蔗茅根水，幾清甜好飲，又唔會太甜。另外再叫左個酸薑皮蛋，好開胃的小食；仲有西班牙黑豚肉，好大片，豬肉肥瘦比例剛剛好，唔會有豬嘅臊味👍👍總括呢間打邊爐真係好推介，食材新鮮，所有職員都非常之好服務又細心，十二個人仲可以包房添

深水埗出名多好野食，今日開會開到好晏勁肚餓所以就喺附近食埋飯先，由同事帶路去佢地平時成日去嘅「舅父仔火鍋專門店」，地方寬敞仲有2間VIP房，下次可以約埋成班同事過黎聚餐😆今晚我地嗌咗個二人餐再散叫啲火鍋配料，套餐只係$468已經包括咗小食、鍋底、牛/豬/羊、丸類、餃類、蔬菜同主食，仲送埋飲品，人均都係二百零蚊，食物高質，咁抵去邊度揾👍🏻黃金炸魚皮超邪惡嘅鹹蛋黃炸魚皮，即叫即炸所以一定要趁熱食，香脆鬆化，每一舊炸魚皮上都裹滿香味濃郁嘅鹹蛋黃，再浸一浸落湯又別有一番滋味，真係會令人食唔停口胡椒味菜豬肚湯湯底加咗大量胡椒，入口微微辣，裏面仲加入酸菜同豬肚，酸菜嘅鹹酸味亦啱啱好唔會太濃，打邊爐前先飲返碗湯，酸爽鮮香😋不得不提店家嘅自家製XO醬，鮮香帶微微辣，用黎配任何食物都冇得頂極品封門柳二人餐嘅封門柳居然係一大碟，CP值極高，牛肉佈滿雪花嘅紋路，牛味濃郁入口肉質軟滑，只需淥幾秒啱啱熟就食得鮮蝦丸拼墨魚丸兩款丸類都係新鮮手打，蝦丸入面有粒粒嘅蝦仁，墨魚丸一樣係食到粒粒嘅口感，真材實料👍🏻兩款都一樣咁彈牙爽口而鮮味鮮蝦水餃拼黑松露豬肉餃鮮蝦水餃皮薄餡料多，一咬開就見到大大隻嘅蝦仁，再加入豬肉、筍

極度推薦大家叫呢個二人餐！小食揀咗黃金炸魚皮，即叫即炸，熱辣辣上枱，炸得脆卜卜，唔會過油，入口仲帶有淡淡嘅鹹香味，炸魚皮表面嘅黃金色澤睇落十分吸引，配埋店家特製嘅蘸料，成個體驗好有層次感，誠意滿分！鍋底有隱藏升級菜單，加$90，將鍋底升級做半隻雞嘅雞煲。超值！雞肉煮得嫩滑入味，湯底濃郁，雞油香氣撲鼻，必叫！肉類方面簡左極品封門柳，呢個真係質素好高！牛肉切片厚薄適中，肉質鮮嫩，帶有自然嘅鮮甜味。浸入滾燙嘅雞煲湯底6至8秒，肉片就岩岩好，食落口感豐富，絕對係肉類之選，份量仲十分大份，超滿足！另外仲試咗鮮蝦雲吞同黑松露豬肉餃。鮮蝦雲吞內餡飽滿，蝦肉鮮甜彈牙，而黑松露豬肉餃就香氣十足，黑松露同豬肉完美結合，唔會膩。仲有手打鮮蝦丸併墨魚丸，兩款都好爽口好好味，好大粒！烏冬亦係一大亮點！將烏冬喺雞煲轉邊爐前放入湯底，用少少水煮熟，烏冬吸飽咗濃郁嘅雞湯精華，口感煙韌，味道香濃，每條烏冬都吸收咗湯底嘅靈魂，真係一試難忘。

今日經開深水埗呢頭，諗住旅行前買Sim Card，買完之後行咗過嚟呢邊打邊爐，見到有二人套餐都幾抵食！一去到點咗餐，甩咗醬料先，極力推介佢哋自家製嘅香辣XO醬，除咗夠辣夠香之外，蝦米嘅香味亦都係非常犀利✅✅✅香炸魚片外脆內嫩，魚肉鮮美，口感豐富，不錯嘅前菜🐟極濃沙嗲湯底揀咗呢款沙嗲湯底味道濃郁，香氣四溢，融合了多種香料和花生的風味🍲極品封門柳（小）雖然話細，但係份量都非常十足，口感滑嫩，味道鮮美，烚佢幾秒已經可以食得🐠手打墨魚丸（2粒）口感彈牙，使用新鮮墨魚製作，鮮味十足🦑手打鮮丸（2粒）非常彈牙，應該係全餐，我覺得最好食嘅嘢，口感滑順，彈性十足🎣鮮蝦水餃裏面嘅蝦仁非常新鮮，餃皮薄而Q彈，蝦仁鮮甜可口，是一道非常受歡迎的美食！🥟黑松露豬肉餃一咬黑松露豬肉餃香氣撲鼻，黑松露的獨特風味為豬肉增添了層次感，口感豐富🍄時令蔬菜**都幾新鮮，食得出菜嘅甜味🥬稻庭烏冬麵條滑順，加沙嗲湯底真係一絕🍜順德魚腐以下都係另外再點的，味道清淡，特別適合搭配湯底，讓整道菜更加美味！🐟中山脆肉鯇外脆內嫩，魚肉鮮美🐠

𓂃𓂃𓂃𓂃𓂃𓂃𓂃𓂃✨ 原價$648 ➜ 激省$180套餐 ✨𝟏 鹹蛋黃炸魚皮 🌕酥脆魚皮裹滿流沙級鹹蛋黃粉咬下卡滋聲+濃郁蛋香雙重暴擊！𓍯 加價𝟏𝟎𝟎升級 👉🏻 舅父仔豬骨煲皇 🦴𝟖小時熬出奶白濃湯！筒骨骨髓一吸爆汁玉米蘿蔔吸飽精華，涮肉前先喝兩碗！𓌉◯𓇋 肉食控天堂 🥩🇪🇸西班牙黑豚肉｜油花如大理石紋理🇳🇿紐西蘭羊肉片｜嫩而不羶涮5秒即食✋🏻 手打雙丸拼盤 🦐鮮蝦丸｜蝦肉粒肉眼可見！豬肉丸｜彈牙到能打乒乓球🥟 懷舊餃類雙響韭菜餃🌱｜爆餡菜肉比例5:5鮮蝦雲吞｜薄皮如裹整隻蝦游泳𓏸 百福豆腐｜豆香超濃の滑嫩神器🥬時蔬拼盤｜當季鮮菜清爽解膩🍜稻庭烏冬｜日本空運！吸湯王者

今日去深水埗玩具街搵玩具，行到天黑都唔覺，嗱嗱臨搵下附近有乜好食，search到呢間個名咁得意，又有得打我最鍾意嘅邊爐，嗱嗱臨行過去，幾分鐘就到。今次我地兩個人，一坐低經理就好熱情咁介紹我哋試二人套餐。佢知我個friend係雞煲控，立刻幫我哋度一度，加小小錢轉埋雞煲，一次過滿足哂所有願望~一開始就係醬料拼盤，除咗平常蔥蒜椒，仲有自家制XO醬，香口惹味。首先黎左經理大推嘅黃金炸魚皮，一上枱已經比香氣吸引住。魚皮極致薄脆，配合即炒咸蛋黃，入口咸香爆發，直線拉高我哋對今餐嘅期望值。跟住就係麻辣雞煲，物超所值，一上枱又係另一場香味盛宴，翻炒後香氣幾何級上升。雞件入口麻辣咸鮮，旋風式KO成個雞煲。經理見我哋好似好肚餓咁，介紹我地一個隱藏食法。將兩個冰烏冬直接放入去食完嘅雞煲度，逐少逐少加上湯，將雞煲嘅精華鎖入去烏冬入面，十級推薦。套餐肉類我哋揀左封門柳，油花分佈好靚，入口嫩滑之餘，仲肉味十足，加少少XO醬真係完美配搭。手打丸揀左蝦同墨魚，水準以上，特別係蝦丸，爽彈蝦滑加上新鮮蝦粒，應該係我近年數一數二好食。餃類揀左鮮蝦雲吞同埋黑松露豬肉餃。黑松露香氣十足，雲吞豬肉同鮮蝦完美比例，加上雞煲精華加持

今日黎到舅父仔火鍋專門店，位於太子站同深水埗站中間，餐廳環境舒適，店員服務周到體貼。現在有一個二人餐的火鍋套餐推廣，包括了湯底，前菜肉類，丸類及蔬菜，份量十足！今日選擇了一個藥膳花雕湯底，材料充足，藥膳味非常濃郁，打邊爐前先喝了兩碗湯。黃金炸魚皮招牌菜式，沾上鹹蛋黃醬，魚，皮脆口得來又唔會太過重口味，作為開胃前菜非常適合。極品封門柳上碟賣相漂亮，肉質一望落就知道係新鮮，食落牛肉味濃郁，配上藥膳湯底非常惹味。手打墨魚丸及蝦丸兩種丸也非常爽口彈牙，特別係蝦丸，咬落就會知道入邊好足料，亦都好新鮮。自家製鮮蝦雲吞及黑松露豬肉餃同上面嘅丸一樣，都係好足料同新鮮，黑松露豬肉餃更有驚喜，比我想像中嘅黑松露味更加濃郁。美國手切肥牛試完封門柳想試吓另一種嘅牛，牛味相對封門柳無咁突出，但相對脂肪比例會比較高少少，如果平時鍾意食有油脂嘅朋友都不妨一試。

今次同朋友嚟咗一間火鍋餐廳，佢哋嘅精選二人套餐真係幾吸引！等我同大家介紹一下：青瓜小雲耳開胃嘅青瓜小雲耳，口感清脆，搭配醬汁非常好味。芫茜皮蛋豆腐湯鍋拼胡椒味菜豬肚湯鍋呢個湯鍋真係驚喜！芫茜皮蛋豆腐湯清爽可口，而胡椒味菜豬肚湯就帶有濃濃香氣。極品封門柳（小）極品封門柳口感滑嫩，味道入味，打邊爐一流。手打鮮蝦丸彈牙，鮮味十足，而鯪魚丸也保持咗原汁原味，兩者搭配都好啱。鮮蝦雲吞皮薄餡多，黑松露豬肉餃則帶有香濃嘅松露味，兩者都係我心頭好！百福豆腐滑溜，搭配醬油或者蒜蓉都好食，簡單但係令人滿足。另外叫佐蜂巢凍豆腐，清新又有趣，口感特別。而且覺得服務非常之周到，好窩心

深水埗最近有咩火鍋店抵食但唔係放題，新開嘅舅父仔火鍋專門店就幫到你。佢哋嘅二人套餐非常抵食，已經包括了前菜小食，湯底，牛肉，餃類蔬菜及主食，食材非常有質素，唔係任食嘅材料。餐廳侍應亦推介我哋試吓佢哋嘅二人套餐仲推薦沙嗲湯底，九龍城有一間出名食沙嗲湯底，舅父仔嘅沙嗲湯底可以同佢一戰。前菜方面就叫左青瓜雲耳份量非常大碟，肉類就叫咗佢哋嘅極品封門柳，牛肉味非常安樂，唔會太油，而家個人比較喜歡肉味濃郁唔會太油嘅牛肉。你話要非常推薦佢哋嘅手打丸及自家製餃子。蝦丸非常爽彈墨魚丸用上全部墨魚手打，唔會加粉。自家製雲吞及鮮蝦水餃都係用上新鮮豬肉及鮮蝦製成，非常有誠意。餐廳仲附上蔬菜拼盤，豆腐，兩個公仔麵仲有兩支汽水。另外我哋叫咗芋絲及豆腐，仲有經理推薦嘅黃金炸響鈴，新鮮即炸嘅響鈴，配上蛋黃非常惹味，邪惡感十足。想食有誠意嘅火鍋店就一定要黎試吓舅父仔專門店。

誰能想到，豬肝在特製醬汁里燙煮，竟能入口即化！據說這是某餐飲連鎖店高層研究出來的絕招，醬汁調配和火候控制得恰到好處，簡直就是豬肝界的T H B！這讓我想起前段時間去舅父仔火鍋專門店（深水埗）吃飯，他們家的厚切豬肝就是在甜辣雞煲醬汁里燙煮的，真的好吃到跺腳！雞肉嫩滑，配料誘人，再加上老闆推薦的特色吃法，簡直是味蕾的極致享受。還有一款配酒特別棒的碳烤牛肉🐂，捲上洋蔥絲點上特製的醬汁竟然好吃哭！而且店裡服務超貼心，甜品選擇也不遜色，吃完火鍋再來份甜品，幸福感爆棚！雖然這一家店相當隱密，私密性超高，但是步行去太子地鐵站也僅需7分鐘，果然是香港特色呀！

今晚同朋友去深水埗舅父仔火鍋專門店吃晚飯，去品嚐美味嘅火鍋菜式，我哋叫咗牛雜腩煲、香炸魚片頭、手打鮮蝦丸、唐生菜，食火鍋菜式一定要叫埋適合飲品嘅自家製竹蔗茅根水。舅父仔火鍋專門店位於福華街39號地舖，港鐵太子站E出口，行幾分鐘就到，非常方便，這間港式火鍋店，湯底橫跨不同的亞洲口味，食物款式都不少，除咗火鍋菜式，亦有供應多款高質刺身、小食及清酒。店外招牌看到十分顯眼，而店內座位寬敞舒適溫馨，令人坐得舒服，並設有特色霓虹燈，打卡非常一流，適合同更多朋友來分享，店員服務態度亦好，來這裏食真不錯。🔥牛雜腩煲牛雜經過長時間燜煮後，外層軟糯帶膠質，內裡保留些微韌性，尤其牛肚的蜂窩結構吸飽湯汁，咀嚼時有彈牙感，牛腩肥瘦相間部位入口即化，筋膜部分呈半透明凝膠狀，瘦腩則絲縷分明，酥而不柴，濃郁滷汁滲入食材，帶柱候醬的鮮味，油脂香氣飽滿，搭配香蔥、芫荽、芹菜，入口更好味。🔥香炸魚片頭金黃酥脆的外皮包裹著手打魚漿，咬下時魚肉爽滑，彈性十足，魚肉鮮味瞬間迸發，沾點蜆芥醬更提鮮，微焦邊緣帶著淡淡油香，佐酒一流。🔥手打鮮蝦丸手工使蝦肉形成蝦丸，每顆蝦丸都能吃到爽脆彈牙，口感有滑嫩與顆粒感又帶有彈牙感，蝦味的濃郁，

經過這間店，各種火鍋湯底的香味陣陣飄在空中，店員都好熱情好客！特濃沙嗲湯鍋金黃色一大鍋，濃厚的風味令人垂涎欲滴！將西班牙黑豚肉和新西蘭羊肉片放入沙嗲湯中煮，瞬間釋放出肉類的鮮香，肉片吸滿湯汁，充滿了濃郁的香氣，伴隨著輕微的辣味入口，讓人欲罷不能！### 鮮蝦水餃內餡有新鮮的蝦仁、豬肉和爽脆的雲耳，蝦仁的鮮甜搭配豬肉的豐滿味道，讓整個水餃的口感層次感分明！### 黑松露豬肉餃咬下去，餃子皮的彈性與內餡的細膩口感相結合，肉汁在口中瞬間釋放，與松露的芳香交融，層次感十足！### 南翔小籠包外皮晶瑩剔透，咬下去，鮮美的湯汁瞬間在口中爆開，流動的肉湯與餡料的香味在味蕾上形成絕美的口感！### 流心蛋黄豬肉大丸蛋黃的絲滑與豬肉的鮮美交融，瞬間帶來滋味的驚喜，好有創意！套餐仲有手打鮮蝦丸拼墨魚丸，好彈牙！### 蟹籽墨魚薄餅薄薄地，柔軟有韌性，蟹籽的鮮味與墨魚的獨特風味交融，真是好味！

同屋企人一齊嚟打邊爐，呢間餐廳價錢雖然唔算好平，但係佢嘅食物質素係完全對得住個價錢👍👍！同老闆傾過，知道佢哋嘅廚師每日朝頭早會準備好所有食材，連餃子同雲吞都係朝早包，蝦丸墨魚丸嗰啲都係會自己搵師傅整，誠意十足！韮菜餃+鮮蝦雲香韭菜餃同鮮蝦雲吞都係師傅整嘅！韭菜餃同平時出邊食嘅差唔多，但係個鮮蝦雲吞就好有驚喜，入邊嘅蝦又係同蝦丸相近咁彈牙！！時令蔬菜生菜佢洗得好乾淨～加埋湯入邊，可以吸晒啲湯！稻庭烏冬烏冬好煙靭彈牙~白鱔（例牌）呢個白鱔係我食過最好食嘅鱔，首先佢嘅魚骨起得好好，食嘅時候完全冇食到任何嘅骨，除此之外，佢嘅肉質都好彈牙🤩！安格斯頂級牛頸脊（小）牛頸脊份量都唔少，三個人食啱啱好！佢嘅牛肉都有好濃牛肉味😜同埋最欣賞嘅係佢有一個小筲箕，可以將邊爐嘅泡沫撥走出去食咁多間邊爐都冇🫶🏻呢度勁細心！老闆亦都會不時過你問吓我哋食物質素O唔OK，睇吓有冇嘢要改善，不過我哋全部都覺得好好食😹😹😹

老公喺太子返工，佢放咗工之後我哋就諗住行去深水埗，行緊嘅途中，發現有一間幾特色嘅火鍋店，見佢價錢同食物都好似幾靚，而識落發現幾有驚喜！我哋叫咗一個二人餐～二人餐其實都幾抵食，除非每個人都係$200左右，但係就可以食勻晒佢啲肉～精選二人套餐黄金炸魚皮炸魚皮係即叫即炸，上面仲有鹹蛋黃，食落脆卜卜！因為係即刻炸，所以佢都比較熱～食嘅時候要小心啲！竹蓆茅根水竹蔗茅根水係一查咁，一揸大概可以飲到四至五杯，佢嘅竹蔗茅根係自己煲，真材實料！打邊爐可以靠佢清清熱氣～椒鹽雞軟骨雞軟骨又係即叫即整，食嘅時候熱辣辣脆卜卜😍芫茜皮蛋豆腐湯鍋湯底入邊有唔少豆腐～仲要用滑豆腐！皮蛋同芫荽都唔少～極品封門柳（小）封門柳肉味幾濃，只係需要淥大概10秒就可以拎上嚟食(⁎⁍̴̛ᴗ⁍̴̛⁎)手打鮮蝦丸併墨魚丸（4粒）佢嘅手打鮮蝦丸好出色，蝦丸係好彈牙，老細同我哋講係佢哋舖頭嘅師傅每一日新鮮自己打到起膠！！