去開深水埗玩具街買玩具，經過呢一間個名叫舅父仔好特別嘅火鍋店，就入去試吓。
我哋叫咗西班牙紅蝦刺身，同一個二人套餐，個二人套餐超抵食，只係四百幾蚊。
紅蝦刺身超新鮮，連蝦頭汁都食埋。
我哋揀咗金沙魚皮超正，佢係用鹹蛋黃即炸，上枱仲熱辣辣。
牛肉就必要啦，我哋揀咗牛小排，超有牛味，件件雪花超靚，又嫩又冇筋。
之後佢啲手打蝦丸，同埋墨魚丸都好正。
我哋仲叫咗廣島蠔，每隻都超肥超新鮮。
飲品方便我哋叫做竹蔗茅根汁，佢唔係工廠式飲品係見到有竹蔗同茅根係個樽裏面，應該係餐廳自己煲。佢哋嘅醬汁都好有heart，特別係個XO醬係餐廳自己烹調出嚟，勁正好足料。
值得一提嘅係餐廳所有職員嘅服務都超好，係今時今日嘅香港真係好難得，好期待下一次再返去舅父仔打邊爐同埋試下佢哋嘅雞煲。
