臺北棧 (世貿中心)

营业中

休息中

之前吃過啦，現在出新品又去試吃😍😋鹹蛋黃芋泥球甜甜糯糯的芋泥外層炸得酥脆，裏面包着流心的鹹蛋黃醬，口感豐富。酸菜魚湯牛肉麵採用正宗酸菜魚的湯底，酸酸辣辣的很開胃，牛腱肉炆得非常入味。橘色海皇涮涮鍋粥海王粥的湯底是用昆布湯，加上大量豬骨及蝦殼熬製出來，還原粥底火鍋的口味，配料亦非常豐富，包括有大蝦仁，蟹肉等，粥底煮好後店員再為我加上配料，鮮味十足。芋泥三Q拿破崙香脆可口的酥皮，一層一層地配搭鹹蛋黃，肉鬆，芋泥，麻糬，呈現出台灣三Q餅的味道。紅豆沙牛乳奶香味濃郁，口感好像紅豆沙一樣幼滑。

📍臺北棧 (世貿中心) (銅鑼灣)📍銅鑼灣告士打道280號世貿中心4樓7號舖🟡三色鹽酥雞（柚子|松露|水牛城）$128🟡髒髒鹹蛋黃芋泥蛋餅$88🟡麻辣牛肉麵$128🟡 Oreo奶奶麻糬$98三色鹽酥雞以酥脆可口的雞塊為基底，搭配了三種別具特色的醬料 - 柚子、松露和水牛城。柚子醬為雞塊增添了清新怡人的酸甜滋味，松露醬感覺好高級，而水牛城醬有啲似明太子醬，微微辣嘅感覺。髒髒鹹蛋黃芋泥蛋餅，外層有啲鹹蛋黃，好香！而芋泥係甜，鹹甜交織，估你唔到咁好食！麻辣牛肉麵，我唔係好食辣，個辣到適中，可以接受！牛展有四五塊 ，份量好充足，濃郁醇厚的湯底，令人回味無窮！甜品Oreo奶奶麻糬必須要食！麻糬超級奶香，好軟糯，加上Oreo餅乾的酥脆感，勁好食！下次要試埋其他味道！

食過幾次新派台灣菜餐廳Checkin Taipei，佢嘅菜式唔止好打卡able水準仲幾高👍🏻次次去都食得好滿足😛😛呢日到訪新開嘅銅鑼灣分店，佔地頗大，裝修好靚😍好似去咗啲英式茶室一樣，有唔少舒適嘅卡位，仲有位置可以對住維港食飯🌃🧀原條鰻魚起司玉米蛋餅真係好大條鰻魚🤣估唔到上碟時仲會用火槍炙燒面頭芝士，甜甜地啖啖肉嘅鰻魚+芝士+煙韌蛋餅+粟米+木魚碎，經典好食嘅組合😋🍚櫻花蝦麻辣魯肉飯魯肉好淋好入味，醬汁鹹鹹辣辣幾香口😚😚醬汁份量不少，每啖飯都可以沾滿醬汁。🍰芋泥3Q拿破崙呢度最出名係台式牛奶麻糬，另外仲有好適合打卡兼好邪惡嘅芋泥拿破崙😈結合芋頭味超香嘅芋泥、拉絲麻糬、肉鬆、鹹蛋黃碎、鬆脆酥皮，口感層次豐富，鹹鹹甜甜嘅味道好上癮😋😋🍼木瓜牛乳女士恩物😳木瓜味好香。人均消費：$210推介指數（10分為滿分）：8分

此店提供新派台灣融合菜，在台菜料理的基礎上，加入亞洲其他地區菜式元素，創造出台式融合菜。朋友說客人十分多，故他每次都會一早訂座。今晚到來，坐在窗邊位置，可欣賞日落景致，不錯。✨ 黃金鹽水雞芭樂撈粉皮材料豐富，有海蜇、雞絲、芭樂、紅蘿蔔絲、醃酸菜及粉皮。伴以這店自家製，以紅蘿蔔、腐乳及鹹蛋黃混合而成的汁醬，味道鹹香。把所有材料伴好，整體酸酸帶微辣，口感清新醒胃。✨ 蒜香三色台腸原味、黑椒味及墨汁味的三種台式腸 ，外脆內香。配上炸蒜片，口感更香口。✨ 擔擔牛肉麵可選擇手工刀削麵或台灣寬粉絲。做得好的手工刀削麵不是到處找得到，我們就吃手工刀削麵吧。擔擔牛肉麵香氣飄飄，牛骨湯底加上濃香花生粒，湯底又香又濃郁。厚切的牛肉燜煮得軟腍入味。百頁豆腐滋味。口感帶彈性兼嚼勁的刀削麵掛上湯汁。還有脆炸蟲草花，口感豐富。✨ 芋泥三Q拿破崙 加入新元素的特色甜品令人期待。芋泥、麻糬、肉鬆、鹹蛋黃碎做成的拿破崙甚具創意。 一般的拿破崙面層會灑上糖霜或可可粉，但這一個則灑上鹹蛋黃碎。酥皮口感鬆脆，夾層內有芋泥、麻糬和肉鬆，鹹甜味道細膩有致，非一般的拿破崙。

台灣癮起，好想食牛肉麵，來到CHECK IN TAIPEI。暫時飲咁多間手打檸檬茶都未飲過檸檬冬瓜茶，一於試試！黑糖薑母鮮奶在牛奶與調和下，減少了薑母的嗆辣感，讓整體口感更滑順。手打檸檬冬瓜茶冬瓜茶加入新鮮檸檬汁降低甜膩感，清新酸甜!黑蒜牛肉麵湯頭是使用黑蒜及牛骨經過長時間熬煮而成，入口濃濃蒜香。牛腱肉軟嫩入味。皮蛋肉鬆蛋餅微脆的蛋餅包覆著皮蛋配上肉鬆，並淋上醬油及美奶滋，入口甜甜的，很飽腹。涼拌茄子口感清爽，配上大量櫻花蝦，味道鮮美。香蒜三色台腸入口香甜，原來加入了蜜糖，香腸片配上蒜片，送酒一流!芋泥三Q拿破崙芋泥、鹹蛋黃、肉鬆跟麻糬配上鬆化酥皮！芋泥甜度很低的關係，入口出奇地不覺膩，很值得一試！

香港越開越多台式餐廳，而世貿中心呢間臺北棧真係值得試一試。首先佢裝修精美，環境舒適，有幾張枱對住維港景，同三五知己打卡high tea就啱晒。講番食物，我覺得佢保留到台式食品的特色之餘，亦都適當地發揮到創意。以下係我哋叫咗嘅幾款食物同簡評：三色鹽酥雞鹽酥雞炸到外脆內嫩，三種醬料帶出三種味覺嘅刺激招牌牛肉麵湯底夠濃夠野味，牛展肉質夠晒稔唔痴牙招牌魯肉飯味道合格有餘，中上水準Oreo奶奶麻糬餐廳嘅招牌甜品之一，麻糬『煙煙韌韌』，好玩之餘，配埋oreo碎泥食，真係幾好味

想搵間靚靚餐廳同朋友傾偈就揀咗呢間！♥️呢間餐廳嘅台式食品個賣相好有心機，打卡一流！叫咗鹹蛋黃蛋餅，滷肉飯，茄子前菜，仲叫咗牛肉麵呢個唔記得咗影相🤭每樣嘢都整得好有心機，食嘅時候都食到呢一份心思！個人最鍾意係鹹蛋黃蛋餅覺得呢個係必食！同埋呢度坐得好舒服，同朋友傾偈慶祝生日一流！👍🏻👍🏻😋

這家台式餐廳位於銅鑼灣站附近，交通方便，室內裝修是以機場候機室作為主題，有海景，氣氛輕鬆，座位舒適。熱珍珠奶茶45元，茶味香，奶味正常，口感滑，甜味適中。櫻花蝦烏醋茄子48元，櫻花蝦香脆惹味，茄子肉嫩。麻醬涼拌秋葵48元，秋葵新鮮爽口，麻醬味濃。招牌牛肉麵配牛脂油108元，把牛脂油放入熱湯內，瞬間融化，增添濃郁香氣，牛肉質地淋，牛味濃，刀削麵彈牙，湯底少少咸。松露玉米起司蛋餅98元，賣相美麗，雞蛋餅底煙韌，玉米鮮甜，起司煙韌，很美味。芋泥三Q拿破崙108元，大大件，飽肚，蛋黃碎舖在忌廉上，脆餅鬆化，肉鬆惹味，麻糬煙韌，芋泥香甜，口感層次豐富，很有特色。

好耐冇食台式蛋餅、鹽酥雞嗰啲嘢，好掛住台灣嘅味道！今晚就嚟咗銅鑼灣呢間Check-in Taipei，裝修好靚，非常適合打卡📸 仲有窗口位望住靚靚海景👍食物選擇唔算太多，我哋點咗鹽酥雞、蛋餅、牛肉麵同埋麻糬，食吓食吓都幾飽。我哋飲咗杯紅豆牛乳，勁好味呀，紅豆味香濃，配牛奶真係冇得頂！如果多少少紅豆粒粒，口感再豐富啲仲正😋鹽酥雞好大件，配三款唔同醬汁，辣辣哋嘅水牛城雞翼味道幾惹味；我自己就鍾意松露醬多啲；柚子醬最清新，減低肥膩感😂蛋餅有好幾款選擇，我揀咗最Classic嘅味道： 皮蛋配肉鬆！一盒份量都好多，配埋醬汁都唔錯。牛肉麵最特別嘅地方係會有啲油脂，侍應話即刻喺湯度溶咗舊油脂，湯底會更加香更加好味。確實係咁樣！牛肉麵嘅湯底好正，我哋冇揀面底，揀咗台式粗粉絲，口感煙靭幾好味👍最後出場嘅甜品真係必食推介！！！麻糬香甜軟腍，配上海量嘅花生碎碎真係好正，而且花生碎碎唔會太甜，食吓食吓真係會清晒😂呢度環境真係好適合打卡同埋約閨蜜食飯，下次再嚟！

傳統嘅台北味道，再加上創意料理，更適合香港人口味。招牌牛肉麵 $108呢碗牛肉麵充滿了濃郁的湯頭和嫩滑的牛肉，每一口都帶來滿滿的滿足感。湯頭融合了多種香料的香氣，除左牛肉仲有其他配料，不知不覺已經飲哂碗湯。明太子麻糬蛋餅 $98蛋餅結合左台灣傳統的蛋餅同近年流行嘅麻糬和日式明太子醬，配搭新鮮，味道獨特。麻糬蛋餅煙韌，搭配上明太子醬的鮮味和微辣，半甜半咸，味道特別且美味。黃金鹽水雞芭樂撈粉皮 $128清爽彈牙的粉皮同芭樂、鹽水雞等配菜涼拌，味道鮮美且豐富，芭樂的酸甜風味和雞肉的鮮嫩口感，相互融合，感覺非常清新。芋泥三Q拿破崙 $108拿破崙酥脆，餡料有香濃厚滑嘅芋泥，口感豐富多樣，甜度適中，加入肉鬆咸香，不會過於膩口，飽腹感滿滿。

之前去過尖沙咀店，知道銅鑼灣開設了新分店仲知道裝修好靚，對正維港景，朋友又鍾意打卡，啱晒。打開餐牌，發現多咗新嘢食，涮涮鍋粥，甜品就有拿破崙及麻糬。酸辣雲耳蓮藕雲耳蓮藕十分爽口，酸酸辣辣好開胃櫻花蝦烏醋茄子🍆茄子好入味，非常清新鹹蛋黃芋泥球我覺得這款都算是甜品，有煎堆的感覺，內有鹹蛋黃芋泥，好美味酸辣魚湯牛肉麵湯底味道非常好味，微酸微辣，牛肉大大片，用上寬麵，喜歡嗰兩片豆腐吸晒美味湯底，好正伯爵茶凍芋圓朋友喜歡食芋圓，茶果啫喱滿滿茶香，芋圓煙煙韌韌芋泥3Q拿破崙喜歡食芋泥必點之一, 餅底鬆化夾上一層一層芋泥, 再加上肉鬆的鹹味, 配搭真好。芋泥牛乳，香滑芋泥味濃熱台南冬瓜茶，甜度適中熱百香果綠茶，好香百香果味

臺北棧 Check-In Taipei主打新派台式料理,由中環鋪轉到銅鑼灣世貿後裝修風格截然不同,輕奢華少女風格變得更唯美,望窗位置遠眺維港景色更為加分!三間分店同樣各有特色,故人氣一直高企!🔸髒髒鹹蛋黃芋泥蛋餅($88)蛋餅皮薄煙韌,再灑上鹹蛋黃碎同香芋粉,顏色吸引.內裡包住厚滑綿密芋泥同雞蛋.芋泥爆瀉狀態極度滿足芋泥控!🔸招牌牛肉麵（$108）選用本地六十年老字號「兆記肥牛」提供「牛脂油」,放入熱純牛骨湯裏即瞬間融化,添加香辣調味及牛脂濃郁香氣.炸蟲草花脆口,晶瑩薯粉有咬口,牛𦟌四大塊肉厚又軟稔!🔸芋泥三Q拿破崙($108)賣相巨型又有層次.濃厚芋泥,煙靭麻糬,惹味肉鬆加上鹹蛋黃碎和極脆酥皮,一次結合既鹹又甜、既脆又軟特別口味與味道,值得一試!🔹芭樂苦瓜汁($52)🔹芭樂牛乳($52)台灣苦瓜出名,當然要試一試.苦味重帶有回甘,清熱解暑.另外芭樂牛乳入口順滑又有芭樂清甜香氣,混合起來出奇地夾!

CHECK IN TAIPEI三間分店均有各自特色，而且更有不同限定菜式供應，這次正是衝著數款銅鑼灣分店限定的甜品而來。店內裝潢以台灣鐵路作為藍本，座位以華麗皇族花車設計，牆上以千片手工木拼成漸變日落的阿里山景觀，加上天花上的手繪梅花及藍鵲油畫，充滿台灣原住民色彩。三色鹽酥雞 ($128)鹽酥雞炸得乾爽鬆脆且保持肉嫩多汁，碟上伴有柚子、松露及水牛城三款醬料，其中又以柚子最得我心，並非以現成韓式柚子蜜濫竽充數，反而近似檸檬酪（lemon curd）一樣，酸甜有致更加清新。明太子甜不辣 ($78) 甜不辣一如既往炸至外脆內軟，口感煙靭彈牙，淋上明太子沙律醬鹹香突出。松露玉米起司蛋餅 ($98)蛋餅餅皮質感煙韌略帶彈性，選用鴨蛋所以蛋香的確更加突出，黑松露沙律醬加上粟米及芝士的組合固然難有差錯，水牛芝士味道較溫和所以整體亦不會過於濃膩，但緊記趁熱享用否則芝士冷卻凝固後口感會稍遜一籌。明太子麻糬蛋餅 ($98)蛋餅內藏明太子及整整一條麻糬，表面更舖滿櫻花蝦及明太子沙律醬，麻糬口感軟糯煙韌，本身只帶淡淡米香，配以明太子的濃郁鹹鮮正正相輔相成恰到好處。酸菜魚湯牛肉麵 ($148)四件厚切牛腱一如既

之前行街經過附近，已經俾門口嘅奶奶麻糬廣告相吸引咗🤩✅奶奶花生麻糬因為呢個係主角所以優先介紹🥰估唔到食物同廣告相可以整到一樣，打卡非常滿意又玩得又食得😋仲好重牛奶香🥛✅蜂蜜苦瓜汁係台灣風味嘅蜂蜜苦瓜汁，好驚喜💕（不自覺諗起台灣好hit 個間苦瓜汁！還原度好高）✅宇治抹茶牛乳特濃宇治抹茶，唔會太甜，仲有漸層，抹茶控表示很滿意👍🏻🍵不過呢度有苦瓜汁真係搞到我選擇困難症😮‍💨 ✅小食蒜香三色台腸、三色鹽酥雞、酸辣雲耳蓮藕選咗幾款小食同朋友share，台灣腸非常香口，食唔停口鹽酥雞配三種醬汁，雞肉夠大件🐔✅松露玉米起司蛋餅朋友第一次試蛋餅，一試就愛上，餡料豐富，黑松露味突出要留意呢度嘅蛋餅係餅夾住蛋，唔係蛋整成嘅餅🥚朋友喜歡前者，個人喜歡後者🤣✅招牌魯肉飯滷肉飯分量唔算好多，勝在有溏心蛋同好味嘅滷肉🍚！✅招牌牛肉麵藥膳味好濃郁，配料係蟲草乾，未泡入湯前脆脆地，口感幾唔錯，入湯後另一番風味，有得揀刀削麵/粉絲，粉絲相當入味🍜💛好味指數:4.8/5 💜回頭指數:4.7/5📍臺北棧 (世貿中心) (銅鑼灣)銅鑼灣告士打道280號世貿中心4樓7號舖

食貴價台式嘢係咩感覺？銅鑼灣世貿中心入面有好幾間食過嘅餐廳，雖然菜式唔同，但共通點係Premium都好高。好似呢間”臺北棧”，三人食分分鐘過千。咪睇佢啲滷肉飯只係68蚊，其實好細碗，要係咁加其他小食。海鮮面蛋餅係幾特別，鹹蛋芋球就幾好食嘅，反而主角嘅滷肉飯反而唔及台灣啲街頭小食。原來所有嘅錢都去晒裝修。非常柔和嘅音樂同極chill嘅彩光、梳化和遊艇景，可以隨意enjoy一個下午。有啲人坐喺海邊直程瞓着咗😂。