至尊重慶雞煲 (堅拿道西) (已結業)

天氣冷最適合吃火鍋暖胃。既然要吃，何不嘆個惹味雞煲再加湯打邊爐？週日在銅鑼灣逛街，鵝頸橋下就有家至尊重慶雞煲可以滿足我們的願望全包價158任食兩小時真的很抵食，現在很多地方都要2字頭了~除了火鍋料，這裡有店製飲品和前菜，也是任食~罐裝飲品種類也不少，除了汽水也有茶。酒類每罐加5元。吃完火鍋後還有雪條“清熱”男友不能吃很辣，所以只叫了BB辣。醬汁很深色質感濃稠，散發陣陣香味讓人口水直流一上菜時已經滾好，所以拌勻就能吃，半隻雞的肉量比想像中多，斬得豪氣，大大件啖啖肉。肉質嫩滑，沒有雪藏味，只有特濃醬汁的鹹香味和微辣感，愈吃愈爽店家提議加湯前放水魷花膠等食材，讓它吸盡醬汁精華，吃時味道更濃。我特別點了豬皮，熟後醬汁味道好重，正~ 芝心丸是正方體可拉絲的那種，水魷爽，鯇片滑。非常高興他們家的美國肥牛並非膏多過肉，大大片鮮紅色的肉只有一點點脂肪，質素挺好的。熟後牛味頗濃，肉質軟滑，忍不住要叫多幾盤。豚肉較肥，但肉質挺爽，不會整口油的樣子。凍豆腐也是吸收醬汁用的，味道濃郁，不過要吃得小心不要燙到~ 厚切午餐肉原來是火鍋佳品，年糕煙靭有咬口。既然我們的湯那麼濃就不點公仔麵點烏冬啦~ 是原包未開封的上

係銅鑼灣食飯，相對食物價錢一定會貴小小，但又未必食到應有嘅食物質素，但有時都會遇到D估唔到美食係度，又真係要睇機會，今次係朋友話係附近有間好抵食雞煲而且仲好好味添，咁要搵日去品嚐先得，除咗雞煲當然唔會小咗火鍋呢個組合又可以食到不同嘅美食，前晚就去感受一下美味重慶雞煲，而食肆係銅鑼灣時代廣場隔離鵝頸橋侧一座大廈裏面好易搵到一入門口已見小食自助區連醬汁提供俾大家享用，當然唔會小得汔水同啤酒呢D基本提供，坐低就已急不及待先去攞番罐啤酒解下渴先，而啤酒囗味都有6，7款選擇，我就比較喜歡呢款口味，其後就去小食區睇吓有冇特色小食，又俾我見到有拍黃瓜，茶葉蛋，豬手，雞腳等美食又可以食住先，估唔到仲幾好味再來係主角重慶雞煲，未食已聞到濃濃嘅香味散發出來，梗係食番件雞先入口肉質細嫩，加上雞肉吸收咗醬汁味道之餘又帶出小小麻辣嘅刺激，仲越食越惹味，連D汁都唔好嘥留番食火鍋用，雞煲食完又到火鍋出場火鍋配料亦一樣咁豐富，除咗美國肥牛同黑豚腩肉外，仲有呢度必食三寳花膠，水魷魚同牛柏葉，先放入鍋度等佢吸收咗湯嘅精華，咁食先最入味，而肥牛肉質肥美香甜，當然唔只一碟咁小要食得夠喉盡興咁先滿足其後繼續品嚐不同火鍋配料之餘

今天相約與好友慶祝生日,雞煲打邊爐就最好,唔使諗食咩,自己想食咩就剔人未到齊就先食熟食拎左魚旦同豬血食魚旦辣辣地,豬血都OK,加埋混合就豬血魚旦我地今日6人可以分兩個煲,有朋友唔食得辣所以一邊唔辣一邊小辣有辣有唔辣任君選擇隻醬汁都OK,配合埋紫洋蔥,莞茜.....滾下滾下,雞好滑,入晒醬汁味再加上配料炒香味,雞煲是OK的跟住食完雞就係打邊爐既時間咩都點下,叫左午餐肉,腸仔,魷魚,蓮藕,金菇,魚皮,響鈴,豚肉,肥牛,白菜,生菜,花膠,魚腩,芝心丸,其實丸食左好多隻,不過最好食都係芝心丸午餐肉,腸仔---打邊爐識食一定係午餐肉,吸埋D辣雞煲汁一流金菇,魚皮,響鈴--打邊爐吸味最佳食品呀,吸收日月精華咁,滾幾下食得,辣辣地得左豚肉,肥牛---肉頖方面,豚肉都幾好食..好香豬肉味,滾幾下就好快可以入口,又唔會鞋又唔會太肥肥牛,半肥瘦咬口重牛味好好食...唔會好肥魷魚,蓮藕--未落湯前用黎乾炒佢,好正,入晒味..花膠,魚腩---花膠要俾多DD時間滾到佢淋晒先食,真係好正,骨膠源呀....D魚都唔錯幾好食白菜,生菜--食左咁多肉都要食下菜既,D菜都算新鮮OK,唔會黃黃咁

約左好耐同幾個朋友食既生日飯終於都就到時間,選左銅鑼灣既至尊重慶雞煲貪佢又可以食雞煲同火鍋入到去店員先問我地要咩辣,有朋友唔食得辣所以我地兩個鍋分別係小辣同無辣等緊期間就食下D熟食先,醫下個肚小食中有幾多種頖,我們就拿左辣魚旦,豬紅...我自己仲拿左椰青水飲辣魚旦--隻辣味都幾野味,魚旦好彈牙唔係粉個隻既魚旦豬紅--唔會好似食神講咁一夾就散,都OK唔錯主角黎喇,黎食雞煲主角就梗係雞煲啦紫洋蔥配雞雞個紫洋蔥令到成個煲都野味晒雖然唔辣個煲但都好野味,雞就入晒味,慢慢煲住黎食點下汁黎食隻雞真開心,夾埋洋蔥就更加爽食完雞煲就到火鍋,點左好多丸,魚,生菜,魷魚,腸仔,金菇,肥牛,黑豚肉,炸魚皮丸入面最正就係芝士丸,咬入去D芝士必晒出黎,一流呀用雞煲汁去點下生菜黎食入晒味,有晒雞煲既感覺肥牛都好正,唔肥咬落有口感,又香牛味魷魚我地在落湯前炒佢,嘩,簡直係出面街食既魷魚魚旦咁炸魚皮同樣係點汁黎食都係好正

踏入秋天，天氣開始涼，打下邊爐食下雞煲就最適合不過啦。至尊重慶雞煲共有兩間分店，分別係旺角同銅鑼灣，是日放工約左朋友，當然揀左方便大家既銅鑼灣分店啦。雞煲大大話話都食過好幾次，究竟點食? 等我同大家講啦!揀左你想要既辣度之後，店員好快就會為你送上一煲雞，食完隻雞之後，就係時候放花膠，水魷魚同牛柏葉，再加入湯，就可以好似平時咁打邊爐架啦。「至尊重慶雞煲」係任叫任食既，$158一位，可以食足2個鐘，都算係咁啦。係等候雞煲既時候，我地當然出去睇下有咩餐前小食啦。餐前小食款式唔算多，最吸引我既當然係辣魚蛋，入口微辣之餘仲爽口彈牙添。雞煲好快就送到黎啦。因為同行既朋友怕辣，所以我地叫左唔辣，隻雞靚就幾靚，醃得都幾入味，不過都幾多骨，食落有D攰。D 雞食到7788時，店員就幫我地加湯，除左可以揀清湯之外仲可以揀辣湯，為左就同行既朋友，我地最後都係揀要清湯。其實雞煲本身已經好有味，所以加左清湯後其實都唔係話好清，湯滾之後，我地就開始打邊爐啦。Order 紙共有兩張，每種食物可以揀要一份至三份，唔夠可以再加單。我地只要用鉛筆劃上想要既食物同份量，好似當年考學能測驗時咁就可以啦。響鈴：呢度既響鈴係自家製

香港食雞煲太多，要揀一間正宗好食嘅雞煲絕對唔容易，唯有就係不斷咁去碰板，不斷咁去嘗試，皇天不負有心人，終於傀我試成功，搵到一間好食嘢。位置又方便易搵，係銅鑼灣鵝頸橋底。開頭有前菜食，意想不到係前菜都好食，茶葉蛋必食，超級入味！豬紅同魚蛋都唔差。到食雞煲，一拎出嚟就食得，唔洗等佢再煮，雞汁好好食，每一件都入晒味，汁又有少少甜，每一件雞都係啖啖肉。食完雞之後就打邊爐，所有餸都好新鮮，特別係午餐肉，超好食。牛肉唔洗講，掂！魚皮超脆！

秋風起就諗起食雞煲，雖然有好多地方食雞煲，但不是有好多間好味的雞煲，仲要有任飲任食的雞煲我一定選擇至尊重慶雞煲。餐前小食熱食魚蛋好彈牙，魯水蛋和豬紅好入味好香。凍食：酸甜蘿蔔好脆好爽酸酸甜甜，青瓜，甜甜辣辣好爽脆美味。雞煲我地叫小辣，店員一遞上來即聞到香噴噴的味道，雞肉嫩滑，辣味適中味道濃郁。粟米好鮮甜，炸枝竹索晒雞煲的味道非常入味，仲有午餐肉和連藕都好味道。炸響鈴是打邊爐必備的浸一浸湯即食非常美味。肥牛油脂平均牛味濃。花膠，牛柏葉和水魷魚好多不同的丸

平盡銅鑼灣@至尊重慶雞煲 在銅鑼灣食飯，基本上是沒有便宜的，天氣涼涼地，想食個火鍋又要飽肚分分鐘每人要幾百蚊落樓，至尊重慶雞煲原來在銅鑼灣也有分店，最難得是價錢和旺角沒有很大分別 $158全包，沒有加一什麼湯底醬油錢，歡樂時段仲要$118，真的平盡銅鑼灣 人多得一個點，食平野要有等候的心理準備，雖然人很多，坐位也坐得舒適，位下面有暗格放東西非常貼心，令東西不會沾上味道而且也有更多空間 生料紙，幾十款任點的噢 放題啤酒、汽水亦全部任飲， somersby都是任飲!!! 清熱飲料區 混醬區 也有好幾款小食自取，在等食之際可以邊食邊等呢 新鮮炸起的春卷 雪糕雪條一人一支，食完熱辣辣的雞煲，食一支凍冰冰的雪條好嘆呀 女 重慶雞煲來了，我們點了一個中辣的，味道非常之惹味，辣度很合適，辣得來又不會遮掩食物其本身的味道，雞好嫩滑又入味，二人的話，店員會給半只給客人，份量不多不少 之後就加湯去打邊爐了，我們不怕辣因此味道岩岩好 店員提示如果怕辣可在加湯前把辣椒拿走，就不怕愈來愈辣 美國肥牛是任點，肥廋適中，對得住這個價位 炸魚皮是必點的，非常之香脆而且帶有濃濃魚鮮 雞子

食過三四次，個雞煲好食，但之後落單既款式選擇不太多，仲要次次緊有兩三樣想食既冇。。。如果呢方面可以改善埋更perfect服務ok，叫換gas爐都好快手， 換骨碟都好主動環境都唔算迫

收費唔清晰，服務態度差差差，聲大大，街市講數咁！其他分店都係入座之後計兩個鐘，係計落單嗰陣時個價。而佢過咗七點半就係正價收費，唔理你幾點黎到。六點幾嚟到， 話可以食兩個鐘，最後係收七點半個價錢。同分店收費不一樣我可以理解，但計法唔同就不能接受！

12月12日约左兩個朋友聚會，有朋友提意打邊炉，我細想打邊炉不如食埋雞煲，朋友在銅鑼湾工作，所以選了至尊雞煲。先講小食，涼伴青瓜同雞腳都好好味，至於雞煲，火候十足，配上漿汁極之美味。另外火鍋配料都幾新鲜，飲品選擇又多，值得再幫襯。美中不足是坐位太逼，坐得唔夠舒服

從來未寫過食評，但今晚真係火到爆，今晚係銅鑼灣至尊重慶雞煲，六點到達，食完雞加左湯諗住打邊爐，6：45開始煲，煲到七點鬆d都唔滾，同佢講話個火細，叫佢換爐，佢話個個爐都差唔多，之後話落得太多水幫我地整走d水同俾個蓋我地，仲叫我地唔好落咁多水(水係佢地同事落)，佢就無出聲，我地又繼續等佢滾，之後七點半個男經理拎張單黎，我地除左雞之外打邊爐乜都未食過，仲好串咁話唔滾唔同佢講，我地咪話同佢講過，到七點半肯幫我地換爐，換完爐無耐就滾，所以明顯係個爐問題！八點就過黎叫我地交枱，好堅持要我地走，仲話咩已經俾多左半個鐘我地(我原本以為四個人只可以食個半鐘，原來可以食兩個鐘，即係佢又呃我地)我地咪話你有可以check閉路電視，睇下有無同你講過，同中間呆坐左幾耐，最後唔知係咪老闆交代另一個女侍應話俾多我地十五分鐘！最後我地都快快趣食完，食埋d野就走左，從來都唔係想特登賴死唔走，你一早換個爐咪無事，仲要好串咁過黎講你唔講，所以無乜必要唔好去，如果點都要去就記得check下爐夠唔夠火！

一早約左中學同學食雞煲，起初食雞都覺得味道OK，之後打邊爐，肥牛好吾新鮮，成盤野極油，侍應服務差，佢同我地講話冇湯了，但冇幫加湯，咁冇所謂，我地自己去加湯，之後佢就大聲話吾好自己倒湯，仲倒濕我條褲🙈🙈🙈最後四個返到屋企都覺得唔舒服，四個都肚痛，我個女性朋友回家即嘔，我最慘，半夜四點起身又痾又嘔。

呢間雞煲黎過N次真係冬天必食呀兩個人都應該有成半隻雞，肉嫩唔Un我地叫小辣，果然剛好飲品任飲但可樂竟然無曬，但無人refill返唯有飲其他自選醬料檯旁仲有啲小食，例如碗仔翅，雞腳、青瓜等食完雞煲後，其他火鍋配料都係任食，選擇都算多個人覺得性價比都幾高

琴晚臨時約飯局，為左方便友人放工，所以約係銅鑼灣。天氣凍最岩打邊爐！就係OpenRice 搵啦，又搵到間好似吸引既雞煲加上價錢又唔貴158全包，唔使加一！銅鑼灣來講算平啦，重係任食喎！仲有啤酒飲喎！仲想點先!好喇講番個雞煲，佢有分大中小辣，我地三個都食得辣，所以嗌左大辣。幾夠辣既，但又唔係入唔到口個種辣，仲有辣中帶啲甜，應該係落左好多糖，味道唔錯，唯一美中不足既係好油，超級油！158蚊由七點半食到十點半，基本上野食任食野飲任飲，除左韓國真露，韓國真露係要另外俾15蚊，價錢合理呀。至於環境方面就普通啦，啲位有啲逼。