至尊滿屋日本料理 (已結業)

晚約左個fd去出食晚飯，因為之前都有朋友推薦過呢到，所以我地最後揀就簡左呢一間餐廳。朋友帶路，好快行到過去，而且呢間餐廳都幾近個地鐵站，加上人流多，所以都好容易搵到，好方便。行到入去之後，座位幾寬敞，都坐得舒服，而且餐廳唔算太過迫。然後落單，菜單上面款式都好多元化...我地又咩都想試下...因為望落都好吸引，所以搞到最後差D叫到食唔曬，哈哈。其中燒雞翼，汁香肉味濃，外皮酥脆香口，雞肉鮮甜嫩滑，喜歡。炸雞軟骨，炸到金黃酥脆，入口好有咬口，調味恰到好處，沾上少少七味粉沙律醬，更加美味。一次愉快既用餐體驗。

平時成日同朋友食放題今次嚟到旺角呢間至尊滿屋試吓分享下我嘅食後感先🤣🤣..........我去果日平日嚟唔算多人！入咗之後張枱唔似得好似平時嘅放題咁好細😨大大張俾你坐好舒服！..........一嚟梗係嗌咗刺身先啦基本上款款刺身都好新鮮好厚切個人覺得三文魚丶帶子同埋螺係最好食！蝦就略為遜色！不過都好新鮮好好食🤣🤤..........壽司方面不過不失～佢嘅海膽手卷幾唔錯🤣..........至於熟食方面特別要讚嘅係佢嘅炸芝士好重芝士味而且唔會好厚粉👍🏻👍🏻不錯！..........整體而言普遍質素高想食下新鮮刺身或者同朋友嚟食都係一流👍🏻👍🏻🧡..........至尊滿屋日本料理旺角瓊華中心彌敦道628號7樓

約左朋友食放題，朋友之前食過呢間話正，決定黎試下星期二晚上都超級多人啊！好彩一早bk左位，唔係唔知等到幾時🤣前台職員就算咁忙都好有禮貌安排左既坐位算好坐 唔會迫到爆。坐低即刻每款食物紙撕一張落黎睇下先！！先叫多款刺身先擺放得超靚，我超鐘意食三文魚，呢到既三文魚夠新鮮又大份，好鮮甜！帶子都係。甜蝦有小小海水味，好鮮甜 食唔停口！放題唔可以食咁多飯，唔係就唔夠戰鬥力🤣但見到呢款芝士鰻魚卷又流哂口水，決定叫黎試下！飯都唔太大，入面仲有玉子同蟹柳，配埋鰻魚同芝士好夾，又唔太流，好食！蟹子沙律夠多菜，fresh!鰻魚壽司舊鰻魚好大，又香，鰻魚汁又夠味～燒菠蘿好甜啊，燒到岩岩好，咬落去仲好多汁，正！燒羊架最緊要夠羶，呢個就夠哂味啦我食生野之前通常都要食d熱野，所以就叫左個烏冬，點知意外地好食，湯好飲有昆布味，烏冬夠彈牙！粟米又係其中一樣愛好，清甜又夠牛油味！雞翼整得好好食，好香口，肉又滑黎到邪惡既炸物時間啦～炸雞翼好好食，炸得夠香又唔太油，食完一隻又一隻🤣夠完咁多肥野緊係要食返d生果中和下，生果係係飲品櫃隔離自己夾，西瓜都算甜，中和油膩一流飲品選擇都好多，fill得又快每位有得要一杯雪糕，仲要係m

黎過呢度兩次都係平日，今次約晒屋企人就book左星期六。上到去，明明book左7點3，我七點到左你唔比枱我明，到七點半我都無枱你會唔會過份左。要一行十幾人都等。原來而家間餐廳做晒大陸人生意，bilibala,個個香港人都無人理。以後都唔會再黎。

食放題就係為咗唔駛睇價錢放任咁叫自己鐘意嘅嘢食呢到裝修都唔錯,有些許日式風格，帶位個位好似係經理嚟,好有禮貌食放題第一round就梗係叫刺身先啦，呢到入座未叫嘢食就先嚟咗一盤刺身,好識做佢啲甜蝦同油甘魚真係超超超超鮮甜 赤蝦好大隻食落好鮮甜爽口 三文魚肥瘦適中唔太肥亦唔瘦啱啱好，好新鮮 我本身對香港放題對吞拿吞拿魚都冇乜期望,不過呢間嘅又幾新鮮爽口唔錯 希靈魚個texture好彈牙有小小似食緊蟹子咁都唔差 佢啲壽司都幾好食,舊飯細細舊一啖就食到落肚重點推介鰻魚同黑醋帶子, 黑醋帶子食落真係好香醇，超好味 鰻魚就食落好香好鬆軟，佢表面冇乜落鰻魚汁但食落係入晒味呢碟嘢真係超重點推介，叫宮崎豬肉串燒，真係勁好食，佢一上枱聞落已經好香,食 佢表面烤到好香一咬落去d豬油係口入面散開超級好味, 我靜係一個人都食咗5串，大家有機會嚟到一定要試下呢到嘅海膽手卷與其叫海膽手卷不如加個迷你係面，因為真係係好細舊,海膽食落都算幾鮮甜，佢咁細舊鐘意食海膽嘅真係叫多幾件都唔怕蒜香牛柳粒好鬼香煎到好香，食落淋淋地好香牛味,質素唔錯呢杯嘢飲係朋友叫，我試咗一啖酸酸甜甜咁幾好飲我自己就因為喉嚨有些小唔舒服叫咗柑桔蜜，

今次同朋友嚟到呢間至尊滿屋日式放題，咁其實係個朋友介紹話呢間好好食嘅。咁佢個內在環境呢就係一啲好典型嘅放題餐廳啦，入邊都乾淨企理啲員工呢個招呼都好好㗎，啲嘢食上菜又好快，食完野嗰啲碗碟呢都好快會同你收返。一坐低佢呢就會送上一盤刺身啦，入邊包羅萬有，有三文魚啦，吞拿魚，希靈魚，螺，八爪魚，螺片，甜蝦，油甘魚等。咁佢啲刺身好新鮮，尤其是係啲蝦啦，真係好鮮甜，又爽口。三文魚腩，都切得好厚，好肥美，好鮮甜。油甘魚，食落去有陣甘香，d油脂係口中開始溶化，咬落去，陣油香爆發出黎，真係好正。壽司呢我哋就食得比較少，都係一啲火炙類型嘅壽司，咁呢度有鰻魚壽司啦，和牛壽司啦，火灸三文魚同黑蒜油帶子壽司。我自己就覺得，佢個黑蒜油帶子壽司做得非常之出色，帶子同埋黑蒜油個味道好夾啦，已將舊壽司擺落口嗰陣時，濃濃黑蒜油嘅香味，會係口中湧出黎，再加埋本身帶子嘅口感，兩樣嘢相得益彰， 係一個非常之好嘅配合。咁鰻魚壽司都做得好好，舊鰻魚好鮮甜好食。呢個串燒豬肉，真係不得了呀，好好食！佢塊豬肉切得薄薄地，笑得好香脆，上面佢再灑啲孜然粉，豬肉啲油香同埋孜然粉嘅香味配搭得非常之好，不停咁衝擊啲味蕾，真係好正！呢個係燒牛舌，咁

今次是團購五小時放題，以價錢來說，是超值，一行14人，全男班，的確不可小窺，食量驚人呢！在朋友們到齊前就先來幾客刺身過過口癮，一上枱，原隻赤蝦就是驚喜，我亦是為它而來，大大隻，可惜一入口就是淡而無味，只有大而已，連甜蝦及元貝也難逃此命運，真是失望透了，為了公正起見，再叫一次，來的的確比上回好了一點點，但都與鮮味無緣，當朋友逐一到來，叫的食物種類就多了，生的熟的，還算可以，沒驚喜，也不會太失望，點單後的出菜率也算是來的齊全，失單少，在後面自取甜點的確是有水準，雪榚更是好東西，席上能取用的飲品更是好，有清酒、梅酒、啤酒及各式飲料，以此優惠價，五小時的聚會，未夠鐘都飽足離場。

今日難得同媽咪撐枱腳，就同媽咪食好d啦，媽咪話想試下依間放題。入到去地方夠大，座位夠寬闊，坐得好舒服。依度仲有得自助任飲清酒🍶，係我同媽咪嘅最愛一坐低，侍應叫我地唔洗點魚生，因為每枱都會有一盤刺身。一來到，賣相好靚，而且好新鮮，三文魚同帶子係我最愛，厚切，夠肥美，食落仲好鮮甜，甜蝦係我媽咪最愛，佢話好肥，對魚生贊不絕口。芝麻雞翼炸得好香脆，咸度適中，好好食。而榴槤炸彈好好味，榴槤香味十足。依個咖哩蟹d咖哩汁好濃，且夠辣，我叫左三轉，因為煮得好入味，食唔停。天婦羅外面層粉唔太厚，蝦🦐熟度剛剛好， 番薯🍠好甜，南瓜厚度適中，入口即溶。燒菠蘿好甜，好多汁，唔會有其他燒嘅食物味。而牛舌好爽脆，燒得好入味，黑椒味濃，唔會太咸。燒羊架，真係好好食，熟度剛剛好，且肉夠厚，肉質鮮美。海膽好creamy，唔腥！依個好食在於材料多及蠔熟度剛好。依個蟹粥好惹味，粟米多，又有蛋花，又有蟹肉，值得叫！最後就係甜品！入面有生果，有布甸，有蛋糕，我食左好多款，甜品甜度適中，岩曬我媽咪食

原本約咗朋友食放題 但遲咗到得返個半鐘 轉做定食 但係叫三個 定食 有沙律 湯 飲品 小食 甜品 送 好抵 另外加錢 叫壽司 每件2蚊 炒個菜加10蚊 另叫 赤蝦刺身 羊鞍 雞翼 埋單都係230蚊 每人115蚊 但我哋就好似食到放題咁 滿足 熟食好食過生食 天婦羅 好好味 雞翼 羊鞍燒到啱啱好 入面仲好嫩 赤蝦刺身好甜 我食過咁多間呢間啲赤蝦最好食 定食有包炸帶子 雞塊 帶子好食雞塊麻麻地 三文魚口感好 幾肥下 但冇乜 三文魚 味 加十蚊炒嗰椰菜好好味 勁抵食 都幾多菇 陪襯 食完仲有雪糕送 仲要係日本宇治綠茶味但我上個禮拜再去 佢話冇得送呢 ╰(*´︶`*)╯

雖然自己唔係好喜好食放題，但都明白放題係有一定吸引力嘅。就好似今晚咁，好肚餓得來，又諗唔到可以食乜好，就啱哂！我地去左瓊華嘅至尊滿屋，佢地唔同時間都有做緊優惠，大約都係200蚊左右一位，價錢實惠。坐低就寫D刺身啦，點左差唔多有10款，每款輕輕點4件試下。我地得兩個人都要花D力氣先清得哂！水準好唔錯，大赤蝦真係好大隻，吞拿魚唔會太削，希靈魚平時就少食，今晚都覺得幾好，唔會腥跟次序就梗係食埋壽司啦，點左三文魚，蟹棒，海老等等火炙系列，仲有蟹籽軍艦，水準唔錯！壽司飯大小適中，唔會食得飽哂。而自己都好欣賞呢度嘅熟食，我認為係必點嘅：鹽燒雞中翼，燒牛舌。兩樣都烤得好香，又唔會太乾或者太老。去居酒屋食都幾十蚊份，呢度放題任食，爽天婦羅蝦新鮮炸起，外皮夠脆，裡面熱辣辣，唔錯。另外都幾鐘意西京燒比目魚，細細件，一個人都覺得唔夠，要食多幾份最後仲點左牛油粟米，炒雜菜同埋蟹粥，好豐富，好飽。最後一提，飲品方面，啤酒，汽水都有十幾款，任飲；仲有熱茶，梅酒同清酒添！甜品

間中會去來食放題，呢間係性價比幾高嘅，今晚又同個friend來，一早訂位，來到瓊華都未夠鐘，好在店員見有位都即刻安排左俾我地。坐喺角落位置，都幾好，靜靜地。有去過瓊華嘅餐廳都大約知呢度幾大，位置雖然多，但因為價錢唔貴，都好多客人，最好訂枱喇。平日晚市7點半前離座或者9點半後入座係188蚊位，抵食menu方面同一般放題差唔多，應有盡有。刺身有三文魚、鮑片、大赤蝦、甜蝦、油甘魚、吞拿魚、八爪魚、玉子、螺片、蟹棒、希靈魚、帶子，我地每樣點左D試下。食過大赤蝦真係好正，一定要食，所以點左4隻獨享，食完朋友都話要encore三文魚非常肥美，刺身基本上都無雪味，仲難得有吞拿魚，都好唔錯壽司方面選擇都好多，我地都點左D，因為我唔係果種可以淨食刺身嘅人。呢度嘅壽司都唔會好大舊飯，一口份量。我覺得呢舊芝味炸蝦卷最好食，炸蝦係新鮮炸起，脆嘅軍艦方面都唔錯，係新鮮做起，唔會話放淋哂咁。赤貝壽司一般般，唔算好爽。火炙系列一向係我最愛，佢地嘅蟹棒幾得意，口感好滿足。熟食方面一樣多選擇，上菜就唔算話好快果種，但畫左嘅都有來，逐樣逐樣都好，起碼樣樣新鮮熱辣。牛舌燒到好香，而且仲keep到淋身，唔會鞋或者硬天婦羅都好

各類火鍋放題、日式放題比比皆是成個旺角東幢大廈都大把放題任我哋揀今日一家大細就走咗去時瓊華中心就腳咁樣食早餐日式放題午餐12點鐘入嚟瓊華嘅時候要排隊入𨋢，因為樓上間間都係食肆啱啱開門！餐廳都幾好，俾咗張好似坐到六個人嘅卡位俾我哋一家三口。我仔就一馬當先咁樣攞啲紙係咁填填填！佢唔理爸爸媽媽食啲乜嘢，自己鍾意咩就係咁寫！佢ordered咗好多魚生,佢最鍾意嘅火炙壽司尤其是係三文魚！另外就係咁嗌啲熟食例如炸蝦天婦羅、羊架、串燒牛脷、雞軟骨、一口豚肉串燒沒菠蘿等等等等而我就去飲品櫃取菊花蜜，老公就玩下個熱sake機，難得呢度有任飮！其實sake右邊仲有梅酒作選擇先上的是阿仔亂點的刺身，present得靚仔！螺肉比我想像不硬！旦和蟹柳是阿仔獨享，帶子不錯但我最愛的是蝦大赤蝦非叫不可！大隻！鮮甜！爽滑！我見到蝦頭有膏不過唔敢搏～驚喜地... $208+的all u can eat lunch有花膠食！味道不俗，食落個口好有「膠汁」，意想不到仔最愛的！他一共吃了十四件火炙三文魚壽司四件燒牛肉壽司炸蝦又是小朋友至愛！佢分咗一啖比媽媽昵～串燒好食！牛舌好，有個宮崎一口豚仲好，忘了影相隨了有個小甜品放題柜

食得自助餐或放題，食物味道固然重要，供應的食物種類也一樣重要，如果唔係，駛乜揀任食的，尤其叫個set dinner就得啦！未打開，單看Order from的厚度，仲要係 兩本，相信款式唔會少得去邊。而且 order form係彩色印刷，好精美，望落好專業好吸引刺身唔係好大件，但可以再嗌就冇所謂啦！ 而且全是厚切，咬落去仍是很肥美燒蝦好正，如果灑少少海鹽會更好味道燒牛舌佐酒時食就最好，焗蠔趁熱食最正，咖哩蟹的咖哩汁很惹味，燒魚肉質很結實，牛肉烏冬很彈牙...各樣的質素都很好我估好多人同我一樣，就算食飽飽都要食埋甜品才感覺完美，甜品一早已被掃了一半，另一個角度睇，應該是好食才搶手除了罐裝飲品任飲外，也有3款特飲，很清涼的，也可加椰果或芒果汁添

我好鐘意食日本菜，但偏偏日本菜就貴夾唔飽，所以朋友約親我食飯，我一定揀日式放題 --有過百種食物任點任嗌，都係兩舊水左右，又唔駛就住就住。瓊華中心呢間放題店的款式感覺特別多，而且質素亦唔差，沒有將貨就價，可以再幫襯過。呢到最好就係卡位之間有 "屏風"，方便傾偈，又可以遮一遮個 "食相"。刺身、壽司是必點的， 花之戀 、海膽手捲、櫻花魷魚、炸蝦、芝士鰻魚...樣樣都係我鐘意食的，he he...刺身其實都有好多選擇，我淨係點左三文魚、吞拿魚同帶子，要留番個肚食其他野。我覺得淨食刺身壽司已回本，加埋泰式生蝦、清酒煮蜆、煎比目魚、 燒羊架、炒牛柳粒、 一口牛...就係賺凸。.飲品也是任飲的，款式好多，而且唔駛 "大陸" 牌子。

今天同埋屋企人在瓊華中心吃午餐，想食日本野，就揀咗呢間日式放題 - 至尊滿屋。店內裝修很乾淨，可能啱啱開，入嚟嘅時候人唔係好多，但很快就坐滿了。它有一個飲品corner，有熱茶，熱清酒，另外雪櫃裏有很多汽水，啤酒，甜品。坐低冇幾耐，待應很快就送上魚生拼盤，裏面有大赤蝦，甜蝦，三文魚，帶子，八爪魚，蟹柳等。其中大赤蝦是必食推介。蝦肉很甜，另外很大隻很有咬口。清酒熱辣辣，配合魚生一齊，簡直係絕配。另外在點了一些壽司，有海膽手卷，燒三文魚壽司，鰻魚壽司。魚和飯的比例剛剛好，不會太大份，可多試幾款。熱食點了一些，椒鹽雞軟骨，羊架，牛肉壽起燒。水準也很高不錯。最後還可以選一杯雪糕，今天點了Movenpick的士多啤梨，吃完之後真的很滿足了。