至尊滿屋日本料理 (已結業)

放題黎講，一定係去旺角，貪佢夠多選擇揀左好耐，見到哩間至尊滿屋放題，又幾多正評啵！價錢200幾蚊一位，中規中矩，普通放題公價我係食6:00-8:00時段，貪佢冇咁多人上到去，帶位既STAFF好有禮貌，真係要大讚！因為好少可做放題會KEEP到好態度，因為佢地實在太忙！講返野食先，一坐低冇耐就上左個雜錦剌身拼盤～刺身好新鮮，有三文魚，TUNA魚，鮑片，帶子，油甘魚ETC我諗佢係想俾你乜都試下之後可以再追加D 刺身😊除此之外，熟食都好多選擇，全部都係即叫即整～炸物勁新鮮，FEEL到係即炸 同埋佢地冇漏過單！！！！真係值得表揚～埋單既時候會有張紙俾你揀雪糕食，有GODIVA同MOVENPICK真係乜都抵返哂😊我最推介既食物係：芝麻雞翼同埋果個燒魚干～

又去左食放題，其實而家放題質素我覺得已經好好，仲要好多選擇，價錢又平，今次呢間至尊滿屋日本料理。佢都好多回本嘅食物，首先一定要嗌嘅就係刺身， 我覺得佢真係好新鮮，而且切得又好，唔會切到好薄，又細塊，係又大塊又厚身，一啖食落肚，成個口充滿咗魚油香，好滋味， 而且溶雪處理得唔錯，食唔到雪藏味， 三文魚，吞拿魚係我最愛。另一回本食物我覺得係海膽手捲，一嚟就要食，又係好正，睇得出好新鮮，我食左兩次， 兩次手捲海膽都好鮮甜， 而且份量都幾多，幾好食。壽司款式都好多，我都食左幾款，當中有芒果嘅好甜，好食丫。其他例如花之戀等，又係好好食，吾會大舊飯咁，正。其他天婦羅，鍋物，燒物都幾好，我最後仲食左碗烏冬，食左暖粒粒好舒服，我都食得好開心。

好耐無去食放題，事關小女子細食，唔食得幾件就封曬胃，既然同朋友一齊去，開心下都好！放題我只食非澱粉質食物，我自己點左：三文魚，好肥美帶子，鮮甜無雪味油甘魚，爽口新鮮吞拿魚，我至愛，無得輸！大赤蝦，好大大隻呀！甜蝦，同個名一樣咁甜。燒菠蘿，油香又甜天婦羅蝦，炸的乾身不油膩燒脆肉瓜，好清新的味道飲品方面很豐富，清酒任飲，而且係熱住的我就自己飲左一瓶（餐廳提供的陶瓷小瓶）還有啤酒任飲,唔系一般放題阿叔飲的 cheap cheap 獅威，係百威還有H oegaarden，中意飲兩杯的朋友有福了。最後還有甜品，Haagen-Dazs！完美，滿足，感恩！

好正丫！好耐冇食過放題啦～今次朋友生日終於可以放縱下啦😋😋😋😋😋來食放題當然唔少得刺生啦！哇！超級靚～刺生又生鮮，甜蝦係超！級！甜！好正丫😍好耐冇食過d咁正的刺生，而且選擇都幾多，油甘魚、帶子、吞拿魚、八爪魚等等⋯油甘魚更值得一讚！有時食刺生最怕食到d咬唔開的位置，但呢到就冇～係食咁多塊，so yummy!呢到仲有各種壽司😋正丫！由其係芝士鰻魚卷，芝士味重同鰻魚溶埋一齊～仲有我最愛的芝麻雞翼同榴槤波波！剛剛炸起！新鮮，夠熱又美味😋😋😋仲有鹽燒蝦！燒羊架！燒得唔韌又冇羊陣蘇味～同呢到有鰻魚窩飯！小小窩幾個人一齊一人一口就剛剛好～最後食雪糕有榴槤味！正丫！好少地方會提供呢個味道的雪糕仲有各種飲品！同甜品水果！呢到食物質素同服務都好不錯，呢個價錢有呢個質素，的確係性價比高！值得一讚

難得今日同老公放假，就緊係行街shopping 食好DD。而我們又勁鐘意食日本野，就係旺角揾到呢間放題。上到去人流都多，等左幾個字左右。舖頭既面積都幾大，座位闊落坐得好舒服。飲品選擇都好多，除左汽水，仲有梅酒，啤酒....店內仲有自助形式的甜品區刺身整體黎講都好新鮮，三文魚同凡立貝係必食的。炸物不油膩，炸香芋丸，外脆內軟，不會太甜，好味。雞翼，天婦羅都同樣香口鬆脆整體黎講啊到食物選擇多，質素都唔錯，竟然每位仲有movenpick 雪糕送，好抵食

星期二早收工約埋同事出旺角行街， 行到攰肚仔餓梗係要搵嘢食下， 經過瓊華中心， 見到有間做放題的至尊滿屋日本料理， 價錢唔貴二百零蚊左右， 一於上去試下。入到去等了一陣就有位，店員安排我們坐梳化卡位， 店舖唔算大， 但係走廊空間充裕唔逼， 加上多卡位， 都算坐得好舒服。 食放題首選梗係要食刺身先， 總數12款，離不開基本的三文魚甜蝦吞拿魚油甘魚帶子北海道螺希靈魚鮑魚片八爪魚......等等。刺身賣相精緻顏值高， 睇得出師傅製作用心擺得好靚，真材實料非常新鮮，質素極高真係冇得輸。三文魚~~大大片厚切好肥美，入口即溶好正。北海道帶子~~size唔大但味道勁鮮甜。大赤蝦~~頗大隻， 蝦味濃肉質Q彈。甜蝦~~蝦身晶瑩，口感黏黏甜甜味道鮮甜。吞拿魚~~色澤紅彤彤，肉質厚實，油脂甘香，入口溶化。油甘魚~~肉質新鮮透白，囗感帶少少爽脆，味道甘香。希靈魚~~魚身帶粒粒魚籽，咬落好爽好彈幾得意。北海道螺~~螺味幾濃，口感韌中帶脆，非常爽口。我哋揀櫻花魷魚和辣味螺肉軍艦， 櫻花魷魚係本人至愛，但唔係間間有得食， 鍾意佢煙煙韌靭又帶卜卜脆的口感， 配上微暖米飯唔錯。必點花之戀， 外型ㄧ般般唔夠均勻結實，上面

由於好耐冇食日本野，之前食過創興同荃灣既滿屋，所以就試埋呢間。點知，咁就岀事啦。亦以後唔再食呢間野。我同男朋友係食6:30-8:30既入到去人唔多 客人大概1/3左右啦一入到去就開始叫野食 咁都等左正常時間當開始第2round（大概7:00左右）叫野食啦 一叫就叫左6張 係d熟食 剌身 炸物 同炒雜菜除左刺身 一直都冇野上枱 等左30min心諗仲有1hr 都等得既 又再叫多6張啦之後只係岀左天婦羅炸蝦 又冇啦坐到8:00 都見對面枱都新入坐仲開始食野我就同個侍應講：我地d野除左第1round泥左大半 其他野都仲未泥 我地8:30就要離開啦 可唔可以跟下咁侍應淨係講句：有寫就會岀嫁啦 咁我米再落單 因為得番30min，我同男朋友就一次過寫哂啦 寫哂d會飽既野 eg. 湯烏冬 味增湯 蟹粥等等之後就岀左第一round既炒雜菜 第二round既羊鞍 牛栢葉 天婦羅炸蝦我同男朋友仲未飽 男朋友得3成飽⋯⋯到8:20 我就直接到侍應講：你可唔可以幫我地跟一跟d單因為我地d單岀得一半 我地仲未飽我地8:30就要離桌之後侍應就話：咁我比你地坐耐d你地寫多次落d咩比我地丫之後寫完再坐多陣就上左一條

款式幾多 係嗰度慶祝生日仲送蛋糕 3個人坐6人枱幾舒服 唯獨甜品方面有啲失望 芒果布甸食落冇味 其他奶凍都麻麻地 反而朱古力糯米糍同芝士蛋糕不錯 服務員態度不錯 冇漏單 收碟都好快 有效率 係旺角黎講 算係一個不錯嘅放題

因為買左coupon，於是就同屋企人早早未到12點就到呢間餐廳到等，一到12點就即刻坐低，叫晒d刺身，炸物，燒物，真係諗起都真係大大滿足。初初以為中午個地食物肯定就唔會好得去邊，但原來上來嘅食物都幾好質素喎，仲要係好快就有得食個隻。款式多之餘，亦都有不同嘅配搭，總結呢次中午嘅放題，真係算無得彈啦。

喺旺角實在太多間日式放題店，想搵間性價比高又唔會食到肚痛嘅都有啲難，今晚挑戰依間，豬朋友話佢有質素。佢有非常之多嘅食品選擇生熟食物都有，似乎熟食嘅選擇有非常之多。佢仲有清酒同埋梅酒任飲佢個手卷真係超級迷你一啖一個都幾有趣有多款刺身可以選擇，但係我哋坐低冇耐佢哋就上咗依一個刺身拼盤，三文魚冇死厚切肥美，希靈魚都唔錯，油甘魚都幾好。但係啲蝦呢就去㝅得唔係咁好啦，爛爛地咁。帶子就細細粒啦。壽司一般啦，比起街外嘅平價壽司都叫做有D質素但係個壽司飯似乎唔係用醋飯做嘅。

去旺角食放題要求一向唔會太高，性價比係好重要，今次同唔食生冷食物嘅朋友一齊食，估唔到會有咁多好味熟食。雖然話今次主要食熟食，但佢每枱都會上一客刺身拼盤，都幾厚切，百幾蚊放題來講，質素算唔錯。依個燒豬腩肉好吃，有再encore 朋友之前嚟過話羊架非常好，今次一次叫4件，件件大件少肥油，啖啖肉蒜片牛柳粒都幾好白酒煮蜆量多，但老咗焗蠔幾好食，雖然蠔細粒酸菜豬肚唔錯，幾入味牛舌細細件焗釀蟹蓋又幾滿幾好食喎！

呢間放題店開咗一段時間啦，但今次先第一次去試。午餐時間人並不很多，環境尚算寧靜，都幾適合同朋友聚會。一來到先叫了一盤刺身，入面有赤蝦、三文魚、吞拿魚、八爪魚、玉子和帶子等。樣樣都幾新鮮，帶子尤其出色🤤🤤另外也叫了一些串燒和熟食。值得一題的是這裏竟然有花膠可以叫🤣🤣最啱女仔食補充骨膠原啦。而傳統的串燒和炸物都一應俱全。推薦芝麻雞翼和羊架🐑🏠至尊滿屋日本料理 (旺角)旺角彌敦道628號瓊華中心7樓全層

入面都有唔少選擇可以簡有壽司刺身之餘 仲有多款熟食啲壽司刺身都算衛生乾淨 我覺得三文魚刺身幾好 味道不錯我朋友就好鐘意食帶子刺身呢個價錢黎講 算係唔錯嘅選擇同埋啲熟食都幾好味送到黎嘅時候 都仲好熱而且味道都唔錯熱食就推介食牛舌

同一班同事第一次來食 ， 好鐘意刺身 同埋 羊架 都好好食。食物多元化， 多選擇，餐廳旺角地點都好方便。👍👍👍 價錢對放題來講唔錯😁👍👍👍Great Japanese buffet style here !! Love the Sashimi quite fresh and also the food are varity and good quality, will suggest this !! The location is in Mongkok and very easy to go by MTR MK station E exit

原本約左食哩棟大厦既其中一間餐廳，點知撘lift期間見到哩間放題，就係咁，一秒之間我地就轉左食放題啦突然的衝動又好好彩兩嗰人即刻有位，好興奮有得all I can eat ar食放題就梗係要狂嗌狂嗌同狂嗌架啦哩度既刺身又幾新鮮喎，仲有玉子食添熱食既煎羊架又幾好食喎，所以嗌多左一round🥳