自助山

营业中

休息中

生日book 左慶祝，3月份新價錢，加價了～book 左食lunch buffet~旋轉餐廳。。雖然轉得好慢。。不過都feel 到佢轉🤣（應該2hr左右，轉左個半圈😆）有時拎完野，到出來果下因為個位置有d 唔同左。。會果下突然行錯左方向🙈🤣雖然野食選擇唔算多。。不過佢甜品做得好好。。。平時好多都剩係"死甜"~所以佢呢間甜品應該都幾主力😋😋邊食邊望每層樓的天台。。有d 都幾得意😀.另外如果生日，可在網上booking 時，揀+$50有件cake~同埋book 果陣有分揀坐出面定入面～同預先比$400 訂～（注：唔去都無得退的🙈🤣）兩個人加埋：$974.6.點心都唔錯，每人每次拎兩籠～.入面的熟食都唔錯～.裡面環境都靚。。食lunch 都唔錯😀

為左慶祝生日 要早一個月BOOK 定, 勁好采有BOOK到前排座位可以一路食一路睇住香港夜景大約6:15 分去到 , 記得記得***如果有泊車, 記得6點先好入停車場, 先有得免費泊車呀***係大堂等左陣就上去餐廳位置都好寛 員工會叫你坐一陣6:30 就可以出去伶野食啦佢包一杯橙汁同一杯餐飲出去伶野食見D員工都好快甘REFILL 同收碟都好快望住個夜景食真係幾吾錯~ 慢慢食同傾計... 慶祝紀代日/生日..自助山真係幾吾錯的十分推介~~~

伏!   伏!   伏!噚日食完慶生飯，平時從不寫食評，今晚忍唔住都要寫返篇，警惕其他人不要再上當!!!冇嘢飲，成晚除左坐低比果杯橙汁，就得水，之後就得最後嘅餐飲。一開始先食海鮮，麪包蟹D膏好少，龍蝦咬落去好鞋似擦膠，蟹腳冇鮮味，只有海水味，鹹到好似食緊D鹽落肚，食咗大半個鐘，經過海鮮區見到一個人都冇，大家都知嘜嘢料!熱葷選擇少，除左嗰個所謂鮑參翅肚(但都係好一般) ，其他不提也罷!全晚最好食係刺身帶子，但櫃位嘅侍應塊面黑到好似D客係佢殺父仇人，話晒都算係貴價餐廳，但服務態度居然比街坊餐廳還不如。最離譜就係D雪糕，攞啲雜物牌子雪糕出嚟，標明話係自家製，真係當人哋傻！收九佰幾元一位，H同D字頭雪糕都冇，講得通嗎??   未試過食自助餐無食雪糕就走!另外旋轉餐廳嘅轉速有點問題，記得以前要坐定才感受到，但宜家快得明顯，同時係轉到某d位就會"Chok" ，有D暈船浪嘅感覺呀！ 價錢貴(每位連加一要$933) ! 品種少 !服務差 !總括而言  :    完全唔值，唔洗嚟，除非你執到錢

再戰自助山每位入座賓客都有一杯餐前橙汁。今晚完全沒有吃自助餐必吃的海鮮，傻了嗎？吸晴的甜品依然是我至愛，不太甜，賣相食味俱佳，打咭一流。必食的鮑魚海參花膠，夠軟腍，多吃一點也不會胃脹。源源不絕供應，每次限取一盅。各式涼拌前菜沙律都很好食，可惜今晚沒有了磯煮鮑魚。中式點心有一籠兩粒的蝦餃，餐廳職員推介的蘿蔔糕，超級難才取到的蟹粉小籠包，重份量的燒賣等，每人每次限取兩籠。餐廳本週推介的咖啡葡撻，入口微溫，撻皮有層次，口感酥脆不膩，咖啡味不突出。即灼大頭蝦，熱辣辣，肥美多膏。360度，超多選擇，中西湯、泡菜鮑魚炒飯、黑松露通粉、印度薄餅、翡翠螺、麵包蟹、帶子刺身、油甘魚、三文魚、鐵板青魚、帶子、燒臘等等最重要的是服務：保持水準 - 沒禮貌。晚上6:29顧客預備取食物，職員很衝動的制止，並說：未夠鐘，未夠鐘；我6:30特意去取食物，另一位職員說：都未夠鐘，我話已夠鐘，對方說：未得未夠鐘，我用電話報時說依家6:31了，職員才半推半就給我取食物。禁止自助晚餐開始前偷步是超讚的行為，但是請禮貌點。（之前兩次用餐體驗也很不禮貌，真的要多注意）

公司聖誕節選了lunch buffet，大家都十分雀躍，想一試傳說中的餐廳。我覺得午餐比晚餐時間更好，可以看到更多景色。而餐廳是隔段才轉位置的，食完成餐，都算可以看到大部分環境。名副其實，這裡食物種類超多，簡單分享一下，建議大家自己再來~冷盤方面: 有大量cold cut 及不同種類的芝士，算是不錯凍海鮮: 有青口，螺，蝦，蜆，長腳蟹。蝦算是大隻而且彈牙，而長脚蟹就正正常常即切肉類: 牛扒生熟度剛剛好，味道也不錯，但油脂不足點心: 蒸點心大約每10分鐘出一次，每人只可拿兩籠，但一出來還是會立刻便會被掃光光。最好吃是燒賣，超大粒又好味，已拿了3次。其次是蝦餃，雖然略皮厚和未夠爽口，但也好吃。最後是，蟹粉小籠包，皮略嫌厚，味道可以肉汁夠，也可一試。大家記得要試XO醬，真料實料，配點心非常好~甜品: 都是有很多款式，有窩夫、生果、雪糕、朱古力噴泉等等。自家製的雪糕當中我覺得"橘子味"最出色。還有必要試的就是 ''柚子桂花糕'' 不太甜，而且滿滿的清新柚子和桂花味

食物都ok ，一上去有服務人員排隊帶帶位，服務好，食完收碟快但提供食物的服務人員態度欠佳例子1)切刺身的後生服務員同我講:，態度有點惡，唔明得我一個客，又唔係好忙例子2) 去到取燒物服務台，問服務員有無鵝肝，但refill 的服務員回答:服務員講，唔該各一份肉，對方就皺着眉，講(攞碟嚟)，態度惡劣我們一家四口，同行三人都覺得提供食品的服務員的態度差，欠缺耐性，無服務可言，晚餐每人平均九百幾元，唔會再去Ps 旋轉時，有啲Chok ，頭頂上嘅燈會搖晃，有少少似喺船上食飯甘

先👅今次只可當沒有熱葷盤的介紹～咁高樓層嘅餐廳除咗初代cafe103外，自助山係第二次，今日週年慶，早一個月book定窗口位，配合旋轉睇吓夜景麻～當然山景果邊係⋯⋯比較黑啦，環境舒服，服務大部分都好嘅⋯⋯唯一一個女嘅，失雞無神起你後面伸手收野又冇問要唔要⋯⋯好講返食物～冷盤～常被人忽視的～兩款鵝肝凍，味道唔錯，沒有皮肉分離情況。風乾牛，味濃濃，有牛香。風乾火腿，有豬香。風乾肉腸，嗯普通正常野。芝士～真心我夾果陣冇影名，冇記錯Brie ，Mimolette，Beaufort， Munster Blue de Bresse ，有齊軟半軟半硬同硬，以上我最愛 Brie 同Blue de Bresse ，味道我覺得唔錯，如果佢有羊奶我會仲開心～雜果龍蝦杯～哈密瓜配龍蝦肉碎～正常蟹肉燉蛋杯～ 上面嘅蟹肉夠濃味，但係所謂嘅燉蛋我就唔覺得似燉蛋。凍海鮮～麵包蟹～ok嘅冇早前有師兄話內部有似未解凍問題。波龍～肉質ok ，實淨，正常發揮。蟹鉗～好食同方便。長腳蟹～ok 正常發揮另有 青口，凍蝦，帶子 都正常(冇影)燒味部～乳豬～皮脆肉嫩，肥廋合適。叉燒～我夾咗舊肥燶廋，正呀有豬味燒鴨～皮脆肉嫩，濃濃鴨

自助山喺灣仔合和中心嘅頂樓，要搭2-3次電梯，兜來兜去先搵到。我地今日去咗食佢嘅午市自助餐，網上面唔難Book。我覺得食旋轉餐廳，日頭食嘅景色靚過夜晚。餐廳唔係一直都旋轉，而係隔一段時間先郁少少，食1-2個鐘都望得曬七成至八成港島嘅景色。午市自助餐黎講，食物種類比我想像多。我地咁啱坐咗喺甜品位置，選擇一樣係琳琅滿目，而且夠曬細份，可以試幾多，最靚嘅係自助餐嘅朱古力噴泉。#灣仔 #WanChai #buffet #自助餐

🎈閨蜜🐷生日，她選擇了《自助山》吃午餐，網上預約，進餐時間：平日由下午12:00至14:30，由於大家要返工，所以訂了12:45。第一次去合和高層吃飯。對我嚟講，餐廳沒有驚喜，普通裝潢，當天天氣陰暗，沒有景觀可賞！🎈先行了一個圈觀看食物，看落去沒有大驚喜，隨便攞了合自己口味的食物，出去4次取食物，個人覺得是一般。5⭐️👍食物⭐️⭐️⭐️熱盤選擇不多冷盤如海鮮，蝦蟹還可以，螺就較硬魚生類比較好，算新鮮雪糕味濃甜點較甜環境⭐️⭐️只有窗外景觀，不大吸引內在環境普通服務⭐️⭐️⭐️進食區服務員尚算有禮食物管理員就差了點，無聲無氣

最可惜沒有生蠔供應，衹得麵包蟹，雪埸蟹脚，青口，中蝦，蜆，還有三文魚刺身，赤貝刺身，壽司，燒羊架，烤牛，中式點心有蝦餃，燒賣，珍珠鷄，千層糕，甜品蛋糕西餅大約有10款以內，唔錯，散莊雪糕，有3款味，但口味一般，生果例牌西瓜.菠蘿.哈密瓜.火龍果，有中湯老黃瓜煲猪骨，西湯週打魚湯，包一杯例牌餐飲，這Buffet主要係爲了有璇轉餐廳看風境，價格加一埋單約HKD$550一位

每年生日都渴望與最愛的家人👪👩‍❤️‍👨度過，今年也不例外。我們要提前一個月經官網先可以預訂到窗口座位。😁當日11點半抵達合和中心，乘坐觀光電梯，一下子便上到56樓接待處，好好玩。接著到時間快要12點時，服務員才陸續邀請客人再坐電梯上62樓。🤩自助山食景是眾所周知，香港靚景盡收眼底，食物反而成了陪襯品。我哋邊食邊影相，忙得不可開交。時間很快便到了2點半，服務員叫我哋要準時交枱，準備下一場。😲講返食物質素，誠如很多食評話齋，只係一般般，唔會有太大驚喜。海鮮方面，有長蟹腳🦀，但很瘦而且十分咸，不是太好😱。另外有麵包蟹🦀，沒有生蠔和龍蝦🦞。刺身🐟就有常見的三文魚和鯛魚，我只取了一次就沒有再取。有燒牛肉和羊架，羊架較嫩，但牛肉不夠嫩滑，又係只取了一次。總括來說，食得很趕急，如果可以俾客人坐到3點，慢慢食慢慢欣賞風景的話就更好！😁

朋友話好懷念以前富麗華酒店嘅旋轉餐廳， 但現今只得自助山係全港唯一嘅旋轉餐廳， 訂位要上網預約（午市自助餐價錢係$398＋10％） 兼要先畀每人二百元訂金， 可能因為餐廳太受歡迎， 經常爆滿， 所以先有此規定， 在商言商， 無可厚非。 由於只係用餐前幾日才預約， 所以只可坐後排座位。 餐廳位於合和中心62樓， 需要先上56樓再轉電梯才可到達， 56樓有休息區方便早到嘅客人等候入座。食物區分咗兩層，較高層有凍海鮮、燒味、即淥粉麵、中式點心、天婦羅、烤肉等。客人坐位區就有冷盤、刺身、 壽司、熱盤、湯、燒牛肉同甜品等。凍海鮮有蟹腳、凍蝦、東風螺、蜆同藍青口。蟹腳 size 算細隻但味道都實淨鮮甜，凍蝦就幾好，夠彈牙，其餘只是一般。刺身就有三文魚、八爪魚、鯛魚同鰹魚4款，味道只是一般。燒牛肉好粉嫩，燒得啱我心意，好正，煙三文魚就有兩款，個人喜歡佢自家製嘅紅菜頭煙三文魚，超嫩滑，味道啱啱好，唔會過鹹，食到忍唔住口要攞多兩轉。各款沙律菜都好新鮮，款式都好多，醬汁都有好幾款撰擇。燒味就有叉燒、燒鴨同油雞三款，味道只是一般。中式點心有蝦餃、燒賣同牛肉等，只試咗燒賣，個人覺得冇啲人講到咁好食，只是夠大粒

這次是星期日我和老婆到了自助山吃第二輪的自助午餐，時間是15:15開始，那次我們沒有 預訂， 但幸好也有位給我們，只是沒有靠窗的位置，聽說靠窗位置必須上其官網預訂。其座位十分舒適，因為我們只有兩人，但他們也比四人位我們，所以有足夠的位置放袋，和旁邊的食客也足夠的距離， 最重要的是該單開餐廳會自動旋轉，所有食客也可以看到最好的維港景色。食物方面，凍海鮮有青口，螺，蝦， 蜆 ，長腳蟹及麵包蟹。長腳蟹質素不錯，有鮮甜味，不太鹹，而且也有淡淡的蟹味 雖然未能一條條地拉出來吃，但也非常好吃。大約半年前，其麵包蟹的膏非常好味，但這次麵包蟹的膏有腥味，而且肉質也不太鮮甜，可以不吃。牛扒的味道ok, 生熟度和牛味不錯，但油脂不足。羊架非常好味，羊味充足，和其醃料的味道配合得不錯，油脂也很夠。刺身方面有三文魚, 鰹魚, 吞拿魚 八爪魚, 赤貝, 鯛魚， 但味道也是普普通通，鮮度不足，而且赤貝有點黑色，所以赤貝連吃也不敢吃。熱的甜品方面非常推薦葡撻， 葡撻的份量很少，餅底十分香和脆， 蛋漿不是很甜但有蛋香味。那個粉麵必須一試，它的喇沙湯底蝦味非常 濃，麵也不太軟，非常惹味， 其自家製xo醬也非常足料，有很

今次公司聚會 老細揀咗去自助山度食 聽講呢度以前好難book位 今次同啲同事嚟食 早咗兩星期book位 風景好靚 其實感覺都輕鬆嘅 員工的服務態度好好 清蒸石斑係好食 啲同事話熟食OK

差差差，極失望，冇嘢飲，就得（水）（除左坐低比果杯橙汁 之後就到最後果杯餐飲），芝士焗龍蝦，攞兩次都係唔熱，睇住佢攞出嚟都唔熱，熱盤全部冇食過，除左個所謂鮑參翅肚 都只可以講普通 好一般，埋單855.5一個人 冇生蠔食，比童軍總會仲差，同港威差唔多價但係港威贏佢十條街有凸，馬可孛羅贏佢唔多7-8條街左右，小籠包同369一個天一個地，蝦餃都費事試，叉燒ok 同普通燒臘店有得揮，鵝肝好食但係出得好慢，窩夫同石頭麵包冇分別，切餅得兩個，得個境靚，就甘，總知唔會再去，我從來唔寫食評，今次係第一次