腸粉皇

营业中

休息中

大字標明腸粉6元一碟，落單時老闆娘/店員會問‘有乜嘢醬唔要？’，簡單乾淨利落。 腸粉滑溜，不會過厚，新鮮熱辣，麻醬甜醬豉油芝麻，樣樣都齊，又真係幾好味！ 以前不時會去街邊檔醫肚，可惜現在小販沒有了，食物的味道也變了。當然，過去不可追，但偶然遇到，那個頃刻間能喚回舊感覺舊記憶的風味，很是不錯！

When I was young, 腸粉 is one of the best snack to have after swimming. 熱辣辣, 甜醬, 麻醬, 辣醬, 加上芝麻, 非常好味. As time goes, those traditional 街邊腸粉檔 are almost all gone. Saw this place in Wan Chai, it reminds me of the old days. So I want to give it a try.腸粉 is hot and fresh, but does not have a lot of 米味. But since you usually add a lot of 甜醬, 麻醬, 辣醬, it still taste pretty good. It does give me a flash back of old days. 過去就是過去, 我諗好多街邊食物都幾難搵得返以前的味道....

日日路經此地，但就偏偏未幫襯過，趁屋企無早餐食，便來試試佢既實力，看他如何能自稱腸粉皇。不要太多，就一份腸粉，盛惠六個大洋。除了辣醬，其他咩都落勻。行幾步返到公司，立即開餐。打開盒蓋，腸粉仍是熱呼呼的，而且還算滑，加上美味的醬汁，收貨了！灣仔區沒太多吃腸粉的選擇，呢間應該係唯一的一間了。

呢間食店可以話係幾出名, 幾乎灣仔區冇人唔識, 但偏偏師傅聽就聽得多, 就係從來都未試過, 因為唔係唔順路呢就係呢度勁多人, 終於今日可以黎左一試!行到埋去唔使排隊, 於是乎師傅要左腸粉加燒賣作為下午茶! 腸粉六蚊雞一碟, 而燒賣就係五蚊一串, 再加混醬即刻有得食!腸粉最緊要就係夠薄夠滑, 而呢度真係叫做做得到, 加上佢d豉油都幾香, 麻醬又幾麻, 甜醬幾甜, 辣醬夠辣, 芝麻又夠香, 撈埋一齊食真係勁好味; 而燒賣都幾靚, 有d魚肉味, 又唔會韌到好似舊膠咁, 咬唔爛, 所以都幾好味!總括黎講呢度腸粉真素都真係掂架, 聞名不如見面, 加上街邊企度食, 又有另一番風味, 令師傅諗番起兒時情景, 所以有機會一定會再黎!

原來老闆仲記得我...記得上次嚟幫襯已經係三年前既事喇，闊別多年，今次買咗腸粉($6)加燒賣($5)做早餐。例牌又係多芝麻走辣，腸粉係比較腍，魚肉燒賣亦一般，不過偶然幫襯一次亦無坊。返到公司發覺d豉油多到成半碗都有，老闆，下次落少d得嫁嘞。

既自稱為腸粉之皇，自信可謂不少。唔試下又點得...都好耐冇試過排隊買嘢食，為的只是一碟腸粉...盛惠六大洋一碟，再來個混醬撈。追加一串燒賣，就企响店旁來個立食...腸粉都算幾滑，但食唔到有豬油味。雖跟合益泰相比還是有點不及，但都算唔錯...魚肉燒賣入面粉嘅淡例不算多，食落都有淡淡魚味，亦算唔錯...但若要小弟再排隊食，咪攪...

早餐吃過它的恣飯$8, 太實少炸菜, 不夠熱不好吃。腸粉$6 唯一好處是不太朔, 記得叫落少些鼓油, 否則多到浸住, 但不太鹹也沒味精。

又來吃腸粉.腸粉+ 燒賣: 8分, 老闆仿似尹光的招牌響亮聲線, 帶來一句早晨. 人龍不短, 都要等一陣先有得食. 小弟攻略係要小小豉油好了, 再加多一點麻同甜醬, 老闆更帶來一句加到你滿意. 落少了豉油, 當然沒有之前吃那樣濕, 雖然米香不夠, 但口感都好好.附近食腸粉都係得佢, 自然會再來.

原來呢間店禁出名, 我成日行過都無唸過要試. 終於上星期五早餐時間試了. $5四條(不會很多的, 放心!) 老闆有禮貌. 我話每樣醬都要少少. 回到公司, 看到好多好多醬, 好似湯禁多. 腸粉無米香味, 醬又無麻醬味, 普通啦! 不過如果我想食腸粉的時候都會選佢.下次試下燒賣先!

係呢到周圍行下,見到呢間野...講起真係好多年未食過.聽日去食下先.講起佢d腸粉..真係小弟平生食過最好食既腸粉.雖然無咩米香,但係五蚊有成個飯合咁多既腸粉..佢d醬酒又係整到好好食既,至於淋唔淋...其實我以前係果頭返工..同個老闆都幾熟一日最少食一次,有時無錢一日食足三次.佢見少腸粉就會放入個熟爐到.但係幾時有客幾時多人,無人會知,所以蒸得耐就會太淋.唔夠時間就會太硬..我仲記得果時..放工晚上9點..叫老闆留定30蚊腸粉成6合咁多....返到屋企比屋企人食..食完人人讚正..不過灣仔咁偏既地方..答MTR又唔係.車小弟又無...真係幾難有機會再去重溫舊夢.不過係果到其他野都唔使試..真係會失望...腸粉一樣就夠

冰冷的早上, 過來這裡外賣. 人幾多, 等了好一會才有得食.腸粉: 7分, 腸粉係比較淋同濕. 口感一般. 當然熱辣辣的腸粉難吃極有限, 不過又不算很出色, 唔係皇的感覺.我的辦公室只在三分鐘路程, 但腸粉已很淋.燒賣: 6分, 細細粒的燒賣, 食落口有點點粉味, 一般.便宜, 但味道唔算好好, 耐人尋味的店名.

咁大個女都係第一次係街邊捧住隻碟食腸粉，今日終於同男友見證了咁有風味的一刻。要了$5蚊腸粉，三條左右，急及待把它放進口，腸粉較硬身，是我喜歡的質感，嗜「淋食」的男友當然嫌硬啦。很可惜腸粉一啲米香味都無，個人認為都係天后蘋果商場間齋舖啲腸粉好食啲。

今日放工經過....估計這裡是腸粉皇..好彩估中..5元腸粉....老闆好有禮...用盒上..服務態度良好我返到西環先食...沒有變到林洒....水準之上..一定有下次

見到咁多人都話好好食,就係今日終於忍唔住去試下.雖然今日係好大雨,而且腸粉皇又離我公司都好遠,但係都難掩我為食既心情,我咁有誠意.....全身濕透既我一打開個蓋....E...真係好似好好味喎..一食落去...好似唔係好得喎..D醬唔得,腸粉D質地又唔得,冇樣好---百"無"..通達食店個D好好多!!!仲有仲有唔記得講..D豆漿=水(有可能淡過水ar)不過,最好都係服務囉~~

佢d腸粉真係真係唔錯ga~我係附近返工~佢早餐仲抵呀! $8 有4條腸粉+ 1支豆漿~(唔係杯杯咁少wor)勁抵食~不過個豆漿就得個甜字...怕肥~