腸粉皇

营业中

休息中

為自己起名叫腸粉皇,對其腸粉出品自當很有信心,但眼見要$7一碟(普遍也只是賣$6),覺得有點貴.但既然這麼有名,亦大膽一試.賣腸粉的男士,應是老闆,落完order後,便問要什麼醬,什麼要多,什麼要少,很純熟.然後指示身邊的女士,怎樣弄.一碟的份量很少,大約是4條吧.跟甜醬,麻醬,豉油,辣醬,芝麻混在一起已較吸引.但原來其腸粉真的十分滑溜,跟平時吃到的差很多.其它地方吃到的腸粉比較厚身和多1-2圈,這裡的感覺比較薄身,可能這樣便可以用少一點時間蒸,亦避免蒸的過火,但箇中原因實在有待考證.這店還有其他小食,價錢都比附近的小食店便宜.如碗仔翅便,魚肉湯等便只賣$7,到那裏找?!老闆態度亦不錯,有一男子看不到人龍便想買,老闆示意他排隊.到那男子的時候,老闆跟他說不好意思,因人手短缺要等一陣子.........看得出老闆很懂生意之道,食物好之餘,也要以禮相待.P.S.即買即食要小心附近有很多小蚊滋

搭車返工果時成日都見到好多人排隊,心諗係咪咁好味呀?前排落灣仔買野經過就買左一碟泥食~7蚊一碟,唔係好多,但又的確幾滑下,D混醬份量岩岩好,唔會太咸或太甜,比起出面小食店呢間好食好多~腸粉皇不愧為腸粉皇~哈哈題外話:我食完之後諗住掉左張紙先比返隻碟佢,點知個老細就話"唔使啦,比我掉得架啦"我當時心諗"今時今日咁既服務態度,讚!"

港島區係我的盲點盲中中咁行過見到大大隻字"腸粉皇"一間好細的店...居然咁叫呢個名而門口又真係有3位食得好好味咁的食客...(星期六的下午~我諗少人食腸粉掛...)then~叫了一碟反正近年都冇好味的腸粉了7蚊一碟...唔算平嫁~份量亦唔係特別多但老細...佢的氣勢~令我食得好開心佢拎垉豉油樽的手勢~好似大廚拎起調味樽喺到轉咁落豉油同甜醬都咁有信心...我諗真係好味吧而且難得的係...佢日日賣...都仲對自己的腸粉咁有感情ma企喺到食~有個碟~上邊有張油紙咁~第一次食~~叫佢正常咁落~走辣only...平時我一定要多麻醬的但今次係第一次~想食佢的真味腸粉~一點都唔痴...唔會痴住紙或者其他腸粉~乾脆入口...一點都唔糊口....吸到醬汁的味軟~滑~豉油係perfect唔太咸太甜...做好左豉油呢個角色而麻醬同埋甜醬算係稀嗰種~似水狀多過醬狀平時我一定會覺得佢唔夠味的了但呢一個情況下...反而配合得很好~~~下個星期經過~一定要再食~哈哈~~~喺附近返工的人真有福

腸粉係一種成日令我心思思想食, 但又好難找到好吃的食物.這裡稱不上PERFECT, 但在無competitor的情況下, 心癮起就唯有到這裡來.為什麼不是perfect? 腸粉太碎, 或太易碎... 對我來說是一大忌.

2008-12-08去annual party 前要打底，自個兒o黎呢度搵食$7，唔知有幾多條啦會自動問你要咩醬，除辣醬外咩都要無俾鹹豉油或者濃花生醬搶o左o的味，好平衡每條腸粉都好滑溜，不過如果有番多o的米香就仲好好有禮貌咁叫我俾番隻碟佢o地就得，驚我整污濁，再加句多謝So Good !

$7一碟腸粉, 份量唔係幾多咋!混醬又真係幾好味, 樣樣都有d味, 幾惹味呀!腸粉ok啦! 係幾滑既...逐碟整, 好長龍, 都要等幾耐下先有得食!

上星期二，放工後走至灣仔 188 閒逛，途中見到腸粉皇門外有一小人龍，於是在附近兜了一圈之後再折返，剛好人流剛過，點了腸粉加燒賣 ($12)。期間聽到老闆招呼另一位客人，客人表示要混醬的，老闆即刻答"係呀，d 度出名混醬，特別係有一個混脹既老細..."自稱為腸粉皇，又能與交加里一眾小食店並存，質素理應不錯，事實上腸粉的確頗滑溜，這是我家樓下街市腸粉檔口沒有的，醬方面份量剛好，食街邊腸粉總是離不開大混集的醬料，區區幾個大洋換來百味交集，確是香港地道小食表表者之一。至於燒賣，只是普普通通，入口便有種"粉"的感覺，還好只是配角吧了 ^~^

近來經常到灣仔看看遊戲的情報，每一次都經過人山人海的這兒。之前已試過，故沒有馬上再吃的衝動。是夜忽然起腸粉癮，而且人不算多，不用排隊，就來一碟吃吃....腸粉份量很多，胃納小一點的女仕們，來一碟就可能夠飽了。質地不算很滑，吃不到像合益泰那樣的豬油香氣，而且豉油下得太多，尤如水浸一般，再好吃的腸粉也會被浪費了....燒賣也好像比上次吃的差了，"粉"的成份極高，對小弟來說，只是在吃有味的麵粉而已....當然，味道不算很難吃，但距離出色的，還差得遠呢

唔覺意行過,見到好多人手上都擰住份腸粉加左好多汁,一向胃食既我,梗系唔會放過好野了,跟住前面既胃食一族叫左個腸粉加燒賣,加埋先十二蚊,再”扣”埋D份量十足既混醬撈埋吃,真系一級棒,吃落腸粉好爽滑,點埋D醬味道岩岩好,燒賣賣相都OK,咬落唔會好幹,QQ地,真系值得推薦.

臨別在即, 小食當然唔可以放過啦, 加上早一排師傅一到下午茶時段就非常肚餓, 所以一離開監房, 第一時間就過黎呢度食番兩串啦! 行到埋去, 例牌嗰兩樣, 腸粉加燒賣, 十二蚊兩食; 腸粉非常滑身, 口感絕佳, 加上混醬份量洽到好處, 豉油唔會過咸, 麻醬夠香, 真係勁香勁好味; 而燒賣都幾靚, 有魚肉味, 又唔會太韌咬唔到咁, 一串有五粒, 都算好味抵食呀!總括黎講呢度腸粉質素真係好好味, 企街嘅感覺又真係好過癮喎; 不過可惜再黎機會唔大, 唔係因為食物唔掂, 而係師傅將會絕跡此區, 還望呢間食店能吸引師傅再度光顧啦, 笑臉點走得甩!

金融海嘨,身家大縮水....看來又要找一些平又好味的午餐過日子了 來到這見好多一立食,又或排隊.今次終一試.要了共12元的燒賣加腸粉食混醬. 粉夠滑,夠油夠味...係無菜食.

師傅都好耐冇食過街邊小食, 難得前日早左少少離開監房, 加上又好肚餓, 於是就決定黎呢度食少少野啦!行到埋去第一時間就叫左腸粉加燒賣, 腸粉加左價, 七蚊雞一碟, 而燒賣就係五蚊一串, 再要混醬撈埋即食! 腸粉依然好滑, 口感一流, 而混醬份量又唔會過量, 洽到好處, 勁香勁好味, 而燒賣都幾靚, 有d魚肉味, 咬口又唔會過韌, 好好味呀!總括黎講呢度腸粉質素真係好好味, 唔知點解企喺街邊度食, 又好似特別好味d; 師傅覺得灣仔區街邊小食, 呢檔腸粉皇都算有d水準, 所以笑臉值得一比, 下次一定會再黎!

籌劃已久的灣仔掃街大計，終於可以實行! 聯同i am hungry、miss愛將同多米力喺集成大基地集合後，就齊齊進行第一個計畫 -- 掃「皇」行動。其實以前經過此店已好多次，大大的黃色招牌，大大隻字稱自己為皇，招搖非常。雖則係「黃色招牌」，但賣的係正正經經的豬腸粉和各類小食。其實之前曾經外賣過餈飯返公司當下午茶，係一舊扁扁的怪餈飯。個餈飯太林，飯唔煙韌，肉鬆同油炸鬼亦完全濕晒，但可能係因為之後翻叮所以不能作準。但即使唔林，本身料亦唔多，唔夠多榨菜，油炸鬼唔夠香。返去當日嘅行動，我地四個人叫左一碟腸粉($6)同燒賣($5)share。腸粉份量好少，我地話咁快就食晒。腸粉非常之滑，入口唔錯。但醬汁就略為遜色，已經講左多麻醬但仍然唔太食到麻醬嘅香味。小弟係鐘意食辣之人，但總覺得腸粉加辣醬有D怪，好似蓋過左麻醬同甜醬的香味，但依個當然唔係佢嘅錯，只怪一早冇叫佢唔好加。燒賣十分普通，但其實只食左一粒又真係冇嗒真D味。任務完成。結論係腸粉不錯，但未致於稱皇。只係灣仔一帶冇太多對手...不過喺附近嘅話，唻食下當小食都係不錯之選。（因為相機壞左的關係，有部份相係用手機拍下，質素好差，請多多包容）

以前係個頭返工, 差唔多日日飲佢做早餐d 腸粉好有米香, 仲好滑我鐘意係麻醬+多芝麻+辣蕉豉油..... 真係諗起都想再食

跟親愛的係摩利游完水, 經過這裡買了腸粉, 吃下去幾滑溜的咬下去好軟熟, 腸粉皮夠薄雖然自已本身喜好麻醬, 不過親愛的麻麻所以麻醬下的份量少了點, 甜味搶左d不過腸粉本身質素係幾okay的!