脆意雞 (已結業)

天氣熱想食香口野又唔想kfc就叫左惹味烤雞（辣）外賣，得個咸字，冇辣味，唔會再幫襯，kfc都好食過佢，至少kfc我未試過想退錢，一入口已咸到頂唔順。我下午茶時段叫，賣左幾個鐘都冇人講太咸定店員我行我素？

前幾日見到其他討論區嘅食評所以上嚟試吓~叫咗個＄130嘅套餐一個迷你BBQ Pizza三件炸雞同埋一個墨西哥辣肉醬焗飯迷你6吋pizza~Pizza厚得黎好鬆軟而且一啲都唔油膩,個邊邊仲好脆好香口～炸雞件～本人是個炸雞迷～最討厭啲炸雞肉入面有一浸腥味,一係就雞肉質量唔好一係就解凍唔夠(好似KFX個d咁..) ,而呢隻炸雞件一啲腥味都冇而且外皮炸得好鬆脆味道就非常好不過單調左少少可以落多啲唔同調味料或者出唔同口味嘅炸雞件～

星期五最好係叫外賣。。 唔洗煮可以休下。。 成日食大集團pizza，所以今次試下鋪頭仔。。 今次有我。。 阿媽。。家姐一齊食。。 由於大家姐食量細。。所以叫左個大胃王A餐。。 有一個普通批（特色燒烤bbq pizza）。。 一個小食/飯（我地揀左檸檬蜜糖雞翼）。。 三件炸雞。。 三罐汽水。。另外加左個黃金脆脆雞棒棒。。個pizza好足料，邊邊位都夠脆。。同平時大集團果d普通批差唔多大。。 我地3個人都食淨一塊。。 檸檬蜜糖雞翼個味比較淡，不過好在唔油。。 又唔算細隻，但係入面無紅色（因為個人黎講好怕食到d肉仲有少少紅）炸雞正。。不過唔記得影相。。。。。。 好脆。。同大集團炸雞做法唔同。。好脆唔油，d肉又好滑。。 仲要都幾大件。。連阿媽都話正。。 另外加果個雞棒棒好得意。。外面似係糯米飯，包住雞肉棒，有少少辣。。 脆脆地，但係又幾煙韌，口感唔錯。。好彩叫左黎試下。。估唔到幾好味~~~~~~~ 下次都應該會再叫。。仲要個外賣哥哥都幾靚仔

下午茶一小食+一迷你飯只係$33，相當抵食黑椒汁都有芝士，係意外驚喜~汁真係好重黑椒，幾辣~牛脷雖然好稔，有膻香，但就冇乜調味，白恰咁。配汁嘅話還是可接受的。配小食拼盤。相當豐富，不過已比以前少咗薯角。pizza厚身，但好脆口。pizza皮唔太鹹，幾啱我口味~配料亦好足。不過pizza toppings間間大同小異，都係用皮分高下。多料羅宋湯，夠晒酸。之前飲過凍飲，佢哋唔太識沖，超淡，只有檸茶見得人……建議揀湯/汽水6pm前下午茶

卡邦尼焗鴨胸：上面好食，下面一食尤如粥，幸好，職員換縲絲，挽回分數！小食：薯角，脆口。春卷咖喱角，不過不失。飲品：跟餐一杯，汽水自由取一權。以上承恵31元正！餐廳內有水，芝士粉等醬料自由取用。

$24食到下午茶，有兩個小食，同埋一杯野飲，係呢個時勢，真係算好抵食！！蒜容包熱辣辣，包身好香脆，上面嘅蒜容芝士經過烤焗之後，味道非常吸引，同香脆嘅包身相當合拍; 蜜糖雞翼亦同樣係誠意之作，雞肉鮮嫰，完全無任何雪藏嘅味道，蜜糖嘅甜味亦適中，太甜嘅話會食唔到烤雞翼嘅香味，太淡嘅又會淡而無味，但係呢度嘅味道啱啱好！

115 蚊二人套餐9吋Pizza 小食一客两個湯/汽水其實我食過幾次，得炸雞係好好味，其他小食都一般！炸雞真係炸得好出色，好似KFC 辣雞既外層，內雞肉就十分入味又多汁。Pizza 我就點了價錢最貴既“環遊世界“ 好似著數啲嗎！今次個批焗得好好味！好脆唔硬！115咁多野食，我諗呢個價在“Pizza 乞“買到一個批仔炸！好多都係街坊，好親民呀！

有時吃飯也不一定要吃大牌子、連鎖店，試試走到周邊尋找一下美食。張誇放工搭巴士常常會經過這間Pizzapie，由於以前有過Pizzabox的經驗所以初初還是對Pizzapie有點保留，雖然有時會駐足觀看，但沒有嘗試的心這天獨個兒吃飯，難得見到Pizzapie有空位（平時都坐得滿滿的啊），相信差極有限吧。餐廳除了可散買Pizza外，也有套餐可買，價錢3、40元不等見到34元已經有一杯飲品、一塊Pizza和一個意粉，這價錢實在比Pizza hut便宜得多張誇已很久沒吃過Pizza，Pizza癮頓時發作，毫不猶疑便點了這個34元套餐。^鮮明奪目易認的門面。^小店格局，店員都親切有禮，有一位戴眼鏡的女店員更會主動收碟。即磨咖啡：咖啡並不是很靚，蒸餾咖啡的味道，較淡但toasty味重。難得的是竟然肯用coffee cream，大如Pizza hut或Spagetti house都只是用奶而已。是日Pizza（Tomato Sauce、Pineapple、Ham）：雖然用料普通，但烤得相當脆而鬆化，且沒有烤焦，十分驚喜。肉醬意粉：誠意之作。芝士味道不太出，但肉醬挺多，混著意粉吃也不會太寡，而表面烤焗

一月一號新既一年夜晚去左朋友屋企慶祝,朋友介紹呢間脆意雞。。。。因為食開pizzahut ,phd,轉下第二間咁話喎!點不知最後中左伏 !叫左個大胃a餐,158蚊,有環遊世界普通批,三件炸雞,海鮮闊條麵,湯x3等左一陣送到上嚟我地梗係即刻食啦!一拆開。。。。。。咦,個批唔熱嘅 算啦,都叫暖暖地,大家當屈就下照食。。。。。一咬。。。。。批邊冧止止。。。。唔脆嘅,好似食緊柿餅咁 。。十分難食!!當我正想大叫中伏之際。。。諗諗下。。。。唉算啦。。。話明脆意雞,啲雞應該係主打,食雞一定無事啦呱!於是我同另外兩個朋友每人一隻凍雞。。。一食。。。。。。。鹹。。。。真係鹹到到無朋友!正當我想爆粗之際 。。。。。諗諗下。。。。唉算啦,都唔止我一個中伏,仲有兩個朋友一齊中。。。。。好啦,仲有個海鮮闊條麵,十分難食好彩最後個女仔朋友猜輸左,要一個人食哂佢 唉算啦,淨返個罐頭味羅宋湯叫正常少少。。。總結。。。。脆意雞既批難食過phd,啲炸雞又難食過kfc,個闊麵難食過街邊!我同朋友以後都唔會再幫襯!

某次，弟弟在筲箕灣新開張不久的脆意雞外賣了兩人套餐。我們三人齊分享後，不禁異口同聲地說：嘩﹗d炸雞肉嫩多汁香口，水準遠勝於炸雞一哥KFC喎。據資料搜集所得，「Pizzapie 脆意雞」是本地品牌，與「Cheese Pizza芝脆雞」是姐妹店，在香港擁有19間分店，主打意式薄餅及香脆多汁炸雞。今日，小妹忙裏偷閒，決定慰勞一下自己，獎自己一個輕便下午茶餐。小妹約5:45p.m. 抵達小店，見店內無客，小妹悠然拍照及詳閱餐牌，再推門而入。落單過程中，足見年青店員姐姐仔態度有禮、笑容可掬和服務熱誠，讓小妹感覺良好。滿意地在近玻璃門的3號枱坐下，等候店員送餐，並環視店內環境。收銀處後面是廚房，左邊則放置汽水機，全店僅30個座位，有6張4人枱和3張2人枱。門口擺放了六七張椅子，讓繁忙時段客人等候時可稍作休息之用，頗為細心。店子裝修以實用簡潔為主，沒有多餘的擺設。此時，陸續有食客光顧，有的堂食，有的外賣。約2-3分鐘，店員送上炸到金黃色、脆卜卜而香味撲鼻的招牌炸雞和香噴噴的茄醬底豬肉菠蘿粟米Pizza。單憑外表及香氣，已知兩款小食水準不俗，不會過硬或過凍。炸雞髀中等size，外層鋪著厚度適中而香酥脆