脆意雞 (已結業)

踏入倒數階段，依依不捨，繼續大力支持！係所有野加價同時，佢地都加，但加完都比大財團平好多，而且真心好食好多；不過知佢地堅持左好耐，而且仲不斷作新品，真的感動，之後只有思想上回味。希望佢地有機會再創新天地！話說回來，今次叫左2-3人餐，外送自居劃一價$188；吞拿魚pizza，芝士鴨胸意粉，2件炸雞，蒜茸包另加一件炸雞，及北海道男爵薯餅共$245Pizza大厚批，足料，好有咬口，唔會乾晒，有水準芝士鴨胸意粉濃陏，焗出來唔算金黃，但意粉質感合到好處，鴨胸亦唔會太肥炸雞香脆，入面唔會乾晒，但留到肉汁及原味以法包做蒜茸包，比較香脆另加的男爵薯餅，是條狀，外脆內軟，非常出色

是晚18:00用電話嗌50/50雙拼批，落鋪自取仲有九折，預20分鐘左右出爐，店主態度正常，重點係真係又平又大份！此良心小店的雙拼批熱辣辣之餘，每款四件亦料頭十足，不論BBQ雞肉和千島海鮮餡都堆到好高好飽滿，而且醬汁濃度剛剛好 ，唔會死咸。食完無太口乾的感覺家人食量唔大，我都唔敢嗌餐，淨pizza一人食晒兩款味道確實好滿足 ，可惜我食到中途先記得要拍照，如果拍全相就好震撼，家人都話比連鎖店更好味，充滿新鮮感的一餐。

又到筲箕灣工作，今次決定行遠啲，試下脆意雞。聽聞呢度炸雞同 pizza 最出名，不過一支公點食得哂吖，於是安安份份叫個午餐就算。先來個粟米忌廉湯，口感非常稠，粟米味好濃，好甜，唔錯。紅酒汁牛脷蘑菇焗飯最突出嘅係紅酒味，芝士，蕃茄，洋蔥，甚至乎牛脷嘅味道反而就唔算濃，個飯畀人嘅感覺就淡口咗少少。食完成個餐，意猶未盡，加十二蚊叫多件 cheese cake，件 cake 比想像中大份，口感綿密，芝士味濃郁，好食。

大胃D餐 6-8人party $394 （自取）🚩 兩個九吋pizza 🍕 啖啖肉同埋千島海鮮超級夠料同厚批推介啖啖肉pizza😊🥰🚩 炸雞六件 外皮香脆 但係做到入邊雞肉係Juice比起KFC嘅炸雞淡味少少🤏不過屋企人表示好食🤪🤪🚩 卡邦尼火腿焗意粉 海鮮焗飯正常發揮🚩 小食拼盤有雞翼麥樂雞春卷咖喱角正常發揮🚩 兩個羅宋湯四個忌廉湯忌廉湯其實係粟米湯嚟㗎😂😂總結時間🥰外賣都可以食到好嘢😋😍豐富嘅六人餐 表示好滿足❤️攞嚟開party啱曬😍😍

💛今日初三，情人節，冇嘢做，又唔想叫連鎖店嘅食物，所以嚟試一下呢間黃店。叫咗一個大胃B餐，有12吋pizza，兩款食品，及飲品。總共$235+10%，因為新年要加一，所以平時食會好抵食。千島海鮮pizza🍕，個Pizza料好足，比連鎖店嘅豐富。佢個Pizza餅，會比較厚及有少少硬，味道是可以的。叫咗四件炸雞🍗，個炸雞好大塊，炸皮唔算好厚，裏面啲雞肉都算嫩滑，味道唔錯。下次可以再叫。另外叫咗招牌肉醬意粉🍝，又係啲料好足，味道唔錯。不過佢個意粉比較淋，如果煮嘅時間少番啲，會比較好食。今次叫做四個羅宋湯🍲，味道可以。佢哋呢款餐，唔要飲品或湯，可以叫個蒜蓉包，下次要試吓。整體上佢哋啲食物，味道唔錯，一定會再幫襯。但係有個問題，我6:15叫外賣，結果等了一個鐘頭又十五分鐘先攞到餐🙁，唔知係咪因為唔夠Pizza焗爐，佢哋啲Pizza出得比較慢，我坐喺度咁耐，平均十幾分鐘先有一個Pizza出嚟。如果舖頭坐滿客人，真係唔知點算。其實佢哋啲食物幾好👍🏼，可以諗吓點樣改善呢一方面嘅問題😉。

筲箕灣PIZZA及炸雞黃店 - 大胃A餐 (三人食用)   196元  (自取外賣   等20分鐘左右)環遊世界薄餅   4/5分1. 配料夠多,幾乎是餐單選擇中最吸引及受歡迎的薄餅2. 有肉有椒有水果,鋪滿表層之上,非常豐富3. 竟然是厚批(不需要加錢,亦不用選擇),新鮮出爐好食,共有6片,3個人分則剛剛好烤雞(不辣) X3件 4.6/5分聞說是此店評分最高的作品,所以我就同時點了炸雞及烤雞而不選擇意粉/飯類。我相信辣會更好食,因為不辣的烤雞的味道被甜酸醬覆蓋,但不失為頗高質的烤雞~忌廉栗米湯  X3碗   3/5分相對平淡的湯,只是不想選汽水而全選,不作多評了炸雞  X3件    4.2/5分2隻脾及1件雞胸,取單時超級熱,拿回家後仍然溫暖,入口夠脆,如果有醬汁就更完美(例如茄汁)200元有這種質素的PIZZA及炸雞相當難得,平均每位70元有找吃得飽(飲品自己再買更便宜)~全部都是即叫即做,非常多人打電話先叫外賣及取貨,堂食較少,我好支持大家來試這間有質素的黃店,一定比HUT或BOX或博士優勝。

好耐都冇食過Pizza ！之前約咗朋友專登去咗筲箕灣呢間良心小店食Pizza！Pizza上黎講真係有驚喜！overall我覺得得都值8分！Pizza專登叫咗兩款味道，可以試多啲唔同嘅！分別係啖啖肉同特色BBQ！Pizza食落口味道好香，而且好脆！不過外表望落去就未必分到兩隻味嘅分別🤣另外我哋都叫咗一個芝士蒜蓉包，不過啲芝士有啲搶咗蒜蓉包嘅味，有少少失望！但就做到好鬆脆嘅口感！建議大家可以揀返蒜蓉口味就可以！作為一個雞翼控，點可以唔試佢哋嘅香辣雞翼！不過可能因為本身叫嘅嘢食都有啲濟，所以炸雞方面，外面啲炸粉會食到好飽同蓋過醃雞翼嘅味道。最後係需要滅晒啲炸粉黎食🤣最後跟餐送嘅炸雞好脆好juicy!!!絕對係可以 encore!!PS餐廳嘅環境就唔算好fancy，唔好expect好似啲連鎖pizza店咁

疫情期間冇得堂食，兩人嗌左三人餐返去食。味道一般60分，外賣等較耐，係門店等左起碼半個鐘。.🔷三人套餐A ($180).🔸忌廉湯有啲粟米，稠稠地，但淡味。.🔸惹味烤雞(辣味)⭐️呢個餐入面最好食嘅一樣嘢！夠熱，肉質剛剛好，算滑，皮香，佈滿泰式辣醬，少少辣。.🔸墨西哥香辣pizza洋蔥，蕃茄，辣肉腸，墨西哥辣椒，牛肉。有好多辣椒，好辣，餅皮較乾，質感似麵包。.🔸咖喱雞焗飯似印度嗰種咖喱，香料味重，冇咁易入口。

25min wait for a large Mexican pizza, ordered t takeaway. Had to chase it up after sitting for 20mins. Ok.But they missed off the pepperoni from the pizza! I double checked their menu online - yep - definitely missed off.What the. Anyway, pizza was fine. Is a basic homemade - style pizza. Not bad, not great, just a quick homemade style pizza. Dough a little basic for me but that might be personal taste. Don’t mess up the order guys.... thanks

🔎脆意雞 (筲箕灣) 💛 📍筲箕灣筲箕灣道273號地舖-🔹是日套餐：肉醬燴意粉 $41可轉螺絲粉或長通粉 配餐湯或飲品（凍飲＋$2）突然想食螺絲粉就轉左黎試下 正正常常無特別重點係個炸雞到 加$9可配一款小食 加左一件炸雞 好味喎 皮薄又脆 完全唔油膩 對於唔飲汽水嘅我嚟講食呢啲Pizza炸雞有檸茶飲實在太好🔹開心套餐 $45今次唔想食意粉 懶得揀就試左個套餐包一件Pizza、一件炸雞、薯角、雞寶2件、餐湯/汽水炸雞試過幾好味所以再加左$9要多件不過加埋就對於唔大食嘅我嚟講太多啦😹😂極高卡路里增肥餐就試下好啦 呢個配搭略為Dry左啲 🍴搵返相關地區👉🏻 #90sfoodieshare_筲箕灣#食在筲箕灣

住筲箕灣，西灣河一帶既朋友都應該唔會未聽過佢地既炸雞係出名既，但我地個日都無叫，因為我地隨時想食都可以再去食XDPizza好味，個辣肉醬同個飯有少少唔同，可能因為個底? 唔緊要，我當佢唔同，有心思XD個海鮮闊條麵呢，問心都真係無幾多做得好食過某大型連鎖店，但個間而家都唔多食囉就唯有繼續搵下有邊間可以取代到佢~個湯飲落唔罐頭二人套餐 $1356吋自選pizza (墨西哥香辣)海鮮闊條麵墨西哥辣肉醬飯汽水珍寶蝦棒棒 $15

筲箕灣的街坊想食炸雞一定會立刻諗起這一間外牆藍色但係超級黃的炸雞店，除左炸雞，仲有薄餅選擇。今次叫左個下午茶set入面有炸雞、薄餅、薯角，仲包汽水或者湯。炸雞啱啱炸，外脆內軟，熱辣辣肉汁豐富，薄餅薯角不過不失，食完炸雞再飲一罐汽水，超級正！

📍 脆意雞 🎗📍 筲箕灣 • 筲箕灣道273號地舖位於柴灣的《脆意雞》，店面/裝潢普通，卻吸引了不少人流，吃完了以後終於知道為什麼！😋點了一個三人餐，人均$60，卻吃得飽飽，性價比有夠高！三人A餐 ($180)• 普通批 x 1• 意粉/焗飯/小食/炸雞/百里香燒豬排骨 x 2• 飲品/餐湯 x 3香草烤雞 (普通批)- 蘑菇、雞肉、雞蛋普通批，三個女孩分吃都足夠！比薩的厚度挺厚的，邊皮脆脆的，口感豐富🍕不知道為什麼會配雞蛋，難道這是親子比薩？！🐣🥚和風拼盤 (燒八爪魚丸/三文魚麥樂雞/男爵薯餅 各3件)雜菌露荀長通粉餐湯可選玉米忌廉湯/羅宋湯，沒有拍照，但味道也不錯的。-Menu:

嚟到五一黃金周嘅最後一日，當然要繼續幫襯敢於發聲嘅本土小店啦！今日終於有機會食到位於筲箕灣嘅脆意雞，雖然冇一般連鎖薄餅店做得咁有規模，但係竟然做得出平靚正嘅高水準！今日下晝呢就叫咗個午餐，兩個人食：一個夏威夷風情薄餅、一碟白汁蘑菇煙肉意粉，薄餅夠晒趣脆餘亦都落足料，上菜時熱辣辣、脆卜卜，一啲都唔失禮。意粉方面，白汁又唔會太鹹，分量亦都適中。至於價錢，今餐都只不過食咗每人大約$50，比起出邊要叫連鎖店嘅薄餅，簡直係物有所值。下次想食薄餅嘅朋友不妨諗吓呢間

又到口痕嘅時侯，下午茶有兩個menu，意粉+小食($39)，或者兩個小食($32)，因為唔係好肚餓，叫個小食餐就夠。餐牌大概有9-10款小食，我揀左蜜糖雞翼同脆薯王，嘢飲轉做紅湯，拎到返屋企仲熱辣辣🤤，紅湯多香濃，多雜菜; 雞翼有3隻，好香好Juicy，薯王大大條，炸得好香口，呢餐雖然都好邪惡，但$32真係好抵食👍🏼👍🏼👍🏼惟一就係等得耐左少少，不過見佢生意好好，人手唔夠(一個人要負責晒落單、傳菜、聽電話，叫打包外賣🙈)，小本經營值得支持❤️